منتدى عالم الأسرة والمجتمع - كوفي شوب الصبايا (٣)

منتدى عالم الأسرة والمجتمع (http://www.66n.com/forums/index.php)

- مملكة المرأة (http://www.66n.com/forums/forumdisplay.php?f=90)

- - كوفي شوب الصبايا (٣) (http://www.66n.com/forums/showthread.php?t=261411)

رد: كوفي شوب الصبايا (٣)

اقتباس:

المشاركة الأصلية كتبت بواسطة شوك11 (المشاركة 3408596)

فيه ناس بالمنتدى ما أتحمل ردودهم
أنتم مثلي؟!!

غصب غصب كذا شي من الله
والله اني اتعوذ من ابليس واضغط على اعصابي

يارب ما اكون منهم امين
واذا صرت وسطهم العذر منك شوكه
dgt

رد: كوفي شوب الصبايا (٣)

اقتباس:

المشاركة الأصلية كتبت بواسطة مــريم (المشاركة 3408663)

قررت اترك المنتدى فترة من الزمن ..
صارت مواضيعه تغث تغث ..

نفس الشعور والله قبل سنه كان وش حليله المنتدى الان كله خ احس عقلي dvf
.
.
.
.
.
.
.
.
.
.
.
اختي الغاليه مهره دوري لك شغل حتى لو زوجك معك عسل الشغل يعطيك روح جديده
حاولي فيه يوافق بالتوفيق

.
.
.
.
.
.
.
.
لوفتي اخبارك وش مسويه لك وحشه عسى امورك تمام ياوخيتي
dgt

رد: كوفي شوب الصبايا (٣)

يسعدلي مساكن يا قمرات😚😚😚😚

شوك حبيبتي ماشاء الله عليكي وعلى ذوقك الحلو 😚😚😚😚
اتاريكي طلعتي الذوق كلو ربي يحميكي ويسعدك دنيا وآخرة

سمورة حبيبتي ربي يشفي الوالد عاجلا غير آجلا
الله يخليه فوق راسكن ويضل مزين حياتكن

مهورتي هيدا كلامه دليل الانفجار من الوضع وبعدك
واي رجل رح يحكي هالكلام مجرد لاغاظة الطرف التاني على رسم حياة الزوج ما راضي عنها
بيحبك يا مهرة وكتير واتوقعي ممكن يعاند ويغيظك بكلام اكتر كل ما زادت الفترة
وبس ترجع المياه لمجاريها رح تشوفيه العاشق الولهان الله اعلم

اشراقتي وانت من اهل الخير يا عسل

زينو سلامة قلبك من الضيقة

زهرة نيسان وعيوشة وهجور وباقي الصبايا ان شاءاالله كلكن بالف خير 😚😚😚😚

رد: كوفي شوب الصبايا (3)

اقتباس:

المشاركة الأصلية كتبت بواسطة مهره (المشاركة 3408701)

حصل موقف من يومين!

لكن قبل ما أحكيه .. ومن بعد حركة شنطة السفر .. طلع بحركة يديدة وهي التلميح بالسفر إلى إحدى الدول ذات السمعة السيئة .. وبعدها طلع بحركة ثانية وهي الإيحاء بأنه ناوي يستخدم غرفتنا القديمة اللي في بيت أمي ...... طبعاً كلامه كله في القروب مع اخوانه .. لكن عموماً ما طلع مني أي تعليق على كلامه.

وشي ثاني لازم أنوه له وهو إنه طول الشهور اللي طافت ما قصّر مادياً معاي أبداً .. ومصروفي يوصلني كالمعتاد.

من يومين قررت أبدأ أجهز أغراض العيد من الحين .. تحديداً ثياب يوم العيد لأنها بتتفصّل فلازم أعملها قبل بوقت قبل زحمة الخياطين.

يومها بعثت له بالواتس عقب ما طلع من البيت: ممكن تعطيني بيزات العيد هالشهر؟

رد: ليش ما قلتي لي لما كنت في البيت؟

قلت: لأني ما أباهم اليوم بالذات .. عادي خلال الكم يوم اللي يايين.

قال: كم المبلغ؟

قلت: السنة اللي طافت أنت عطيتني البطاقة أصرف منها بدون ما تحدد لي مبلغ محدد .. وانا بعد ما حسبت كم صرفت ... والسنة اللي قبلها عطيتني 6000

قال: السنة اللي طافت إنتي محسوبة زوجتي بس هالسنة إنتي محسوبة صديقتي .. في فرق .... هالسنة عندي مصروف البنتين بس.

رديت: براحتك.

قال: أوكيه.

وانتهى الحوار .. ومر اليوم بطوله كالمعتاد .. طبخت الغدا .. ورتبت ثيابه في الكبت .. وسويت له شاي أخضر العصر .. ويلست مع مهرة وهي تسوي واجبها .. وفي الليل عشّيت اليهال ونوّمتهم .... وهو طلع يصلي العشا ورجع على بيت ماما.

بعثت له واتس: بعد إذنك .. أبغي أرجع أشتغل .. ولو سمحت تحملني وتحمل مصروفي لين أحصل شغل .. أدري ما لي حق في هالطلب بس ما أقدر أطلب من اخواني ولا أبغي أنحط في موقف محرج جدامهم عقب هالعمر .. وأنا آسفة بجد لأني كنت عالة عليك طول هالوقت.

وسكّرت موبايلي ودخلت السرير بانام.

يمكن عشر دقايق ولقيته داخل الغرفة .. بدل واستعد للنوم ودخل السرير.

قرّب مني وايد وقال: تبين تشتغلين؟

عطيته ظهري وقلت له: لو سمحت أبغي أنام.

قال: ليش تبين تشتغلين؟؟

قلت: ما أبغي أتكلم الحين .. تعبانة وأبغي أرقد.

قال: طيب ردي على سؤالي .. ليش تبين تشتغلين؟

قلت: باصرف على نفسي.

قال: وأنا وين رحت؟؟

قلت: أنت كثّر خيرك ما قصرت .. بس كلامك صح وأنت مب ملزوم.

قال: عاد إنتي صدقتي؟ .. يعني إنتي ما تعرفيني؟ .. ظنج إني ممكن أسوي معاج جذي.

قلت: إنت ما غلطت ومعاك حق.

قال: ووين تبين تشتغلين؟

قلت: ما أدري .. الأماكن وايدة.

قال: بتحصلين؟

قلت: قول إن شاء الله والله ييسر أمري.

قال: زين ومنو بيطبخ أكل اليهال؟

قلت: باطبخ لهم في الليل .. لا تخاف ما باخلي عيالي بدون أكل.

قال: ميرة .. ليش هذا كله؟

قلت: لأني ما بانذل عشان الفلس اللي ينصرف عليّ.

سكّتني وما خلاني أكمل جملتي: ما عاش اللي يذلج .. إنتي زوجتي ومسؤوليتي وملزوم أعطيج وأصرف عليج غصب عني وريلي فوق رقبتي. <----------- والله إن هالجملة عمري ما تخيلت إني أسمعها منه في يوم من الأيام.

ومسح على راسي وقال: حتى وإنتي تسوين اللي تسوينه معاي الحين ومخليتنا مجرد أصدقاء لكن بتظلين غالية ومكانتج بقلبي عمرها ما بتتغير.
.
.
.
قلت لكن قبل .. زوجي عمره ما تصرف معاي بنذالة أو دناءة أو قلة مروءة .. ومتأكدة إن دافعه من كلامه في الواتس هو نفس دافعه من حركة شنطة السفر وطاري السفر وغرفتنا القديمة .. من باب الضغط عليّ عشان أتكلم وأسأل وعشان يحسسني إنه مستاء من موقفي الحالي منه .. لكن رغم هذا كانت عندي مخاوف ووساوس شيطان بخصوص مسألة إنفاقه عليّ نطلت كلها جدام عيني عقب ما قريت كلامه في الواتس .. ونفسي عزّت عليّ لدرجة إني فكرت أشتري بيتي اللي أنا ساكنة فيه عشان يكون ملكي أنا.

بجد كنت محتاجة هالموقف عشان أسمع منه الكلمتين اللي قالهن ذيج الليلة.

ماشالله تبارك الله والله اسلوبه اسلوب جنتل مان 😎 وان شالله بتعيشين دايم معززة مكرمة عنده وبرضو مايمنع انك تشتغلين وتأمنين نفسك

رد: كوفي شوب الصبايا (٣)

صبااحو

لو سرت أنا الشبحة اتحدى حدا يعرفني 😌😌
صح 😌🙂

رد: كوفي شوب الصبايا (٣)

صباح الورد 🌷🌹🌷🌹🌷🌹🌷🌹

رد: كوفي شوب الصبايا (٣)

مهره جات الفرصه لين عندش ليش ما استغليتيها

شكلش ما تبين تشتغلين .. كان قلتيه ابي اشتغل مش للماده فقط ولكن العيال كبروا وحابه اقضي وقت فراغي في شي

مفيد او اي مبرر غير انه بس عشان بيقطع عنش المصروف

رد: كوفي شوب الصبايا (٣)

اقتباس:

المشاركة الأصلية كتبت بواسطة ana raghadah (المشاركة 3408808)

صبااحو

لو سرت أنا الشبحة اتحدى حدا يعرفني 😌😌
صح 😌🙂

ههههههههه
خصوصا الي ماسكة معاك بتكشفك hyi

رد: كوفي شوب الصبايا (٣)

صباح الرضا والسعادة يا سكاكر. jyhfdgrg
.
.
.
مشكورات حبيباتي. jyh
.
.
.
كوكي..

ما قدرت أطول النقاش بدون ما يكون عندي شي ملموس أعتمد عليه .... ومحد رد عليّ بخصوص الوظيفة لحد الآن.

وأدري إن موضوع الشغل ما بيمر بسهولة بيني وبينه .. فمب معقول أعمل قصة الحين وفي النهاية أتفشل جدامه لأن محد بغاني.

رد: كوفي شوب الصبايا (٣)

صباح الخيير
و الغيووم اللي شكلها رح تمطر