حبيبتي راقية انا مايئست لكن بعض الرجال صعب تعويدهواحنا لنا سبع سنوات مع بعض بس هو يقول اتضايق لما يكون جنبي وعلى قولتك رح اكمل المشوار مشكورة والله يخلي لك زوجك فعلا انت راقية

اختي sun-of-meجزاك حبيبتي مليت من كثر ما ابدا انا لان الوحدة تحب انها تكون مرغوبة من قبل زوجها وانه هو الي يدور عليهاالله خير

اختي على الاثير كلامك صحيح يعني تبغيني اصير دفاية خط 220؟ شكرا على المرور الكريم

خلود محمد الله يصبرني ويقدرني ومشكورة حبيبتي

اختي بحرينية ولكن ضحكتيني اضحك الله سنك والله انك صادقة بيات شتوي :24: بس حبيبتي مافاتت علي هالنقطة الدفاية وجبناها بس وين الي يدفى ؟؟؟؟ما قصرتي وشكرا على الدعوات الحلوة الله يوفقك

في ردي على الاخت راقية سقطت كلمة احد سهوا والعبارة الصحيحة انه يقول اتضايق لما يكون جنبي احد لانه يحب يتحرك بحرية

اختــي الغــالية جــــوري

الله يعيـــنج ويفـــرج همـــج......عزيزتي ما دام انه متضـــايق من شي معين فهذا يعني ان

تصرفاته ناتجـــة من هذي الضيــــقة....فلا تزعلين ولا تيأسيــن....واستمـــري بتطبيق خططتكِ

الرومانسيـــة ولا تبتعــدي عنه....واذا جاء للغرفة علشان ينام قولي له : ارتاح حبيبي ونوم العوافي

حتى لو كان مب عاجبج....اذا لقيتي فرصة اكتبي رسالة غرامية فيها اطراء ومدح وحطيها في السيارة

وفي مكان واضح له......واحيانا حطــي في جــيبه قصاصة ورق صغيرة واكتبي فيها اي عبارة

او ابيات غرام وحب....وصدقيني حتى لو ما قال لج شي...لا تتكدرين وتأكدي ان هذي الاشياء بتأثر

فيه وبيزيد حبه لج حتى لو ما تكلم او وضح لج شي....لان عزيزتي اطباع الناس وشخصياتهم تختلف

في اشخاص يتكلمون ويعبرون وفي ناس يعبرون بالصمت والمعاملة الطيبة...وهكذا

عزيزتي انتي تعرفين زوجج اكثر من اي حد ثاني...واكيد تعرفين انه يحبج

فلا تتضايقين واتحطين في بالج افكار ما لها صحة....واكثري من الدعاء بعد كل صلاة وان شاء الله

الله بيعطيــج على نيتــج وبيفرج همــج...وان شاء الله تبشرينا بالاخبار الحلووووه

واسمحي لي على الاطالة

اختـــج.........لمني بشـــوق

حبيبتي لمني بشوق مشكوره على النصايح الغالية بحاول اطبقها والله ييسر

آآآه منهم الرجال ... والله صرت اكرههم ... كثر ما احب منهم زوجي .. انا مشكلتي تقريبا مثلك (( بس اهون الكذب خيبة ))... برود مشاعر رهيب ودائما انا اللي ابادر وانا اللي اسأل .. مليييييييييييت والله مليت ...مافي شي يحرك مشاعره اللا الكورة !!!! اسميها ضرتي من كثر ماهو متعلق فيها ...... دائما اهدده ان بيجي يوم بيندم .. يعتدل عشر دقايق و 1430 دقيقة مثل الشي .......
بس فعلا الوحش اللي بداخل الحسناء بينتفض يوما ما ......
بانتظار انتفاضته ....... :)


الله يساعدنا جميعا