|
السلام عليكم ورحمة الله وبركاته
قولي لها تقول له يغير رقم جواله
أسأل الله العظيم يهدي زوجها ويهدي سرهم انه ولي ذلك والقادر عليه تحياااااااااااتي |
اقتباس:
عن نفسي كرجل ابحث عن الصراحه واحب ان تصارحني واصارحها بكل شي حتى لو كانك صراحه تجرح لأنه الصراحه هي سبيل السعاده والقضاء على المشاكل وهي في مهدها |
......................
شكراً لكل جهودك الطيبة ... فقط أود التنبيه إلى أن الكتابة بغير اللغة العربية ممنوعة في المنتدى ... وإن كنتِ تعانين أختي الكريمة من هذه المشكلة .. فنرجو منكِ ترك رسالة بهذا الخصوص في عالم الرسائل الخاصة للإدارة ... كي يتمكن الاخوة من مساعدتك ... احترامي ؛؛؛ |
اهلين اختي AFA
اشكرك لتفاعلك مع مشكلة صديقتي من المؤكد اختي انني اريد مساعدة صديقتي والا لما طرحت مشكلتها في المنتدى ولكن ما طلبته مني صديقتي وهو الاتصال بالارقام صعب جداً بالنسبة لي لنفرض اختي انني اتصلت وتأكدت ان اصحاب الارقام فتيات فهل تتوقعين مني ان اخبرها اعتقد صعب جداً ان اخبرها والاصعب ان اتركها على عماها,,,, فلا اريد ان اشعر بتأنيب الضمير في الحالتين . وبالنسبه لكونها تصارح زوجها فقد تناقشنا في هذا الموضوع فهي ان ناقشته تخشى ان تتزعزع الثقه بينهما وتخشى ايضا ان تنبهه فيمسح الارقام والاتصالات اولا بأول ولكني مازلت اقنعها بأن تحاور زوجها وتصارحه بهدوء لتتأكد وترتاااااح من ناااار الشك |
ترانيم
shezon sawssane اشكركم على المرور |
اتصلو طبعا حرام تعيش نفسها في النار وهي ما تدري نفسها ظالمه ولا مظلومه
وقوليلها لا تخاف لان لو في واحده تانيه بتمكر بزوجها تتذكر قول الله (ولا يحيق المكر السيئ الا باهله) بصراحه هذي الايه شعاري في الحياه |
السلام عليكم و رحمة الله و بركاته
أخت دلوعه مودي.. أعتقد أن صديقتك لازم تحسم الموضوع و تتأكد بنفسها من مدى إخلاص زوجها لها... و في الغالب الأزواج تجيهم أوقات يكونون أسوء من المراهقين... و هذا مو معناته انه مايحبها.. هذي نقطه مهم انها تفهمها و مهم انها تعرف كيف تتعامل مع المشكله... الأخت AFA عرفت ان زوجها يناسبه الصراحه... يمكن زوج صديقتك يختلف و يحتاج لطريقة أخرى.. و هي أعرف الناس بالطريقة اللي تناسبه بس قبل لا تتخذ مع زوجها اي خطوة... لازم تكون متأكدة من شكوكها. و أنا لو منها...أتصل على الأرقام هذي من جوال غير جوالي... حتى لو من البطاقات المدفوعه ولو ما رد علي نفس الرقم...بجرب ادق من جوال زوجي و أشوف من اللي يرد!! حتى لو دقيت و ظليت ساكته.. كأن الجوال دق من غير ما يكون زوجي(صاحب الجوال) عارف...يعني كأنه حاطه في جيبه و هو ماشي و بالغلط دق..عرفتي! و اسمع الصوت اللي بيرد.. صوت بنت او شاب.. و وش بيقول.. هلا حبيبي .. ولا نعم ... و لا ايش بالضبط:( ------ أخت AFA بالنسبة للبنت اللي تحن على زوجك تبيه ياخذها... أنا اقترح عليك انك تستأذنين من زوجك و تعزمينها في بيتك...طبعا في غير وجود زوجك تشوفينها.. و تورينها نفسك (( خليك بأحلى صورة)) تعرفي عليها و حاولي تفهمين وش تبي .. و إذا كان فعلا كلام زوجك صدق او انه لا زال يخبي عليك اشياء... و في نفس الوقت بيني لها انك مبسوطه مع زوجك((من غير ما تذكرين محاسنه او سيئاته)) و ان حياتكم مستقره تماما و ان زوجك مررررررررره مبسوط معك و طاير من الفرحه لأنه محظوظ فيك. ودي أعرف.. لما مد يده عليك و انت لسه عروس ..وش سويتي؟؟ مع تمنياتي للجميع بحياة سعيدة و موفقه:d |
اقتباس:
بالعكس انا ضد كلام الاخت دلع................... مع احترامي الشديد لها وهذا رايها الخاص وانا بحترمه بس ما ءأيد هالكلام مدام هي واثقه فيه ثقه عمياء ماكانت شكت اصلا بس انا بجد حاسه فيكي لاني مريت بهالموقف من 7شهور تقريبا وخليت اخوي يدق بس مو من جواله من اي جوال ثاني وانا مسكت جوال زوجي ودقيت على نفس الارقام بس من جواله وما انكر عليكي صح ردت علي بنت ولقيت مسجات منه يخاطب فيها وحده بكلام انا كنت اترجاه يقوله لي وثاني يوم فلت له اني شفت المسجات والمكالمات واعترفت له اني غلطت لما فتحت الجوال بغيابه ومن وراه وهو كمان غلطان ......................................وبعدها تغير تغير جذري والحمد لله والثقه شوي شوي بترجع مثل ماكانت واكثر انشاء الله.............................................. ........ وقلتله تخيل لو انا الي لقيت المكالمات والمسجات بجوالي ايش بتسوي خليه هو الي يحكم على نفسه وصحيح عصب شوي بس مااكون احرق بحالي وهو ولا على باله مبسوط ويمكن كمان تكون ظنون.......................... صارحيه علشان ترتاحي وقولي له هذا من حبي وغيرتي عليك وانشاء الله تكون سحابة صيف وتعدي وانصحك.................لا تخبي عليه شي علشان حياتكم تفضل واضحه الله يوفقك:22: |
اقتباس:
اشكرك |
أختي دلوعة....أنا اقصد ساعديها يعني اتصلي وقولليلها لاتخليها بنار الشك...اتصلي من اي تلفون عام المهم تاكديلها الموضوع ..يعني بردي نار الشك باليقين...عشان تكون مظلومة مب ظالمة...هذا رايي.....
اقتباس:
سالفة البنت انا ما سالته عنها ابد من بعد هذاك اليوم...لان لما تدقله وحدة بالغلط يقوللي..وعلى قولته هي ما اتصلت من آخر مرة خبرني ....طبعا الشك مرض ما يرتاح الواحد منه الا باليقين........... تبين تعرفين ليش مد يده علي وانا عروس......بقولك...كنا طالعين والمفروض بدخل للسباحة في قسم الحريم وممنوع الموبايلات...وهو قسم الرجال ..المهم حطيت موبايلي فالسيارة واغلقته....ودخلت....وبعد ثلاث ساعات طلعنا... لقيته معصب!!! تدرين ليش!!! عشان اغلقت موبايلي...ليش ما خليته مفتوح فالسيارة؟؟؟؟ انا قلتله ما اباه يفضي وتضعف البطارية.... بس هو تم على عصبيته وصراخه بصوت عالي....حسيته يبي اي سبب وكل رد ارده عليه ماكان يعجبه لاني كنت ارد بصوت كله ألم وزعل وعتاب...طبعا هنيه عصب زيادة وما قصر مد يده ..وكنا وقتها فالسيارة رادين من امارة مجاورة..وتخيلي طول الدرب وهو يضربني بلا رحمة...ومن كثر الضرب فقدت اعصابي وصرت اصرخ وادعي على نفسي بالموت وفتحت باب السيارة ... لان الشارع كان اهون علي من اهاناته وضربه... بس مسكني ووقف السيارة ..واستمر بتعذيبه وانا ما تحملت طلبت الطلاق وقلتله انه مب رجال لانه يمد ايده على حرمه...فزاد ضربه لدرجة ان ايدي ما قدرت احركها من الالم...المهم وافق على الطلاق وانا اصريت يوصلني بيت اهلي لان مالي رجعه بعد هذا كله...ولما وصلت قريب بيتنا خفت على ابوي المريض وامي المريضة....بنتهم تتطلق بعد شهرين بس من الزواج....!!!!! وحسيت ان هو بعد راجع نفسه...فسالني نسير عشان تاخذين اغراضج من البيت ولا اكمل لبيت اهلك...؟؟ حسيت بسؤاله كان نور الامل اللي اقدر اتاخر فيه..لاني كنت افكر كيف بدخل البيت في نص الليل وافزهم من نومهم..اهلي ما بيتحملون هالصدمة..خصوصا ان والدي مصاب بجلطة من قبل ولا يتحمل خبر مثل هذا...واهلي كلهم يحبونه وايد وانا الوحيدة من خواتي اللي تزوجت.... المهم سرت البيت..واول ما وصلت خذت شنطي ورتبت اغراضي...جهزت شنطة اما الثانية فما قدرت .. لاني كنت ما اقدر احرك ايدي من الضرب وكنت احس بدوخة وراسي بينفجر..فطحت على السرير وبكيت لين ما غفيت.... بينما هو نام فالصالة...وبعد ساعة حضني واعتذر وبكى وقال انه ما كان في وعيه ووعدني بانها آخر مرة وعمره مابيكررها.. وحط ثلج على مكان الكدمات..ورتب اغراضي....صار هذا كله قريب الفجر.................. اختي هند هذي قصة ضربه لي وانا عروس في بداية الشهر الثالث من زواجي... الله يسامحه.......الحين انا كملت ثلاث شهور ونص على زواجي السعيد.......الحمدلله الذي لايحمد على مكروه سواه.........ان شاء الله الايام كفيله تنسيني جروحه وتغير من عصبيته المخيفة..... عشان هالسبب انا صارحته بالتلفون.. لاني اخاف منه..... اسمحولي طولت عليكم بقصتي...والسموحة اختي دلوعة مودي لاني كتبت قصتي في مكان مشكلة صديقتك... الله يكون في عون الجميع ان شاء الله |
| الساعة الآن 09:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©