|
|
رد: كوفي تجمع الصبايا 4
اللهم فرج هم المهمومين
ونفس كرب المكروبين واقضي الدين عن المدينين واشفي مرضاناومرضى المسلمين وارحم موتانا وموتى المسلمين. |
رد: كوفي تجمع الصبايا 4
اقتباس:
هلا سمورة. هل أمج تقصد الطاعة بشكل عام .. وإلا المساعدة في شغل البيت؟ أنا فعلاً كنت مطيعة وهادية لما كنت صغيرة .. لكن بصراحة ما كنت أشتغل في البيت أبداً .. مب عشان شي غير إن احنا من صغرنا عندنا خدم .. بس أمي الله يرحمها كانت تطبخ بنفسها طبعاً .. ومع ذلك كانت تطردنا من المطبخ إذا دخلنا عليها وهي تطبخ .. وتقول ما أحب حد يوقف فوق راسي وأنا أشتغل. لكن سبحان الله لما كبرت واضطرتني ظروف أمي الصحية إني أدخل المطبخ تعلمت وصرت أطبخ .. كان عمري تقريباً 17 أو 18 سنة. لكن ميزتي صراحة إني رغم إني ما تعودت على شغل البيت ودخول المطبخ لكني ما حسيت بثقل أو إني مغصوبة أسوي شي ما أحبه .. يعني كانت نقلة سلسة في الحقيقة. بحصوص بناتي فما أدري هل الفضل لي بشكل مباشر .. وإلا طبعهن مثل طبعي وإلا هن بذرتهن طيبة من الله. ;) لما سافرت خدامتي الأولى قبل سنتين .. مهرة كانت بعدها صغيرة خمس سنوات تقريباً .. وما خطر على بالي أطلب منها تساعدني في شي لصغر سنها .. لكنها هي حبيبتي لما كانت تشوفني أشتغل تطلب تساعدني من نفسها .. مثلاً تمسح رخام المطبخ .. أو تنظف طاولة الطعام .. ولما شافتني أرتب الثياب بعد الغسيل طلبت مني أعلمها كيف تربّعهم وتطويهم. وكان حلم حياتها أسمح لها تمسح أرضيات البيت والمطبخ. :d .. بس أنا كنت أرفض عشان ما تبهذل المكان بالماي والديتول. ومن كم شهر لما عرفت إن الخدامة قرّبت ترجع بلادها كانت كل شوي تسألني: ليزا متى بتسافر عشان أساعدج في شغل البيت؟ ;) وطبعاً الصغيرة تقلدها. ;) اليوم يتهاوشن منو اللي تمسح وتلمّع الطاولات. :d ما أقول إلا الله يصلحهن ويتمّن جذي لين يكبرن. |
رد: كوفي تجمع الصبايا 4
اقتباس:
حلو. اليوم كلنا اشتغلنا في البيت .. وكل واحد اختار الشغلة اللي يباها .. على قد سنه وقدرته طبعاً. |
رد: كوفي تجمع الصبايا 4
اقتباس:
الله يسمع منج يا سديم. مساج كله سعادة. jyh |
رد: كوفي تجمع الصبايا 4
اقتباس:
آمين حبيبتي. كل عام وانتي بخير. jyh |
رد: كوفي تجمع الصبايا 4
الله يرحمها ويغفر لها ويجعل مثواها الجنه ... اسفه حبيبتي 💕
انا اقصد بالطاعه بشكل عام ... وتسمع الكلام ... واذا قالت لها امها جيبي كذا تروح تجيبه مو تعند ولا تسمع الكلام 😔 الله يعيننا على تربيتهم... يحفظ لك بنوتاتك ويحميهن ماشاءالله تبارك الله شكلهن سنعات من صغرهن 💕💕💕 |
رد: كوفي تجمع الصبايا 4
كل عام وانتوا بخير 💕
عيدكم مبارك ❤ |
رد: كوفي تجمع الصبايا 4
ياهلا بــ سموره وباقي البنات
وانتي بخير سموره وعيدكم مبارك جميعاً وامين يارب يـ سديم لاتنسونا من دعواتكم .......................... بنات تعرفون الحلاوه الاصليه اقصد حقت شيل الشعر لاني استخدمت انواع واشكال لكذا شركه وكلهم مانفعو وانا بشرتي حساسه جداً مايفيد معها اي شيء اللي تعرف تقولي اسمها او اسم الشركه ــ |
رد: كوفي تجمع الصبايا 4
كل عام وانتم بخير
كل عام وانتم مع احبابكم كل عام وانتم لله اقرب تقبل الله طاعتكم والله يتقبل منا ويغفر لنا ويرزقنا |
رد: كوفي تجمع الصبايا 4
اقتباس:
لا مب شرط. وبناتي السنعات مب مطيعات تماماً لدرجة إنها تقوم تنفذ اللي ٱنا ٱطلبه وهي متحمسة وتضحك مثلاً. :d يعني مرات ممكن تحصل مقاومة ومحاولة انفلات. ;) ٱحياناً مهرة تكون يالسة تشوف فيديو على يوتيوب .. ٱو ترسم .... إذا طلبت منها شي وقتها تقعد تتحرطم .. ويا ماما صبري شوي لين يخلص الفيديو ٱو لين ٱخلص تلوين. ٱو تقول: لازم ٱنا؟ وشما مرات تبعثر ٱلعابها وهي تلعب .. ولما ٱقول لها إذا خلصتي رجعيهم مكانهم .. تقول: ماما ٱنا تعبانة ما ٱقدر ٱشيلهم. :D .. ٱو: ساعديني ولمّيهم معاي! صح في النهاية ينفذون اللي ٱطلبه .. لكن المقصد إنهم مب دايماً يفزون وينفذون على طول. بس انتي شكلج كنتي تاعبة الوالدة .. ولقت فرصة تطلّع حرتها فيج. :d |
| الساعة الآن 10:05 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©