|
انا الان كما قلت لكم اخذ الكلوميد و الدوفاستون،من فضلكم اريد ان اعرف ما هي المراحل التي تلي هذا العلاج ،علما ان هذا هو الشهر الاول كما قالت لي الدكتورة اننا سنتابع العلاج وحدة وحدة ،الشهلر المقبل زوجي يعمل تحليل المني ادعولي يا لرب بيني و بينكم انا خائفة خاصة من الاشعة الصبغية اعلم انها مؤلمة ،بليز ما هي مراحل العلاج ،و شكرا "ملاحظة/ انا ما في تكيس في المبايض،و ليس لي مشكلة في الاباضة كما قالولي الدكاترة عندك تبويض رائع و الحمد لله"
|
ياليت اقدر افيدك ..ماعرف والله
|
اقتباس:
السلام عليكم عزيزتي الكلوميد لا تاخده من عندها تبويض جيد استغرب ان الدكتوره كتبت لك هدا الدواء وان شاء الله ييسر امورك يارب وتفرحينا قريب |
السلام عليكم و رحمة الله و بركاته
كيفكم يا بنات و مبروووووووك لكل الحوامل عقبالنا يارب و مشكورين حبيباتي حلمي قريب و عشووقه على السؤال عني و انا آسفه والله مقصره في حقكم لكن كل يوم ادخل واشوف اخباركم و اتطمن عليكم لكن نفسيتي مش ولا بد علشان كذا ما اكتب شيء اقول لكم وش آخر اخباري ..!! بعد الأجهاض ارتفع عندي هرمون الحليب و صارت عندي افرازات بنيه متواصله و الدوره ما تجي الا بحبوب الهرمون نزل الحين الحمدلله بعد العلاج و الإفرازات راحت بس الدوره للحين مو راضيه تجي لي و صار لها شهرين فبأخذ حبوب علشان نبدى العلاج الدكتوره قالت لي لمن تجي الدوره بنسوي تلقيح صناعي (مارضت تسوي اطفال الأنابيب قبل ماتجرب مره ثالثه) بس هالمره مع ابر منشطه مو مع كلوميد و الله يستر ان شاء الله -------------------- بالنسبه للجدد ولا يعرفوني : انا متزوجه من سنتين و كم شهر اجهضت مرتين و انا و زوجي سليمين 100% لكن للحين الله ما كتب لنا العيال الحمل الأول طبيعي و الثاني بالتلقيح اممممممم و ش بعد ايه عمري 21 و يارب ما ادخل الـ22 الا و انا معاي بيبي و بس ----------------------------- حبيبتي عشوقه مادري ليش والله ما اكذب عليش عندي احساس قوي انك راح تحملين مع التنشيط للمبايض و اذا ماكنتي بتحملين هالشهر ان شاء الله مع التلقيح الله يرزقك يا عمري --------------------------- كوكار انا رديت عليك خصووووووصي علشان عندي لك نصيحه ارجووووك سويها لا تسوين التلقيح الصناعي قبل لا تكشفين على نفسك كامل اوكيه انتي تبين تستفيدين من الوقت بس بعد ما تبين تسوين شيء و انتي مو عارفه اذا فيه اسباب تخليه يفشل او لا شوفي بقول لك تجربتي انا اول مارحت للدكتور قاللي مارح ابتدي العلاج الا بعد 5 شهور علشان انتي حملتي طبيعي فـبس يبي لك صبر و انقهرت بس سكت و زوجي سكت (استحينا نقول له لا ) شفتي الذكاء ..! المهم بعد 3 شهور رحت له و قلت له سوووري ماقدر اصبر قاللي خلاص على راحتك بس ما نبتدي العلاج الا لمن نكشف على كل شيء ممكن انه يمنع الحمل و انا بالبدايه تضايقت لان هذا معناه ان راح نتأخر شوي لكن الحين حمدت ربي لاني تأدكت من نفسي بالتفصيل اول شيء عمل لي كشف على الرحم و الإفرزات اذا كان فيه التهاب او فطريات بعدين كشف لي على هرمون الحليب بعدين عمل لي اشعة الصبغه ((انتبهي لهالنقطه)) و طلع لي ان الأنبوب اليمين مفتوح بس الأيسر شوي مسدود و انا تضايقت حييييييييييل بس هو طمني و قال لي الأنبوب اليمين يفي بالغرض بعد اشعة الصبغه عمل لي العمليه (اللي قال لك عنها الدكتور) علشان يكشف عن الإلتصاقات اذا كان فيه بالرحم او اذا كان فيه التصاقات في الأنابيب يشيلها و هذي اكيد اطور و احسن من اشعة الصبغه بحيث انه يفتح فتحه في السر و يشوف كل شيء الحمدلله طلع ان الأنبوب الايسر مافيه شيء بس ساعات اشعة الصبغه ما تبين عدل مثل هذي العمليه بعد هالنقطه بدينا العلاج وسويت التلقيح صحيح الخطوات طويله بس ترى انا تطمنت وهو تطمن تدرين ان التلقيح ما تقدرين تسوينه اذا الأنابيب مسدوده لإن هم يوصلون الحيوانات المنويه للأنابيب اما اذا كانت مسدوده فالبويضه ما تقدر تطلع من المبايض و تروح للأنابيب معناته ان التلقيح بيفشل 100% و ما يصلح الا اطفال الأنابيب علشانه ما يحتاج انابيب (تكلمت واااااايد صح ؟؟)) آسفه بس ابي ابين لك وجهة نظري سوي ع الأقل اشعة الصبغة و تطمني على الأنابيب و هي ما تألم وايد اوعدك و بكذا مارح تكوني متشائمه و انتي تسوي التلقيح و بيكبر الأمل مع اعداتها اكثر من مره لان مافي سبب لفشلها هذا رايي وانتي براحتك و انا والله قصدي من هالهذره هذي كلها الا اني ابيك تتطمنين على نفسك و ترتاحين ------------------------- حلمي قريب تصدقين تفاجأت لمن عرفت ان بعد شهرين و نص بس من زواجك اخذتي الكلوميد تعجبني وجة نظرك بس بعد التحاليل لا بد منها المهم وش اخبار البيبي ماعرفتي بنت والا ولد ...؟؟؟ الله يخليه لك و يكون باااار فيك يارب ------------------------------------- تدرون اني كرهت شريط الحمل و السبب اني اشتركت فيه لمن كنت حامل والحين ملوعين شبدي من كثر ما يرسلون لي كل اسبوع يفتحون جروحي و اجلس اتضياق طول اليوم تخيلوا لو اني ما اجهضت كان انا بالإسبوع الـ18 آآآآآآآآآآآآآه عطوني حل كيف الغي هالإشتراك اللي متعبني نفسياً ----------------- آسفه اني ما رديت عن الكل بس برجع مره ثانيه و دعوووواااااااااااااااااااااااااتكم و على فكره عمري ما نسيتكم من دعواتي والله بكل دعاء لي ادعي لكم يا اخواتي الله يرزقنا كلنا يارب |
|
هلا ومرحبا بحبيباتي الحلوات :17: :17: :17: :17: اشلونكم وشخباركم اتمنى انك جميعا بخير حمد لله على سلامتك ياعشوقه حبيباتي.......... كوكار برشا يورنا راميا ماسه كريستاله حلمي قريب الامل البعيد غلا جلاجل الزاجله الف مبروك الحمل مياااااااا سودا فراشه هادئه انديني زهور الدعاء طولتي الغيبه طمنينا ام المهدي اتوكلي بالله والله ان عيني دمعت وذكرتيني بآخر مره اجهضت بها الله يصبرك ويفرحك خواتي الباقيات اتمنى اني مانسيت احد والي نسيتهم والله مكانهم بالقلب وربي يفرحنا عن قريب وهسه اجا دور حبيبتنا غموضه الحلوه شخبارك طمنينا عليك تراني اتعودة اشوف مشاركاتك كل يوم يحلوه :d ولا بعدك تحلمين:23: بال.....:15: وكيف راح يكون شكلك به:d :23: ربي يفرحني بك عن قريب:14: وتدخلي عالم المتزوجات ومن اول شهر عالم الحوامل قولي آمين اللهم اني اسالك بهذا اليوم المبارك ان ترزق حبيبتنا غموضه بالزوج الصالح والذريه الصالحه والمعافاه اللهم آميـــــــــــــــــــن حبيباتي بالنسبة للاخباري فالحمد لله احسن وتصدقون اني اليوم صارلي موقف وحابه اذكره اليوم رحت المطعم واحنا جالسين شفت شيئ حمدة ربي لان المنظر كان اللهم عافينا حيث اني رايت طفله مشوهه بوجها وقلت ياربي لك الحمد اني ماعندي اطفال لاني رايت الاسى في وجه اهلها ولكم ماهيه حياتهم الله يكون في عونهم وقلت بقلبي ياربي ارزقني بطفل سليم معافى ولاترزقني بمعاق فانت رحيم بعبادك اتمنى ان تكون عبره لغيري فلماذا لانحمد ربنا انه لم يبتلينا بطفل مشوه او معاق اللهم عافينا وابعد عنا كل مكروه وارزقنا بالذريه الصالحه والمعافاه ها شرايكم بهذه العبره |
|
حبيباتي الحلوات شرايكم نخرج عن موضوع الحمل وندخل بموضوع ثاني اممممممممممممممممممممممممممم فكروا . . . . . . . . . . . . . . . . . . . . . شرايكم كل وحده اتقولنا ماهوا اسم طفلها ان كان ولد ولا بنت وهل زوجها راضي على هل اسم انا راح اكون اول وحده طبعا زوجي يريد اسامه واسماء وانا اريد فيصل او مهند وهند وتصدقون ان الامر مضحك حيث اني قبل فتره اتزاعلنا:29: انا وزوجي على الاسماء وبعدين اتراضينا وصرنا نضحك ربي يفرحني ويفرحكم عن قريب ونسمي الي نتمناه هاااااااااااااا شرايكم بالموضوع:22: :23: :d اتمنى انكم ماتفشلوني:25: :24: :d :23: :d :23: :d :23: :d :23: :d :23: |
يا بعد عمري يا عشوقه والله اني احبك بشكل ما تتصورينه على طيبة قلبك يا غاليه
و الله كأنك تدرين المشكله مو بس هامله زوجي المشكله اني هامله دراستي علاماتي في الحضيض و بعثتي مهدده حتى زوجي يقوللي وين اللي تصيح على علاماتها لو نقصت ربع وين اللي من اوائل البنات المتفوقات و الله اني تغيرت 180 درجه و السبب موضوع الحمل الله يصبرني ان شاء الله و يرزقني ويرزقنا كلنا انا ساعات افكر اقول لو ما حملت احسن ولا اني احمل و اجهض و بعدين ارجع استغفر ربي و اقول الحمدلله على الأقل عندي شفيعين يوم القيامه ان شاء الله مشكوره يا عمري على مساندتك لي الله لا يحرمنا منك يالغاليه و بالنسبه لعمري فأنا خايفه اكبر و تضيع سنين عمري و انا ما حملت غير كذا انا بأمريكا و ابي اتعالج قبل لا تخلص بعثتي لانها على حساب اللملحقيه الثقافيه السعوديه علشان كذا ابي استفيد من هالميزه اللي عندي هنا زوجي قبل كم يوم اتفاجأ لمن شاف اني طلع لي شعر ابيض في شعري يقول لي بتشيبين نفسك و انتي صغيره و السبب هالموضوع لا شكر على واجب بالنسبه لنصيحتي لكوكار فأحنا هنا اخوات نساعد بعض و ننصح بعض و نستفيد من تجارب بعض هذا واجبي اتجاه اي وحده فيكم حبيبتي ملوووووكه انا آسفه اني طيحت دمعه من دموعك الجواهر توني ادري انك اجهضت من قبل الله يعوضنا ياااااااااااااارب و ان شاء الله انا متوكله على رب العلمين و عندي امال و احلام ياربي تتحقق و محسنه الظن فيه سبحانه مشكوره ياقلبي ربي لا تذرني فرداً و انت خير الوارثين |
ام المهدي حبيبتي
كيفك وين هالغيبه ... والله اني فكرتك من اسمك والله فكرتك كبيره واكبر بكثير من عمر ال21 ... تو الناااااااس عليكي تو الناااااااااااااااس ... يارب يوفقك اما عني فأنتي قلتي انه عاحبتك وجهة نظري بعدم تضييع الوقت .. انا معاك ولكن انا ظروفي تختلف فأنا سنه وادخل ال30 ... متى بجيب ولد واثنين وثلاثه ... طبعا كل شي بيد الله لكن مايصير اكون ساكنه وماعمل شي ... اسعى ياعبد وانا اسعى معاك.... واصلا ربي ماكتب لي اولاد في زواجي الاول .. فزواجي الثاني حابه اخليه مستقر اكثر ومن البداية ... اما عن البيبي فماعرف اخباره لاني ماعملت سونار من اسبوعين .. ماعرف قديش كبر وكم صار طوله ولا اعرف اذا هو بنت او ولد لكن قلبي يقول انه ولد ............ يارب يكون ولد صالح وحسن الخلقه والخلق يارب اما عني فانا اتمنى اسمي ولدي عبدالرحمن ... لكن زوجي ..وده بأسم ( يمكن احمد او علي) اما البنات فانا ودي اسمي بنتي يا بثينه او هند ... وكل شي يجي من الله خير وبركه وانتو ياصبايا .... ايش بتسمون عيالكم ان شاء الله؟ |
| الساعة الآن 11:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©