|
اقتباس:
جزاك الله خير وجعله في ميزان حسناتك المقبووول كلامكم على العين والراس ولكن هالمرة بالذات انا مو غلطانة انا ابيك تسمع اسلوبه كيف كلمني ولو كنت معي بالمطار وانت غريب عني يمكن تغار على اختك في الله اسلوبه مرة كان زفت لدرجة اني استحيت قدام الناس وتراني مارديت عليه باول سؤالين لدرجة ان زميله قاله وشفيك يابو الشباب معصب هدي قلت له ياخوي وراك تكلمني بهالاسلوب تراني مو عاملة انا زوجة مواطن قالي العاملة مالها قيمة عندنا بالسعودية هنا عرفت انه خبيث قلت اصلا مو من حقك تسالني هالاسئلة وهذا مو وظيفتك وظيفتك تختم جوازي وانتهى لمن جا زوجي وكلمه بهدووء بدا يرفع صوته اكثر واكثر وقال والله لو مو زوجة مواطن كان تصرفت معها تصرف اخر وحسيته بدا يتقرب من وجهي لنفرررض اني غلطانة مثلا يقوم زوجي يوقفه عند حده ويروح يشتكي على رئيسه ويتفاهم معي انا اعترف بغلطي دايما لا صرت غلطانة ولكن هالمرة بالذات ماني غلطانة امي قالت انا كبيرة ولو كلمني بهالاسلوب صقعته كف المشكلة مو بالاسئلة فرضا لو من حقه لكن الاسلوب ورفع الصوووت والله بعد مادخلت جوا للصالة كل الناس جاوني وقالو معك حق وتراه جلف زود على هذا اول ماوصلت قالي تروحين بغضبي وسخط من الله عليك وان ثقته تزعزت فيني لاجل رفع الصوت وش هذا ياعالم عموما ياخوي عابر انا بس حبيت ارد عليك احتراما لتسجيلك والا انا خلاص انهيت المووضوع واسال الله ان كان هذا الرجل فيه خير لي الله يسخره لي واذا كان شر لي الله يبعده عني وربي يجزاك خير الجزاء |
اقتباس:
ووسامحيني ثقلت عليك بالمسؤولية لانك فعلا فهمتيني وحسيتي بي لهذا تعلق قلبي بك اول مشكلة عندي مع زوجي هي صمته القاتل وقت انا ماكون بجد الحاجة له ان يكلمني ويهديني وياخذ بيدي تجاهله لي ولمشاعري عندما ابين له اني لا استطيع العيش بدونه لا اسمع منه مجاملة ولا ثني علي بالكلام عشان اعطي واعطي اكثر كل شى عنده عادي نادر جدا مايبادر هو بالعلاقة الحميمة فانا دائما الي اطلب والي يخليني ابادر انا عشاني مو عايشة معه واقول استغل الوقت مع زوجي واشبع منه والا ترى الوضع بيكون غير لو كنا مستقرين فهي اشباااع لنفس اكثر من شهوة ورغبة لهذا الشى كثر طلاقه وتحريمه لي بوقت الزعل ..لايعبر لي عن مشاعره حتى وان كان يحبني وهذا لم يكن من صفاته لا اشعر بالامان معه عندما احس انه غامض لابد الحدود يعني مثلا لو كان يعبرلي عن مشاعره ويقولي تراني احبك او اقل شى يبين لي زعله بوقت سفري واشتياقه لي بعد غيابي كان والله نفسيتي استقرت سخطه علي بدون وجه حق وهذه مو اول مرى يسخط علي يمكن لو يشتد بينا الحديث او نتعمق يقول الله يسخط عليك انا اخذ الرضا من امي وهو يسخط علي واخر شى قال ثقته فيني تزعزعت لاجل رفع الصوت قلت له يعني تتوقع اني ممكن اخونك؟ قال ماعرف!!!!!! حسيت ان كل احساس حب وعذاب حرقت نفسي عشانه انه مايستاهله |
الحينوقتك انك تجري زوجك لناحيتك موتنفرينه منك زوجك هذا طبعه ماراح يتغير فلواجب انتي تتغيرين لانه على وضعكم كذا الحياه بتمون مررررررررررره صعبه وجافه وبعدها انسي زوجك افتحي صفحه جديده مع نفسك او بعدين مع زوجك ارضي نفسك وريحيها لاتوجعين راسك بلماشكل اللي عن جد مالها داعي غيري من نفسك عيشي حياتك الرجال مو كل شي اذا جاك اكرميه واسعديه واذاراح ودعيه بابتسامه وعيشي حياتك لان حياتك مو واقفه عليه ادرسي اشتغلي اي شي سويه بس التهي بنفسك وخليذكراك عند زوجك طيبه الله يصفي القلوب
|
اقتباس:
ياعمري مافي مشكلة يسالني بس افهميني والله ثم والله ان اسلوبه زفت ولو على الاقل مارفع صوته قدام الناس كان طنشت ورحت صح ان رفع صوت الحرمة ماهو كويس بس انا لا سبيته ولا شى قلت له تكلم معي باسلوب كويس وفعلا انا كنت متوترة قبل لا اسافر اولا حجز لي الفجر والوقت ماكان مناسب يعني طلع من الدوام ثمان بالليل رجت معه شريت اغراض وصلنا البيت عشر لميت اغراضي بسرعة لا شبعت منه ولا كان في وقت نسولف فيه او يطيب خاطري بكلمتين قبل لا اسافر والي رفع ضغطي اكثر حجز لي على الخطوط الفرنسية اكرررهها لما فيها من خطوط وانا عندي فوبيا من الطيران رغم اني طول حياتي سفر بس سبحان الله ارتاح بالخطوط السعودية لما فيها من دعاء السفر وقران السالفة نفسية يام سلطان وانا بالطيارة والله طول الرحلة ارتجف لين جات المضيفة وعطتني حبة مدري منوم ولا مدري وش المصيبة طوول الرحلة وانا مرفعة ووحدة جنبي تغطيني لاني كنت حاسة ببرد شديد بجسمي انا قد صارلي هالشى مع طليقي وجا مرة واحد من الجوازات سالني جاله صرخ بوجهه وقاله اصلا من انت حتى تسالها وتقولها وين زوجك وقالي اي احد من الجوازات يسالك اسئلة خارجة عن وظيفته قولي مو شغلك وفعلا عليهم اسئلة غريبة صدقيني يام سلطان واخر شى قالي لو كان رقمك لا ترفعين صوتك تعالي قولي لي وانا اتصرف انا ماقلت يضارب معه بس على الاقل يرفع من شاني عنده والي قهرني انه راعي الجوازات لمن جا زوجي كذب وقال والله ماقلت لها شى هنا انا ثارت اعصابي وانا عارفة زوجي بيصدقه ولا يصدقني انا وخااصا انه يشتكي من رفع صوتي معه وبيقول معه حق بس والله العظيم انه ظلمني ام سلطان انا قرررت اغير حياتي بكل مايعنيه التغير وحسيت ان الحب والتعلق هو سبب تلف اعصابي وعدم سيطرتي على نفسي صدقيني ماكنت كذااا ولكن خضت تجربة طبيت فيها على راسي وغطست ولا عرفت اطلع على سطح المويا الحب مانفعني والتعلق مانفعني ..وعرفت ان الله حق ومن يتعلق بغير الله فلن يجد راحة ولا طمئنينة راح اعيش معه بود واحترام واترك مشاعري وحبي لاطفالي ولن يكون بقلبي بعد الي صار سوى حب الله فانا استودعت قلبي عنك مقلب المقلووووب انا انسانة محرمة مثل ماقال عني زمان قال انتي محرومة الله لايحرمنا لهذا لن يكون بقلبي سوى حبي لربي والله سبحانه وتعالى هو الي بيعوض حرماني ويسخر لي كل شى تخيلي وووحدة فقيرررة كانت تشتغل بشركة احد اقاربنا وبعدها طلعت من الشركة وتزوجت وطاح حظها بالزواج وجابت بنت..وانقطعت اخبارها عني لاني كنت احن عليها وهي يتمية الاب والام ومقطوووعة من عرق الشجرة...وكنت دايم اقووول لزوجي نفسي اعرف اخبارها لدرجة اني مرة بمكه دعيت لها وقلت يارب تسهل لها اموورها وتهون عليها عبئ الحياة ررربك الكريم القادر على كل شى تدق علي وحدة وتقووول تراها تزوجت بلندن وتزوجت ووواحد بريطاني واسلم ومن اغنى الاغنياء وشال بنتها وعااايشة الان بقصرررررررررررررررررررر اوول ماحصلت على رقمها دقيت وخنقتني العبرررة قااااااااااالت لي يافلانة مو كنت اقووولك ان الله رحيم بعباده وتخيلي حتى ماهي صغيرة بالسن كبيرة يمكن حووول 37 سنة ولكن الله احسن خاتمتها بكل شى صدقيني ارتحت وانشرح صدري وقلت ان ربي قادر على كل شى ويمكن سبب تعاستي بالحياة هي اني علقت قلبي ببشر ولم اعلقه بالله راح اسكر الموضوع ياغلى الناس والعذر والسموحة منكم واسال الله اسال الله اسال الله رب العرش العظيم ان يجمعني فيكم بالجنة وانا مسامحة كل الناس واولهم ضرتي |
اشكر كل من شاركني بموضوعي وساندني وجعل الله ماتكتبون في ميزان حسناتكم
اتمنى من الادارة غلق الموضوع والسموحة على ازعاجكم فلم تعد تهمني على الحلول على قد ماصار يهمني ان اهتم بنفسي واغير حياتي فابشركم ان قلبي مع الله وتعلق به ولم يعد يملكه بشررر فاذا لم احبب نفسي واقدرها واعطيها حقها اولا فلن اجد هناك من يقدرها فكل احساس لذاتي راح يستوعبه اي بشر فقرررت ان احب نفسي واعلق قلبي بربي استودعكم الله الذي لا تضيع ودائعه وجمعني واياكم بجنات النعيم |
| الساعة الآن 08:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©