|
أقسم بالله انا حاسه بالالم اللي فيكي لاني جربتو والله يفرج همك يارب واذا زوجك يحب القراه خليه يدخل عالم الرجل وهي الى كل رجل خاين؟يمكن يحس من كلام الرساله وانتي ياقمر ما عندك غير تدعي ربنا وتدعي تدعي الين ماينصرك ويفرج همك واعتبري ازمتك تخفيف ذنوب وربنا يحبك واصحك تبيني انك عرفتي كوني مره طيبه واضغطي على نفسك وحسبي الله ونعم الوكيل في كل واحده ترضى انها تاخد زوج واحده تانيه الله يتعسها دنيا واخره يارب
|
مشكورين على الردود
والله انكم وسعتو صدري وحسيت اني فضفضت عن اللي بقلبي ولقيت اللي يسمعني ااااااااااااه ثم اااااااه اقولها من قلبي انا كنت اموووووووووووت فيه بس يوم خاني تغيرت نفسيتي والله انيكرهت كل شي من حولي واخيرا الفاجعه الكبرى يوم عرفت انه رجع لخويته المتزوجه لكن وش اقول وش اخلي في قلب ناااااااار وجرح ينزف دم وماني لاقيه من يداويه هذا نصيبي من الدنيا والحمدلله على كل شي .. لكن اللي متعبني اني ما اخطيت معه ولا قصرت بحقه وربي يشهد مع العلم اني توي صغيره وما صارلنا ثلاث سنوات متزوجين (وش نا قصني عشان يروح لغيري) ابفهم بس ليش كذا لييييييييييييش!!!!!!!! المشكله انه من اول زواجنا وهو على علاقات لكن هالمره احس اني بموت (واللي يقولي يمكن ماتكفيه حرمه وحده انا اقولكم اني قلتله اذا انا مو ماليه عينك تزوج ثانيه(وانا اقول هالكلام وانا اتقطع من داخل نفسي ولاني عارفه انه ماراح يقدر يتزوج ثانيه) انا عارفه اني طولت عليكم لكن اعذروني والله مافي احد اقدر اشكيله همي ووجعي حتى لو ماتقدرون تساعدوني يكفي انكم تشاركوني همومي وتسمعون اهاتي ................. |
كلامك في ردك الاخير قطع قلبي
صدقيني على كثر مانسمع قصص عن الخيانات الا انها دائما بالنهايه ما تدوم اي شيئ حرام لابد له من نهايه ابغي اوضح لك نقطه مهمه لا ترين اقصد لا تضعين العيب بك لتقولي ربما قصرت وربما وربما فبذلك تفقدي الثقه بنفسك العيب ليس بك العيب بزوجك فهو قد اعتاد تكوين العلاقات انصحيه بالذي تقدرين عليه وذا ما فاد ليه ما تخبري احد من اهلك تثقين به وبه من العقل والحكمه فلربما اذا تدخل احد احس زوجك بأهميتك ورجع الى رشده مجرد رأي والله يهدي لك زوجك .... |
المشكله انه هو مو راضي يعترف انه يكلم ويقولي انتي شكاكه ودايم يحسسني اني اتوهم ويقول انتي مريضه
وانا سامعه كل شي باذني وين اتوهم معه..المهم دايم في الاخير يطلعني انا الغلطانه وهو الصح بكل شي.. والله تعبت صرت ما افتح معه ولا موضوع لانه في الفتره الاخيره اذا حس اني ما اقتنعت بكلامه يستعمل يده .. قولولي وش اسوي وش الحل معه؟؟؟؟؟؟؟ |
اقتباس:
|
اختي انا قريت كل الردود و ما اقدر اضيف شي عن اللي قالوه
بس عندي لك سؤال؟؟ انتي ما تدرين انه راعي علاقات قبل الزواج (فترة الخطوبة)؟؟ رجاءا ياليت تردين على سؤالي ويالله يارب يهدي زوجك و يرجعه لطريق الصواب و يرجعلك مثل ما انتي تبين يارب |
حبيبتي همي كبير الله يفرج همك ويهدي زوجك عندي فكره ليش ما تتصلين بزوج عشيقته وتخبريه بالموضوع بس ما تقولي مين انت قولي فاعل خير وانتبهي تتكلمي من جوال يعرف رقمه اتصلي من البقاله يعني انتبهي جيدا واقول لك شيء وطمن قلبك حتى لو ماعرفتي تحكي مع زوج المرأه ترى الله يمهل ولايهمل صدقيني رح يجي يوم وتنفضح الله يهديهم
|
المشكله ماعندي رقمه ولا رقمها ..بس انا عندي ايميلها..ودي ارسلها بس افكاري متشتته ماادري وش اقول فكرت اني اهددها بس ما اقول اني زوجته عشان ماتقوله..
انتم وش رايكم تكفون ردو علي عطوني حلول انا تايهه ودي امسك نفسي واجمع افكاري لكن ابي اللي يشجعني الله يخليكم ويسعدكم ويرزقكم الجنه لا تتركوني والله احس اني بديت اضيع (ارسلها رساله ولا لا) تكفون عطوني جواب مقنع ابي زوجي يرجعلي والله مالي بالدنيا غيره ابي نرجع مثل ماكنا وسحابه الحب تظلل عليناآآآآآآآآآآآآآآآه |
وينكم يا اخواتي واخواني
ليش ماتردون علي؟؟ والله انا محتاجه لكم احد يوقف معي ويدلني وش اسوي ارسل ولا مارسل؟ وش اقولها؟ |
اقتباس:
هي عارفه وضعه وماهمها يعني تبغى ترد عليك؟ اتجهي الى الله وارفعي كفيك بالدعاء وكثرة الاستغفار الله يفرج عنك يارب |
| الساعة الآن 09:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©