|
رد: اللبس بين الرجل الزوج والرجل الاب
هالشي لاحظته في حالات كثيير
مدري ليش ان حصلت مشكله بين الزوجين اول من ينسحب ويتخلى اهل والله حرام حرام ليش ماتنحفظ كرامة بنت الناس ع المسكينه استغفرالله |
رد: اللبس بين الرجل الزوج والرجل الاب
اقتباس:
لان غالبا كلامهم: انساها بكرا تجيك ندمانه والا نخطبك لك اللي احسن منها هذا الغالب الا من رحم ربي عندنا مثل بنجد يقول: مرت الولد شعرتها حمراء يعني دائما هي الملامه والمدانه لكن الله كريم ورحمته واسعة |
رد: اللبس بين الرجل الزوج والرجل الاب
زوجك مايبغى يجلس جلسة رجال ويتفاهم لأنه مو واثق من نفسه ومايبغى ينفضح وللأسف بيخرب بيته لو استمر تفكيره كذا ع شي تافه
اختي طليقها اتهمها في عرضها وضربها ويتصل عليها ويقول قولي لأهلك إنك كذابه مااتهمتك ولا ضربتك ورفضت ورفض يجي وارسل ورقة الطلاق وكانت الطلقه الثالثه لهم لكن تعب تعب نفسي شديد لدرجة انه وزنه نزل لأقل من الخمسين ومرض بعد ماكان في الثمانين وللأسف كثير من الرجال ينصحو بعضهم كذا لاتروح لهم اتركها شهر شهرين مايدري إنه هذا الشيئ قتل بطيئ لحياتهم الزوجيه تعال تفاهم مهما كانو اهلها مايعجبوك المهم انك بذلت مجهود في انقاذ عائلتك |
رد: اللبس بين الرجل الزوج والرجل الاب
مرحبا كنافة
أتمنى انك بحال افضل ناوي اقولك كلمتين بس ماجاء وقتها ومفادها باختصار لاتندمي على أي فعل راقي أو طيب عملتيه في السابق، والآن تقولي ليتني ماعملت كذا او سويت كذا، كنتِ تتعاملين بأخلاقك وللمصلحة الهادفة والتي تحفظ استقرارك وعيشك بسلام ووئام، ولكن طبيعي جدا أن نقابل احيانا ناس لم تنفع معهم كل الاخلاقيات الجميلة، وهذا ليس خطأنا أبداً، فلا داعي للندم على المواقف الإيجابية الماضية، بل الحمد والشكر لله على هذا المستوى الراقي الذي قابل السلوك----، المهم الان ليس الندم، إنما الاستفادة من المواقف الماضية. |
رد: اللبس بين الرجل الزوج والرجل الاب
اقتباس:
|
رد: اللبس بين الرجل الزوج والرجل الاب
الله يفرج همك
بالصراحه ضايق صدري من موضوعك الله يقويك ويعينك ع تربيه ابنائك ويعوضك فيهم خير . عندي احساس انه موضوعك ماراح ينتهي بالطلاق هو منتظر مبادره والدك او مبادرتك للرجوع بدون اي شروط ويجي وياخدك من عند الباب هو شايف نفسه مو مقصر يصرف عليكم وموفر لكم حياه كريمه ولا مد يده عليك بس عيبه انه عصبي ولازم انتي تتحملي عصبيته |
رد: اللبس بين الرجل الزوج والرجل الاب
كنافه.
عندي لك سؤال من اول ودي اسأله. ماهي عيوبك تجاه زوجك؟ وش قصرتي فيه؟ مو قصدي احطك تحت المجهر لكن يمكن فيه اشياء كنتي تسوينها وتشوفينها صغيره بس يمكنها بعينه شي كبير. |
رد: اللبس بين الرجل الزوج والرجل الاب
جزاكم الله خير على مشاعركم الطيبه
واحساس الزوجة المعلقه متعب نفسيا الوحده لا طايله سما ولا ارض بالنسبة لعيوبي من وجهة نظر زوجي فالى قبل سنه يقول مافيني عيوب وكان دايما يقول يابختي فيك مهما صار بينا من مشاكل بس بالست اشهر الاخير صار 24ساعه ينتقدني بعد ماتعرف على شلة جديده واذا ذكرته بكلامه زمان ومدحه لي يقول كنت اضحك عليك.. كنت اسلك لك اكبر اتهام اني احاول امشيه على كيفي هذي كذبة كبييييره عايشها مع نفسه وقت المشاكل كنت ما اظهر حزني دايما ادعي اني قويه واطنش العب مع الاطفال واشوف افلام واطبخ انتقاده: ماعندك احساس، منتي مثل الاناث قلبك حجر، قاسيه صرت وقت المشاكل استرضيه صار انتقاده: تمثلي الطيبه، تتصنعي، كذابه يسهر ويسافر ويطلع ويدخل ولاعمري سألته ابدا وين رايح وليه راجع الفجر ولو يعاكس قدامي عملت نفسي ما اشوف مع ذلك يتهمني اني متسلطه (كذب) واكبر كذبه وافتراء: اني اسمع كلام صديقاتي وانا بريئة من هالكذبه براءة الذئب من دم يوسف اساسا ممكن اجلس اسبوع كامل ماكلمت احد انا مو اجتماعيه كثير وكتومه بطبعي |
رد: اللبس بين الرجل الزوج والرجل الاب
اقتباس:
بالنسبه لوضعي انا واثقه 100٪ ان في ناس يحرضونه علي لكن الله ينصرني عليهم |
رد: اللبس بين الرجل الزوج والرجل الاب
اقتباس:
احيانا احس اني كارهه كل رجال الدنيا بعدين اتعوذ من ابليس واتذكر ان زوجي مايمثل كل الرجال الحمدلله على كل حال |
| الساعة الآن 03:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©