حبيبتي ( عيون فتانة )

الله يصبرك عليه ويصبره عليك ويحنن قلبه عليك ويحنن قلبك عليه

حبيبتي نصيحة مني حاولي تبدي تسوي شوية حركات بسيطة لكنها بإذن الحي القيوم تأثر فيه تأثير عجيب

مثلاً : لما جيتي تجهزين شنطته للسفر كان كتبتي له في ورقة حلوة ومعطرة شوية كلام حلو (( راح أشتاق لك حبيبي أنت دنيتي وحياتي وأنا من غيرك ما أقدر أعيش )) ومن هذا القبيل وترفقين معاها صورة حلوة للأولاد ( نحبك يا بابا ... ارجع لنا بسرعة ) وطبعاً تخبينها بين ملابسه ...


ولما يفتح الشنطة ويبدأ يقلب فيها ويلقى الرسالة أتوقع راح يعيد حساباته من جديد ويرجع بإذن الله إنسان ثاني وطبعاً هذا مو من مره وحده لا هذا يبي له كذا مره ويبي له تفنن يعني مره رساله ومره هدية بسيطة وهكذا ...

اصبري لكي تنالي ...

حبيبتي حاولي تتقربين منه ولا تقولي مليت ...

راح تطول المسألة لكن على شوي شوي راح يخفف معاملته السيئة معك إذا شافك حريصة عليه وكل كلام الحب والغزل والإهتمام عطيتيه إياه ...

وأكثري من الدعاء ...

(( اللهم إني أسألك بأن لك الحمد لا إله إلا أنت وحدك لا شريك لك المنان يا بديع السماوات والأرض ياذا الجلال والإكرام ياحي يا قيوم أن تجعل زوجي قرة عينٍ لي وتجعلني قرة عينٍ له وتجعله سكناً لي وتجعلني سكناً له وتديم علينا المودة والرحمة )) ...

اشكركم اخواتي واخواني والله اني ارتحت يوم قريت كلامكم وحسيت باهتمامكم ،،الله يجزيكم خير ،،بس للامانه هو مو مقصر عنا في شي ابداْ الحمدلله يجيب لنا الشي قبل لا نطلبه ويعطينا قد ما يقدر واكثر بس لو لا القساوه اللي فيه وسوء اختيار الكلمات اثناء النقاش بيني وبينه واكثر شي يضايقني كلامه معاي سواء بروحنا او مع اهله نفس اللهجه القاسيه ،،الحمدلله على كل حال

يا اختي افتحي سورة البقرة في دارك طول النهار

هذا من عند ربنا وابتلاء واختبار

الله سبحانه يختبر صبرك

واتحملي كان الله في عونك

قومي في الليل وادعي ربك



وتوكلي على الله

فمن توكل على الله فهو حسبه

الله يفرج همك ويسخر لك زوجك ويجمع مابينكم بخيـــر

لاتنسين دعاء الحزن والهم ، وقراءة القرآن وخاصة سورة البقرة

بإذن الله شدة وتزول لك

حاولي إختي الكريمة ماتهبطين من عزيمتك بنفسك !

لاتقولين أحس إني مو قد المسوؤلية ، كذا بتضعفين من همتك بنفسك

إذكري الله وقولي بإذن الله أنا بكون قد المسوؤلية ..

الله يوفقك يــــارب

عزيزتي عيون فاتنه
جعل االله يهديه لك يارب ويسخره لعيونك الفاتنه ويرده لك انسان ثاني بإذن الله
لاكـــــن..اذا انتي تعرفينه من النوع ماتنفع معهم المصارحه فخلاص انتي جربتي مره قام يستهزء بإنك مسكينه قد يكون شاف منك الضعف والإنكسار له فسار مايعملك اعتبار ..ما اقولك خليكي قاسيه عليه او اهملي بيتك وعيالك لا طبعا..
انتي مشكلتك فهمتها من خلال الموضوع وردودك على الأخوان عدم التقدير منه لكي بالمعامله وخصوصا بالألفلظ..هاذي بإذن الله تنحل عند ما يحس بقيمتك زييييين ...الي عليكي من الآن..
أولا: عند رجوعه ان شاء الله تستقبليه استقبال غير المعتاد عليه بشوي لا تبالغي كثير حتى ما يشعر بحاجتك له اكثر من ماهو محتاجتك..تجهزيله سبل راحته بذوق احسن من قبل من اكل وغرفته وكذا..حاولي تنيمين العيال بدري عند وصوله عشان تفضيله وتزينيله ولا تنسيييييييييييييييين اهم شي تغلي عليه فهمتيني طبعا.
ثانيا: اذا تلفظ بأي سوء يجرحك او يضايقك لاتردي عليه لاكن حسسيه ان كلمته تأثر عليكي وبالتالي رح تاثر على اسلوبك معه..بس نتبهي لا تزودينها مرره هو لازم يحس انك تغيرتي وانك ماترضي بهالمعامله بنفس الوقت لا يحس ان هالشي مو منك لدرجه يحس انك مو انتي الي يعرفها لا انتبهي.كوني شاده معه شوي شوي بالتدريج .يعني ..اذا قال كلام ..انتي كذا وكذا..لا تبيني انه عادي وخلاص ماخذه على الوضع..خليه يشوف انك تأثرتي ازعلي عليه بدون شكوى بوقت ما يتكلم امسكي اعصابك وطالعي فيه الين ما يخلص..قوليله بلهجه جامده بكل احساس زعلك شكرا طبعا هذا اذا كنتم لوحدكم مو قدام اهله اما لو كانو موجودين قوليله بلهجة شكر مبالغ فيها شكرا عيوني ماقصرت حبيبي جزاك الله الف خير بعدها لاتنسحبي وتروحي غرفتك لا خلي زعلك يشوفه بعد مايروحون بسكات وإذا يبي شي جهزيه واعطيله اياه بنفسك مو مع العيال وروحي من عنده لاتردي طلباته بنفس الوقت خليكي حازمه معه عشان يحس ويفهم انك مو انتي الي مقصره وان مو هذا جزاكي منه وممكن كل شي يتوفر ويتعوض ويهون إلى الكلمه ان طلعت ماتنرد و تتصلح.. ولا ترضين بسرعه شوفي ايش بتكون ردة فعلا
وأبي منك شي حاولي قد ما تقدرين تتمالكين اعصابك ولا تبيني زعلك قدام اهله واعرف هالشي صعب كثير لاكن بودي انهم مايشوفون انكسارك بسببه عشان لاتنحرجي من الي سار قدامهم خلي الحساب بعد مايروحون
ان مافاد كييييييييييييل هالشي يوم كذا يكون عنده إجازه تميرضي بعد الشر عنك مو قلتي انك حامل طيب تميرضي حييييل معليش حبيبتي مو قصدي الكذب عليه لاكن عشان نوصل الى ان يحس بقدرك وبحجم تعبك ومسؤليتك..بذاك اليوم طبعا بيجيب الأكل من بره ما بيتعب فيه.. بيبقى عليه مقابلة العيال الله يحفظهم هاذي لحالها تكفيه وانتبهي تحني عليه او عليهم خليه يحوس شوي معهم
ومن هنا الى ان ينضبط حاله ماتقطعي اهتمامك بالبيت وبالعيال وفيه ولعله يحس
استمري ولا تيأسي وبيجي الفرج بإذن الله قولي آمين..

اخواني اخواتي العزيزات ما تدرون شكثر كلامكم ريحني وعطاني امل شوي لاني صج بديت افقد الاحساس بالفرح ما ادري شكثر اشكركم على رفع معنوياتي جزاكم الله الف خير

اختي همس القلوب انه مو حامل فهمتيني غلط وعلى العموم مشكوره وما قصرتي تعبتك معاي بالكتابه وان شاءالله ربي يقدرني واعمل بنصايحج وتطلع النتيجه ايجابيه