![]() |
رسائلها مافيه عاقل ولامجنون في الدنيا يرضاها هي اكيد غلطانه هذا مافيه نقاش انا مابرر لها لكن كنت بتاكد من عيوبه قبل لااحكم على البنت قلت يمكن هو مطلع عيونها خصوصا انه ماكتب غير عيوبها ولاذكر اي ميزه فيها ولم يذكر اي عيب فيه وانا يوم ماعلقت على رسايلها قلت يمكن حزة غضب ولانها كتبت اللي في صدرها زي ماهو وارسلته
شكيت في الموضوع عشان لااظلمها فقط زي ماتعرفون الطلاق مو لعبه كل ماوحده عصبت وغلطت على زوجها طلقها وانتهت الحكايه اين الموده والرحمه التي ذكرها الله في كتابه انت اجودي ابن اجودي فيك صفات كثيره حلوه قلبك طيب حنون وحساس جدا بس ارجوك لاتعصب على احد خصوصا زوجة المستقبل عقلها مليء بالافكار الهدامه اقولك كيف ؟؟ بعض الحريم والصديقات اذا تجمعوا كل وحده تسولف للثانيه وتنصحها لاتقولين لزوجك كذا ولاتفعلين لزوجك كذا اعطيه العين الحمرا عشان لايتعود يمشي كلمته عليك ولاتسوين ولاتقولين ولاتسامحين ولاتعدين ولاتعودينه الين مايرسخ الكلام في العقل الباطن وتبدا تطبقه مع زوجها ماتدري انها تهدم بيتها بنفسها وهذا اللي اراه في زوجتك خصوصا ان امها نجحت في ذي الطريقه مع ابوها على العموم اعانك الله على مابتلاك ارى فيك شخصيه قادره بكل قوه على الخروج من هذه التجربه المؤلمه بنجاح زوجتك على فكره تستاهل الطلاق لو كانت قاصده ماتقوله وليست غشامه مع اني متاكده انها ندمانه اشد الندم اعانك الله احترامي لك وللجميع |
اقتباس:
|
لاحول ولاقوة الا بالله احسك تكابر وانت متقطع من الداخل الله يسامحها والله ماتستاهل يصير فيك كذا وش تبغى اكثر من كذا
طيب اكيد قد سالتها ليه تعاملك كذا او ليه تكرهك وش تقلك ؟؟ يعني موفرلها كل شي وش تبي بالضبط منك؟؟ |
خلاص سكر الموضوع وقفله
ولو تقدر تخطب هذه الفتره اخطب ممكن بنت لطيفه طيبه تنسيك الهبل اللي شفته واعتبرها مغامره غريبه عشتها مع انسانه غريبه انت عطيتها اكبر من حجمها خلاص انساها مع نفسها هي صدمتك عشان كيف ترفضك وتتركك على اساس يكون الرفض منك بس انت اخذت منها يعني على الاقل حتى معاد صار لقبها بنت سارت مطلقه اللي فهمته من بعض الردود انك مخبي انك تركتها خلاص انسى وقول لاصحابك طلقتها اكيد هم عارفين خصوصا اللي اتصلت عليه اتوقع اكثر واحد يتفهمك خلي كل العالم يعرفوا انك طلقتها عشان هي اصلا ماتسوى مو شئ محرج انك تطلق واحده غجريه وانا اسفه على الكلمه خلاص الحمد لله مغامره اضافت لك الكثير وخلت عندك تجارب احلى وشخصيه ارقى واقوى قول الحمد لله على كل حال |
اقتباس:
المشكلة أني كنت أفكر إنها تحبني و ماني مصدق انها كانت تكرهني ما ادري ليش ما قد فكرت يوم من الايام انها انها تكرهني ؟؟؟؟؟ ممكن لاني حبيتها بزيادة . أما قلبي أنا ما أكذب عليكم لسى متأثر بس الحمد لله انتم ساعتموني للخروج من الأزمة . بس مافيه شخص يخرج من عملية جراحية ويكون يمارس حياته طبيعي لازم تمارين وعلاج طبيعي و وقت للخروج من الازمة أنا أعتبر نفسي خارج من عملية ويبي لي وقت حتي يجبر الجرح و بعدها برجع أحسن من أول باذن الله . أخيرا أنا لو كنت أعرف ليش هي تسوي كذا كان من زمان حليت الموضوع لكن هذا قدر ولابد للشخص من تسليم امرة لله تعالي وان يحمد الله علي ما صار . |
اقتباس:
مو علشان اني احبها ما ابي اتزوج بس لاني صرت أضرب للزواج مليون حساب من بعد ما شفت منها و ما ادري يمكن اطب طبة ثانية و لو طبيت احس اني بألغي فكرة الزواج من راسي نهائياً . المشكلة فيه أقارب هنا معي وما أبي الموضوع يتنشر و أنا لسى ما طلقت . |
قصدك أقارب في المنتدى؟
لا تنسى تطمننا عن أحوالك دااائما وانا أخالفك الرأي إنك شلت من بالك فكرة الزواج هذا معناه انك شلت من بالك الاستقرار والحب والسكينة ومو كل أصابعك سواا |
اقتباس:
إن شاء الله هذا المنتدي لن أفارقة ما حييت بإذن الله . يا أختي انا ما شلت فكرة الزواج نهائيا بس وضعي النفسي ما يساعد اني اتزوج يمكن ما اقدر أتأقلم بسرعة لأني لسي باقي أعيش ردة الفعل يعني بعد سنتين إن شاء الله أو سنة علي حسب نفسيتي وعلي قولتك انك شلت من بالك الاستقرار والحب والسكينة . أنا ما تزوجت إلا أبي أستقرار بس يمكن ما صار الحظ معي . سأبلغكم بكل جديد باذن الله تعالي . مشكوة علي المداخلة . |
أخي الكريم حياة أفضل
بحكم أني محامي مرت علي في البدايه قضايا طلاق ومشاكل متزوجين وكنت أتعب نفسيا لدرجة ماكنت أنام إذا عندي جلسة طلاق وأتعب أكثر إذا بينهم أطفال أوقضية حضانه وكانت المشاكل من الرجل وإذا حاولت أحل الموضوع بينهم بدون محاكم وأجلس مع الرجل وأتكلم فأنا أردد بنفسي حرااام هالأشكال تتزوج وتنجب,,وأحيانا بتوفيق من الله أساعد بإصلاح الأمر وعودة الزوجه لزوجها لكن أكتشفت أن نفسيتي تتأثر فصرت أرفض قضايا الطلاق وأصبحت محامي لشركات وما إلى ذلك وظنيت أني بكون أسعد انسان بعد الزواج وظنيت أني بخبرتي بتخطى أي أمر يعكر علي صفو حياتي لكن سبحان الله كان أمر الله مفعولا,,,والحياة لاتصفوا لأحد ولم تصفوا للأنبياء والرسل من قبلنا وأي أمر نمر به فهو مكتوب عند الله قبل أن يخلق شئ قدره الله عليك وكل شئ له حكمه فالحمدلله>>>>هذا دائما" أردده لنفسي حتى أخفف عنها الضغط النفسي والحمدلله أنا أرى فيك الشجاعه,,وبإذن الحي القيوم بتكون حياتك أفضل وأفضل وأفضل,,, وماشاءالله عليك صبور لوأنا تعرضت لربع الي تعرضت له أنت كاااان ماجلست عندي سنة ياأخي من اول كلامها لك في الطائرة وضح معدنها وأسلوبها فإحمد الله أن مابينكم أطفال وإذا على المؤخر,,,أتركها حتى ترفع قضية خلع وأتمنى منك أنك ماتحضر أول جلسه أتركها تعرف أن حصولها على الطلاق أمر صعب جدا حتى تتنازل عن المؤخر لأنها لوراحت للمحكمه بيعطونها موعد بعد 3 شهور أو2 شهر ونصف وإذا أنت ماحضرت الجلسه الأولى فلا عليك قانونيا شئ حتى القاضي لن يستمع أويسجل لكلامها شئ وبيكون الموعد الثاني برضو بعد 3 شهور ولن يحكم القاضي بهذه الجلسه أي شئ بيسمع منها وبيسمع منك وماعليك سواء قول أريد عودتها أريد زوجتي وهي تريد الطلاق ورفضت العوده معي (وياليت تحتفظ بالرسائل) أتركها حتى تقول لاأريده,,ثم سيطلب منها القاضي ارجاع المهر وسقوط المؤخر وأنت لك الحريه بالتنازل عن المهر أو عن نصفه لكن انتبه توضح أنك ماتبيها ترجع أوأنك ماحاولت ترجعها ساعتها إذا رجعت بتكون ملزوم بدفع نفقتها من أول يوم تركتها إلى اليوم الي ترجع فيه معك,,, أو أنك أرفع قضيه تطلبها في بيت الطاعه لأنها بكذا بترفض العودة فيسقط عنك المؤخر,, أسأل الله أن يفرج همك |
اقتباس:
اخي احمد اشكرك بالنيابة عن اخينا جزيـــــــــــــــل الشكر.... انت وضعت النقاط على الحروف.... واستفدنا من مداخلتك كثير.... |
الساعة الآن 04:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©