|
رد: البخل دفعني لطلب الطلاق !
عزيزتي طبيعي تتأثري بالطلاق
طبيعي جدا لكن التأثير هذا يفرق اذا تم الطلاق بعد فك التعلق عن اذا تم وانتي متعلقه به وما زال عندك شيء له او معه احيانا نستمر في شيء نريد ان نكرهه للاخر لا نريد ان نتركه الى ان نصل لاخر نقطه معه وهنا اذا تم الترك نكون عارفين ان هذي اخر نقطه مثال بعيد لكنه يصف الفكره (عندك شنطه اشتريتيها عن قناعه وما زلتي تحبينها لكن مثلا صغيره ما تشيل كل اغراضك فتصبرين على صغر حجمها مقابل شكلها اللي عاجبك فتتمسكين بها شهر وشهرين وثلاثه وانتي متضايقه من صغر حجمها وعدم حملها لكل اغراضك وتقولين لنفسك ليش ما اغيرها مره صغيره لكن قلبك يقول لا شكلها حلو وعلموضه ولونها كذا ما بتركها لين تنقطع الشنطه باي شكل او يسقط منها شيء ثمين ويضيع منك وهنا ستتخذين قرار بتغييرها وانتي واثقه انه القرار الصح في الوقت المتأخر ولكنه اكيد صح ( الان ) وربما اقول ربما يكون زوجك جيد لو تغيرتي انتي وربما لا انا لا اعرف انتي وحدك من يقيم الوضع نحن خارج الدائره ونرى النظره الكليه من بعيد امر اخر (ليس فيه عصبيه قبليه لكن مجرد تحليل) ربما زوجك يشعر لكونه من غير جنسيتك ويعمل في بلدك بشيء من الدونيه عنك؟؟ حتى وان كان طبيب او ما شابه البعض يكون عنده كل شيء لكن نفسه صغيره محتقرها من الداخل فيرى انك قويه بشخصيتك وببلدك واهلك فيحاول ان يضعفك ليشعر بالقوه عليك؟؟ اقول ربما وانت من يقرر صحيح او غلط كلامي كلامي اراحك لانه لامس فيك شيء اختي كلنا نمر بصدمات في حياتنا منها في الطفوله او في الكبر نسيناه او تذكرناه في العقل الواعي والعقل اللاواعي كل انسان عنده ثلاثة اجساد جسد فكري (وهو العقل واعي وغير واعي) جسد مشاعري (النفسيه) جسد طاقي اثيري كل جسد منها تعتريه اوساخ ( صدمات) لابد من تنظيفها وازالتها شوفي في اليوتيوب طرق عديده للتنظيف وابدأي بدون تردد "بالتنفس عن طريق البطن" (التنفس اسهل طرق التنظيف ) التنفس عن طريق البطن مفعوله عجيب وهو المسعف الاول لكل موقف كل صباح اجلسي في مكان تهويته جيده في حوش او عند شباك يدخل لك هواء الفجر النقي البارد اجلسي مع نفسك ربع ساعه او اكثر تنفسي عن طريق البطن (شهيق عميق الى ان يمتلىء وينتفخ بطنك بالهواء ثم زفير عميق عن طريق الانف الى ان يخرج جميع الهواء) اول مره يمكن ما تقدرين تتنفسين الا دقيقه او دقيقتين بعد كم يوم بتلاحظين وقت التنفس زاد قد تبكين بعد او مع التنفس او تشعرين ببعض الالام في جسدك كل هذا طبيعي ويعني ان التنفس عمل مفعوله في التنظيف لا تمنعي نفسك من البكاء واعطي نفسك الوقت للتعبير عن المها ورغبتها ( وهذا في جميع الاوقات) بعد التنفس استلقي او اجلسي جلسه تريحك واغمضي عينيك واطلقي نية التغيير قولي انا انوي ان اتغير بكل حب ويسر وسهوله ( النيه مفعولها عجيب) وسوف تختبرك الحياه في صدق نيتك هذي من كذبها فكوني جاهزها لاختباراتها وتقدرين تنوين عدت نوايا مثلا ( انا انوي ان تتغير شخصيتي للافضل بكل حب ويسر وسهوله انا انوي ان استمتع بيومي بكل حب ويسر وسهوله انا انوي الشفاء لجميع اجسادي بكل حب ويسر وسهوله وخذي نفس عميق ونامي او افعلي ما تشعرين انك تريدين فعله لا تتقيدي بوقت ولا واجبات ولا مسؤوليات (رددي مع نفسك هناك وقت لكل شيء) واذا تقدرين تقولين لزوجك ناخذ فترة هدنه نضع فيها الاسلحه وكلن يروح بحاله هدنه ترتاحين فيها وتتنفسي وتغيري جو لو اسبوع تنفسي فيه كل يوم زي ما قلت (وطبعا يصير التنفس عاده يوميه لك بعد ذلك) ان قدرتي تسافري سافري ما قدرتي ف حيث ما تكون راحتك كوني هناك ارقصي وغني وجني لاقصى حدك ارجوك ضعي المثاليه تحت اقدامك وارقصي عليها ارفعي صوت الاغاني لاخر حد وانتي ترقصين وتضحكين وتصرخين ( ارجوك ارجوك لا تقولي الغناء حرام خلاص خلاص ارحموا انفسكم من هذي الترهات والتعقيدات التي ما انزل الله بها من سلطان) ولو اردتي تجاوز هذي النقطه فهذا لك انا سأقول لك كل ما لدي وانت حره واي اي اي مشاعر تظهر لك حينها او باي وقت اسمحي لها تظهر لا تكبتي شيء فجأه ستبكين ابكي لا عليك طبيعي فجأه بتضحكين اضحكي وسمعي الجيران ضحكك انتي متضايقه وما تبغين تطبخين لا تجاملي وتقولي انا جيده وسأطبخ ( لعيون اي احد) لا قولي مالي نفس اطبخ اليوم بختصار (( طابقي الداخل مع الخارج )) لا تتناقضي مع نفسك فتقدم لك الحياه المتناقضات لا تدعي المثاليه فتقدم لك الحياه اشخاص يريدونك دائما مثاليه لانك انت قدمت نفسك للحياه على انك مثاليه تعرفين حتى شكلك واناقتك لا تتحري فيها الدقه والمثاليه اسمحي لنفسك تغلط وتطلع يوم والالاينر عين مزبوط وعين شوي مخربط So what ?! شعري شوي منكوش ( It’s Ok )!! الكل راح يزور فلانه في يوم محدد لمناسبه معينه انا بتأخر وبزورها بوقت اخر بعدين وش بيصير؟! مو لازم اكون مثاليه واروح مع الجميع! وهذي الاشياء زي التمارين البسيطه لنفسك حتى تتعود تطلع شوي شوي من زاوية المثاليه اللي جالسه فيها من سنوات بخصوص المصادر عزيزتي انا والله من كذا مصدر واغلبها في اليوتيوب حسابات تتكلم عن الجسد المشاعري وكيف انه الاساس اذا كان بحاله جيده صارت باقي الاجساد بأحسن حال وهكذا اتنقل من فديو لاخر لين فهمت وضعي زين اول ما اتذكر شي معين بقولك عليه |
رد: البخل دفعني لطلب الطلاق !
والله يا صاحبة الحظ الحلو كلامك جميل ومنظم وواقعي لكن الانتفاضة على الامور المسلم بها ارجو ان تراجعيها
معلوماتي الدينية قليلة وعلى قدي لكن ما اعرفه ومتاكدة منه انه التوفيق من عند الله وبطاعة الله وتجنب معاصية وهذا لا يعني اني مرات لا احن واستمع قليلا للغناء لكن اندم واستغفر وابفى لمدة لكن اعرف انه حرام حرام الله يغفر لنا جميعا |
رد: البخل دفعني لطلب الطلاق !
عزيزتي امال عظيمه
هذي بعض الفديوهات لوحده اسمها منال موسى انا استفدت منها لعلك تستفيدين * العلاقات وقانون الانعكاس لمنال موسى *حقيقة فك التعلق لمنال موسى *طريقة فك التعلق لمنال موسى *اسباب المعاناة في الحياة لمنال موسى *العطاء متى اكون معطاء ومتى اتوقف عن العطاء لمنال موسى *لماذا تعاكسك الحياه لمنال موسى واحدث فديو لها اسمه *شعور الاحتياج وتطرقت فيه عن المثاليه وانو اللي يعطي طلبا للمثاليه ما راح يلاقي شي لانه اعطى عن "احتياج " للمثاليه وليس عن "حب خالص" نسيت في ردودي السابقه اقولك لازم لازم تحبي كل صفاتك حتى السيئه عشان تتخلصي منها صفة المثاليه فيك حبيها واعترفي فيها وتقبيلها قولي مع نفسك نعم انا مثاليه اعترف واتقبل هذي الصفه واحب نفسي بهذي الصفه الصفه اذا تقبلتيها يقل الحاحها عليك ويسهل التخلص منها اسمعيها ستتضح لك الصوره اكثر واي شي ما يناسبك تجاوزيه وخذي اللي ينفعك تمنياتي لك بحياه سعيده |
رد: البخل دفعني لطلب الطلاق !
اقتباس:
اعلم ان مناقشة المسلمات وخاصة " الدينيه" امر صعب صعب والبعض مستحيل معهم اعلم هذا جيدا فانا منكم وفيكم لذلك لن اناقشك واضيع وقتك الثمين ووقتي خذي من اي مكان ما ترتاحي له واتركي ما يريبك لمن عنده الجرأه ان يأخذه ويقلبه ويتفكر فيه فمعه رب سيهديه وينير بصيرته بنوره الالهي سلامي لروحك❤ |
رد: البخل دفعني لطلب الطلاق !
عندي فقط تعليق على موضوع انك لا تعيشي وضع الضحيه ولا تحبيه
قولك ان قسوة امك افضل من اهانه زوجك هذي اشاره لعيشك وضع الضحيه قولك قدمت وقدمت وكنت وكنت ومالقيت نتيجه ايضا جزء منه اقتناعك بانك ضحيه ولا انكر انك ضحيه لكن انك تربطي كل شي بحظك السيء وعدم حصولك على التقدير وتتبعك لردات فعل الاخرين واهتمامك براي صديقتك وزوجها اهلك حتى صديق زوجك كنتي ستتواصلي معه ليقنعك بالبقاء مع زوجك انتي تتنظري فقط اعتذار فقط من زوجك تحسين بصدقه لتعودي انتي عايشه دور الضحيه بجداره ويمكن ضعف شخصيه تتنظري الاشخاص والايام تتخذ قرار لك لا يختي ابحثي عن عمل حقيقي معاك ماجستير لا تضيعي وقتك بعزايم وطبخ وارضي فلانه وعلانه واحس تفسي عاله على اهلي واعوض بطبخ وكرف دوري عمل وادرسي ان رغبتي بحلقات وخلي يصير عندك مصدر دخل وابحثي عن سكن قريب لك وابحثي عن خيارات حقيقه وقويه بالحياه اطلعي من قوقعتك واضربي براي الناس الحائط محد بيمد لك ريال ولا بيسهر الليل شايل همك دامك ماتخالفين ربك مايهمك الا سعادتك سؤال غريب شوي انتي من الجنوب والي اعرفه اهل الجنوب متشددين وانتي شخصيتك مثاليه ولا تحب تخرج عن قيود المجتمع وامك شديده كيف اخذتي شخص خارج من جنسيتك مو بس قبيلتك هذي من التناقضات الي مافهمتها خاصه انه زواج تقليدي ليس عن حب تحاربي من اجله كيف ضربتي بالمجتمع عرض الحائط واصريتي على ابو بناتك مع علمك بنظره المجتمع وتعصبهً |
رد: البخل دفعني لطلب الطلاق !
اقتباس:
المعذره |
رد: البخل دفعني لطلب الطلاق !
مستجداتي على عجالة ب اكتبها
- اليوم تهاوشنا انا و اخوي الكبير بسبب موضوعي مع زوجي ( طلب مني اشيل الحظر و اكلم زوجي كلام حلو ) و رفضت - لازلت انتظر جلسة الصلح الروتينية في المحكمة - رفض يدفع رسوم مدرسة بنتنا - اصابتي في ركبتي كانت لصالحي الحمدلله اهلي اعفوني من المطبخ و يفكرون يجيبون خادمة و اعطوني هدايا و ورد - طلبت من ابوي يعطيني شقة من الشقق اللي مأجرها - رجعت لحلقة قران الاطفال اللي كنت ادرسهم و اللي كانت سبب سكينة قلبي بعد الله |
رد: البخل دفعني لطلب الطلاق !
مستجدات كويسه
الله يكتب لك الخير يارب |
رد: البخل دفعني لطلب الطلاق !
على ما يبدو لي زوجك قدر يلف راس أخوك وانتبهي منه لا يستخدمه زوجك ضدك بالمحكمة
وتذكري بأن لنفسك عليك حق ولا تقدمين شي فوق طاقتك ترى أهلك يحبونك ويعزونك وما يرضون عليك شي تصرفاتهم اتجاهك وبتربيتك من جهل كبير منهم وليس عن قصد ايذاءك أمك مثل أمي تبينا مثاليين وأحسن الناس ونظرتها ان التربيه بالنقد والمقارنات هي الوسيله الصحيحة لتحقيق هالشي وما انكر انها تحبنا وتبي لنا الخير لكنها حطمتنا من الداخل بدون قصد |
رد: البخل دفعني لطلب الطلاق !
اقرا الموضوع وادعيلك واليوم مستجداتك مبشرة جدًا ♥
الحمدلله والدك بصفك والله يديم عزه ويحفظه لكم يارب ، استمري بمطالبتك بالشقة المستقلة، زي ما أسلفتِ سابقًا تتدربين للقيادة ومستقبلاً يكون لك سيارتك الخاصة وتتوظفين وتصرفين على نفسك وتربين بناتك التربية اللي تشوفينها صحيحة وربي بيعينك . الاستقلالية هي طريقك بعد الله للسعادة ، اسعي للشقة وللوظيفة .. بالنسبة للرسوم المحكمة تجبره وتستقطع من راتبه ( بشكل إجباري ) وتحوله ع حسابك الخاص . استمري بالقضية وأرفقي المستجدات ( حرمان الطفلة من التعليم ) لأن المدارس الحكومية ترفض غير السعوديين حسب علمي، فهو مجبر بالدفع للمدارس الخاصة.والا يُعتبر حرم الطفل من التعليم وهذي جريمة يعاقب عليها القانون السعودي . موضوع زوجك وتدخل أخوتك للأسف هذي ضريبة استشارتهم من البداية ، ارفضي الكلام قطعًا بالموضوع ولا تاخذين ولا تعطين ولا لأحد منهم كلمة عليك ، أنتِ لازم تقوين شخصيتك لأنك من اليوم ورايح مو مسؤولة عن نفسك وبس لا مسؤولة عن بنتين .. فلازم تكونين أقوى . الله ييسر لك يارب |
| الساعة الآن 10:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©