بنات طلع جسمي من النوع الدرقي

والإختيارات كانت رهيبة وصحيحة لاني من النوع إذا جعت اشتهي الحلويات ومااشتهي الدسم

بس الريجيم ماعجبني

تونة في الغذاء ولحمة على العشاء أحس كذا وزني بيزيد

ماعندكم ريجيم أحسن؟؟

على العموم أنا ماشية على ريجيم من رأسي بدون نظام معين

والحمد لله رب العالمين أبشركم وزني بدأ ينزل والكيلوين تراجعت بسرعة بفضل الله

وموعدنا أخر الأسبوع والظاهر بينقص وزني زيادة لأن شغالتي مسافرة اليوم وبرجع للكر والفر

ادعوا لي ربي يسهل لي الشغالة الجديدة وتكون بنت حلال تخاف الله وشاطرة ويارب تتطلع تعرف انجليزي










دودي ماشاء الله تبارك الرحمن نزلتي نزول حلو بريجيم التمر واللبن وبصراحة أنا أنصح به علشان ينزل لنا كم كيلو بسرعة وبعدها نكمل بريجيم السعرات

وشكلي برجع للتمر واللبن لأني ماكملت إلا 3أيام بس


وبشريني كيف أحوالك وكيف صحتك؟











يالله يابنات شدوا الهمة نبغى الأوزان تنزل أخر الأسبوع وياويل إللي ماينزل وزنها ولا نص كيلو:22:

يااااااااااااااااااااااااارب نحفني الين رمضان 30 كيلو يااااااااااارب
 

السلام عليكم

جسمي طلع الكظري

ورجيمه حلو وقد مشيت عليه قبل فترة بالصدفه رجيم من راسي

ونزلت عليه وان شاء الله باتبعه للنهايه

شكرا لك حبيبتي sa33

والله يجزاك خير

يا صباح الفل والعسل
ايه النشاط ده كله ماشاء الله تبارك الله
عزيزتى نوره أنا كمان طلعت نوع تناسلى يعنى بصره ولا يهمك وأنا شايفه ان الرجيم ماشاء الله ممتاز جدا جدا بالنسبة لى فأنا أصلا كان نظامى السابق قريب منه جدا بس كنت بآكل أكل الفطار فى العشاء يعنى كنت بأتعشى قطعة فاكهة فقط والآن بدلت خليت الفطار هو الفاكهة والعشاء هو الوجبة الرئيسية وأهم حاجة كمان المحافظه على المواعيد ما بين الوجبات يعنى بين الفطار والغداء 4 ساعات وبين الغداء والعشاء خمس ساعات وطبعا ما تنسيش شرب الماء قبل كل وجبة بنصف ساعة ثلاث اكواب ماء مع ملعقة كبيرة خل تفاح وأنا بقى بأعمل خدعه جميله علشان اتغلب على موضوع الفطار القليل ده باقوم اعمل تمارين المشى لمدة ساعه من 7 ونصف الى 8 ونصف وبعدين أشرب ثلاث اكواب كبيرة ماء مع خل التفاح وبعدها أبدأ فى شغل البيت لحد 9 ونصف أقوم أفطر آكل الفاكهة الموجوده بالبيت مثلا شريحة بطيخ او ثمرة برقوق وبعدها اشرب كوب شاى أخضر بالنعناع بدل شاى البرسيم لأنه مش عندى وبعدها انام من 10 ونصف الى 12 ومن 12 أقوم ابدأ تجهيز الغداء وأتفرج على التلفزيون بلاقى الوقت فات على طول فانتى حاولى تنظمى وقتك والبيبى كمان هيشغلك اكثر منة فمش هتلاقى وقت للتفكير بالجوع وزودى جدا من شرب الماء علشان الرضاعه وعلى فكره الرجيم ده مناسب لكى جدا لأنه فيه البان كثير جدا وزبادى وجبنه وكلها هتزود الحليب معاكى وبالتوفيق ان شاء الله
دودى حبيبتى كلنا فى الههوا سوا انا كمان جوزى ماشاء الله مهما أكل مش بيتخن ابدا وأنا لأنى شريره فضلت وراه بالحلويات والكرواسون والمحاشى لحد ما زاد وزنه ثلاثه كيلو وأول ما اكتشفهم على الميزان اعلن حالة الطوارئ فى البيت وقرر انه مش هيتعشى ابدا بعد كده وبقت آخر وجبه له الساعه 1 الظهر تخيلى ...... وبعدها بيشرب بس كاسة لبن بالليل او يأكل قطعه فاكهة وانا طبعا خططى كلها باظت ومش هأقدر اغيظه برشاقتى ( ده بعد ما أخس يعنى) لأنه هو كمان طول عمره رشيق
شفتى بقى الإراده ....... إنتى كمان لازم يكون عندك اراده قويه كده ...... لازم تبطلى تدخلى على المطبخ وتنقنقى و نظفى مطبخك بمعنى ان ثلاجتم ما يبقاش فيها الا الفاكهة والخضار والحليب و الزبادى القليل الدسم و بس واقعدى اتفرجى على صورك زمان وانتى نحيفه وقولى لنفسك ان شاء الله لازم ارجع زى زمان وكمان خلى فى دولابك لبس اقل من مقاسك درجتين او 3 وكل اسبوع قيسيه علشان يحفزك انك تنزلى لحد ما يدخل فيكى وهكذا وما تنسيش زى ما ام جمانه قالت لك شرب الماء بكثره جدا ويكون بارد جدا يعنى من البراد ولعب الرياضه وبالنسبه لك لازم تكون رياضه خفيفة فىالأول لحد ما تنزلى شويه وصدقينى اول ما تنزلى عشره كيلو هتحسى نفسك طايره من على الأرض طير لأن عضلاتك اللى متعوده تشيل كل وزنك هتشيل اقل منه 10 كيلو فهتقدرى تمشى اسرع وقلبك هيرتاح ونفسك كمان وبالتالى هتزيد حركتك وتستمرى فى النزول وبالتوفيق حبيبتى
أم جوجو قمر الرشيقات ماشاء الله تبارك الله انا شايفه ان زعلى منك جاب نتيجة والكيلوات الزياده اللى زعلتنى خافت وهتمشى بسرعه باذن الله يالله شدى حيلك

شوفى يا نوره يا حبيبتى
أصلا علميا وطبيا أهم وجبة فى اليوم هى وجبة الفطار والدكتورة بتاعة الرجيم بتقول وجبة الفطار دى ما تستغنيش عنها ولا تتنازلى عنها حتى لأحب الناس ليكى أما وجبة الغداء فتقللى فيها ووجبة العشاء بقى تعطيها لعدوك لأنها سبب الأمراض والبلاوى وأنا فعلا كنت ماشيه على المبدأ ده من أول الرجيم بس الاسبوع ده حبيت اغيرواتبع رجيم نوع الجسم لأنى مليت وكمان مانزلتش الاسبوع اللى فات وطلع ميزانى القديم مخرف فى 2 كيلو يعنى طلعت 67 ونصف بدل 65 ونصف فزعلت جدا و جالى احباط ونفسى انزل ال2 كيلو دول بأى طريقة الاسبوع ده بس آدى الحكايه وما فيها لدرجة انى زودت الرياضه كمان فبقيت بأمشى ساعتين ساعه الصبح وساعه العشاء وربنا يكرمنى واعرف انزلهم
أما بخصوصك فما تتعبيش نفسك أولا لأن وزنك ماشاء الله مش كثير ولا حاجه يعنى انا يوم ما هأوصل لل60 باذن الله هأعمل فرح وكمان لأنك بترضعى والرضاعه رجيم طبيعى فانتى فى الرضعه الواحده بتفقدى سعرات قد ساعه مشى وثالثا لأنك نشيطه وبتطلعى وتروحى الجامعه مش زيي انا بأقعد بالشهور فى البيت ما بأخرجش منه ابدا حتى الرياضه جوا البيت فالحركة والنشاط عندى منعدمين وأنا بصراحة لو كنت مكانك لقللت فقط من الدهون والسكريات وأكلت كل ما يحلو لى من نشويات وخضار وفاكهة والبان قليلة الدسم فانتى اعملى كده وانا متأكده انك هتخسرى ال5 كيلو بسرعة جدا .