|
|
رد: كوفي شوب الصبايا (٣)
روح يا حبيتي
زوجك من جد مو ناضج، بس معليش محد كامل.. حطي المكبر على ايجابياته حتى لو قليلة ولو تحسي لسه فيك حيل وطولة بال اصبري ومشي واطلبي من الله يعينك ويقويك كلها كم سنة ان شاء الله واولادك يكبروا ويكونوا حولينك يداروك وياخدوا بخاطرك فكري في المستقبل المشرق وخططي له مزبوط.. انت حاليا في مرحلة البناء |
رد: كوفي شوب الصبايا (٣)
روح
سوي الي يريحك اهم شي الاحترام يكون بينكم لاجلك ولاجل الاولاد تراهم يحسون وركزي على عمرك حتى تغيير زوجك ركزي بالجوانب الي تخصك بس والله يعينك يارب بس روح خليه يخرج وياكل ما بدى له معوره قلبك ليه ومهدره طاقتك ليه الى متى بتلبسينه هاله الاهميه الرجل هذي قدراته معلش انتي تزوجتيه بمواصفات معينه مااخذتي اكثر جنتل بالعالم ولا اكثر مثقف بالعالم تصرفاته على قده وعلى قدرته اذا تغيير انفسنا صعب فما بالك بتغيير الاخرين ولو اسوي دراسه بلقى قليل من يغير عاداته و تصرفاته على مدى السنوات ركزي بعمرك وخليه هو بحاله دامه يصرف و يجيب طلباتكم خليه بهالاطار ادري صعب لكن واقع والواقع افضل من الحلم وافضل من المحاوله المجنونه لتحويل الحلم لواقع احبكم روح واشراقه |
رد: كوفي شوب الصبايا (٣)
من شوي زوجي سألني عن ألبوم عرسنا!
أول مرة يطلب يشوفه من نفسه! استغربت! .. قال: ياي على بالي أشوفه. عطيته الألبوم وانشغلت بشغلة .. بس كنا داخل غرفتنا. فتح الألبوم وبدأ يتصفحه وابتسامة خفيفة مرسومة على ويهه. رفع عينه ولقاني أطالعه .. سألته مرة ثانية: شو اللي يابه على بالك؟! .. قال: ما في شي بس حبيت أطالعه. قمت من مكاني ورحت غرفة البنات عشان أبدل ثياب شما .. لحقني .. وحضني .. بعدين مسك يدي وقال بمزح: كان المفروض نسوي جذي .. وباسني بوسة عميقة! (مب على راسي ولا خدي طبعاً) رد فعلي؟! بكيت! |
رد: كوفي شوب الصبايا (٣)
الله يخليكم لبعض
الخوف من الخساره هي ما تفجر رومانسيه الرجل الخليجي وتجيب راسه |
رد: كوفي شوب الصبايا (٣)
روح ..
حسيت بضيق وآنه اقرأ كلامج عن اسلوب ريلج.. لأني مريت بهالتجربة مع طليقي صح انه كان انسان مرتب ومنظم لكن .. طريقته في الحوار الجدي انه ياخذه بمزح واستخفاف وما عنده اسلوب في النقاش الزوجة تحس نفسها هي صاحبة العقل الكبير والزوج!!!!!!!! هذا الشيء يخلي الوحدة تحس بعدم الامان لأن ما تحس انها قادرة تعتمد عليه.... بس انتي عندج عيال حبيبتي ، هو واضح انه ما راح يتغير فلا تبذلين جهدج في تغييره ابذلي جهده في تقبله مثل ما هو! |
رد: كوفي شوب الصبايا (٣)
مرحبا صبايا
رحت العيادة أسوي تنظيف بشرة قالت لي الأخصائية باستخدم لج ديرما بن الصراحة خايفة وماني عارفة شنو هذا الحين حاطة على ويهي مخدر🙈 |
رد: كوفي شوب الصبايا (٣)
موهبه اي عياده لاني من زمان ادور الديرما استخدمته بامريكا وعجبني
|
رد: كوفي شوب الصبايا (٣)
عندنا بالكويت اسمها اوركيد
الحين ويهي متخدر والله وايد خايفة |
رد: كوفي شوب الصبايا (٣)
مهرة ..
صدق الموقف يبكي .. |
رد: كوفي شوب الصبايا (٣)
وكانت الخيبه بجد
|
| الساعة الآن 05:52 PM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©