|
|
رد: كوفي شوب الصبايا (٣)
روح ..
الأشياء اللي قلتيها تعتبر عذاب لكل انثى نظيفة متعلمة راقية زيك لكنها مو جديدة عليك انت عايشة معاها سنين ... مافي الا الصراحة لانه ماراح يتعدل قولي له اقرف ما أتحمل اذا هو ما عنده ذوق قولي له ترا بتموت رغبتي فيك |
رد: كوفي شوب الصبايا (٣)
مبتعثة
انا يعجبني فيه الشي الي افتقده في اخواني و اخواتي ماعنده ( سوء الظن ) ما عنده ( انه يحقد او ينتقم ) لو ابغى شي .. ممكن يترك اصحابه و يجي يسويه لي .. ممكن يكون نايم و لو ابغى مشوار .. يقوم من عز نومه بس لو امه او ابوه طلبوا منه شي و هو نايم .. يتحجج و ما يرضى يقوم .. و انا اخليه يقوم و يوصلهم . . دحين لو زعلت منه و طنشته كم يوم .. اصحابه و اهله يلاحظوا عليه .. يتنكد و يعيش في قلق .. و ينقلب مزاجه بس انا يبغالي أطول في بالي كم يوم و اطنشششششه تمام .. اول مرة دحين اصكه بلوك و احظر رقمه في الاتصال و في الواتس في العادة هو يقفل جواله و يتركني انقهر مع نفسي و ارضى مع نفسي راح يطنشني يومين و ثلاثة و يحسبني راح أدور عليه .. بس انا راح اتركه مع نفسه لاني اكتشفت لما يزعل من اهله زي كذا يطنشهم كم يوم و يختفي و لحد ما امه تهلك جواله اتصالات و تتصل على اصحابه تبكي بس ما راح اعمل نفس طريقتها .. انا الي راح اتجاهله .. بس هو باله طويل مرة و المرة هذه .. بالي بيكون أطول منه .. و احسن خليه برة .. ما عاد تفرق معايا .. بيروح لشلة خربانة .. بكيفه؛ هو الخسران .. هو مو نونو .. يبغى اولاده ؛ يعرف عنوانهم هذا لو فكر فيهم أصلا .. . . الحمدلله ماني زعلانة ابدا لاني شايفة أولادي حواليني الحمدلله .. متعلقين فيا و يتلموا حواليني و يتكلموا معايا بلغة الاطفال .. و يحبوا بعضهم .. و بكرة أخدهم السوق ان شاءالله و العبهم و اعشيهم .. . . هو ما يفهم اولاده .. و هو الخسران .. مسكين ما يفكر ابدا ( لبكرة ) .. |
رد: كوفي شوب الصبايا (٣)
اخبارك اشراقه؟
|
رد: كوفي شوب الصبايا (٣)
اشراقة
قلت له .. بس مافي احساس .. ترى يعرف يتكشخ و يلبس و يتعطر و يتزين .. بس بمزاجه .. و على باله اني وحدة من أخواته او امه .. يعني خلاص تعودت على مظهره .. قلت له و انتقدت سمنته الزيادة .. و بجد قرفانة؛ لمتى أجامل !؟ و اللي يقهر انه دايم يعمل حاله مسكين جوعان و ما اكل شي .. عشان كذا .. ماني خسرانة شي بغيابه عن البيت .. بالعكس .. بالي مرتاح و حاسة براحة ما كنت كذا .. بس خلاص كراهيتي له بدأت بالتدريج تغطي على كل شي حلو ( كان في حياتي معاه ) |
رد: كوفي شوب الصبايا (3)
ميمو ..
باعمل زي كذا .. بس مالها طعم و ليه ما تجي من عنده !؟ ليه بعد ما يشبع نوم .. و اتركه ينام .. ما يقول يالله تعالوا نخرج نتمشى !؟ يصحصح و يشبع نوم .. يفتكر اصحابه .. صرت مرات اترك الاولاد فوق راْسه يزعجوه و هو نايم .. و اقول احسن خليه .. و مرات اكون نايمة و يصحى ولدي .. و اقول له تعبانة؛ تسوي له حليب !! انا مو مقصرة .. باشغله بس ليه ما تجي من عنده !؟ ليه بعد ما يشبع من اصحابه .. يفتكرنا و يكون نعسان خلاص !؟ و يسد نفسي لكل شي ما أنكر .. بيعطيني مصروف و يخرجنا .. بس خروجنا .. بس عشان يسكتني مو عشان ينبسط و هو معانا .. باختصار ما صار يعبي عيني .. و هو الي جابها على نفسه .. |
رد: كوفي شوب الصبايا (3)
شوك ..
ايوة و الله ما ربوهم .. و يبغونا نحن نربيهم .. الله لا يجعلني في نفس مكانهم .. . . طبعا ليش قلت له يطّلع من البيت !؟ لانه لو جلس في البيت .. و شافني ما اكلمه و مطنشته .. يقوم يستفزني عن طريق ولدي الكبير خاصة .. يا يضربه او يضرب الصغار بدون اي سبب .. و عشان اتكلم و أتحرك او اعطي اي ردة فعل .. و بعدها يتطمن هو و يرتاح خلاص .. او يشوفني مثلا اكلم الاولاد و امزح معاهم .. يحسب اني خلاص ( راضية و ماني زعلانة ) و ما ياخد الموضوع بجدية و يرجع يطنش او يحاول يحتك بيا باي طريقة .. و لما يتطمن و يشوف مني نظرة او اي حركة خلاص يرتاح و يرجع يخرج و يتجاهلنا اهم شي انه تطمن اني ماني زعلانة .. و لو مزاجه متعكر .. يقوم يحاول باي طريقة يزعج ولدي الكبير .. و يدور اي سبب عشان يحط حرته في المسكين .. . . عشان كذا .. خليه برة احسن في الشارع و خليه يشبع من اصحابه .. و لما يحاول يراضيني .. راح يراضيني عن طريق الاولاد يخرجهم و يمشيهم و يلعبهم و يفرحهم و يقول لي اي شرط تبغيه تحت امرك و يسمع لي للنهاية و ياخد و يعطي معايا مثل الرجال العاقلين |
رد: كوفي شوب الصبايا (٣)
شوك..
فاهمة إحساسج تماماً .. لكن المشكلة إنج رسمياً مالج صفة .. وهذا أبسط شي ممكن يقولونه لج. أم البنت راضية .. وما دامها راضية فللأسف ما باليد حيلة. وطبيعي يلمون الموضوع لأن صاحبة الشأن والأولى بتقديم الشكوى تساعدهم زيادة بالكفين اللي تعطيهم لبنتها جدامهم!!! |
رد: كوفي شوب الصبايا (٣)
الله يصبرك ياروح ..
صدقيني كثير من البيوت قائمه بها الام .. |
رد: كوفي شوب الصبايا (٣)
اقتباس:
الظهر أخذت لي غفوة وقمت لقيت هذه المسجات من زوجي في الواتساب: " "عارف انك ممكن تقولي اني بس بقول هذا الكلام عشان اريحك. بس إنت أغلى شي في حياتي. اترددت اكتب هذا الكلام و مسحته كم مرة." وبعدها بوقت: "مررررة في كلام في نفسي ابغى اقوله بس متردد لانه متعب وماله اي فايدة بس ماعمري حسيت اني كنت تعبان معاك انت كنت و مازلت اجمل نعمة ربنا انعمني بها" |
رد: كوفي شوب الصبايا (٣)
كلامه من القلب اشراقه
ومثل هالكلام لا تتجاهلينه قليل من يقوله ردي عليه بكلام من القلب موجز او بس بكلمه احبك بعد قراءه مشاكلكم ومشاكل المنتدى ومشاكل صديقاتي ومشاكلي السابقه هههه هناك خلل بالرجل الشرقي وخلل كبير ويا بخت من خذت زوج امريكي مسلم طبعا ليت بس كان المجتمع يسمح |
| الساعة الآن 03:26 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©