|
رد : ماهو وضع الأطفال بعد الطلاق ارجوا المشار
انا ما اتوقع كره في اطفالها بس هي عارفة انه مصلحتهم معاك
الفترة اللي قبل الطلاق كانت ضايعه بين مدارسهم وامكن كانت تتعرض لضغوطات من اهلها الله يهديها ويصلحها ويردها لعقلها |
رد : ماهو وضع الأطفال بعد الطلاق ارجوا المشار
فرج الله همك لعل الله يحدث بعد ذالك امرا
|
رد : ماهو وضع الأطفال بعد الطلاق ارجوا المشار
حزنت من خبر الطلاق
الطلاق تشتت وحرمان وذكريات ما تنسى بين زوجين خصوصا بوجود الأطفال كان الله في عونك اخي الكريم والله يعوضك بزوجة صالحة ويعوضها هي كذلك |
رد : ماهو وضع الأطفال بعد الطلاق ارجوا المشار
صار اللي صار
وانت الله يجزاك خير ويبيض وجهك ويوفقك دنيا وآخره، رجل هادئ وصبور وقوي وانا ارى ان قرارك الاخير في محله ولابد منه ومع الايام راح تندم زوجتك ندم شديد وبتشوووف وتذكر كلامي.. انت رجل نادر.. |
رد : ماهو وضع الأطفال بعد الطلاق ارجوا المشار
بسم الله الرحمن الرحيم
امس حصل سوء تفاهم مع اهل زوجتي واتوقع انهم فهمونا غلط وفسروا الاحداث على مزاجهم كانوا يتصلون علي نبي العيال احنا عند الباب اقولهم ماحنا موجودين طالعين كلمونا قبل تجون بيوم ثاني يوم يدقون الباب البيت ويطلع الوالد نبي العيال يقول مو موجودين كنا بالسوق اتقضى ملابس للعيال وكلمني الوالد وقلت له اني قلت لهم يتصلون قبلها بيوم نجهزهم وشو هم قواطي خذ وامش مايصير ثالث يوم اللي هو امس دقوا باب البيت وطلعت انا ولقيت اخوها هذا الصغير في الثانوي يدرس معه ام زوجتي قال نبي العيال قلت مو موجودين طالعين مع اهلي ويدفني يبي يدخل البيت ؟؟ قلت خير اختي بالبيت وتدف الباب بتدخل وطردته واشوته برا البيت قلت استح على وجهك تبون العيال حددوا يوم هذا البيت بيتي وله حرمته مايحق لك تدف الباب وتدخل فجاه داخل استراحه انت قال عيال اختي بشوفهم غصب عليك قلت فيه قانون مو بلطجيه انقلع لااشوفك جاي هنا نزلت خالتي ام زوجتي وسلمت وسلمت عليها وحبيت راسها وقلت لها والله مو موجودين تدخلين تشوفين بنفسك حياك الله بس هالخسيس لايدخل بيتي ينجسه وهذا مو اسلوب خلوه يتربى ويتأدب رد انا متربي قبل اعرفك وانت احمد ربك اننا عطيناك اختي يالوصخ ويا ويا ويا طلعت مانت كفو وانت ماتطول نسبنا ومن هالكلام اللي يسم البدن قلت احترم نفسك انا متزوج اختك وانت بزر عمرك 10 سنين واجيب لك حلاوة تمصها قال والله لا امص دمك واوريك وامه تقوله خلاص يافلان اسكت خلاص رح للسيارة واسكت وسألتني ليه تسوي كذا يابو فلان حرام عليك تحرم العيال من امهم الله يهديك مايرضي ربك هالشئ وانت رجال مصلي مسمي ونعرفك تعرف الاصول والواجب قلت لخالتي بتاخذون العيال حياكم الله بس هالورع لا يجي اصلا ما اضمن عيالي يركبون معه بسيارته مراهق ويسرع ولا استامن عيالي معه رجاء خلي ابو فلان يجي او ولدك اللي بأخر سنة بالجامعه او خالي يجي اما هالشخص لو يجي ماعطيتكم العيال حتى لو هم موجودين بالبيت قالت بكرة ان شاء الله نجي يناسبك قلت ايه يناسبني بس لاتجون وانا مو موجود بالبيت لازم اكون موجود واسلم العيال لشخص يكون مسؤول عنهم قالت انا مسؤولة قلت خلاص اذا طلعوا من بيتي معكم فهم بذمتك وانا برجع اخذهم من عندكم بعد كم يوم قالت خلاص تم وانتهى اليوم بيجون ياخذون العيال يقعدون عندهم كم يوم اتوقع برجع اخذهم السبت بالليل وسلامتكم ...... ايه فيه شغله صارت والله ما ادري اضحك ولا اسكت بس صديقات زوجتي استغربوا انه تغير وضعها وصارت ما تجي مع سواقها للدوام فوحده فيهم وصت سواقها يدق على سواقي ويسأله وينك ماتجي للمواقف ماعاد شفناك قالهم انه مدام زعلان وانها طلعت من البيت وراحت لأهلها قال انها تقول انك صدمت بالسياره وزعلانه عليك فأستنتجت ان هالصديقه بتتأكد من كلام زوجتي هل فعلا السواق صادم بالسيارة وماتبيه خلاص او صاير شئ سبحان الله هالحريم شلون يجيبون الاخبار زعلت على السواق وقلت له اي احد يسألك عن اي شئ قول مادري وخلاص قال مادري وش دراني صديقي ويسال عني لاني مختفي قلت خلاص لاتقول شئ لاحد |
رد : ماهو وضع الأطفال بعد الطلاق ارجوا المشار
موقفك غلط
شلون تذلهم على اخذه العيال ناس جو يوم بيجون اليوم الثاني لا تستبعد لاراحوا العيال ماعاد يرجعون لك الحضانه معاها |
رد : ماهو وضع الأطفال بعد الطلاق ارجوا المشار
حدد معاهم ايام معينه تأخذها كالخميس ويرجعون السبت
وترتاح بالطريقة اصلح الله الحال |
رد : ماهو وضع الأطفال بعد الطلاق ارجوا المشار
اقتباس:
قلت لهم كلموني قبلها بيوم نجهزهم مو لازم العيال يتروشون ونجهز لهم شنطه وغيارات وبجامات واشياء مثل كذا ؟ وانا طلعتي للسوق اصلا اتقضى لعيالي ملابس شتويه وبجامات وغيارات وبدل وعندي واحد من عيالي مريض لازم يتجهز ماحرمتهم منهم بس علموني انكم بتجون ماني فاتح بقاله واللي بيجي يفتح الباب ويدخل ويشيل ويمشي يعني لو اطب عليهم انا واقول هاتوا العيال بيقولون اتصل ياخي علمنا انك بتجي هذا الصح |
رد : ماهو وضع الأطفال بعد الطلاق ارجوا المشار
الأفضل تتفقون على ايام معينه للزيارة
|
رد : ماهو وضع الأطفال بعد الطلاق ارجوا المشار
موقفك سليم من ناحية طلبك منهم الاعلام المسبق بالقدوم حتى تجهز الاطفال وتسلمهم لايدي امينة
لكن بصراحة ما كان لدى داعي تصعد الموقف مع اخوها الصغير لانه واضح انه مراهق وطائش ومتهور ، كان ممكن تقوله بهدوء عيب الي تسويه .. وتقوله انا مالي كلام معك ، بتكلم مع امك . المهم حصل الي حصل وان شاء الله ترتب معهم بشكل افضل في المرات القادمة |
| الساعة الآن 07:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©