|
اقتباس:
الله يجزآك خير .. والله كلامك على رآسي وأعتذر منك أنا لأني تصرفآتي غصب علي يعني كلهآ عن حب له وهو لعب فيني .. لكن هـ الأسبوع مـارأح أسكت بأذن لله بتكلم لا بعد بعد مـافعل فعلته معـاي وسـآفر .. دق علي من عمله وقآل : أنا طلقتك ثآنيه قلت له : لا ياعيني تتلاعب فيني أنـت .. يوم رجعتك و يوم طلقتك وبعدها كلمه المصلح وقآله : وش هـ اللعب ؟! وحصل كلام بينهم .. بس أهلي لم يكلموه بعد الرجعه إن شاءالله الأسبوع القادم بيصير حديث |
بما انك قلتي انو اليوم رح تتكلمي مع اهلك بالموضوع
ورح تقولي امام ابوكي وابوه انو ذهبتي مع للشقه هذا ما نريد نريد ندمانه القويه من الداخل وليست المنكسره حبيبتي ومن ثم ايااااااااااااااااكي ان تخرجي معه مره ثالثه لاي مكان اما ان يكون ذلك بالنور وبعلم اهلك والا الطلاق اهون لك لان ما تحافظين عليه شرفك ويمكن تحملي وهو ينكر انو ذهبتي معه لمكان آسفه بس حبيت انبهك |
اقتباس:
أشكرك يآقلبي بأذن الله بكون أقوى ... بس بأخذ رأيكم : الحين وآلد زوجي لو عرف بأن ولده طلعني لشقه ورجعني أقسم بالله العظيم بينتهي زوجــي .. لأني أعرف أن والده شديد وعآتبه وقت طلاقي وزوجي هرب من أبوه لمدة أسبوع ! ووقتهآ كلمني أبو زوجي : وقآل : أخبريني بالحقيقه ورفضت كان قلبي مـع زوجـي أسرتي تقول : أخبري وآلده بمافعله بـ الشقه وأنا رافصه لأني أعرف الضرر على زوجي ورآح يتعب زوجي .. لكن نهاية الأسبوع القآدم أذآ ماجآني أتصآل من زوجي بعد فعلته يمكن أتخذ قرآر وأكلم وآلده ورآح أخبره عن سر الشقق المفروشـه لم تكن وحده فقط ولكن تزوجت وعيشني بـ شقه مفروشه وبعدها رجعني لأهلي أنا وملابسي وقبل الطلاق أخذني من أهلي وأخذ شقه مفروشه لمدة ساعه وبعد الطلاق الحركه الأخيره : كذلك شقه مفروشه لمدة ساعه يأخذ حقه مني و يطلع وأنــا ماكان لي حق أخذه مـاكأني زوجته .. كأني بنت شآرع حسبي الله ونعم الوكيل حسبي الله ونعم الوكيل حسبي الله ونعم الوكيل |
اقتباس:
ليش يقولك فكري واستخيري طيب ؟ وكيف سمح لنفسه يطلق بدون مايوفي بوعده ؟ أي رجوله اللي انتي تتكلمي عنها ومتعلقه فيه عشانها؟ واي تضحيه اللي ذكرتيها بأول الموضوع ؟ هذا يملي عليك كلام فاضي وانتي تردديه بدون عقل؟:16: بصراحه يبغالك >>>>> :20: |
تقولي انه يحمل صفات الرجولة؟
و نفس الوقت تقولي انه مرة من المرات أخذك معاه بشقة لمدة ساعة من بيت اهلك ثم رجعك ؟ ساعة و خلص كل شي ؟ هل هذا الشخص يحمل شي من الرجولة ؟ للاسف، احس انك مسحورة و غائبة عن الوعي |
اقتباس:
ماألومك ياقلبي فعلن يبغى لي كف يصحيني لكـن خـلال هـ الأسبوع بأذن الله بكون أقوى من قبل دعواتكم |
اقتباس:
حسبي الله ونعم الوكيل من يوم ماقلتي منطقة عمله بعيده وماعندك شقه وانا قلبي قارصني بس خلي اللي بقلبي مستور آخ بس |
الله يقووويكي ياااارب ..
ويخترلك ربي الا فيه الخير ليكي وله .. وفكري 100 مرررة قبل ماتعملي أي شي يخصكم =) دمتي بحفظ الرحمن |
اقتباس:
بسم الله علي يمكن حبه أو يمكن زوآجي السريع وطلاقي الأسرع صدمه أفقدتني عقلي .. ! |
اخبري والده بكل شي وشكل ابوه يعرفو لذلك يشد عليه
خايفه عليه وما خايفه تحملي منه وينكر خايفه عليه وما خايفه على نفسك يعاملك مثل بنات الشوارع اخذ حقو ورماكي ان رفضي الرضوخ رح يتحجج ويقول ما بتحبني ولي ثلاث سنين اتطلبها وترفض وان رضختي ووافقتي قال لك جاهزه للزوج الجديد الله يكتب لك الخير نريد ندمانه القويه لانك تدافعي عن حقك وشرفك اللي عامله مثل اي بنت شوارع هذا ليس رجلا قفي ولا تخافي عليه يستاهل كل اللي يجرى له خافي على نفسك وصحتك وتعب اعصابك اللي عم يلعب فيه خافي على امك وابوكي اللي كل النهار يدعو لك وخايفين عليكي ربوكي على البر والتقوى فتاة صالحه خافي على اخوتك اخبريهم بالحقيقه ولو لاموكي ما تخافي لن يلوموكي كثيرا قولي لهم هذا زوجي وكنت خايفه على حياتي ما تتدمر انتي من تضعي النقط على الحروف معه اما يتعدل او خليه عند بابا يربيه من جديد والد زوجك رجل يخاف على مصلحتك كابنته واخبريه انك كنتي خايفه على زوجك ولكن طفح الكيل كووووووووني قويه ندمانه نريد ندمانه القويه التي تقف لحقها صدقيني وستسعدي كل حياتك بعدها بالتوفيق حبيبتي وما احبه لابنتي احبه لك والله شاهد على كلامي وساحاسب يوم القيامه عليه لن ينفعك الا نفسك ولسانك بالحق |
ياحياتي عليكي يا ندماانه :(
والله حشا مين قال عنك بنت شاارع بالعكس دا من طيبتك الزااايده وحبك المجنووون فيه يللي خلتك تمشي على هوآآه .. لكن صدقيني ربي معااكي في خطوة تخطيها وربي ماراح يسيب حق أحد باذن الله .. والله يريح قلبك ويسعدك وتشووفي كل شي بعينك وبصوورة واااضحه .. |
اقتباس:
إذا الطلقتين زي ماوصفتي فهي واقعه عليك يعني باقيلك طلقه !!! والمصلح قصدي المفسد يستنى الطلقه الثالثه عشان يخطبك :30: |
اقتباس:
سبحان الله .. كأنك أمي على هـ الكلام أمي تقول : الله يستر من الممصلح ! لا بآقي لي طلقتيـن .. الطلقه الأولى قبل رمضآن فقط والطلقه الثانيه اللي بعد الرجعه يتلاعب وماتمت ... يعني أنـا الآن على ذمتــه |
اقتباس:
|
ندمانه ورايا سفر لمنطقة عملي ومني قادره انام والله :rolleyes:
من كثر ما افكر بموضوعك خاصة الاحداث الاخيره والمشكله البيت هناك كله مغبر لازم اوصل بدري عشان انظفه وبكره دوام :24: عندي لك فكره تنسيك روميو واللي خلفوه ايش رايك تجين معايا اوريك الطبيعه الخلابه والتربان اللي تفتح النفس هههههه يالله قومي استهدي بالله اليوم جمعه اشغلي نفسك بالاذكار والدعاء ولا تنسي سورة الكهف وسمعت الله اعلم ان سورة يوسف تخفف الحزن بإذن الله ربي معاكي لا تزعلي مني |
اقتباس:
أن شآءالله لا ابد ليه أزعل .. أنتي وكلامك على عيني ورآسي توصلي بـ السلامه يالغلا الله يحفظكم من مفاجاة الطريق |
- هذا انسان يلعب .. وش فيك يا ندمانه كأنك مغيبه
أدري الصدمه قويه عليك بس ليش تسمحين له يلعب بمشاعرك - اول شيء المصلح هذا احذفي رقمه ويا ليت اخوك والا ابوك يكلمه يعطيه تهزيئه تأدبه والله ما أحب العنف بس فيه ناس ما يجون إلا كذا .. قال مصلح قال أصلاً أنا ما أدري كيف زوجك رضى إن المصلح يأخذ رقمك ويكلمك لوحدك .. والله زوجك ينخاف منه وغير مؤتمن أبداً احمدي ربك انه بين من البدايه وانا مع رأي الأخ ثنيان جوالك عطيه أخوك وزوجك لا بغى يرجعك يعرف كيف يرجعك ... بدون إسبوع افكر واسبوع استخير ندمانه ليش مرخصه عمرك .. والله انا اقول اتركي المجال لأهلك يتصرفون معاه.. وانتي الي استخيري وفكري وموقفه الأخير مخزي للأسف لا توترين أهلك .. والا بتجلسين سنين وانتي تنتظرين أمل كاذب للأسف انه انسان لئيم .. وانتي غصب طيب تبين تجملين صورته وانه مو قصده .. ويحبك لا ما يحبك.. يحب نفسه ولئيم واستغلالي .. وحتى موقفه من ابوه وردة فعله بهربه اسبوع من ابوه يدل على من هو؟ الأب يفهم السالفه منكم مو من ولده .. ما يعطيك الموقف هذا صوره للإنسان هذا الله يعوضك .. |
صباح الخير ندمانه صباح الخير للكل البنات بنت الحكمي , رواء الأيمان , شروق السعوديه , زهره الرمان, ذكريات لا تغيب ماشاء الله كلكن نشاط وحيويه <<<<<<< تمسك الخشب هههه ندمانه تدرين والله انك ببالي من البارحه وتوني صاحيه من النوم ركض على موضوعك اشوف اخر مستجداتك بس صراحه اااااااااااااااااااااااااااااااااااااااااااااااه كلامك الاخير عنه اكبر صدمه لنا والله ما ادري ايش اقول بس والله هذا ما ينفع ان يكون زوج لانه وببساطه مو كفو مو قد المسؤليه الحين وانتي ببيت اهلك تتعذبين وايش رح يصير لما تكونوا مع بعض وتدخلوا فى صعوبات الحياه الله يعينك وربنا يكتب لك الخير وربنا يحفظك من كل مكروه ورجاء رجاء كوني قويه وانتى قدها إن شاء الله يالغاليه دعواتي لك وسأكتفى بالدعاء لو اتكلم بجيب العيد |
سلمى : صباحك نور ومعطر بذكر الرحمن غاليتي
وجمعه مباااركة على الجميع ياارب =) |
بسم الله الرحمن الرحيم
وش العلوم هاذي إللي تكدر الخاطر وش فيه هالرجل مايبغى يتعدل ويفهم الحب والرومنسية على أصولهاإللي يحب بحق وحقيقي مايعذب حبيبه زوجك هاذا كل إللي فيه مو بعاطفه والعاطفه والحب بعيدة عنه كل البعد بالذات بعد مواقفه الأخيرة معك هاذا أنا أسميه هبال وجنون مو حب إذا كان صادق وفعلا يحبك كان من يوم ماطلعتوا من الشقة إللي أخذتوها على طول للمنطقه إللي يعمل فيها وكان أستأجر لك هناك شقة مفروشه وسكنك عنده حتى يلاقي له بيت ويفرشه مثل الناس هاذا إذا كان مايقدر على بعدك شوفي هيه وحدة من الثنتين يا إن زوجك في عقله شئ يا إن أنتي يحتاج لك شيخ يقرأ عليك علشان تفوقي من سكرة الحب إللي أنتي فيها أخاف لاقدر الله إن الرجل هاذا مسوي لك بلى ماعاد تشوفي إلا هو ولاتسمعي إلا هو ولاتبغي إلا رضاه هو يا أختي قدري شيبات أبوك المسكين وأقلبي الطاولة بوجهة هالزو ج وطنشيه إلين يصحى ويفوق من سباته وأحلامه أنا والله توقعت إنه بياخذك عقب الأسبو ع مو يقول أفكر أرجعك ولا لا زوجك هاذا لعاب ولعاب كبير يوم حس إن اليلة إللي قضاها معاك دليل رجعتك له قام يقول أنا طلقتك مرة ثانية ترى الطلاق ثلاث مرات بس مو ألف مرة وكلمة الطلاق مو بوابة عبور لأهواء زوجك ورغباته يحقق عن طريقها مبتغاه بس تبغين الصدق وبدون زعل هو ماتصرف كذا إلا لما شاف ضعفك وإنهزامك قدامه زاد أستقوى عليك وشاف نفسه بزيادة وجالس يمرمط فيك وإللي مثل هاذا بدايته ينعاف تاليه زوجك هاذا وبكل أسف لايستحقك ولايستحق إللي تسوينه علشانه والمصلح هاذا إللي يقول لك إذا جاك زوجك إطلعي معاه مرة ثانية لاتصدقيه وتطلعي معاه مرة ثانية يمكن ترجعين إلا وبطنك قدامك حامل بعدين يتركك ويغص قلبك وبدل ماتكوني لحالك تصيروا إثنين وبعدين رقعيها هاذا زوج ماهو بكفو ولاهو حق حريم هاذا حق زواج المسيار يليق عليه يصلح له مادام طبعه كذا وأنتي إنتبهي لنفسك وإرحميها وإرحمي حال أمك وأبوك وأضغطي على قلبك وحبك علشان تستعيدي هيبتك وقوتك وتواجهينه و تخلينه يحس بأنه إن راح وإن جاء أمره ماعاد صار يهمك وراح تشوفي إذا ماجاك إلين باب بيتك ويترجاك أنتي وأبوك إنك ترجعين له هاذا إذا ماكان ماخذك إنتقام لرفضك السابق له لأن إللي جالس يسويه فيك تعذيب نفسي وإذا كان فعلا صادق يحبك وتبغين تعرفينه على حقيقته سوي له إختبار بسيط جدا خلي واحد من أهلك يتصل فيه ويقول زوجتك تعبانه وتحتاجك لجنبها ولازم تجي بأسر ع وقت وأنتي إذا أتصل عليك هو ولا المصلح لاتردين عليه طنشيه حتى أهله لاتردين عليهم وشوفي إذا كان فعلا يحبك والله ماغير يجيك مثل الطير الطاير أما إذا ما أهتم فيك ولا جاء فنصيحتي لك غسلي يدك منه ثلاث مرات مو مرة وحدة لأنه مايستاهل ظفرك وهو الخسران وأنتي عوضك على الله بإذنه تعالى . |
اختي الكريمة ::
لم اقرأ موضوعك كاملاً قرأت القليل هنا ، والذي وضعتيه في استشارتك للأخ الكريم البليغ. ولا ارى فائدة في تدخلي في موضوعك ( من يمسك موضوعك شخصيات كبيرة ) عموماً شاركت لأجل ( المصلح ) ! هل له فائدة ؟ لا ارى له فائدة ابداً وكأنه " جوال " يستطيع الإنسان ان ينقل خبره عن طريقة فقط اظن ان اضراره تعدت فوائدة ؟ اصلح الله امرك |
وش وش وش هالاشياء جديده شقه مرتين وطلاق ومصلح مادري من وين جايبينه حسبنا الله ع اشباه الرجال الي يلعبون بنات الناس ياقلبي انتي
|
السلام عليكم يا ندمانة
( مدري ندمانة على ايش بالضبط فلم اجد ما يستدعي الندم ) تمعني بكلام الجميع وانتبهي لهذه .. خذي ورقة وقلم وأكتبي كل الحاجات اللي قالك ( لا تقولين لأهلك عليها ) هاه كتبتيها ؟؟؟ ناظريها زين ... ما هو العامل المشترك بينها كلها ؟؟ أوفر عليك وأجاوب ؟؟ العامل المشترك أنها مواقف هو غلطان فيها 100% وهو عارف إنه غلطان ولا يبي من يغلطه ولا يخرب صورته الجميلة أمام أهلك - لا حظي قلت أمام أهلك ولم أقل أمامك لأنه حاطك في جيبه من زمان - لأنه يدري طفل لو عرف بهالسوايا كان .........!!!! إن كنتي تظنين أن عيشك بعيد عنه عذاب فالله يعينك على العيش معه لا أعلم ماذا سيكون لعب عيال والله قال رجال قال ** أجل (المصلح) وصاك تطلعين معه ثالثة إذا جا ؟؟؟؟؟؟؟ :( وناوية تطلعين ؟؟؟؟؟؟ لا تتحسبين عليه إنه يعاملك مثل ...أعزك الله ثم تفعلينها وتطلعين ثالثة ... إن خرجتي فهو بشنطة ملابسك وبمباركة اهلك وعلى بيتك عدل وإلا فلا ... الله ينور على قلبك |
الحمدلله على كل حال
الله يفرجها عليك عاجلا غير اجل وينصرك على من ظلمك ندمانه انصحك تكلمين اخوك وابوك عن اللي صار الموضوع احتمال فيها حمل وانساب وامور معقده طلاق مرتين ومدري شنو عشان تعرفين راسك من رجلينك وبالنسبه لأبوه افضل بعد يدري وماعليك من زوجك وتعبه هو غلط غلطه فادحه وضروري يصلحها مع اني اجزم انه راح يطلقك لان تصرفاته تدل على هالشئ خصوصا بعد مادريت انه مطلعك كذا مره للشقه متى مااشتهاك اخذك ساعه ورجعك ورجع لعصبيته ودلعه !! المهم تصرفاته الان اتضحت اكثر وليتك قلتي لنا عنها قبل كان نصحناك ماتطلعين لكن الحمدلله |
|
بغيت اقولها ياسيدة الموقف ان المصلح احتمال يكون واحد من ربعه بس خفت اكون متوهمه واظلمه |
اول مره اشوف مصلح يطلب من الزوجة الخروج مع خصيمها الزوج وللمرة الثالثة قبل ان يتم الاصلاح
مصلحين آخر زمن ؟! |
وربي ابي اسوي شغلي مب قادره كل شوي افتح المنتدي تكفين ياندمانه اسمعي كلام الاعضاء لايلعب عليك هو والمصلح وبالله المصلح من الي رشحه جاي من طرفك او طرف زوجك آآآه ياقلبي انتي الله يفرجها عليك
|
ندمانه المصلح من فين جاكم
أشك أنه متفق مع زوجك وبالمره يختبرك يعني يصيد عصفورين بحجر حبيبتي مافيه مصلح يتواصل مع الزوجة مباشرة دون الوالد إلا إذا كانت رافضه الرجوع ومافيه مشكله من طرفك عشان يستمر بالتواصل معك انتي بأول شبابك وردة مفتحه ومطمع لأي رجل لا تستأمني هذا المصلح الله أعلم إن آخر تهمة بتجيك من زوجك اتهامك بعلاقة مع المصلح واعتقد سالفة الدي جي كانت دليل على تجسسه وعدم ثقته بك |
بهذه اللحظآت / أقرأء ردودكم أمآم والدي ووآلدتي .. يآحبيلكم بعد ربي يسسعدكم على وقفآتكم ونصآيحكم معآي خـلال هـ الأسبوع / - بالنسبه لي أنا المصلح و زوجي بلغي المكالمات والرسايل معهم نهائي - وآلدي سـ يتأخذ قرآر حآزم هـ الأسبوع معآه - بنتظر أخوي اليوم ورأيه بالموضوع وأسمع عن الخطيب الجديد وهل عن طريق زوجي أو لا ! فكره من وآلدتي وهي : أن أكلم خآلي ( وآلد زوجي ) وأدعوه لزيآرتي وأحكي له القصه كآمله غدآ وقصة الشقق المفروشه بالنسبه للمصلح للي يسأل : عن طريق شخص من أسرتي دخله لحل الموضوع ولكن ! بالنسبه لكلام أخت رسيل : اقتباس:
يقولي : لاتخربي صورتي قدآم أهلك قولي : أنا اللي بطلع معك للشقق و و و و وبكل موقف يذكره عند أهلي يتهمني بـ الغلـط ولامره قآل : أنـا الغلطآن للأسـف للأسـف بالنسبه لكلامك أختي روآء : اقتباس:
وقفل السماعه هذي آخــر كلمــه سمعتهآ منه ! أنـا بصرآحـه بوآجه زوجي نهآية الأسبـوع أو بـ الأصح بحكي لأبوه وأنـا أعرف بأن أبوه سـ يأخذ حقي منه ورآح أتكلم خسرته والا كسبتـــه لأني فعلن كأني بديت أحس أنه فيه لعبه وإنـا لازم أتكلم كأني أشوف بعيني ( خدعه + أنتقآم + لعب ) |
ياقلبي لما اقولك فكري بعقلك ..
لانك راح تستكشفي اخطاءك واخطاءه راح تشوفين المشكله بشكل افضل واصح .. والدك الله يحفظه واضح انه انسان طيب .. تدرين ليش لانه الى الان ماستعمل الشده مع زوجك .. بالذات انه قايل ماهو غاصبك عليه .. يااختي صدقا اول مره بحياتي اسمع بمصلح يكلم كل طرف وبالهطريقه المستمره ...!؟ اذا اتصل عليك المصلح خلي ابوك يكلمه ... ويحط النقاط على الحروف .. بلاش تلاعب الاعصاب والعواطف .. زوجك يحتاج شده يحتاج وقفه .. |
اقتباس:
اللهم أنر لها قلبها وبصيرتها وافرج همها اللهم اكفها شر شياطين االجن والأنس وأبدلها همها فرحا وسعادة اللهم أنصرها على من ظلمها وأعزها وارفعها أعلى المراتب دنيا وآخرة اللهم اسخر لها الصالح من خلقك وملائكتك في السماء وجنود الأرض الصالحين اللهم أرها الحق حقا وارزقها اتباعه وارها الباطل باطلا وارزقها اجتنابه اللهم آمين اللهم آمين اللهم آمين |
لحظة لحظة يا ندمانة.
أولاً: انتي ما غلطتي أول مرة يوم قلتين له ما كنت أحبك.لأن هو حزته طلب منش الصراحة،و بعدين يوم جاوبتينه الصراحة زعل. هذا أكبر دليل أنه يبي جوابش يكون نفس الي ف باله.للمعلومية: هو أبداً ما ضحى،و أنتين ما المفروض تُعاقبين لأنش رفضتينه،و لأنه كان يركض وراش وانتين مو عاطتنه وجه. قبل الزواج ما كان بينكم حقوق و واجبات.قبل الزواج انتين ما كنتين له،فمالازم يعاقبش على مواقف مرحلة ما كنتين فيها حلال عليه. فـ يعني لا تبررين له شيء مو من حقه. ثانياً: مو معناته أنا أحبش،يعني تعالي انتين بعد حبيني بنفس الطريقة،و بطول المدة. عمر المشاعر الصادقة ما كانت بحساب السنين. ثالثاً: مو يعني وقع الطلاق.هذا يعني انه الغلط كله على المراة. الرجل لازم يكون حكيم،و عشان جذي الله سبحانه و تعالى خلى الطلاق بيد الرجل.اسمحلي كأن سبب طلاقش واحد يمزح.بيوت واجد مفتوحة فيها مليون اختلاف و اختلاف، لكن الطلاق ما يقع. رابعاً: تمسكي بالرجال طالما هو يستاهل،و متمسك فيش. لكن من توصل لمرحلة انه مسترخص فيش و ما همه مشاعرش،و لا مشاعر اهلش،و لا سمعتكم،و لا رايكم حتى، خلاص ستوووب كبيرة و بدون ندم أيضاً. خامساً: يعني شلون الوحدة تقول حبيت هذا الشخص،وهو يعذبها؟و ما يحترم مشاعرها؟وما يحترم حرية تعبيرها؟وما يقدر محاولاتها في التقرب؟ و ما يحترم سنوات عمرها الي قاعدة تروح هدر؟ سادساً: أصلاً الاغلاط الي صارت عقب الطلاق. كلها بسبب انش قاعدة تتواصلين وياه،و محسستنه ان الموضوع عادي جداً. يا عزيزتي هذا طلاااق.مثل ما تقدم للزواج بشكل رسمي،نفس الشيء الطلاق لازم يكون بشكل رسمي أقصد مكشوف الموضوع لأبوش و أمش.هم الي المفروض يتصرفون، يوصلون الكلام،و يتخذون موقف حازم: إذا تبيها تعال خذها من بيت ابوها لبيت زوجها،و إذا بعدك محتار،و حاس انك مظلوم مع السلامة. سابعاً: تدرين انش بوضع المعلقة. و هو بالفايدة؟ ثامناً: أحسش قاعدة تقرين ردود الاعضاء. تقولين راح تآخذين بكلامهم لكن أبد أجوف النتايج كلش عكس. تاسعاً: الحياة المستقرة.الأمان.الاحترام<< هذي العناصر الي الواحد يركض وراها. مو الحب،و اللهفة. |
اقتباس:
1) انه ظهرت لك الحقيقة ول انه للاسف متاخره .... 2) ان توقعاتي عنه في بداية الموضوع كانت صحيحه وكنت لا املك يداي وهي تكتب الكلمات في سبه وذمه رغم دفاعك عنه وكنت كلما كتبت ردا تمنيت ان احذفه خشية ان اكون سعيت لغير الاصلاح ,,, الله يكتب لك خيرا منه واتمنى ان تتزوجي مباشرة بمجرد انتهاء عدتك ,,, (خوفه الشديد من ابيه ,,, عدم تاثيث شقه ,,, سالفة الحب والخرابيط اللي ضحك عليك فيها ,,, همه شهته فقط ,, الشقق المفروشه ,,, لاتخبري اهلك بمصائبي ,,,الخ >> تدل على نقص رجولته وانه لايستحق حذائك .. |
قرارك الأخير هو الصح لازم الكل اهلك ووالده يعرفون بكل اللي دار بينكم ويكونون هم الحكم ويعرفون الرجال على حقيقته ويوقفونه عند حده يا إنه يتعدل ويصير مثله مثل كل الرجال يعاملك بالأحسان ولا كل واحد يروح بحال سبيله وربي يوفقه بحياته ويعوضه خير اما المماطله والاستهتار ما تنفع مع بنات الرجال وانتِ شيلي يدك من الموضوع اللي عندك ووصليه لهم واذا ارسلك هو ولا المفسد قوليلهم مالكم كلام معاي خلي كلامكم مع الرجال اللي عندي وقلته ولاتعطينهم مجال ابد خاصه هالمفسد اللي يقولك اطلعي معاه الاسبوع الجاي؟؟؟الله يستر منهم خليه يعرف انك اتغيرتي وصرتي قويه الله يوفقك يارب ويفرج همك ويلهمك الصواب ويكتبلك الخير |
اقتباس:
|
طمنينا كيف ندمانه الجديده القويه طمنينا كيف معنوياتك
سلامنا لاهلك امك وابوكي الله لا يحرمك منهم ويحفظهم لك هم تاج راسك عم يدعو لك بالخير انتي قويه يا ندمانه حيل وان شاء الله رح نسميكي فرحانه حيل شوفي كم كسبتي من حب الاعضاء واحترامهم وهل والد زوجك هو اخو امك واذا كان كذلك حاولي انو ما تتأثر العلاقه بين امك واخوها لان ما فعله زوجك ليس للاب ذنب فيه المسكين انتي حاولي وقت تتكلمي مع خالك امك تهديه لحين يفكر منيح بالخطوه التانيه وتتفقو جميعا على خطه لاصلاح الوضع او الانفصال نريد فرحانه جديده بالمنتدى نريدك قويه بالحق |
الله يسهل امورك ياااارب ويوفقك
|
اقتباس:
|
طبعا للاسف وكنت متوقعه ان زوجك من النوع المراوغ واللعاب بس سكت وكل اللي ببالي طلع صح زوجك انسان يخوف كل شوي يرمي عليك كلام وانت يا قلبي ما تسكتينه من طيب قلبك يا ندمانه و يطلع من السالفه بكل سهوله ويرميها عليك ماأبي ازيد على ردود الاعضاء الله يوفقهم مع اني اتمنا يا ندمانه تكثري من الاستخاره سواء بالرجوع او الانفصال من هذا الرجل اسال الله ان يسهل امرك ويشرح صدرك |
| الساعة الآن 07:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©