انا عندي موعد التراساوند يوم الاحد الجاي... طبعا كالعادة متحرئصة بدي يجي يوم الاحد...

ام عبدالله انا بتمنى ان بنتي تطلع شبهي والولد شبه ابوه.... بس قولي ان شالله

انا دايما بشوف انه الولاد بالعيلة بكونوا أحلى من البنات :) ودايما بيجوا الولاد شقر و البنات سمر

دار حماي حابين انه ولادي يطلعوا شبهي و شبه اخواني ..

اما انا حابه توخد من أبوها و مني الأشياء الحلوة يلي فيه و الأشياء الحلوة يلي فيي

ومتل ما قولتي تطلع صحتها سليمة ان شاء الله

نورة
هما ما بيجو تفصيل
بس ان شالله بيصير اللي ببالك

علامة الجودة
اللي من الله يا محلاه

الله يجيبهم بالسلامة

آمين يارب الله يقومنا احنا ومواليدنا بالسلامة ويفرحنا فيهم

أم عبدالله كيف صار جو عمان بعدو برد ولا صيفتو متلنا احنا صارله يومين الجو طوز وغبرة :( ما بنلحئ تنظيف بهالبيوت .. هاي الصيفية ما رح أقدر أنزل عمان يمكن أنزل عالعيد او الشتوية الجاي ان شاء الله

ام ريم
الجو الايام هاي بجنن
شمس ربيع
وهوا مش بارد كتير
يعني الحرارة اليوم 21
وبكرة 24 ان شالله
وبعدو 28
يعني شغل رحلات
الله يعينكم
ما بحب الجو المغيم والمغبر

ام عبدالله اكيد ماراح يجيوا تفصيل واللي من الله حياه الله،،،،بس الواحد بيتمنى...

علامة الجودة انا كمان ماراح اقدر انزل بالصيف يمكن انزل بعد رمضان او بالشتا... ان شالله نتلاقى انا وانت مع ام عبدالله..

بنات مين فيكم عيد ميلادها قريب من ولادتها.؟؟

موعد ولادتي 22/7
عيد زواجي 19/8
عيدميلادي 27/8

يعني لو تأخرت عن موعد الولادة وتيجي بشهر 8،،، بيكون في 3 مناسبات حلوة بنفس الشهر

كتير حلو احنا كمان لولا الطوز الجو حلو الشمس موجودة و دافية بس المشكلة الطوز و الغبرة .. الله بعين شو بدنا نعمل
بس بتعرفي أم عبدالله الصيف الماضي كنت بعمان و حسيت صيف عمان صار متل صيف الخليج واحنا هناك ألصيف الماضي اجت موجة شوب قوية بس بظل أحلى من طقسنا هون احنا الله راحمنا بالتكييف وين ما كان بالسيارة والمجمعات و الأسواق وبالشغل و بالبيت الحمدلله

بنات انا طالعة.... مع انه الحكي معكم لايمل...
اشوفكم بكرة ان شالله،،،

بوساتي لحلا وفارس وريم...

نورة
انا ولادة حلا كانت بشهر 4
وهدا ان شالله ازا اجا بموعدو بيجي ب 5
زواجي بشهر 3
وميلادي ب 10
وميلاد زوجي ب 9
يعني كل حد بشهر مختلف
عشان تزيد المناسبات على طول السنة

علامة الجودة
انا عشان بالشغل صيف شتا ما بحس بالصيف
يعني بكون بالشغل 8 الصبح
وبطلع على 4 مسا
بتكون الشمس قربت تغيب
وطبعا جو الشغل مكيف
وبيتي الحمد لله مش حار

بالسلامة نورة
علامة الجودة احنا وصلتنا بوستين
وحدة لفارس ووحدة لحلا
يلا شدي حالك عشان تجيبي اخ او اخت لريم