رد : زوجي والعقم
 

يمكن يكون رأيي الوحيد الشاذ بين الجميع

ولكن بما إنك متعلقة به أختي شهلا أنصحك تتصلين عليه وتناقشينه
وإذا حسيتي أن لديه ميل أو محبة لك ارجعي
لأن صدقيني مع هذا الحب الذي تحمليته له لن يملأ عينك أفضل رجل

ما أدراكِ لو أنه لا يريد أن يضغط عليك بالعودة له وهو عقيم ، ما أدراك أنه يتألم في صمت
وغالبا الرجل لا يبين عن ألمه وحزنه ، لعله يبتعد عنك حتى يهرب من الحديث في موضوع الإنجاب

ما أدراك لو يحبك ولكن لا يريد أن يضغط عليك بالعودة ، ويرغب أن تأخذي قرارك من نفسك وعن قناعة بالرجوع إليه

رد : زوجي والعقم
 

قالت اللي في خاطري ماني حابة اصدمك بهالكلام لكن اعتقد انه هو اللي حاصل ... معقولة منتي حاسة بحقيقة مشاعره تجاهك اخت شهلا الرجل تصرفاته تدل على انه بايع ومافي شي يربطه فيك .. انا اسفة جدا اني اقول هذا الكلام و والله ماودي اقوله لكن يابخت من بكاني .. رحمتك من هذا التخبط اللي عايشة فيه ... قومي اقري قران يهديك شوية

رد : زوجي والعقم
 

السلام عليكم
احب ابلغكم بمستجداتي انا ببيت اهلي منذ مايقارب ال20يوم ولاحس ولا خبر من زوجي 'تفاجات ان امي كلمت زوجي وسألته أساله مالها داعي قالت له البنت طولت عندنا انت تبي مرتك ولا ماتبيها تحبهاولاماتحبها رد عليها انه يغليني ولكن المشكله مالها علاقه بالحب هي لها علاقه بعدم الاحترام من ناحيتي وطولت لساني ومشكلته معي لساني الطويل ' متناسي كل عيوبه ياناس انا يطول لساني من الهجران والبرود والجفاف والحرمان وكل هالاموووووور مجتمعه '''' آه الزبده أنها طلبت منه يكلمني عشان يصالحني ماعرف ليش امي سوت كذا هل طفشت مني ام عشان تشوفني حزينه كان ودي يجئ بنفسه مش تكلمه تطلب منه هالشى المهم سلم علي بالواتس ومارديت السلام وأحس أني بحيره مااستفدت شئ من زعلتي أخرتها انكشفت مشاكلي الخاصه وحياتي عند امي ووووبس
امي لمن ناقشتها عن تصرفها قالت خليه يسوي عمليه للمره الاخيره لو فيه عيال ولا لك القرار هل ارد عليه بالواتس ولالا ؟؟؟؟هل ارجع بيتي ولالا وش الشروط اللي اطلبها منه لو مثلا فكر ياخذ بخاطري. طفشت. من التنقل بيتي وبيت اهلي أبي استقراررررررر تعبت

رد : زوجي والعقم
 

انا بعد محتاره
استخيري اختي

رد : زوجي والعقم
 

ماني فاهمه هل مشكلتك الحمل فقط
هل لو حملتي ؟ بتكونين سعيدة مع زوجك
هل يكفيك ولد فقط
هل تقدرين تكملين حياتك بدون حقوق و بدون علاقة
و فوق هذا بدون عاطفة
انتي الوحيدة اللي تقررين

رد : زوجي والعقم
 

تسألين ليش أمك سوت كذا؟ انتي كاتبة الجواب قبل، أمك قرارها عاطفي لانها أمك وتشوفك تبينه ومو قوية وعندك حزم في عدم الرجوع لكن اللي برا الموضوع يشوف أشياء ماتشوفينها.. يابنت مشكلتك ليست في الإنجاب فقط مشكلتك انك ديكور لهذا الرجل ليغطي عيوبه امام الناس وفوق هذا شين وقوة عين حاطين العيب فيك.. وضعك مايطمن معاهم حتى لو رجعتي

الان هو تكلم تقدرين ماتردين عليه اذا تبين مو انتي كلمتيه يوم الأسهم ولا رد عليك؟! اكتبي انتي وش تبين بالضبط حتى نقدر نقول لك ارجعي او لا؟ هل فعلا اقتنعتي بالطلاق؟ هل تحسين ان مشكلتك بس في الانجاب؟ هل راح تستمرين معه بنفس تعامله طول العمر؟ كل هالامور من بعدها تقدرين تقررين ..

رد : زوجي والعقم
 

لو انجبت طفلين علي الأقل راح أتحمل أكمل حياتي معاه لان لو تزوجت واحد ثاني ما اضمن مايطللع فيه عله كذلك زوجي أتوقع له مستقبل بتجارته يقدر يعيشني واولاده بمستوي ممتاز ولا احتاج لعملي كمان اذكر اول الزواج كان يعاشرني مره بالشهر بعد ماكتشفنا العقم تدهورت نفسيته وصار مرتين بالسنه يمكن لو جبنا عيال يرجع نفس اول زواج وبحاول اقنع نفسي بهالقدرررر انا مؤ تفكيري مادي بس زوجي لأيشرب ولا راعي بنات واخلاقه الناس تمدحه ودينه ممتاز اللهم علته ومشكلته الضعف اللي فيه وفوقه التكبر وشوفه النفس انا مدريً بس ممكن لو أنجب تنحل بعض المشاكل
خايفه من كثر ما اقرأ المشاكل كل الرجال فيهم علل لا تتحمل انا ماجربت الخيانه ولاالشرب ولا سوء الخلق ولا قل الدين أخاف يجيني عيال وانبلي بهالامور غير أني وين بلقي رجال صاحي وانا مطلقه. انا للان مارديت عليه امي قالت عطيه فرصه للانجاب خليه يحاول مره ثانية وشوفو لعل الله يريد شئ متشوشه كنت أثق فيه مره بس لمن جلس يسبني عند امي طاح من عيني ماعرف لعلها خيره يطيح من عيني 'بألواتس طلب مني نتفاهم بس مااعرف بتفاهم معاه علي ايش انا متمسكه فيه لأني كنت احبه ولان وجهه برئ وطفولي ارحمه وأحن عليه بس هو مايرحمني الله يشفيه ويعافيه

رد : زوجي والعقم
 

تفاهمي معه وشفتي ان حديثكم جاب نتيجة ارجعي للبيت
ورتبي امورك معه ان شفتي انه طلع بنتيجه وتسنع ووافق على العمليه كان بها والا هيئ نفسك للانفصال وانت جالسه معه بالبيت ..
علشان تصير هذي الفرصة الاخيره وعلشان بعدين ماتندمين انك حاولتي ..

بس ان عندي احساس ان القرار الافضل لك هو الانفصال والله اعلم

رد : زوجي والعقم
 

بس ماعرف لمن أروح اتفاهم معاه وشلون اقوله إذا سألني وش مشكلته غير الانجاب؟؟أقوله انت ما تعطيني حقوقي الشرعيه أحس فشله وعيب بحقي
لأني دائم لمن أقوله انت تحبني يرد علي رجعنا لهلاسطوانه
مدري ليش احسه يكرهني ولايعه كبده مني بس يبي يمشي الامور عشان مشكلته
حتي انا لايعه كبدي منه بس متحملته لأني ماتحملت بيت اهلي
علي فكره عندي دوره تبع العمل بأمريكا شرايككم أحاول اقوله اني بروح لها لحالي مع بنات المستشفي لان بنات واجد رايحين لوحدهم منها اغير جو ومنها اعمله اني مامت علي السفر معه لاني كل مااحجز يكنسل الحجز. امي عيت قالت استاذني من رجلك ماتبي تتحمل كلام الناس

رد : زوجي والعقم
 

طبعا تستاذني منه هذي سفر لاخر الدنيا
وانتي بذمته
حبيبتي قولي شروطك والي بقلبك كله باسلوب وبدون عصبيه