|
اقتباس:
كلامك صحيح عزيزتي تحمل المسؤولية بدرجة كبيرررررررررة من اهم الصفات التي يتصف بها هذا النوع من الشخصيات والتجربة التي ذكرتي مفيدة جدا وتوضح جانب مهم يعطيك الف عافية |
اخي غلطة عمر صحيح انو انت مشكلتك انو انت ما تحبها لكن في سبب اقوى خلاك تكرها وتكره الجلوس في البيت ..... هو الملل اول ما يدخل الملل في حياة الزوجين حيدمر اشياء كثيره وللعلم احتمال 99% انو هيه تبادلك نفس الشعور لان المرأه تحس بأي تخيل يصير بزوجها ...... يعني ممكن تكون هي كمان ما تحبك و صارت انسانه ممله وساكته لانها مو قادره تغيرك وهي صابره بس عشان بناتها ارجوك ارجوك ارجوك اخي الكريم.... اصبر واتمنى انا تصارحها اكثر وتقول لها انك ما تقدر تعيش من غيرها مو بس عشان البنات ... لا عشان كمان انها زوجتك وانا تحبها .... واغدق عليها بالكلام الجميل الذي يذوب قلوب النساء ....وان شاء الله ربنا يهديها ويهديك ويبعد عنكم الملل والمشاكل |
الله يعينك ويحبب زوجتك الى قلبك ويصلح بناتك
|
وعليكم السلام ورحمة الله وبركاته شف أخوي أنت عاجتك زوجتك ومو عاجتك وشلون ؟ عاجتك بدينها وأخلاقها وإحترامها وأدبها ومو عاجبتك بأستايلها وهدوئها طيب الحل أول شئ الله يسلمك الدعـــــــــــــــــــــــــــاء أدع في سجودتك أن ربي يجعلك ما تشوف غيرها ويجعل حبها في قلبك الشئ الثاني : زوجتك محتاجة لتثقيف زيادة حبتين خليها تروح دورات عن الحياة الزوجية إذا في مدينتها موجودة أما لو لا خلها تشترك في دورة ع النت تقام عندك الدكتورة نورة الصفيري لها منتدى ع الأنترنت اسمه دار الإبداع والأحلى مسويه دورة للمتزوجات مجانا في المنتدى تبعهم خلها تشترك فيها لان الدخول خاص بالنساء وفيه وحدة ثانية الدكتورة ناعمه الهاشمي الشئ الثالث : عودها وقودها ع اللي تبيه مثلا : قلها وش رايك أحط لك مكياج ولخبط في وجهها ميخالف بس أهم شئ توصلها رسالة وقالها أبغاك كذا دائمبلمحة وإذا خلصت من مكياجها أمدحها مدح مطر اشترلها ملابس أنت تشوف أنو يعجبك استايله وغلفها وأعطيها كهدية حاول تسولف معها جب السواليف لها أو أقولك خلها تسمع إذاعة القرآن وتقولك وش سمعت فيه أو محاضرة وتقولك وش سمعت فيه وربي إن ما أحب أرد ولا طبعي بس حرقتي قصتك زوجتك ثروة ماشاء الله تبارك الله بس لا تخلي إبليس يلعب بعقلك |
صدق الشاعر نواف بن فيصل
\ (( الحب تدري, ماهو بيدي سيدك تراه الهوى وسيدي )) \ هذا الميل القلبي وربنا لا يؤاخذنا على الميل القلبي كما قال الرسول علية افضل الصلاه والسلام فلا احد يملك القلوب سوى رب القلوب وقد كان النبي علية الصلاه والسلام يميل عاطفيا الى عائشه ويبرر ميلة القلبي هذا بقولة (( اللهم هذا قسمي فيما املك فلا تلمني فيما تملك ولا املك )) \ والله يطرح في قلبك حبهااا ياااارب |
يااااقلبك القاسي
شوف انت ظالمها والله ما يرضى بالظلم انت اللي غلطت من البدايه تزوجتها عشان امك تبيها مو عشان انت مقتنع فيها بعد الزواج ما حبيتها ومع هذا جبت منها اطفال ... لييييش ؟؟؟؟؟؟؟ فأنت الحين جالس تظلمها وتظلم أطفالك معك لاتقول انك مستحمل تطلقها عشان بناتك بس والطلاق بيأثر فيهم وحط في بالك ان الضغط يولد الانفجار حياتك معها من سيء لأسواء وبيوم كل شي راح يطلع منك ويبان فأقولك لاااااااا تظلم المسكينه معك .. اذا ما تحبها أتركها تشوف نصيبها مع غيرك ومع اللي يحبها ويقدرها والف واحد يتمنى نص صفاتها . ولا تعتقد انها ما تحس فيك وانت شوف نصيبك مع غيرها .. لاتتحجج بالاولاد لانك انت الجاني والمجني عليه بنفس الوقت |
السلام عليكم
اخوي الفاضل موضوعك جدا شدني لاني كنت اعيش نفس شعورك تزوجت بدون حب وبعد الزواج انصدمت في امور كثيرة كنت احسه قروي وبايخ ومايعجبني بكل شى وقررت الطلاق منه قلت يلا العمر واحد ليش اضيع حياتي مع واحد ماحبه يمكن اخذ اثمه .وتخيل رغم اني ماكنت احبه كنت اغار عليه لان من طبعي ماحد يجي حول ممتلكاتي وزوجي من ممتلكاتي ممكن انانية الله اعلم لكن هذا الي صار .. المهم بعد اخر مشكلة قالي ابطلقك وماعاد صرت ابيك من عرفت انه راح يتركني وانه مصمم على انه يطلقني انقلبت الاية 180 درجة والله ثم والله اني احبه الحين حب مابعده حب وخليته يصير موديرن ومن كثر ماصار يعجبني شكله ولبسه ندمت اني علمته اشلون يلبس عشان ماحد يخطفه مني انصحك اخوي انك تراجع احساس وتحاور زوجتك مرة ومرتين واللف الحب من الله شى طبيعي وادعي ربك انه يألف بين قلبك وقلب زوجتك هو مقلب القلوب والدليل انا ..اسال الله ان يسعدك |
السلام عليكم
اول شي بأقوله لك الله يساااااامحك وانا اقرأ قصتك جالسة ابكييييييييييييييي ماادري ليه بس حسيت فيك شوي ومدري ردي بيعجبك وألا لا اولا زوجتك العسل والله تحززززن عشان هي من الحريم اللي ماعرفت تخلي زوجها يحبها تسوي كل شي عشان ترضيك بس ماعرفت مفتاح قلبك ثانيا انت ماعطيت نفسك فرصة تحبها اتوقع انك داييييييم في خاطرك ترددماأحبها يمكن انت من النوع الملول وتحب التغييير ونفسك تعيش قصة حب بس ترى من الصعب تلاقي وحده تحبها وعلى قولتك عصرية فيها نص صفات زوجتك الصالحة وإلا مايكون فيها عيب واضح وقتها راح تحس بقيمة أم عيالك وما تعرف ذا الشي الا اذا فقدتها استهدي بالله مو كل بيت قائم على الحب أصلا احس ان الزواج معناه التضحية والإخلاص والإحترام وبعدين الحب ودائما ادعي اللهم حببني في زوجتي وحبب زوجتي فيني وحاااول تتكلم معها كثييييييير وتسافروا لوحدكم يعني لاتخلي الشيطان يسيطر عليك الله يهدي سركم ويخليك لزوجتك وبناتك آمييييييييييييييييين |
سبحان الله هذي الدنيا ماحد مرتاح فيها
خوفي انك جالس تقارن بينها وبين مافي التلفزيون الجاء الى الله واكثر من الدعاء وتضرع اليه بان يحببك فيها واكثر من الاستغفار |
اقتباس:
فضلاًحللي هالشخصيه تحليل مفصل و كيف تتغير و يتعامل معها |
| الساعة الآن 11:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©