|
اقتباس:
والله انك صادق والكلام ايضا ينطبق على الرجال الله يهدي الجميع ــــــــــــــــــــــــــــــــــــــــــــــــــ ــــــ نعود للموضوع الأساسي مشكلة أخونا mansour_ba شوف ياعزيزي لاتحكم على البنت انها ماتبغاك صدقني ياأخي البنت في مثل هذه الظروف تمر بمراحل نفسية وتقلبات مزاجيه أقولها لك من واقع خبره وتجربه خلك معها وسط باعتدال ولاتنفعل ولاتعصب ولاتزعل اياي واياك ثم اياك انك تتنرفز خليك بااااااااااااااااااااارد ترى البرود والثقل يجيبها عند رجولك الشيء المهم انك ماتكون ثقيل طينه تطفشها الاعتدال مطلوب ولاتحس منك بأي تغيير خلك مرح معها ورومانسي وصريح الظاهر والله اعلم انها شافت منك شي يزعلها او يخليها تتضايق ؟ صارحها بهدوء وبأسلوب لطيف عن نفسك ترى أغلب البنات يغريهم الكلام العاطفي الدافيء يااخي والله كلمتين على بعضها تضيعها بين ايديك اغسل مخها بكلمات الحب اكذب عليها مو مشكله جايز اذا جيت تكلمها حاول انك تخفف وكلمها عن فرحك فيها وسعادتك وانك سمعت الناس يتكلموا عنكم وانكم ماشاء الله احلى اثنين وللمعلومية يهمها كثير نظرة الناس لكم !! حتى لو قالت لك انا مايهمني احد ماعليك منها لااوصيك بالهدايا والاتيكيت والتفنن في المعاملة والكشخه إملي عينها وذكرها بالله بين الفترة والاخرى وانصحها لو شفت منها شي وقول لها لازم نعين بعضنا على طاعة الله لاتستغرب اخوي والله ان الكلمات هذي لها تأثير عجيب جدا جدا على العروس سبحان الله تحس البنت انها في أمان معك البنت في فترة الخطوبة خاصة تحب زوجها يميل الى التدين وذكر الله واعمال الخير اشتر لها كتب عن الزواج واشرطة ورسائل اشعار حب وغزل خلاصة الكلام انها تبغاك بس يمكن فيه أحد حاسدكم ومعبي راسها لذلك حاول تلمح لها ان بعض البنات تطلقوا بسبب حسد الناس وحقدهم وعليك بالصبر ثم الصبر ثم الصبر وفقك الله |
اذا عرف السبب بطل العجب.....
حاول تسألها وتجس نبضها |
الأخ الفاضل .. mansour_ba هناك احتمالين لحالتك .. الاول : ان تكون زوجة المستقبل لا تحبك لأي سبب كان ، وبالتالي تفعل كل هذا حتى تفترقا والحل في هذه الحالة ان تنفصلا عن بعض فالحياة بدون حب وتفاهم تعيسة الثاني : أن تكون تحبك ، ولكن أفعالها تدل على خجلها ، أو إحراج بأن يراها أهلها تحادثك كثيرا ( وإن كان بينكما عقد شرعي ) وبالتالي يبدأ التعليق والكلام ، واحيانا الإنسان من خجلة او خوفه يفعل أشياء لا يريدها ، او انها تحب ان ترى فيك الشوق والوله إليها ، فتمارس الدلال والدلع عليك و(التغلي) على رأيك .. وفي هذه الحالة عليك ان تجلس معها ( واترك الاتصالات بما أنكما عاقدين ) وحاول ان تتكلم معها بشفافية وتفهم الامر منها ، وتتوصلا إلى حل مناسب يرضيكما أسأل الله أن يجمع قلبيكما على الحب ويوفقكما لكل خير أختك ذكريات الطفولة |
بسم الله الرحمن الرحيم
السلام عليكم ورحمة الله وبركاته الأخ:منصور بصراحة والله مشكلتك شغلت بالي ومن قريتها أفكر بالحل بس المهم اولآ أبيك تتعوذ من الشيطان وبعدين حاول تحل أمورك بهدوء وبدون مشاكل ولاتفكر ابد الحل بتلقاه بسهوله في المنتدى صحيح الأعضاء مابيقصرون كعادتهم لكن مافيه أحد بيحس بمشكلتك كإحساسك أنت وزوجتك ولازم تعرف أشياء كثير عن زوجتك يمكن تمر بظروف صعبه نفسيه قاسيه خلتها كذا أو يمكن وأقولها بصدق تمر بظروف الدورة الشهرية لأن المرأة في هالفتره تمر بتعب نفسي أشبه بالاكتئاب أو....أو.... فيه أشياء كثير ممكن تضغط عليها وتخليها بهالشكل وياليت تقرا كلامي وتفكر فيه زيييين أولا لاتفكر بالطلاق علطول خله آخر الحلول لأنه ابغض الحلال ولا تتفاهم معاها بالجوال عن طريق مكالمة او مسجات....هذا مو اسلوب تفاهم بالموضوع بالذات إذا كنت ساكن معاها بنفس المنطقة ياليت تزورها وتتفاهم معاها بأسلوب رااقي ولا تغلط بأي كلمه نهائي خلك هادئ واعصابك مرتاحه عشان ماتتوتر وتخلق مشكله كبيره والكلام اللي بتقوله تنسقه من عندك ولوتبي نساعدك ابشر....والله اكثر المواقف هذي تصير غصب عن البنت نفسها ممكن اهلها مايحبون هالحركات ويمكن صديقاتها يقولون لاتعطينه وجه خليه يطرد وراك عاد بعض البنات الله يهديهم تطبق هالكلام بس بطريقه مزعجه للغايه للطرف الآخر يعني لازم تكبر عقلك وترى ربي يشهد انها دايم تصير ومع الوقت تروح هالأشياء ويصيرون أحلى اثنين.......... ولو كنت بعيد عنها بأقرب فرصه تزورها وخلك هالفتره بعيد شوي يعني لاتكثر اتصالات والرسايل وسط لا تعاتب ولا شي مهما قالت اصبر شوي عشان تلقى الحل وان شاءالله ربي بيفرجها وصلي الإستخاره اكثر من مره والتزم بالدعاء والتمس لها العذر والله والله ياخوي احيانا نمر بظروف قاسييييه على قلوبنا بس نحاول نتجاهلها عشان نعيش بهالحياه وبعضنا يكون صعب نتخطاها بسهوله خلك انسان صبور وواعي وترى المشاكل تكثر بداية التعارف وأنا بنفسي مجربه لازم تعرف ان الحياه تحمل لنا في طياتها الكثير الكثير طولت عليك بس أخاف من الطلاق لأن ماهو الحل لمشكلتك..لازم تشوفها ولا تفتح نقاش هالموضوع بمكالمة جوال ماااينفع اتمنى أكون أفدتك وترى استشرت من هو اكبر وأحكم مني بالأمور ياليت أكون أفدتك وضروري تطمنا على أخبارك وأسأل الله لي ولك التوفيق وان يفرج همك وييسر أمرك ويصلح مابينك أنت وزوجتك................. .الأميره الهادئه |
بصراحه تصرف خطيبتك غريب!!!!!!!!!!!!!!!!!!!!!!!
صارحهااااااااااااااااااااااااا لازم تصارحها لا تظلمها وتظلم نفسك بعدين ترا الزواج عشرة عمر وأسألها وقلها أنتي وافقت علي .. بقناعه تامه ؟؟ وهل انتي مرتاحه معي ؟؟ هل اهلك غاصبينك على الزواج مني وماخذو رايك ؟؟ واضح لها ان الزوج عشرة عمر وحب واذا مب مرتاحه هذا شي راجعلك ومستعد أبتعد والله يوفقك |
اولا اجلس معاها جلسة مصارحه
من غير عصبيه وانفعال زائد لكن حسسها انك مهتم بالموضوع al7olm6وانا معاك بكل كلمه تقولها خاصة كلمتين على بعضها تضيعها واغسل مخها بكلمات الحب والله يكتبلك الخيره |
الثقل صنعه
|
اخوي الكريم ،
اشوف نك تحاول تجلس معها وتصارحها وتشوف اللي عندها ولا تستعجل ان كانت مغصوبه عليك حيبان من الايام اهم شي لاتستعجل بالزواج وشوف ايش يصير معاك . وان كانت مغصوبة من اهلها اشوف احسن تكتشف الامر دحين مو بعد الدخلة والعيال . والله ان يشاء الله يرزقك احسن منها ويعطيها على قد نيتها |
انا مع اخواني بنصايحهم لك لاتستعجل بتأخذ قرار بس اهم شيء تتأكد بانها تبغاك مو مجبورة عليك انت حاول تحسسها بالامان
لازم تحل المشكلة قبل الزوج لاتقول تتغير بعد الزواج إذا ما اقتنعت فيك الآن ماراح تقتنع بعدين راح تصير حياتكم روتين من البداية ماراح تكون بينكم مشاعر وربي يكتب اللي فيه الخير |
يا اخي صارحها وتناقش معها بهذا الموضوع بس على شرط تكون هادى واعصابك بارده الى اقصى درجه
واسالها الاسئله اللي تدور في بالك هل هي تحبك ؟ هل كانت مغصوبه على موضوع الزواج؟ لماذا لا تحب تطول بالمكالمات ؟ وخبرنا عن النتيجه باسرع وقت لو سمحت ربي يوفقك ان شاء الله |
| الساعة الآن 12:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©