هلا دلوعة

بس حبيت اقولك ان مشاعرك كانت مثل مشاعري يعني ماكنت احبه ولا اكرهه

كنت معجبه فيه وباخلاقه وكذا يعني بس ماعندي مشاعر من ناحيته اهم شي انك ماتخافين الحين

وحطي ببالك ان اهم شي ان الرجال زين وكل المواصفات المطلوبه فيه

والحب يجي بعدين بس اهم شي التقبل

وان شاءالله تجيك ينابيع اكثر من ينابيعي وتغرقيه فيها هههههههههه

ابي نصايحكم ودعواتكم ..

نوووووووووووووووووووووووور وينك ؟؟؟
معليش نشبت بس احس انك فاهمه عليّ

الاستخارة الاستخارة الاستخارة ....
عن تجربة الحب لا ياتي الا بعد الاشهر الاولى من الزواج ...
والله الموفق ....

حبيبتي أهم شي بعد الاستخارة أنك تكونين مرتاحة .....

هلا والله الا ماملكتي للان:d

ليش كل هالخوف ذكرتيني بالذي مضى :22:

انا اقولك يوم قالولي خلاص قولي رايك عشان نشوف المسالة تتم ولا ننهيها طبعا هنا انا خفت:24: حسيت اني

بنسجن خلاص باودع ايام العزوبيه حكمت على حالي بالاعدام وكنت ابكي ودموعي اربع اربع وكنت اقول انا

الوحيدة اللي ماباصير سعيدة بحياتي:24: وكل ما اشوف البنات يحبون رجالهم كنت اقول انا الوحيدة اللي بتكون

حياتي بلا حب:25:


وكنت اكسر بخاطر نفسي:d بس في نفس الوقت عندي شعور اني مابي المسالة تنتهي ما ابيهم يسكرون

على الموضوع خلاص يعني صرت بحاله ابيه وما ابيه :22:

لاني يمكن مايجيني شخص بنفس مواصفاته واجلس ابكي على حضي داك الوقت ويجلس الكل يعايرني ويقولي نصحناكي تاخذينه

وهذا الشعور اللي تحسينه طبيعي جدا لان حنا تعودنا بالمسائل الكبيرة مايكون القرار لنا الا في مسالة

الزواج فتحسينها صعبه شوي انك تقررين نصيب نفسك وياتصيب يا تخيب

بس لا تخافين ابد وتوكلي على الله وشخص يعرفونه احسن من شخص ميعرفونه

اما بخصوص كلام الحب انا قلت واخدت عهد على نفسي اني ما اقوله ولا كلمة حب قبل ما نملك بس :23:

بعدين تحسين نفسك تستحين شوي بس هو بيحاول فيكي تقولين له لين تتعودين وبتكون عندك طبيعيه جدا

بس اللي ندمت عليه اني مافرحت من اول ماتقدملي خليك دايم متفائلة ولانك استخرتي وماعندك شعور


افضل من انك تستخيري وتطلع نفسك مو رايقه له

يعني تفائلي

انا احس موضوعك بيتم وبعدين بتجلسي تذكري كلامك وتضحكي على نفسك

بس نصيحة اي شي تبينه جهزيه لاتعتمدي على احد وكل شي اختاريه بنفسك حتى تكون خطوبتك مثل

مابغيتي وماتذكريها وتتحسفي على اشياء كنتي تبين تسوينها مثلي

واذا جا يشوفك خليكي طبيعيه وناعمة مكياج خفيف يبين طبيعتك واللبس بكيفك بس خليه ناعم

والاكسسوارات الناعمة وبتطلعين حلوة

والله يوفقك ويتمم عليك وتبشرينا بالاخبار الحلوة