|
|
رد: كوفي شوب الصبايا (3)
اقتباس:
صدقت رهام... المشكلة لما تجيك الأشياء اللي تكدر خاطرك لعندك بس الحمدلله رغم هذا كله الواحد بيتجاوز ضيقته قدر الامكان.. الحمدلله.. |
رد: كوفي شوب الصبايا (٣)
مهرة.. والله اشتقنا لك أكثر..
لسة امس اقول مهرة خفت مشاركتها في الكوفي . . 🌹 |
رد: كوفي شوب الصبايا (3)
اقتباس:
هلا الرهام. ما عرفت شو أقول يا مروة. بعد الموقف .. تم باقي الإجازة بدون ما يطلع طلعات طويلة .. ومعظم الوقت في البيت!. والمشكلة إني ما ركزت في إسوارة المستشفى ومب متأكدة إذا كان مكتوب عليها (b/o) .. اختصار (baby of). وطلعنا مرة مع اليهال .. وبنتي نطت فجأة تسألني: ماما فيه نونو؟ (هي كل فترة تسألني إذا باييب نونو ثاني؟) رديت عليها: الله أعلم. (ما كان قصدي أبداً أنغز زوجي بس أنا لما عيالي يسألوني ما أحب أقول لهم: لا خلاص ما باييب نونو بعد) بس الظاهر هو خذ الكلام على نفسه وضحك! .. تعرفين الضحكة البلهاء المصطنعة اللي مالها معنى؟! ما أدري هو ضحك عشان يضيع السالفة والا عشان ما أفكر والا شو بالضبط. راح دوامه وبعد أسبوع رجع عنده شغل في العاصمة .. وتوقعت ما يي إمارتنا لأنها شغلة يوم ويرجع دوامه .. لكنه رجع البيت وقعد معانا طول اليوم .. وطلع لصلاة العشا ورجع البيت على طول ..مع إني توقعت العكس. المقصد إن مثل هالتصرفات اللي يسويها تخليني متخربطة ومب متأكدة من شي! وبأمانة هو لا يزال مداريني ويحرص على احتوائي ومسايرتي كثير. فقررت أسكت وما أفتح الموضوع .. وفي النهاية كل شي بيظهر. من كم يوم وحدة من العضوات كتبت في موضوع نصيحة .. الدعاء ب (اللهم ذا وليّ نعمتي .. وملاذي عند كربتي .. اجعل ما أخاف وأحذر برداً وسلاماً عليّ كما جعلت النار برداً وسلاماً على إبراهيم) من يومها أدعي به في ختام معطم صلواتي. |
رد: كوفي شوب الصبايا (3)
اقتباس:
هلا حبيبتي إشراقة. ترا حتى أنا كنت منفسة اليومين اللي طافوا. سبحان الله على قد ما أكلم نفسي وأقنعها .. لكن في أشياء تظل ثقيلة .. وما أتخيل كيف ممكن أتصرف لو صارت فعلاً. |
رد: كوفي شوب الصبايا (3)
اقتباس:
يعجبني فيك مميرة انك تسيطري على مشاعرك ولا تحني عليه علشان تتأكدي جميل انه الانسان يملك قوة يسيطر بيها على مشاعره |
رد: كوفي شوب الصبايا (٣)
يزينها ربي يامهره
ناجي الله واشكي له الله يطمنك ويبرد قلبك تمرأ حبيبتي تمرأ على قوله اللبنانين مامرق اقوى منها انتي قدها حبيبتي |
رد: كوفي شوب الصبايا (3)
اقتباس:
تدرين لو كنت عرفت سالفة الموقف الأخير من خلال موبايله في الواتس مثلاً .. يمكن ما كنت تكلمت معاه أساساً .. لكن لما ركبت السيارة وشفت إسوارة المستشفى ما عرفت أظل ساكتة وأسوي نفسي ما شفتها .. واضطراري للكلام حسسني بالإهانة والوجع زيادة. تعرفين لما كتبت الموقف .. وقتها أظن وحدة من البنات اقترحت إني أسال أم زوجي .. وقلت في نفسي: يمكن فعلاً المفروض أسألها عشان اتأكد. لكني ما قدرت أبداً. |
رد: كوفي شوب الصبايا (٣)
اقتباس:
لا يغرج يا مبتعثة. تبين الصدق .. لين الحين مب راضية تمرأ. ;) الله يرحمني برحمته ويغفر لي. |
رد: كوفي شوب الصبايا (٣)
اه والله يعين على هالدنيا بخير
|
رد: كوفي شوب الصبايا (٣)
مهره .. لو منتي قدها
لو انج ما تقدرين تتخطين هالمواقف ربي ما حطج فيها... بس آنه من قلب اثق بقوتج واثق فيج وبحكمتج ❤ واحبج وايد.. |
رد: كوفي شوب الصبايا (٣)
نايمين ؟؟؟؟
|
رد: كوفي شوب الصبايا (٣)
هجور وميمو
توحشتكم بالزاف ووحشتوني كتير رفيقاتي كل ليلة |
رد: كوفي شوب الصبايا (٣)
زين انا اجي بدالهم 😢
مادري وش مسهرني اعوذ بالله لازم اطلع موضوع افكر فيه 😣 |
رد: كوفي شوب الصبايا (٣)
❤ انتي ما تجين مكان احد ومحد يجي مكانج مكانج محفوظ حبي
شفيج عسى ما شر |
رد: كوفي شوب الصبايا (٣)
افكر في امي كثييير
لي منها اسبوع وماكلمتها حتى ودي اكلمها بس تجرحني ومرتاحة كذا وخايفه من ربي |
رد: كوفي شوب الصبايا (٣)
عندي لج شور تطيعيني فيه ؟
|
رد: كوفي شوب الصبايا (٣)
اي قولي
اثق بكلامك كثير افكارك تناسبني |
رد: كوفي شوب الصبايا (3)
الله يجبر بخاطرج ❤
المهم... أولا خلي كل عمل بتسوينه قربة لله تعالى فقط و فقط ثانيا انذري... قولي.. لله علي نذرا أن اتصدق بما استطيع في كل مرة امي تكلمني بدون ما تجرحني أو انذري ان مثلا تستغفرين 10 مرات ثالثا ادعي رب العالمين بتذلل وخضوع طبعا يعلم ما في النفس سبحانه مع ذلك قولي له.. قربة اليك يا رب العالمين حابه اتواصل معااها فاكفني تجريحها وابعد عنها الشيطان واحميها منه... رابعا دايما خلي عندج ثقة من داخل ان رب العالمين ما بيردج .. وبيستجيب دعائج خامسا سكري اذنج عن اي كلمة ما تعجبج تقولها... سادسا تذكري ان هذا احد الامتحانات من رب العالمين.. وما عندج الا خيار واحد وهو انج تنجحين فقط سابعا تقربي منها بالهدايا |
رد: كوفي شوب الصبايا (٣)
حبيبة قلبي نسخته وحطيته بالملاحظات
طيب ابي شورك عندي مراجعة بمستشفى وهالمستشفى تقول لي موظفه فيه انه مليان كورونا وانا مضطره اروح لانها شغلة اوراق وماوراق ماراح ادخل العيادات الا اذا صار الموظف هناك وولدي مناعته ضعيفه بكلام طبيبه وممنوع من اي مكان في ناس كثيرين حتى بيت العيله اذا رحت وخذيته اخاف جسمه يستقبل اي مكروب والدم عند ولدي مايحارب المكروبات ماعندي احد اخليه معه هل انزله ببيت اهلي او احطه بحضانه بس برضوه خايفه عليه من اي احد يكون مريض معاه بحكم حالة ولدي اخاف انزله امي راح تطرده كما سبق وفعلت مرات عديده محتاره جدا او انزله ويمكن ترحمه بحكم حالته حاليا |
رد: كوفي شوب الصبايا (٣)
ما عندج خيارات غير امج والحضانة ؟
مثلا بيت اخوج او اختج او صديقتج |
رد: كوفي شوب الصبايا (٣)
اختي انسب بس بعييد جدا
وجاراتي خلاص نقلت من جنبهم واخوي بمنطقه ثانيه زين قررت اكنسل الموعد انتي وش مسهرك |
رد: كوفي شوب الصبايا (٣)
الأفكار مسهرتني 😊
|
رد: كوفي شوب الصبايا (٣)
وش تفكرين فيه
تدرين رحت واخذت كوب قهوه بالهيل والزعفران وباونتي وسنكرس وتويكس وفتحت الاكياس عشان ماازعج زوجي واتقهوى جنبه 😂😂 وهو نايم بس يتحرك شكله يشم ريحة القهوه |
رد: كوفي شوب الصبايا (٣)
😆 عطيني قهوة وباقول لج سالفة تقرقع بقلبيييي
لساني يبيله قصصصص.. آنه متعودة على التعليقات.. مثلا اذا اقول سالفة حق زوجي لازم في نهاية الموضوع اقول له .. فهمت قصدي ؟ يرد علي اهبل طال عمرج فاقول له .. اشوه اعترفت بنفسك خفت اجرحك او اذا انقهر مني يقول خزاك الله يا ابليس .. ما بيطلع من بيتنا ؟ ارد عليه لا اقعد حبيبي وين بتروح اللي حواليني متعودين ان جذي اسلوبي احب امزح واضحك... صار لي امس موقف سخييييييف تمنيت االارض تنشق و تبلعني |
رد: كوفي شوب الصبايا (3)
😢 كنا متجمعين بنات وايد اهل ومعارف في بعضنا
بعضهم صديقات صديقاتي او جاراتنا جذي يعني يعني مو كلهم لي علاقة قوية فيهم... جارتنا عندها ولد اول مرة اشوفه صغييييييير صغير قصير وضعيف بس جميل ما شاء الله كان يلعب مع اليهال ومسوي ازعاج.. قلت له بس خلاص اقعد ضحك وقال ما ابي قلت له خمس دقايق وباقوم اقعدك بنفسي طبعا الكلام كله مزح قال شلون قلت له باخذك وباشيل بطارياتك وباحطك في شنطتي .. ولين الله رزقني عيال بخليك مع العابهم بعدين سألته انت بأي روضة قال انا بالمدرسة في صف الاول التفتت قلت ذي ولد من ؟ وحده قالت لي انه امه قلت لها صج ولدج في صف الاول ؟ قالت اي قلت ما شاء الله شكله صغير الله يحفظه نتفه قال لي الياهل انا رجاااال كبير التفتت على امه قلت لها بسألج .. هذا ولدج صج ولا تمثيل ؟ صج صج يعني هذا ولدج كامل لو فيه له جزء ثاني في البيت ؟ 😢😢 كنت امزح واضحك والبنات ضحكوا على تعليقي... وهي اكلتني بقشوري يا الله الناس الحين ما ينمزح معاهم |
رد: كوفي شوب الصبايا (٣)
زين الدنيا
وش الموقف سبحان الله تشبهيني كثير دايم اعلق واسوي مقالب بس انقرصت مذا مره وتبت الناس صارت نفسيات ماتتحمل وش الموقف اسدحيه يااختاه بس لاتطولين |
رد: كوفي شوب الصبايا (٣)
سدحته
😢 اي والله محد يتحمل كلمة الناس صايرين ناااااار |
رد: كوفي شوب الصبايا (٣)
زين تبين الجد
مزحك ثقيل وفيه نوع من الاستهزاء بطوله وجسمه انتي تعتقدين انه مزح بس بكل حيادية مش مزح لانك ثقلتي بالكلام وقلتي باشيل البطاريات واحطك بالشنطه ولين جبت عيال حطيتك لعبه لهم تدرين هذي الكلمات كفيله تكسر قلبه وخاطره ونفسيته طفل بالنهايه وهو يعرف انه غير عن اقرانه وتقولين له كذا اكيد راح يزعلون وبعدين احرجتي الام بشكل ولدها فيه اشياء ماتنمزح فيها لانه تعتبر تجريح خصوصا في امر مو بيدنا انما بيد الله |
رد: كوفي شوب الصبايا (٣)
زين
ياحلوج بس عندج سرعه بديهيه مو طبيعيه وتعليقاتك مو طبيعيه اجل اشيل بطاريتك وفيه جزء ثاني بالبيت منتي صاحيه بس ترى جد ولاتزعلين حطيتي على الولد والام وايد سالفه الاولاد عند الامهات خط احمر مايرضون عليهم عموما درس انا تعلمت بعد درس انقرصت منه شوي واسدح لك موقفي وانوكلت بعد مو بقشوري عاد الامانه قشروني عقب كلوني |
رد: كوفي شوب الصبايا (3)
لا ما فهمتيني .. كل الموجودين فهموا قصدي
امه واهله ينادونه فلان الصغير وهو كان يستعرض يقول شوفيني انا اقصر واحد بس اذكى واحد فيهم طوله وجسمه مو شاذ بس صاير مميز بشخصيته فالكل كان يعلق قبل تعليقي |
رد: كوفي شوب الصبايا (٣)
😂😂😂 اي توبة خوش درس
لساني يبيله قص... اللي حولي متعودين علي ومتعودة على تعليقاتهم بعد انتظر موقفج 😂😂😂 احمدي ربج اكلوج مقشرة |
رد: كوفي شوب الصبايا (٣)
لاتزعلين مني بس انا حطيت نفسي بمكان الطفل
وبمكان ام الطفل وفيه وحده تنكت علي وعلى ولدي وتضحك ويضحكون الي الجالسين تدرين يازين فيه وحده كل ماشافت ولدي تناديه سنفور سنافر وماتسكت تعايره ولدي ولدته ببداية الثامن وتعب ببطني وكان وزنه كيلوين وخمس مية جرام الى الحين كارهتها بقووووووه لانه الله الي خلقه وشي مو بيدي واعرف ولدي صغير واصلا هالشي متعبني فليش تجي وتحط ملح عالجرح الحين اسم الله عليه الدكتور يقول طوله فوق المعدل وهي اخذت موقف منها وماراح اسامحها |
رد: كوفي شوب الصبايا (٣)
ولا تخيلي جات زارتني وتبارك لي وفتحت الغطاء حق سرير ولدي الهندول عشان تشوفه
رمت الغطاء عسى يدها الكسر بقووه قالت يممممه ليش شكله كذا يخووف تخيلي انا اشوفه طبيعي بس ناقص خمس مية جرام والحين فديته يهبل |
رد: كوفي شوب الصبايا (٣)
ملكة مو لهدرجة خلي صدرج وسيع
شعليه ما تسامحينها.. حتى لو فرضا تقصد الاساءة اللي يسيئ يسيئ حق نفسه آنه تعذرت من ام الولد رغم ان ما اشوف نفسي غلطت يجوز لاني من النوع اللي اتقبل مثل هالكلام وتجيني تعليقات واضحك بس غفلت ان يمكن غيري ما يحبه |
رد: كوفي شوب الصبايا (٣)
مع ملكه
تدرين الحمدلله مااذكر عيبت على طفل مره امدح بنت صديقتي هي حرام الله يعافيها معاها مرض مره نحيفه وحجمها صغير علقت قلت تعالي يالجميله قالت صديقتنا بيني وبينها يعني بسك نفاق فلانه جميله قلت مافي طفل ولا انسان قبيح ولا يمكن اضرب طفل او اعلق عليه عند امه او عند اي احد والطفل حبيبي تاثر زين لما قال لج انا رجال كبير شكله متعقد من شكله وامه دايم ترفع من معنوياتك |
رد: كوفي شوب الصبايا (٣)
لانها ثقلت
زي ماكتبت فوق |
رد: كوفي شوب الصبايا (٣)
تعليقها سخيف.. شنو يخوف!
آنه الولد ما قصدت اعيب خلقته حتى قبل لا اعلق هي كانت تسمعني اقول ان الطفل هذا مميز الله يرزقني مثله 😆 وسنابي انترس من صوره وكنت كل شوي اخمط خدوده واقرصهم والعب معاه آنه اعلق جذي على اللي يعجبوني..اتحرش فيهم |
رد: كوفي شوب الصبايا (٣)
مو متعقد .. لما تسألينه شسمك يقول انا فلان الصغير
او فلان السريع او فلان القصير جذي مسمي نفسه.. ويتباهى بحجمه وذكاءه |
رد: كوفي شوب الصبايا (٣)
الله يرزقك ويرزق مبتعثه ويرزقني معاكم
بذريه صالحه اللهم امين اشتقت اشيل طفل صغير واشم ريحته |
رد: كوفي شوب الصبايا (٣)
آمين الله يسمع منج يا ررررب ❤
صرت احن للأمومة اكثر موعدي تاريخ 26 دعواتكم |
| الساعة الآن 07:28 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©