|
صدق الدنيا غريبه
مرات اكون فرحانه ومرتاحه ومرات حزينه ومتحطمه مرات يكون عندي امل ومرات ايأس من واقعي اللي انصدمت فيه صحيت من النوم وقمت كارهه نفسي ومتضاااايقه ومعصبه وبعد الغدا قالت لي امي ان فيه واحد خطبك قلت ما ابي ومن غير ما اعرف ولا شي قالت طيب اسمعي وقالت لي اللي من هو واسمه وكل شي وقلت ما ابي وبعدها جا اخوي الكبير لانه كان بيسافر وجا سلم علينا قال ها بندري وش قلتي قلت له وش قلت في ايش قال في اللي خطبك قلت له لا ما ابي قال طيب فكري واصريت على الرفض وحتى الاستخاره حاولو فيه وما رضيت بالليل بدت المكالمات على غير العاده اختي اخواني نوف تقول تري طيب واخلاق وكل الناس يمدحونه وعمتي اللي هي اخت ابوي تقول ابد ما عليه غبار الولد مافي زيه قلت لنفسه وانا وش علي قلت لكم ما ابي واستمرو يقنعون فيني اوافق وبالاخر استخرت ووافقت لانهم وصلوه السما من المدح وجا وقت النظره الشرعيه وشفنا بعض ووافق وافقت مع اني حتى ما شفته ولا رفقعت عيني وقعد يدق على اخوي يالله انا رحت حللت ودها وخلها تحلل ورحت كان اختبارات نهائيه لفصل الاول وطلعت من المدرسه ورحت على بنك الدم عشان التحاليل ورحت انا وندوش هي بعد طلعت من المدرسه وراحت معي اتذكر قعدنا نضحك واحنا بالانتظار على ببغاء صغيرون لوحده وحاطينه بقفص قالت شوفي هذا الببغاء اللي هنا بنت وتلاقين بقسم الرجال ببغاء ثاني بس ولد ضعيفين بيحللون وجا دوري ودخلت وكان فيه وحده قبلي وشفتها وهي تسحب لها دم طاح قلبي ببطني وقتها من الخوف لانها اول مره بحياتي احلل دم واشرت لندى قلت مشينا مشينا قالت يابنت بلا هبال وش بتقولين لعبود والله ليرجعك ورحت جلست وقلبي يدق بقووووه من الخوف وسحبت لي دم ودخت وتعبت يقول انها ساحبه لتر طلعت من عندها ورحنا على البيت والصدق ما فكرت فيه ولا اشغلت نفسي وكل همي المذاكره ووش المصيبه اللي اسويها اليوم الثاني بالمدرسه عشان نروح الاداره كان عندي عشق للمخالفات مر اسبوع وخلصنا اختبارات وملكت وامحق ملكه ليتها ما تمت وبدييت قصه ثانيه غير اللي كنت عايشتها مختلفه تماما كلها تعب وصراخ وملل وهواش بأكمل بس مو اللحين لاني تعبت |
بعد الملكه بدت المكالمات
واحبك وكلام فاضي ولا مره حسيت اني احبه كان ثقيل دم وممل ونشبه ولبده وكل شي ممل بس كنت اتحمل جوجو اول ما ملكت دايم تكلمني وتقول لي عادي بالبدايه بتكرهينه وبتتعب نفسيتك لانه شي جديد عليك ومشيت الوضع لحد بداية ثاني اسبوع من الملكه جانا هو ووجهه مع ان توه قبل اسبوع عندنا وصل بالليل وعلى اساس يجي اليوم الثاني وقال افتحي الشباك وبيني الجوال مدري وش يحس به مسوي انه قيس على غفله وسويت اللي يبي وقعد يسولف شوي وسألني اذا في احد صاحي قلت له ايه وسال مين قلت له ندى وتروك قال وينهم طيب قلت عند المغاسل >>كانوا يلعبون بالمويه وقال كلمه مالها داعي فيهم وعصبت وعاد اعطيته المقسوم المشكله هو يغلط ويقلبها علي وانا ما احب هالحركه وانتي قلتي وقلتي وغلطي علي وقعد يعاتب وانه بيرجع قلت براحتك تبي تجي تعال ما تبي انت حر انا ما بترجا احد لانه قهرني قلب الغلط علي ومشكله ورى مشكله بشكل مو معقول تو ملكين بسم الله وبعدها بيومين فتح لي مشروع ليه عندك جوالين ياخي حره جوالاتي وكيفي واحد هديه من ابوي والثاني منه قال قفلي واحد ويصير يبقى معك واحد انا ما احب اسوي شي من دون اعرف السبب ويكون مقنع لقوله ليه قال كذا واحاول اعرف السبب اخواتي الناس وش بيقولون طيب انا ما يهموني الناس دام انا عارفه نفسي وش اسوي لك اذا انت كل حركه بتحط كلام الناس بالاعتبار وتزاعلنا وقال خلاص خليها قلت طيب يومين ورجع على نفس الموال قلت شوف جوالك اللي جبته انا بقفله واذا جيت خذه تراك ذليتنا وغثيتني قفليه وقفليه تبيه تعال خذه ولا تموت علينا وزعل ليه ما اقفل الجوال اللي من ابوي قلت لا تحسب ان اللي جبته اغلى من اللي اعطاني ابوي على الاقل ما ذلني فيه لكن انت لا معليش تجي وتاخذ جوالك اللي ذبحتنا فيه من زينه وسكت ماهو حب زايد لا عشان الشريحه عام ويكلم خمس دقايق ودقي علي وادق ويكلم يكلم واخر الشهر اقول سدد الفاتوره ترا كلها اكلمك وصعبه اهلي قال قفليها وخلاص بجيب لك وحده ثانيه قلت طيب وجاب لي وحده مالت عليه طيح وجهي من عام لشحن!!!!! جاني نفس اصكه بصحن الحلا وليته يشحن لكن لا واذا مره ضربته الحما يشحن بـ 10_20 يلعن ام الفضيحه اللي اصغر مني جوالها عام لا واوقات انجبر اطلب جوالها لان ماعندي رصيد ]]] |
كان دايم يحسسني انه يكلم بنت مرقمها
اسمع قصص عن البنات اللي يكلمون اولاد وهالكلام واسمع اسلوبه نفس الطريقه بس انا مشيتها له واكلمه عادي ويشوفني نونو ما افهم شي بالحياه وبيضحك علي بكل سهوله واعطيته جوه ابشوف النهايه وشي صار يقول اسمعي انا بجيكم بس ما بدخل البيت انتي انزلي لي عند الباب الرئيسي وبكلمك وروحي قلت لا ما اقدر وصرفته قال طيب اطلعك من المدرسه وارجعك على الصرفه انا انسطلت هذا مو صاحي قلت له لا حلوه ذي وش شايفني بنت مرقمها تراني بنت ناس وربوني زين لا تشطح مره وسكت ورحت مرافقه لامي بالمستشفى وسافر وجانا مو عشان امي لا سالني وش المستشفى اللي امي فيه وقلت له يكلمني الساعه وحده وامي نايمه ويقول انزلي تحت بشوفك وروحي قلت بمشي معه وبشوف النهايه قلت وين طيب لاني ما صدقته قلت اكيد يستهبل قال انا تحت انزلي وبنروح السياره اعطيك حاجه وارجعك بس خمس دقايق وعد ؟؟؟؟؟؟؟ علامات استفهام على راسي وين عقله قلت لا السياره لا ليه مو واثقه فيه ومدري ايه قلت مو حكاية ثقه بس معليش ماراح اطلع للسياره قال طيب بالاستراحه تبع المستشفى وقام يقول كلام يجيب القرف والغثيان الله يقرفه وانا ياصبر ايوب ماسكه نفسي ابي اعرف النهايه قلت واذا دخل احد وش بتسوي قال طيب طيب خلاص بالحمام نسولف شوي واشوفك وخلاص بغيت انجلط وقفلت بوجهه ومعد رديت وش هبلا انا حيوااااان وقلت لجوجو عن كلامه وعصبت وقعدت تحذرني منه ودايم يحاول اطلع معه دااايم اخر شي اخربتها وقلت له وش شايفني بنت شوارع ولا صايعه ولا ما تربيت وكمان تخاصمنا وقعد يدق لين انتهت المشكله انا شكيت من كثر المشاكل اللي يسويها ان احد داعس على قفاه عشان يتزوج وهو ما يبي قلت له اسمع انا ما عاد ابيك ابدا خلاص طلق وتعال خذ كل اللي دفعته واقلب وجهك وقفلت الجوال وقعد يدق علي وعلى اخواني وكلام طويل عريض ورجعنا ونفس الوضع مشاكل مره الزواج شهر8 اقول ما يمدي توك تقول لي اللحين كنا شهر 6 وبعد تخاصمنا قال بسوي الزواج بالمدينه اللي فيها اهلي ومن عاداتنا يعني قبيلتنا الزواج عند اهل البنت وعلى العريس كل شي وكرما من اهلي قالوا له اي شي قاعه طقاقه كوشه عشا اي شي احنا معك نص عليك ونص علينا قلت معليش انت عارف وضع ابوي ومابسحب فيه من هتا لحد عندكم عشان زواج ويالله قامت الحرب العالميه ووافق وقال خلاص عندكم وماهو شهر 8 لكن تيني حجزت كل شي بس مو عندكم عندنا تنحت نعم!! ما سمعت وابوووي قال مو لازم يحضر يقعد معه واحد من اخوانك وخلاص قلت تدري انقلع الله لا يردك ولا يرد اللي جابك حلوه ذي ما عاد بقى الا ذي ابوي ما يحضر زواجي وهو موجود ويالله اذا عندك شي شوف اخواني ودق على اخواني وحلو الموضوع ودارت الايام وقال اذا الزواج عندكم اختي ما بتحضر قلت عادي مو لازم وزعل قلت كيفك مو كان اقتراحك لابوي >>عاد استانست اني رديتها قال عندكم وبشهر 10وقلت لاهلي وكل شي وجا وقعدنا نلف على القاعات وراح وما حجز ولا دفع شي قلت ماعليه عدي يا بندري وقعد لشهر8 اقول تعال نشوف لنا قاعه قال خلاص مو شهر 10 بنأجل قلنت طيببب ووبداية شهر 10 قال خلاص نخليه 11سلاماااااات من بيحضر شهر11 وما يمديني ابد واحاول افهمه واقنعه ابد متنك وكلمه اخوي لان ما عندهم اجازات وماهم عندنا بنفس المدينه قال خلاص 1_12 عليه اوقات ترفع الضغط قلت طيب قعد يومين قال لا خلاص 12_ 12 ارتفع ضغطي انا كل مره اقول لاهلي وقت جننتهم واخذو اخواني اجازات من 1_12 لحد 15_12 وقال لي بنأجل بعد وشو بعد ما قدموا اجازاتهم قال شهر1 لاني عارفه انه كذااب قلت طيب قعد لحد نهاية شهر 11 وقال بنخليه على عشرين من شهر 12 يعني بعد ما تخلص اجازات اخواني باسبوع واخواتي يروحون ياهو خير قال ابدا قلت طيب واخواني عصبوا ووصلت معهم وحلف فارس ما يتم بكيفه وجا وحجز قاعه وش قاعه استراحه تافله العافيه وحجزها ولا قال لي الا بعدين ورحت شفتها قعد ابكي من القهر وبدون خدمات بعد يعني مرره وغير المشاكل اللي يحاول يفرق فيها بيني وبين اخوي الكبير وانه سوا وسوا ومستحييييل اصدقه لو يحلف على المصحف واسال اخوي قال وربي انه كذاب الكلب ذا صرت اتقرف منه احسه حقيييير وومتخلف وحركاته بايخه الله ياخذه وفلانه طويله وفلانه قصيره وياخذ جوالي وقدامي يحفظ رقم صديقتي ويقوله قدامي عشان يعلمني انه حفظه مو غيره عليه والله لكن فيها انتقاص لي وختمها بكلمه قالها لاخوي واخربتها وحلفت لو يتدخل اللي يكون ما اكمل معه لو انتحر ما اكمل مع الحمار ذا |
انا قلت كذا وكلموه اخواني وقالوا له خلاص ما عاد تبيك
وارسل واحد يكلم اخواني وردوه وكلمني عمي ااه يا عمي لحد اللحين ماني مستوعبه كلامه يقنعني بكل الطرق لما طفشت قلت له ما برجع عن اللي قلته ما ابيه يعني ما ابيه ويأس وقعد يحاول ب عبدالرحمن يكلمني ومرره انا مدري كيف يفكرون ولما غسل يده مرره عمي العزيز قال اصلن كنت عارف انه ماهو كفو وما يسوى جزمه بس لو سألتوني كان قلت لكم وهو دايم يسولف معي ويدق علي ويحلف اني زي بنته طيييب بنتك بترضا لها كذااااا وبتقول لها كملي واللي قهرني اني اقول له يا عم دايم مشاكل ويقول ابوي مو لازم يحضر زواجي وهو يقنعني كاني على قلبه اي منطق ذا قولو لي اي منطق !!!!!!!! ولا تكلمت صدمه ما انساها منه أمي تقول اصلا اعرفهم عايلته كلهم ماهم تمام واخلاقهم زفت وما يسوون ووووو وطلع كل شي طيب يمه وينك من اول توووك اللحين والله لو اني من الشارع ما ر ضيتوها لي ولا كلمه قلتها وكمان صدمه لا تنسى بس اقوى من صدمة عمي عبدالرحمن اللي اعتبره قدوتي وكل شي يقول اعرف اهله واعرف كل شي عنهم بخلاء وما عندهم اسلوب وانذال ووووو قلت له طيب ويقول قلت يمكن ماهو زيهم لاني ما اعرفه شخصيا ولا قلت له شي التزمت الصمت وكمان صدمه عمتي تقول كنت متوقعه انها ما بيتم هالزواج لانه الولد ماهو كفو نفس السؤال يتكرر وينك من اول وليه وصلتيه السما قبل وكل واحد بدا يطلع عيوبه كلهم اللي كانوا يمدحونه طلعوا عيوبه وانهم كانوا يعرفون ولاني احبهم وشفتهم كأن ضميرهم يأنبهم انهم ما تكلمو من اول ما ادري هل هو تأنيب صدق ولا مجرد تمثيل وما ابي احد يقول بندري تأثرت ابتسمت وواله وقتها كان ودي ابكي من اللي سمعته وربي قلت لهم يالله نصيب مالكم يد في اللي صار عشان يرتاحون وقعد ماسكه نفسي بالغصب ما صدقت ناموا وبكيت الين قلت بس صرت احس مالي عزوه صدق كنت عايشه باوهام والواقع غير ما شفته الا متأخررره واللحين نسيو الموضوع واذا انفتح فتحوه عشان يرجعون لي حزني والله مو حزينه على الطلاق ولا على شي من ذا انا حزيييينه على نفسي من اللي سووه اعز الناس هذا الكلام بإمكاني اقوله لهم لكن اللي مانعني حاجه وحده لو قلته ببكي وما ابي دموعي تنزل قدامهم عشان لا يقولون ضعفت انا لي شهرين ما اقدر ابكي او ابين اني حزينه حتى عشان لا اعطي فرصه لاحد يشمت فيني ابكي يا بالحمام يا على سريري وقت النوم ومن دون احد يدرري بالله ينلام قلبي لو تحطم منهم وهذا جانب وحد بس _____________________ |
^^
^ ^ احبك قلت لكم ان تركته يتشافا اخبرتكم انتظرو وقت ابعد عنه وشوفو يرجع شاب بعمر 30 سنه كلو نشاط وحيويه ها بدا من امس ناويه اتحجب عليه خلاااااااص انتهى كل شي اكرهك لماذا وقت ابتعد تتشافى مصيبه انا اجيب لك المرض ليه ابسط حقوقي لا اصل اليها ووقت ابعد تتشافى وتصبح مثل القطط تمشي وتبحث عن رائحتي ليه وقت ابعد تتكلم مع الاولاد طبيعي هل تمثيل ام حقيقه ام تريد ان تثبت لاولادك انك مظلوم وطيب وحنون لماذا ؟؟؟؟؟ جاوب انت شخص قهار ادعو الله ان يأتي يوما لا اراك فيه اعلم وقت ابعد ستصلي لله ساجدا لاعود اليك تصلي على الكرسي من الالم وانا معك تحت سقف واحد ووقت ابعد تصلي مثل باقي البشر سنين وانت تصلي على الكرسي وانا ابعد يتشافقى ظهرك وتقف وتسجد وتقرا القرآن الكريم تسجد مسرعها وكأن لم اتشكو بحياتك من اي مرض انا اجيب لك الهم والمرض و السحر ادعو الله ربي ان تعشقني وتهيم وتبحث عني وتصرخ وتتوسل لاعود اليك ساتلذذ بتعذيبك اريد ان ارى دموعك ياما ابكيتني ياما حرقت قلبي فلتحترق انت جا دورك ساجلس واستسرسل بافكاري اتخيل جسدك وجماله كنت حلمي الجسد الذي اتمناه ولكن حرمتني من التمتع فيك حرمت علي لمسك وانت حلالي عريض الكتفين جسم رياضي ظهرك قفاك نفس المستوى خطواتك لم تكن تطأ الارض حرمتني من كل شي فيك لماذا ؟جبار انت ظالم سابتعد واراقبك من بعيد وسوف استمتع بتعذيبك هذه التي كنت تعرفها زوجتك ماتت طعنت اكبر طعنه في حياتها للمره الثانيه سابتعد انما هذه المره بهدووووووووووء حقير انت حرمتني من الحلال والاستمتاع مما وهبني الله حرمت اولادي من فرحتهم والدهم اعلم انك ستتودد لهم فليرتاح جاثومك ها ابتعدت وسابعد وصدقني سوف انتقل الى مكان لن تراني ولن تعرف لي طريق سوف تبحث وتحبث وتبحث ابحث ايام وليالي وانا ابحث عنك وانت امامي ليالي وانا اشاهدك في الحلم وانا اصرخ ابحث عنك واستيقظ واانا الفظ اسمك باعلى صوتي ولكن هل من مستمع لا صمت اذنيك عن سماع صوتي وعميت عيونك من ان تراني انت تنتظر ان اعود اليك اتحسبني القديمه التي كلما اردت تدعس عليها تلك ماااااااااااتت مااااااااااااااااااااااااااتت مااااااااااااااااااااااااااااااااااااااتت اسمع مااااااااااااااااااااااااااتت اها نسيت انك لن تسمع صوتي ولن ترى حركة يدي ارفع يدي لله رافع السموات بغير عمد ان يجعلك اواخر لا تتكلم ولا تقول الا : اني ظلمت زوجتي وقذفتها وانت تطلب السماح وتطلب من الناس ان يقنعوني ان اساااااامحك ولكن صدقا اصبحت لا اسمع ولا ارى جا دوري انا اصبحت حقوده على يديك انت اسامح كل الناس الا انت اتعلم لماذا لانك كنت عندي غير كل البشر لم اكن ارى الحياة بدونك ولم اكن اتنفس ان لم اشم رائحتك ولو انها مخلوطه برائحة الدخان كم كنت اكره ان ارى احد لبس نفس ثيابك او اشم رائحة عطرك على احد غيرك كنت اقرف واقول الرائحه على زوجي اجمل واروع وانظر الى الثياب واقول اهذه مثل ثياب زوجي لا على زوجي اجمل اكرررررررررررهك لم اكن اتوقع بعمري ان اكره احد وخصوصا انت اللهم قذف حبي في قلبه اريد ان اراااااااااااه يشم رائحة ثيابي ويبكي فراقي اريد ان اراه يضرب نفسه لانه خسرني لن التفت اليه مهما حصل |
اليوم خطبة الجمعه من الحرم المكي عن الطلاق واول سبب قال :
منهن من تطلق لاجل رشة ملح اعترف اني بكيت وسرحت وتذكرت الملح جلاب المصايب سمعت باقي الخطبه ولكن لم اركز انما فكرت كم مليون الف مره اتهمت بالملح ومرات قليله جدااا اكون فعلا مجرمه هذا الملح اللي رشة منه مفعولها يسبب طلاق وحتى بالاخير قاطعت جيع انواع الملح فاتهمني اني اضع السكر عل السمك وان السمك حلو الملح يا جلاب المصايب انت السبب وبعد كل هذا العمر وصف لك الطبيب الملح وان لم ينفع تذهب للمشفى هذه المره انا من سيلفظ عليك كلمة طالق هههههه حسبي الله ونعمى الوكيل لماذا ايها الرجال لاجل رشة ملح تخربو الدنيه طيب نحن نكفر العشير وناقصات عقل ودين ولكن انت يا من تطلق وانت بكامل قواك العقليه لاجل رشو ملح ماذا نقول عنك اليوم خطبة الجمعه وضعت على الجرح ملح رحااااااامك ربي |
اكرهك يا شغل البيت اكرهك من كل قلبي
كسرت عظامي على الفاضي ودي اصرخ من التعب ما عاد ابي اشتغل وانا وش علي كانوا ساكتين ومخليني في حالي لكن صدق جنت على نفسها الحلوه بنوو>>مابي اقول براقش هع هع صدق اني ملقوفه لاقافه ما شفتها في بشر وش حاشرني اتلقف واشتغل ودي اخذ اجاااازه اسبوع من كل شي حتى من نفسي لان من جد ما عاد فيني شي صاحي ملل وروتين يفقع المراره لو بستمر على كذا اهئ اهئ طفشت ماااا ابي اكمل ما ابي |
عيوني موتتني من الحرقه والاحمرار
صابوني بالعين ما عادو عيوين حلوين هيئ هيئء هيئ بالمنتدى انما اشوف طشاش لا ما طاش ما طاش طشاش قريب من العما الله يستر عم يحكوني انما انا ما حكيهم مخاصماهم يالله تعبت واوا انا واوا |
عزيزتي حطموك ياقلبي
يبدو انه اختلط عليك مفهوم الموضوع العنوان ((غرفة النقاهة النفسية) رسالة لمن تكره) يبدو أنك كتبتي وفضفضتي تفاصيل حياتك الرجاء الإلتزام بما جاء في العنوان |
روح المساء رسالتها موجهه لمن حطمها هل قراتي كم شخص شارك في تحطيمها ولكن كتبتها باسسلوب رائع كالقصه
رسالتي انا لمن احب هل سيمضي كل منا الى غايته بعد ان تلاقينا لقاء الغرباء هل سنترك الايكة ونمضي مازال في العمر بقيه والعهد باق والحياة جميله ولنمضي وسنمضي ونعود ونمضي ونعود معاهدتنا في الليل يمحوها النهار ومعاهدت النهار يمحوها الليل اللهم فرج هم المهمومين اللهم فرج كرب المكروبين واللهم اشفي عيوني اكتب وانا طشاش انتبهو على اعينكم من الرمد بسم الله على عيوني هههههه عيون القطط ولا عيوني هههههه لا حرام و ما ذنب القطط مساكين آخ القط بياكل عشاه الي عندي صار شيخ انما تمثيل صدقوني وقت اعود وان عدت له سيعود كما كااااااااااان اكره هكذا ناس |
| الساعة الآن 02:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©