|
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
اقتباس:
بصراحة حبيبتي ما شاء الله عليك .. ما عاد عندي اي تعليق ... حتى ردودك اللي بالأحمر كان ممكن تكون كلماتي لو ما أنتي كتبتيها .. كأنك تكتبين وبعدها تردي بالأحمر بالكلام اللي راح أقوله أنا النتيجة اللي وصلتي لها مقنعة ومنصفة وأتمنى لك التوفيق بكل خطواتك والأجر على جهدك |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
هل أنت تشعري بمد وجزر بعلاقتك بزوجك هذه الفترة ؟
- بهذه الفترة ،، لأ ، بالعكس .. أحس إني مستقرة و مرتاحة و لأول مرة بحياتي من يوم تزوجت .. و لله الحمد و الشكر .. ( كنت ) طوااااااااال فترة زواجنا أشعر بالمد و الجزر بعلاقتي به ،، لحد ما تغيّر هو - حالياً - و أنا سمعت نصايحكم .. شي كان كاتم فوق صدري من يوم تزوجت و أحسه انزاح .. كنت قبل، أقول يا بنتي هذا نصيبك و اصبري و مشي و حاولي تصلحي اللي تقدري عليه .. . . حابة أفكر بالحلم اللي شفت فيه أمي الله يرحمها ، و كان تفسيره ( تفريج هم ، و تعويض من الله خير ) بنفس اليوم اللي انفضح فيه زوجي ، شفت الحلم بالصبح و سألت نفسي أية همّ ياربي .. ؟؟؟ الحمد لله ، أموري تحسنت مع أهلي و أهله ، و بالعمل .. و مع زوجي ( كذا من ربنا ).. يمكن لإنه علاقتي تأثرت سلبياً بأهلي و أهله و زوجي و شغلي ( عشان كنت اضغط على أعصابي في سبيل راحة أمي و محاولة إرضائها قدر المستطاع ؟؟؟ ) . . أقصد بتغير زوجي يعني صار يهتم بشغله و وظيفته و ما يتأخر عن عمله ، يحرص على صلاته و خاصة صلاة الفجر و صار يصحيني كمان .. ما يكذب ، ينفذ وعده .. صريح .. يهتم بمصلحة أولاده .. يساعدني برتبيتهم و يهتم .. و فيه تغيير لاحظته فيه و تعجبت منه ..؟؟؟ صار يقول أنا ما أتراجع عن كلامي لو قلت لأ .. يعني لأ .. ( مرتين صدرت منه .. و يثبت بموقفه و ما يتزحزح لو كان يدري إنه على صواب ) . . بس ( المشكلة ) إني ممكن أتوقع أي شي منه .. ممكن مثلا اكتشف إنه ما بيروح شغله و بيروح يلعب بالصالة ؟ ممكن ( بعد ) ما يسترد ثقتي به .. يبدأ يفكر إنه يستغل ثقتي به و يستغفلني .. عادي .. ممكن أي شي أتوقعه منه بعد كذا .. . . عشان كذا قلت ( ما صار يهمني ) .. يعني لو بيكون صادق .. فراح يصدق لنفسه .. و لو يكذب فراح يضر نفسه و ماحد بيخسر غيره .. و لو بيهمل شغله و وظيفته ،، فلنفسه كمان .. و لو بيصلي ، فلنفسه كمان .. أنا لحد هنا ، و أحس إني خلاص بريت ذمتي تجاهه .. ************************************************** * و ما صار يهمني .. يمكن لإني أستعدت ثقتي بنفسي ، و رجعت أتفائل بالحياة من جديد زي ما كنت قبل ما أتزوج .. و طبقت و نفذت كل اللي كتبته هنا من بداية الموضوع و قررت فعله ،. و صارت عندي أعمدة ارتكز عليها ،. و ما صرت أحس بتأنيب الضمير تجاه زوجي ،. و صرت انظر له بعين الشفقة ، مو إنه عمود ارتكز عليه .. و لإني عرفت و قفلت مداخل قلبي اللي كان يستغله لصالحه .. و مو بس هو ما عاد يهمني .. كل اللي خذلوني بعد موت أمي ، ما عاد يهموني مثل قبل و لا أدور عليهم يعني رجعت أنا ( الانسانة اللي قبل ما أتزوج ) .. *. تمنيت زوجي لو كان ذكي .. و استغل الفرصة ، و وقف معاي بالفترة هذيك اللي كنت محتاجته فيها بجانبي .. عشان كنت حأفتكره بها و اعتبرها جميل له علي طول عمري .. طعن زوجي لي ، كانت القشة اللي قصمت ظهر البعير .. و ماكان في وقته أبدا .. لإني كنت أمر بأصعب فترات حياتي .. و هو استغل الفترة هذيك و ضمن إنه مالي أحد غيره .. و مثل ما قالت بيتا : (( انشغالك وقتها خلاه يبعد ، بحيث أنه يراهق ويخوض تجربة كان مفروض انه خاضها زمان وقت المراهقة .. وأنا واثقة ومتأكدة 100% بأنه ما عاد يعيدها لأنه وباعترافه لك ما عجبته التجربة )) و مع العلم ، إني انتبهت لتغيره .. و حذرته من بداية شهر رمضان و قلت له .. تصرفاتك ، تصرفات شخص يخفي شي عن زوجته بجواله .. أنا ماني غبية .. و لا تخسر بيتك و زوجتك و أولادك و سعادتك ،. و أنا ما راح أفتش من وراك .. بس ربي راح يكشفك .. و لو صح ( زلة شيطان ) كان توقف من وقتها ، و رجع لعقله .. بس قال لنفسه ،، مالها أحد دحين غيري و مصيرها أنا .. إيش بيدها تعمل ؟؟؟ (( هذا اللي جرحني .. ما تخيلته بالنذالة هذه .. نزل من نظري و مكانته نزلت كثييييييييييير )) . . ما صار يهمني .. يعني ما صرت أتأمل منه شي .. . . و أنا بأطبق نصيحة الأخ البليغ ،، و راضية بنصيبي .. عشان كذا ، التغيير لازم يكون من ( داخل نفسي ) .. و هذا اللي بيصير بالفعل .. و اللي بدأت نتائجه تظهر الآن .. بس لازم ارضى بنصيبي و أعيش بسعادة و راحة و ثقة ، مو أعيش بسخط و خوف و قلق .. ************************************************** ***** لماذا الهروب ؟ لإني كنت عاجزة عن فعل أي شئ أو اتخاذ أي قرار ، و لإني كنت راح أدخل لمرحلة الإكتئاب .. و لإني كنت مصدومة و مجروحة من زوجي ، لإنه انكسر شي كبير بيني و بينه ،، و بالإضافة إلى إني أصلاً .. كنت من قبل تعبانة من أخواني و أخواتي و اتهموني ظلم .. و لإني كنت ماني قادرة أوقف على رجولي و لا قادرة أعمل شي أو أقدم أي شي و متأثرة بموت أمي .. و عشان التساؤلات اللي كانت براسي و بداخلي ( عن حياتي الزوجية ) و اللي سطرتها هنا .. كانت بتقتلني و تجنني و تهدم حياتي .. بس خرجتها كلها هنا في 20 صفحة .. و تعبتكم معاي .. بس بإذن الله بنتائج رائعة .. و لا شعورياً ، رجعت وقفت و استعدت ( نفسي ) .. نصايحكم هي اللي أعطتني دافع للحياة من جديد .. بالإضافة إلى وحدة ملتزمة ، تعرفت عليها قبل شهر و نص .. كانت دايم بالواتس تقول لي ( قومي صلي ) .. و ساعدتني إني أرجع أحافظ على أداء الصلاة (بأوقاتها و ما أأخرها) و تخاصمني إذا تأخرت .. و تعلمني أشياء بالدين .. كأنه ربي أرسلها لي .. ************************************************** ***** لماذا تحاربي نفسك ؟ - لإنه نحن بالأخير بشر ، ماحنا ملائكة ,, تدفعنا الكرامة و العزة بالنفس إننا نثأر لنفسنا .. بس اجلس أحارب ( كرامتي و عزة نفسي ) و أقول ( انسي و سامحي و ارمي كل اللي فات و أعطي فرصة ) و بأحط أمام عيني كل النصايح اللي كنت أنصحها لغيري و كل الحكم و المقولات اللي أنادي بها .. - أنا من عائلة (أهل أبوي ، معروفين بالذكاء و الدهاء و الغطرسة و الغرور و الخباثة و شريرين ماعندهم رحمة .. بس عندهم شرف و أمانة و كرامة و كرم و نفس عزيزة ) فجالسة أحارب الصفات اللي مو كويسة بداخلي من طفولتي، و أخلي ( الخير بداخلي ) يغلبهم .. لإنه أمي ، إمرأة متواضعة جدا جدا و بسيطة تصاحب الفقراء و تحب مجالستهم و مساعدتهم و القرب منهم .. فبأستغل مثلاً .. نعمة الذكاء ( بالعلم و التعلم و بأشياء ترجع بالخير عالجميع ) عشان كذا كنت أقول لزوجي بفترة الخطوبة .. ( لا تتكلم زي كذا و تعطيني حجم أكبر من حجمي ، و لا تدخل الشيطان ما بيننا .. لإنه الشيطان راح يستغل أي وقت نتزاعل فيه .. و يكبر راسي .. فلا تقول زي كذا ، و انت اعتزّ بنفسك .. إنت بداخل صدرك القران ، أحسن مني و من كل شي ) بس بفترة فقدت التحكم فيه بنفسي - بالفترة اللي نفسيتي كانت متعبة فيه - ، و ظهرت هذه الصفات فيا .. ( و أهنت رجولته و كرامته ) .. و أنا ما أحب انتقم لنفسي أبدا ، و أعرف الشي هذا بنفسي من زمان .. الدليل إنه أهلي غلطوا علي و ظلموني ، بس سامحتهم و عزمتهم عندي و عززتهم و نسييييت كل شي .. بس مع زوجي ( أحس إني ماني قادرة أتحكم بنفسي ،، فبأحارب نفسي ) يمكن لإني إمرأة مهما كان ،. يعني أنا ( ناكرة للعشير ) ( أنا ضلع أعوج ) ( أنا ناقصة عقل و دين ) ( اللي يخرب بيتي من الشياطين ، راح يتكرم عند ابليس و يلبس تاج و يصير الكل بالكل ؟ ) .. فأنا أحارب نفسي بطبع ربي خلقنا فيه ،، عشان أكون ( منصفة و عادلة و رحيمة ) عشان لا أظلمه و لا أظلم نفسي و لا أولادي .. و لا يكون فيه إفراط و لا تفريط .. - و أخيراً .. كنت فكرت الصراحة ، أرد له الصاع صاعين .. قبل يوم عرفة .. بس استحيت من ربنا .. و ما رضيت لنفسي القذارة .. قمت حمّلت برامج الشات كلهاااااااااا بجوالي ، أبغى أعرف إيش ممكن الواحد يلاقي هناك ؟؟؟ لقيت ضياع و مسخرة و تفاهات و قلة أدب و قلة عقل ،، بس جلست أتفرج ؟؟؟ و حذفت البرامج من نفس اليوم ، لإنه تفاهة و مسخرة .. هذا الشي زادني ثقة بنفسي و الحمد لله .. و حمدت ربي إنه كرهني بالطريق هذا .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
أخوي البليغ ..
ما عصبت ، بس تضايقت من نفسي فوق ما أنا أصلا متضايقة من حالي،. لإني لأول مرة كذا أفضفض .. و ما أحب أكون كذا بس ( كان ) غصب عني .. و حبيت (وقتها) إني خلاص ادق اخر الأبواب ،. و هذه اخر محاولاتي .. لإنه لو خيب ظني زوجي بيوم من الأيام لا سمح الله .. ما راح أقول ( ارضى بنصيبي ) .. و لا راح استسلم وقتها .. لإنه بيدي وقتها إني أغير نصيبي ،. و لا راح ألتفت لأي لوم أو عتاب وقتها من أي شخص .. و الحياة بنعيشها مرة وحدة .. . . و كلام الفاضلة بيتا ،. ريحتني .. . . و اسئلة الأخ أبو حكيم .. خلتني انتبه إلى اني توصلت للنتيجة المطلوبة بإذن الله .. و هو تحقيق التوازن النفسي بداخلي و الشعور بالرضا و السعادة .. . . و اسئلتك السابقة ،، خلتني أخطط و اضع ركائز و دعائم لنفسي و أخذ ضمانات و احتياطات .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
أختنا الكريمة/ عصامية
*لا يخالجك الشك أننا نشعر بالضيق أو بالغضب من موضوعك هذا أبداً.. وإنما نحن نقدر مشاعرك وطريقة تفكيرك وشعورك بالغضب الذي يدفعك في بعض الأحيان لكتابة بعض المفردات. *عندما أكتب بعض العبارات هنا فأنا أقصد منها أشياءً أود لفت الانتباه لها لا أكثر ولا أقل كعلامات انتباه لك. *اعلمي أنّ هناك أشياء في الحياة تُفرض علينا كواقعٍ يجب التعايش معه أو التكيف في أقل الأحوال؛ كي ندع الأمور تسير.. وهناك أشياء يمكن حلها لكن طريقة حلها صعبة جداً ومؤلمة حد الألم. *أنا أعرف أنك قد وصلت للنهاية تقريباً في موضوعك.. فلعلك تكملين.. وبعد الانتهاء حاولي طرح جميع القرارات والحلول التي تم اقتراحها هنا.. ثم قومي بفرزها بشكل جيد.. ثم ابدئي بتطبيقها بدءً من الأهم فالمهم مستعينة بالله وحده. ::: تذكري أنّ التوفيق بيد الله سبحانه.. وهو الضامن وحده. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
اقتباس:
زوجك قال هذا الكلام في سره .. كيف عرفتيه أنت ؟ وكيف تأكدت أن زوجك نذل ؟ أم أن الأمر مجرد افتراضات مبنية على توقعاتك ؟ |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
عذراً؛؛
قوانين القسم تمنع المشاركه الا لمن طلب منهم المساعده فقط . |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
عزيزتي أصيلة ..
أصلا مين قال لك ، لولا ايماني بحكمة ربنا إني كنت جلست معاه ثانية وحدة ؟؟؟ . . حبيبتي .. - أنا صنت نفسي قبل الزواج ،، فكنت على ثقة إنه ربي راح يجازيني خير الجزاء .. - استخرت ربنا بزواجي ،، و ربي ما راح يخيبني .. - رضيت بزوجي من أجل ( إنه إمام ) .. و سهلنا عليه المهر و تكاليف الزواج لإنه صاحب دين كما كان يظهر أمام الجميع يعني نيتي كانت طيبة و لله ،، فربي ما راح يخيبني .. حتى لا سمح الله ، لو بيوم ربي ما كتب لنا الإستمرار ،، فأنا على ثقة .. بإنه ربي له حكمة ،، عالأقل عشان يجوني أحلى عصفورين بالدنيا .. :) - دعيت بعرفة و أنا أحج ،، إنه يرزقني زوج صالح نقي تقي يحبني و أحبه و يدللني و يحب ربنا أكثر من حبه لي .. و ربي ما راح يخيبني ، يمكن ربي مطّلع على قلب زوجي و يعرف الصلاح اللي بقلبه أكثر مننا ؟؟؟ - بعد الملكة ، لما كنت مقررة انفصل عنه و أهلي كلموه خلاص .. و زوجي تمسك بيا .. استخرت كثييييير و نمت و حلمت إني واقفة مع أمي قدام بيت و نزلنا من سيارة .. و شفت زوجي يجي بسيارة نظيفة أكبر من السيارة اللي جابنا للبيت و زوجي لابس ثوب أبيض و ياخدني معاه و هو مبتسم و كنت مرتاحة بالحلم .. . . (( ربي له حكمة بكل شي يصير .. )) و لولا المشاكل و المواقف اللي حصلت بيننا .. ما كنت قدرت فهمت الحياة ، و لا كنت تعلمت كيف ممكن اتعامل مع أنواع البشر .. . . و الله يجزاك خير على نصيحتك .. و نصيحتك عالعين و الراس .. . . بس مهما كان نحن بشر ،، و أنا بأسعى لإصلاح ( دعائم بيتي ) من أجل ( استقرار الولدين ) .. و الكلمات اللي أخرجها هنا ، مرات من شدة الغضب ( بدل ما أحطها بزوجي ) .. و الحمد لله إني بديت أسيطر على حالي ، نوعا ما .. لكن بشكل أفضل ( مما كنت عليه بيوم من أيام حياتي ) .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
أخوي الفاضل / البليغ ..
أنا هنا مثل اللي مركبة برنامج أنتي فايروس جديد لنفسي، و بأصيد كل شي بداخلي صابه الفايروس.و تشعبت جذوره . و باتخلص منه نهائي .. و بعدين أحاول استبدله بملفات جديدة .. و مو معنى وجود ملفات مفيرسة ، يعني الكمبيوتر مافي بداخله ملفات ( أو ذكريات و مواقف و أيام ) كويسة و صالحة .. فالكمبيوتر ممكن يستمر و بداخله فايروسات ( و يرضى بنصيبه و يمشي حاله ) ..، بس حيبدأ ( يهنق و يعلّق و يبطأ ) .. و بالأخير .. يضرب الماذربورد ( و اللي هو عقل الكمبيوتر ) و يتوقف عن العمل .. و ممكن يضرب ( الكهربا ) و هو قلب الكمبيوتر .. فيصير ( جهاز بدون روح ) .. و الحمد لله بديت اتخلص من الذكريات و الأفكار و المواقف المفيرسة هنا و بشكل كبيير جدا جزئيا .. باقي أرتب الملفات .. و أضيف جدار الحماية .. مثل ما طلبت مني .. ++++++++++++++++++ و أنا مازلت ( أحمل بداخلي معزة و امتنان و مودة لزوجي .. و مازلت لا أرى غيره من الرجال .. و أبغاه زوج لي بالدنيا و الآخرة ) .. و اعتذر بجد عن أي كلمات أو أوصاف ذكرتها و وصفته بها .. فبالإضافة إلى موضوع زوجي .. يوجد بالأصل أمر كان مؤثر علي بشكل خارج عن ارادتي .. و أثّر يمكن و بالتأكيد بعلاقتي بزوجي .. و هذا الموضوع كتبته ، بعد وفاة أمي بشهرين .. و قبل رمضان بـ 4 أشهر .. و كنت فاقدة السيطرة فيه على نفسي .. ( من الممكن فقط قراءة المقدمة .. ) http://www.66n.com/forums/showthread.php?t=233841 لكن برضو ، مو عذر لزوجي .. لإنه هو من زمان كان ( يتمنى يراهق ) و يقلّد اللي حوله .. و ما صدّق إني انشغلت عنه شوي .. . . زوجي عنده صفة ، إنه لازم ياخد على راسه عشان يتعلم و يتغير ,, و الصفة التانية ،. فيه أشياء انحرم منها بمراهقته و نفسه يطلعها و انكبت ، لإنه أهله حاطين له جواسيس و مراقبين .. فلما يجي يطلع الكبت ( يقوم يضع لنفسه أعذار و فتاوي شرعية من راسه و يحلل لنفسه بكيفه .. عشان يريح ضميره ) .. و مجرد ما يطلعها من مخه ، خلاص يمل منه .. و يرجع لأصله الطيّب .. يعني مثلا .. برة ياما المعهد عزمونا بمطاعم مع الطلاب و الطالبات .. و رحنا رحلات .. و درسنا دراسة مختلطة .. و ياما ركبنا بالباص ، و تجي وحدة مثلا تجلس جنب زوجي أو واحد يجي يجلس جنبي بالباص إذا كان المكان مزحوم .. بس زوجي من يوم الملكة قال لي ( تصدقي ؟ الأولاد الصايعين يعزموا صحباتهم بالمطعم عشان يتقابلوا هناك ؟ ) .. و قالها لي مرة كمان بعد الزواج .. و قالها لي كمان من قبل رمضان من كم شهر ..؟؟؟ بعدين هو بنفسه ، قام عزم هذيك ( اللي من مستواه ) بالمطعم .. و أخد معاه عصاية البياردوا عشان ما عنده كلام يقوله .. هي قالت بس وراها المضرب .. و قالت كان طول الوقت بس يحرك رجوله ( و أنا زوجي أعرفه .. لما ما يعرف إيش يقول .. رجوله يجلس يحركها و يهزها حتى مرات يوترني ) و هو قال ( ماعرفت كيف اتصرف .. حسيت إني مو أنا ) و يقول لي ( بعد ما خرجت من المطعم .. و الله إني قلت ليت زوجتي عصامية و أولادي هنا ، و تعشينا مع بعض ) و قلت ( هذه وحدة رخيصة .. أكييييد قابلت أكثر من واحد من ورا أهلها مثل ما قابلتني ) عشان كذا لما سألته بعدين بالسيارة .. و قبل نصيحة أبو حكيم لي .. ( عصب و قال لي .. خلاص لا تفكريني بالموضوع ) اصريت أعرف ليش .. ( قال لي ، بأحتقر نفسي .. عرفتي دحين ليه ؟ أحس نفسي زبالة .. و أنا وعدتك ما أفكر أبدا بالمواضيع هذه .. لإني شفت النهاية خراب بيوت .. و سألت حالي وقتها و قلت - طيب و بعدييين ؟؟؟ - عزمتها بالمطعم و بعدين يعني ؟ ) يقول ( خلاص .. أنا عن قناعة بأتكلم معاك و أقول لك .. الموضوع عفته .. حتى برامج شات مستحيل تشوفيه عندي ) . . اللي مخليني شبه متيقنة من كلامه .. إنه كان يتكلم وقتها بصدق ، و زوجي ينفضح من عيونه ، و وقت شتم نفسه .. قالها بطريقة حسيت إنه قرفان من حاله و مستصغر حاله .. و هو عزمها بالمطعم يوم 20 رمضان .. و ما عاد قابلها بعد كذا ( خلال 11 يوم لحد ما اكتشف الموضوع ) .. بالعكس ، في العشر الأواخر من رمضان و خاصة من بعد 23 أو 22 رمضان .. حسيت إنه صاير مرة قريب مني ،. كنت لما أقوم عشان اطبخ أو اجهز الفطور .. يقول لي خليكي معايا لا تقومي .. أقول له طيب أجهز شي عشان نفطر ؟ يقول نجيب من برة سمبوسة و رز و كل شي ، و يخليني جنبه لحد ما يأذن المغرب .. ما يبغاني اتحرك من جنبه ؟ و كان يطلب مني إني اجلس معاه طول الوقت ، و حتى مرة بالعشر الأواخر و بعد السحور .. دخلت المطبخ انظف الصحون ،، جا و قال لي اتركي كل شي و تعالي .. و قلت له طيب بس اشطف الصحن .. قال لي ( قلت لك اتركي كل شي و غسلي يدك ) تركت الصحون و الملاعق و كل شي .. و يبغاني بس جنبه ما أتحرك ؟؟؟ حتى كان على اخر الأيام من رمضان .. يعني يوم 28 و 29 .. يفتح جواله بالقصد قدامي و هو اللي أعطاني كلمة السر من غير ما اطلب منه .. مع إنه قبل يوم 20 رمضان .. كان رافض يشيل كلمة السر و يقول لو تتطربق السما عالأرض ما راح أشيل كلمة السر .. قلت له ( براحتك ، بس مستغربة حرصك الزايد على جوالك و على قفله بكلمة سر ؟؟؟ ) . . مازلت أسأل حالي ؟؟؟ هل تصرفاته كانت ( لإنه يبغاني جنبه ؟ لإنه يبغى شي يمنعه عن السير بالطريق هذا ؟ ) و لا علشان يبعد الشكوك عن نفسه ؟؟؟ الله أعلم .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
^
كلمة السر لما وراها لي بالقصد .. عشان يشيل الشبهة عنه .. لا أضحك على نفسي .. بس تصرفاته غريبة قلت بالعشر الأواخر .. لما يخليني اترك كل شي و اجلس بس كذا معاه .. حسيته مثل الطفل ، بس يبغاني جنبه .. حتى لدرجة إنه بعد ما نفطر ،. كان يمسك ولدي الصغير و يجلس ينيييييييمه عشان اجلس معاه قبل لا يروح التراويح و شغله.. يقول خليك معايا ، بس كذا .. ؟؟ |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
أخوي الفاضل / أبو حكيم ..
أول ما قرأت تساؤلاتك ؟ طالعت بنفسي و قلت " إيوة صح ، إيش يدريني أنا ؟ " بعدين افتكرت على أي أساس حكمت .. ملاحظة / بعد ما خلصت من كتابة - ليش أنا حكمت بكذا - .. اكتشفت إني كتبت المشكلة الأساسية اللي حصلت بيني و بينه بالفترة اللي قبل رمضان .. . . (( طبعا أنا كنت متعبة نفسيا مثل ما قلت ، و هو كان يستفزني و ما يبحث عن حلول و مضغوط ماديا بسبب سهره و اهماله لكل وظيفة يتوظفها )) لكن برمضان كبرت دماغي ، و صرت أطنش و كنت هادية مرة .. و كلمته قبل رمضان بأسبوع .. و قلت له : ( معليه ، أنا قبل كنت تعبانة .. بس وعد مني ماراح أزعلك .. و حتى لو غلطت علي ، ما راح أرد عليك ) و بجد ،، في رمضان صرت لما اتضايق .. ابعد عنه و ما أرد .. أو اسكتتتت و ما اتكلم .. و صرت أقوم الليل و اصلي ركعتين في العشر الأواخر .. و و من ضمن الأدعية كنت أقول : ( اللهم اهدي زوجي ، و كرهه في السهر ، و ابعد عنه الصحبة السيئة و زد محبتي في قلبه ) . . نرجع .. أنا كيف حكمت ؟؟؟؟ أولا .. لإنه طوااال فترة زواجنا ، ما عمري رحت بيت أهلي إذا زعلت .. و لا هو عمره قال ( روحي بيت أهلك ) .. و هو يدري النتيجة إيش بتكون ، لو كانت أمي موجودة و قالي روحي بيت أهلك .. ما حأرجع له وقتها .. . . لكن ،، بعد ما أمي الله يرحمها ماتت .. خلاص انزعجت من غيابه الطويل عن البيت و سهره بالبلياردوا .. و أصحابه كل شوي يدقوا عليه الساعة 1 أو 3 الليل يستنوه بالصالة .. و لا بعد الفجر عندهم مباراة .. و فوق إنه كان عاطل ..؟؟؟ و لا .. لما يلاقي وظيفة، كان في النهار يغيب أو يتأخر عن شغله .. و زي كذا و ينطرد .. و صبرت شهور عليه ،.. و كلمته أكثر من مرة ( و على فترات متقطعة و متباعدة جدا ) .. و كل مرة نتفق على حلول بعد ما يستفزني و يبكيني .. اتفقنا إنه يرجع الساعة 12 بالكثير .. و الربوع يسهر مثل ما يبغى لو للفجر .. و الخميس لي و الأولاد .. و الجمعة أهله .. . . فصار يقول لي بعد ما أمي ماتت .. عن موضوع السهر ، أو رفضه لتحمل المسئولية .. و بطريقة متعجرفة و يرفض الكلام أو التفاهم .. و أسلوب همجي .. ( كان جدا متغير و يتكلم بطريقة همجية ) : . . *. أنا كذا .. عجبك و لا ما عجبك ؟ . . حتى مرة .. قال لي و هو يقلب بقنوات التلفزيون أو يجلس يفصفص و لا يطلع من الغرفة و ما كأني اتكلم : هذا ( إن عجب ) .. و صارت الكلمة هذه على لسانه كل مرة .. ( إن عجب ) و يطنش .. كأني اتكلم مع جدر .. قمت رديت عليه و قلت ( لأ .. ما عجب ، و إنت ما وعدتني بكذا ) قال لي بعد ما شد و شديت بالكلام .. ( ما عجبك روحي لبيت أهلك ) .. هو يرفض النقاش قبل النوم ، أو بعد ما يصحي ، أو لما يكون نعسان ، أو لما يكون جوعان .. طيب هو ما يجي البيت إلا و هو نعسان أو جوعان .. و نص اليوم نااااااااااااااايم و يصحى و يقول نعسان متى أكلمه طيب ؟؟؟؟؟ :( . . و هو يدري إنه ما كان فيه أحد في بيت أهلي ،، و كان أخوي اللي مايتفق معاي و اللي كان معايا بالغربة جالس ببيت أهلي فترة مؤقتة مع زوجته .. يعني كان زوجي متأكد إني ما حأروح لبيت أهلي .. لإنه أخوي هذا كان مزعلني .. بس زوجي حب يكسرني وقتها .. ما سكتت ، عشان لا يذلني مثل ما أخوه و أهله يذلوا ( زوجة أخوهم ) .. لإنها مرة زعلت و راحت لبيت أهلها ( أبوها رجعها لزوجها ، و من يومها أخو زوجي يمد يده عليها و يهددوها كلهم كل مرة و يستعبدوها ) . . المهم .. كانت أول مرة يقول لي روحي بيت أهلك .. كتمت بداخلي - ضعفي و انكساري - و عشان ما أظهر له شي .. قلت له و بهداوة : ( لا تنسى إنه البيت هذا بيتي .. يعني هات المفتاح و اطلع برة انت .. نحن مو فندق ) جا بيخرج ،، قمت ناديته و طالعت فيه و عيوني تنزل منها دموووع و أنا حاطة عيني بعينه ، افتكرت امي .. و كيف ما كان أحد يقدر يغلط علي ، وقت كانت عايشة و مجرد ما ماتت ،، الكل بدأ يطلع خنجره .. قلت له .. ( أهلي مين هما ؟ تستقوى علي عشان أبوي و أمي ميتين ؟ علشان ماعاد فيه بيت لأهلي ؟ ) قام تأثر و عيونه حمرت و دمعت و مسكني جلس يبكي و ما قدر يمسك نفسه ، طبعا حزن علي أكيد ..؟؟؟ و قال لي ( ليش تعملي زي كذا ؟ ليش تزعليني طيب ؟ ) قال ( أنا أهلك و مستحيل اتخلى عنك ) و اتراضينا ، و قلت له بعدين ( عشان أمي ميتة تقوم تقول لي الكلمة هذه .. ترى ما همني أحد ) قال لي ( لا .. مو عشان كذا ، و مو أنا اللي أفكر بالطريقة هذه .. بس إنت تقولي مستحملة الحياة معاي غصبا عنك ) . . رجعت حكاية السهر من جديد .. و بعدين بعدها بشهرين .. و قبل شعبان .. قلت له : ( إنت تاركنا طول النهار و طول الليل ، البيت نظيف و الشغالة موجودة و الأولاد نايمين .. لا بأطلب منك شي و لا بأكلف عليك حاجة ، جالسة لوحدي طول الأسبوع .. و اكل لوحدي ؟ أنا ماني فاتحة فندق .. و كل ما تفاهمنا بالموضوع هذا و وعدتني ، رجعت بعد يومين و تطنش وعودك لي ) يقول لي ( كله إلا البلياردوا .. أبوي اللي هو أبوي حاول يمنعني كم مرة .. بس مستحيل اتركه .. مو لازم تستنوني عالأكل ) قلت له : ( ما أمنعك من هوايتك ، روح شوف اصحابك و العب .. بس وازن ما بيننا و مو على حسابي أنا و الأولاد ؟ إيش اللي غيرك ؟ إذا ما تبغاني .. و مانت مرتاح معاي ، سيبني خلاص و ريح حالك .. ما أجبرك علي .. ترى أقدر أعيش لوحدي ) .. يقول لي ( لو ما أبغاك ، فما في شي يجبرني اتمسك بك أو اجلس معاك ) و يبدأ يلعب بأعصابي و أقول ترى بأخد الأولاد معاي .. إلخ قلت له ( لإنك جالس معانا عشان فندق ببلاش .. أكل و شرب و نوم .. و لإنك ما تحب تنام ببيت أهلك ، عشان ممنوع تتأخر و أنا جالسة معاك عشان الأولاد .. لإنه الحياة كذا ما اتحملها خلاص .. ) قال لي تاني مرة ( طيب روحي بيت أهلك إذا مو عاجبك ) يبغاني أرضى بالواقع ، و بحكاية سهره و تطنيشه لنا و اهماله لوظيفته ( غصب عني ) .. قلت له أوكي وديني يالله .. و رحنا وقفنا قدام بيت أهلي ، و تركت الأولاد معاه و جيت بأخرج من السيارة و سلمت عالأولاد و حضنتهم .. قام زوجي بكي لما شافني أحضن الأولاد ، و حرك السيارة و قفل الباب عشان ما أخرج .. و قال لي مجنونة إنت ؟ . . المهم .. اللي خلاني احكم إنه بالصفة اللي وصفته بها .. 1. تغيرت طريقة تعامله .. و أسلوبه جاف .. ( حسيت إنه تعرف على أصحاب ، هو متأثر بهم ) 2. جملته .. ( أنا كذا ، عجبك و لا ما عجبك .. ارضي خلاص ) أو لما يقول ( إن عجب ) لدرجة لما شكيت برمضان بإخفائه شي عني بجواله ، رفض يشيل كلمة السر .. قلت له ( لو عرفت انك تكلم وحدة ، تأكد وقتها إنك ما راح تشوفني بعد كذا .. كل شي أسامح و اتحمل إلا الخيانة .. ) قال لي ( اعمل علاقات و أكلم ايوة بكيفي .. مالك دخل .. هذا إن عجب هذا ) <-- استفزاز قلت له ( براحتك .. شوف أولادك بيلعبوا ، عندك بيت و أولاد و زوجة و مرتاح و مبسوط .. لا تخسر هذا كله و أنا ما راح أدور وراك و لا راح افتح جوالك .. بس ربي راح يكشفك لوحده و أنا ثقتي بربي كبيرة ) 3. تكراره لجملة ( روحي بيت أهلك ) أكثر من مرة .. (( طبعا دحين تاب )) لإني عملت حركة خلته يتوب و يتعلم ما عاد يقولها .. . . المهم .. بعد ما كشفته بتاني يوم العيد .. قلت له ( بإختصار .. إنت تبغى تعيش زي ما تبغى ، نوم و أكل و سهر و مالنا دخل فيك .. صح ؟ ) قال ( ايوة صح .. بس انت ما تبغي الشي هذا ) قلت له ( و أنا رافضة الشي هذا .. هنا سبب المشاكل ) . . و قلت له ، إنت ما تغيرت علي غير بعد موت أمي .. لإنك تعرف إنه أمي ميتة .. بس هو أنكر .. و قال أنا مو كذا |
| الساعة الآن 02:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©