|
اقتباس:
و على فكرة النزول البطيئ هو الافضل لانه لا يتبعه الا طلوع بطيئ و ان شاء الله عدم طلوع خليكي على ما انتي عليه و الدهون اللي بنيناها في سنين اتكومت زي الجبال على قلوبنا ما بتروح في يومين او ثلاثة انا اش اقول اللي جبالي و تضاريسي تسبقني و انا امشي و مسببتلي احراج فضيع لكن خلاص لازم تروح و لو فضلت باقي عمري احاربها و انا للاسف دهوني اخذت الين اكومها اكثر من 7 سنين و ما راح تنزل في ايام الا اذا قتلت نفسي و اللي حينزل بسرعة بيطلع اسرع خذي وقتك و مع الوقت حيكون روتينك اليومي اتغير و من غير ما تحسي حتنزلي لكن عليكي انك تمشي لو نص ساعة عشان جسمك يحرق الدهون اسرع ان شاء الله |
شكرا الكم يا غاليات لولا الله ثم مشاركتي وتشجعينا لبعض ما كنت اتحمست وراح استمر ان شاء الله
|
يا بنات متأكدين ان شرب الماء (كوبين مثلا )بعد الرياضه كويس
ولا لازم انتظر فتره ياليت الي عندها معلومات اكيده تزودني بيها |
سلام علكيم كيفكم حبيباتي والله اشتقت لكم, عسى ما نسيتوني و طلعتوني من المجموعه وسبب غيبتي اننا نقلنا الى بيت جديد واخذ وقت على ما رتبنا امورنا و فتحنا النت, وصراحة النقل كان مفاجئ والقصه طويله, خلونا منها ما شاء الله عليكم روح عاليه ولا وحده استسلمت, برافو عليكم شطورات :22: وشويه و ان شاء الله كل وحده راح توصل للوزن المثالي احم احم ايوه اخباري انا :d قولوا ما شاء الله تبارك الله لا حول ولا قوة الا بالله وزني يا حبيباتي 49 كغ, انا كان ودي بس 53 لكن بسبب النقل من البيت و بسبب المذااااااااكره لأن امتحاناتي قربت نفسيتي صارت زفت و شهيتي للأكل انسدت و وزني صار اقل من المطلوب :29: لا و ازيدكم من الشعر بيتين, شعري يتساقط بطريقه رهيبه و بشرتي احسها داكنه ومن شهر تقريبا وقفت استخدم مانع الحمل اللي كان عباره عن الاصق, يمكن هو سبب النفسيه السيئه و فقدان الوزن السريع, يمكن ما ادري الحين يا بنات انا محتاجه الى طريقه للمحافظه على الوزن, بس في نفس الوقت ما ابغى اكون مقيده بأكلات معينه او انحرم من اكلام احبها :( فهمتوا علي وبما اني وصلت للوزن المطلوب لا و أقل بعد اعتقد راح اوقف الرجيم, ايش رايكم على فكره انا سويت الأختبار اللي نزلته عزيزتي sa33 وطلع جسمي النوع الدرقي يعني زي الساعه الرمليه, بس الحمدلله القسم العلوي و السفلي متناسق :17: شدوا الهمه بنات والله معاكم و يوفقكم |
اختي دودي والله ان دمك عسل و روحك رياضيه و مرحه انا كنت اقرا مواضيعك وتعليقاتك الي كانت احيانا تموتني من الضحك لا والحين جبالك و تضاريسك هههههه وفرحت لما شفتك اشتركتي معانا في الرجيم, و ان شاء الله يجي رمضان و انتي بأفضل صحه و رشاقه آمين ربي يرزقك الذريه الصالحه عاجلا غير آجلا.. انت و المحتاجين جمعيا اللهم آمين |
انا ارضع بنتي يعني كم سعرة حرارية احتاج ...ولاني توني طالعة من الاربعين ابغي اخسر الكيلوات الي زدتها في فترة الحمل .... وخاصة في منطقة البطن ...يعني عندي كرش واتمنى حد يفيدني .... وما راح انسى هذا المعروف لكم ... وجزاكم الله خير ...
|
dodi_dabdoobi
ماشاء الله تبارك الرحمن عاجبني أصرارك وعزيمتك وكلنا بإذن الله معاكِ وراح نشجعك حتى تصيري سمبتيك زي زوجك وأهم نقطة تحطيها في بالك هي اللي ذكرتيها (مثل مازاد وزننا في سنين لازم نستمر في الريجيم حتى ينزل حتى لو أستمر الموضوع فترة طويلة) ولاتنسي أن أول السلم درجة ولازم نطلع درجة درجة حتى نوصل للهدف ولاتفرحي بالنقص السريع بالعكس النقص البطيء صحي أكثر علشان ماتتعبي وأنا مثلك الشاي الأخضر ماناسبني أبدااااااااا بالعكس احس ان جسمي يتنفخ واني مكتومة لمااشربه لحظة لحظة لحظة تذكرت الأن بس وأنا أكتب الرد عن شاي صيني أنا أشربه للتخسيس وكمان بينفعك للإمساك لأن لما تشربيه أي أكل تاكليه لااااازم بعدها بنص ساعة على الحمام الله يكرمك وبصراحة شاي مذهل اشتريته من بازار فتح وكان فاتح فيه كشك كله أنواع مختلفة من الشاي الصيني فوقفت عنده وقلت له أبغى شيء للكرش فأعطاني هذا الشاي وقال اشربيه مرتين في اليوم والحمد لله رب العالمين انا أقيس محيط البطن بالمتر ومن رمضان وأنا أستخدم الشاي ونقصت عدة سنتيمترات يمكن أربعة أو خمسة وأي أكل أكله الله يكرمك على الحمام بعدها وأعطاني نشرة عن محلهم وطلع المحل غرب عزيز مول وهو خاص للشاي والأعشاب الصينية وبعدها وقفته فترة وقبل كم يوم رحت السوق ولقيت بازار وفاتح نفس المحل ولقيت نفس الشاي ونوع ثاني جديد وله نفس الخواص وسألت البائع الشاي هذا ماله أضرار جانبية قال لي : لا ولازم تستمري على شربه وراح تشوفي ان وزنك نزل واشتريته وبدأت استعمله واسم الشاي (شاي النورس) واسم المحل (مملكة الشاي الأخضر) أنصحك تشتريه وبتدعي لي وأهم شيء تمشي ساعة كل يوم واشغلي نفسك وانت تمشي علشان ماتحسي بالوقت ياااااااااااااارب تبشريني بعد أسبوعين بأن وزنك نزل وإلى الأمام سر ونحن معكِ:17: warda2007 ماشاء الله تبارك الرحمن الله يبارك لك في صحتك وعافيتك وتنحفي وانت طيبة استمري وبشرينا بالنتائج أول بأول وفرحينا معاكِ الجنه غايتي وعليكم السلام ورحمة الله وبركاته لا لا توقفي المشي أنت لو مشيتي كان نقصتي بإذن الله في الثلاث أسابيع 3 كيلو المشي يسرع النزول جداااااااااا وأفضل من أنك تضيعي وقتك في ريجيم وتطولي المدة أمشي أمشي ولو نص ساعة في البيت ومرة كلمي أهلك ومرة كلمي صديقتي وبتلاقي الوقت مر سريع عقاب لكِ : أمشي من اليوم كل يوم ساعة ولازم تنقصي بعد أسبوع كيلو ولو مانقصتي راح نطردك من النادي بسبب الكسل:23: هرد شوفي ياحبيبتي أنتِ طبيبة نفسك واللي تحسيه يريحك اعمليه عن نفسي أحس اني أتعب إذا شربت ماء بعد الرياضة علشان كذا أشرب قبلها وبعد ماارتاح من المشي أرجع أشرب أما وقت الرياضة احس اني مو مرتاحة للشرب بس لاتمشي كثير علشان ماتفوزي عليّ:29: بس ماراح نوزن أنا وأنت الجمعة لأننا بدأن التحدي قبل كم يوم خلي الوزن الأسبوع الجاي ...موافقة؟؟ Love Of Life وعليكم السلام ورحمة الله وبركاته ماشاء الله تبارك الرحمن ألف مبروك البيت الجديد والله يجعله سكن العافية وألف مبروووووك الرشاقة ربي يعطيك الصحة والعافية وخلاص الأن ماعليك إلا تمشي وراقبي الميزان أي طلوع على طول سوي ريجيم ولو أسبوع لين تنزلي وبس يالله الحمد لله نزلت وحدة من النادي عقبالنا:17: مهوتي4 اسئلتك نحيلها لمستشارة السعرات أم عمار هي اللي راح ترد عليك ولكن أنصحك بشرب ماء دافيء على الريق به قطرات من الليمون وهذا بيزودك بالكالسيوم ويخفف الكرش وأنت بترضعي أشفطي بطنك للداخل لأن الرضاعة معروفة تقلص العضلات ومفيدة لإنقاص الوزن ولاتنسي المشي لازم تمشي كل يوم لو نصف ساعة في البيت ومع الرضاعة بإذن الله راح ينزل وزنك بسرعة هيا يابنات مابقي إلا يومين على الجمعة يوم قياس الوزن شدوا حيلكم وامشوا وبشرونا:14: |
بنات أنا قرأت هذا الكلام في أحد المنتديات اش رأيكم نجربه:
اقتباس:
انبسطوا مع الردود على الموضوع اقتباس:
اقتباس:
اقتباس:
اقتباس:
|
اقتباس:
كأنك طرديني يا ام جوجو :( لا خليني اطلع برشاقتي و كرامتي احسنلي امزح :d الله يخليكي و يعطيك العافيه على مجهودك و تشجيعك لينا انا الي خلاني اتمسك بالرجيم هو عشانكم و عشان لا اكسر بخاطركم و تزعلوا مني و تعتقدوا اني انسحبت و عشان كل وحده تقول لو Love Of Life قدرت تنحف أكيد انا كمان اقدر انحف و أكثر منها كمان عقبالكم كلم تنزلوا من النادي و بصحه عاليه و رشاقه تفرح القلب :22: |
السلام عليكم ورحمه الله و بركاته
احكي لكم حكايه الاسبوع الي فات قرات عن نظام حميه جديد و طبقته بعد ان اشتريت ميزان جديد جتني صدمه زايده 3 كيلوات عن ميزان بيتنا اتوكلت على الله المهم الميزان يتحرك مع الاسبوع القادم النظام كان عباره رجيم البروتين لحوم بيضاء صدور دجاج بيض بياض البيض من غير الصفار سمك بانواعه مكسرات غير مملحه بكميات محدوده جبن قريش او فيتا البيضا فاكهه بانواعها خضار بانواعها بقول بانواعها من غير زيت من غير كاربوهيدرات ما عدا الاسمر (رز و قمح كامل) ممنوع السكر و شرب الماء بكميات كبيره و مهوله و الرياضه مر الاسبوع و انا خايفه و كان اكلي عباره عن خضار و الفاكهه و صدور الدجاج و سمك الخضار المطبوخه شبه نيه و السلته كانت جزر و سبانخ و اكلت فول علبه فول بحالها لكن من غير زيت فقط هرسته بلشوكه و حطيت معه ليمون وكمون و جبن فيتا و قريش وشاي الاخضر بطعم الياسمين بين الوجبات (تفاح- كمثرى- عنب- موز - جزر) و انا متعوده علحرمان حتى ينزل الوزن شربت كميه محترمه من الماء وزنت وزني نازله كيلوين اما الحركه كانت محدوده لان كان موعدها الشهري قلت ما اقول عن النظام اذا ما اجربه حتى اعرف اجاوب علاستفسارات من واقع التجربه و متابعه الحميه الجديده و ان شاء الله يمشي الحال دعواتكم |
| الساعة الآن 05:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©