|
والله ياحبيبتي انا لو بمكانك ماوافقت ابد
انت صغيرة وبأول عمرك خذي لك واحد من نفس بيئتك وأفكارك وحياتك وعادات اهلك وتقاليدهم. وتعيشون مع بعض في بلدكم ومع اهلكم لكن لو تزوجتي سعودي اولا غربة ثانيا نظرة السعوديين لك ماراح تكون كويسة انا صريحة ياختي اعذريني انا نظرتي للمصرية المتزوجة مصري من نفس بلدها... تختلف تمااااااااااااااااااااااااما عن المصرية المتزوجة سعودي ومافيه وجه مقارنة بين الاثنين. (كتبت كلام كثير ومسحته) ثالثا.. نظرة الناس لأبنائك في المستقبل كونهم ماهو سعوديين أصليين اتمنى تتقبلين رايي بصدر رحب انا كنت مترددة لذلك ماشاركت بموضوعك الا بعد ماطلبتي مني استخيري والله يوفقك قلبي |
حبيت أوضح نقطة مهمه
الحين ممنوع من وزارة الداخلية زواج السعوديين من أجنبيات وأعتقد ان هذي معروفه عندنا حاليا وأنا لي زميل بالعمل كان ناوي يتزوج بنت خاله بس هي أردنيه ورفضة وزارة الداخلية تعطيه موافقه طبعا لو عاند وتزوج ما يعطون ابنائه بطاقة ولا جنسية تأكدي من هذا الشيء قبل الاقدام |
ما انصحك ابدااااااااااااا
انا سعوديه واقول لك اذا تزوجتي سعودي راح تلاقي معامله الناس لك مو كويسه مو احتقار ولا كره لكن الناس عندنا كذا ما يهتمون بالاجنبيه ابد ولا ينادوها في مناسبتهم حتى ما يتعنون يروحون يسلمون عليها اذا شافوها في مناسبه او زواج انا قلت لك الحقيقه حتى تكوني بالصوره وحتى الكلام مع الناس صعب فانتم ما شاء الله كلامكم سريع جداااا واحنا العكس انا عندي صديقه مصريه واحب اكون مستمعه معها وهي تتكلم لانها ما تفهم على كلامي الا بالحسره كل ما اتكلم حرف تقول بتقولي ايه حضرتك والاختيار اولا واخيرا لك موفقه ان شاء الله |
أنت مصرية
لا تتزوجي إلا المصري |
يا جماعه الراجل واهله خلاص بيستعدو ان يائتى بعد العيد:
14: على فكره كل كلمه قولتوها صحيحه :23:: مازلت منتظره الردود :22: |
صلي صلاة الاستخاره ومن ثم توكلي على الله
|
شكرا لدخولك ومشركتك الذى تهمنى كثيرا انا بحبك جدا شوبارد :d
لماذا السعودين هتكون نظرتهم ليا مو كويسه انا من عائله ولله الحمد مرموقه بالاضافه ان النبى تزوج من مصريه وكمان انا عائلتى ممكن يذهبو يسئلو عليه فى السعوديه ولكن هرجع واقول انى لا استطيع البعد عن مصر:28: |
استخيري
ولو اني افضل ان ترتبطي بمن هو من بلدك افضل لك وللعلم حتى لو تم الزواج لاتستطيعين القدوم للممكلكه العربيه السعوديه كزوجه الا بموافقه من وزاره الداخليه وللعلم الموافقه لا تاتي بسهوله وبالنهايه ارجع واقولك اختي صلي صلاة استخاره اسال الله ان ييسر امورك اختك بالله جينز |
اقتباس:
عذرا سأبين لك الوضع أكثر ......... وأعذريني مقدماً فهو نظرة مجتمع ومايحدث لدينا فعلاً نظرة السعوديين مو كويسه أبداً لأي أجنبيه تاخذ سعودي بغض النظر عن عائلتك لأنها مرموقه عندكم مو عندنا وأزيدك من الشعر بيت هالنظره راح تاصل لعيالك إذا الله أرزقك << بيعايرونهم ياعيال المصريه أنا أعرف شخص من جيرانا متزوج باكستانيه عياله تعقدوا من كلمة ياعيال الباكستانيه من أطفال مثلهم ولو الناس يلتفتون لأفعال الرسول صلى الله عليه وسلم كان تغير الحال عندنا لا تفكرين أن جميع السعوديين ملتزمين ومتبعين للرسول عليه الصلاة والسلام في كل شي<<منهم الصالح والطالح اقتباس:
اقتباس:
فكري زين الله يوفقك وأبحثي عن مواضيع مثل كذا في النت لازم تعرفين كل شيء قبل تختلطين بمجتمع آخر |
نصيحة من واقع تجربة واحد من اقاربنا متزوج من غير السعودية ماانصحك ابدا ...
والاسباب مثل ماقالوا لك الاخوات اللى سبقوني بالرد .... وشي احب انبهك له العيال ( الاولاد - البنات ) راح يلاقون صعوبة في الزواج لان السعوديين مايرضون بسهولة في الزواج من اللى امها غير سعودية ... واعذريني على كلامي بس الموضوع ماهو سهل اذا انا متزوجة من واحد من منطقني ولا تتصوري الاختلاف في الطبايع فمابالك اذا كانت الدولة تختلف ... اتمنى لك التوفيق ... |
| الساعة الآن 02:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©