المشكلة إذا صرت في بيت خاص وليس عندك إلا طفل عمره ثلاث او أربع سنوات ولاينام إلا مع أمه سوا لحظة بلحظة

بصراحة انا ما اقدر اخلي بنتي تبكي واايد لاني قاعدة مع عمي وعمتي فإذا بكت البنت على طول يدقون الباب ويقولون طلعوها برة...ما ادري انا أمها ولا همه...اكثر من مرة افهمهم انها تبكي لانها جوعانة او تبي تنام او بطنها يعورها...

لهذا يوم تبكي انا متعودة في الاربعين اني اصبر عليها اشوية لانها مرات تبكي وبعدين ترجع تنام وما ابي اعودها انها اول ماتبكي على طول انا عندها ...

بس من كثر ما يلعوزوني اول ما تبكي على طول انا عندها...

لهذا يوم تبكي اقوم اسكتها وبعدين إذا لينا خاطر نكمل

انا لسى طالعه من الاربعين والى الآن ما حصل هالموقف معي

بس اتوقع لو صرخت بنتي بقوم لها لانها اهم من العلاقه الخاصه ولازم الزوج يتفهم انه هذا طفل رضيع

يحتاج رعايه واهتمام وشويه تنازل من الزوج

ولاحقين العمر قدامنا الشي اذا ما حصل اليوم يحصل بكره ...



بس بعض الردود صراحه تخوف هل معقول فيه امهات قاسين لهذي الدرجه يتركون رضيع صغير بغرفه لوحده!!

والا اللي تقول خليه يبكي لحد ما نخلص؟؟

حرام تخلين قلبه يفرفش من كثر الصياح ....

ولا الصياح مايموت الطفل ؟؟ أصلا انتي كيف راح يجي لك نفس انتي وزوجك تكملون شغلكم وصوت الطفل

يقطع القلب وهو يبكي مافيه رحمه في قلوبكم !!!

وين الأمومه ؟؟

العملية اعتقد عناد خاصه بهالموضوع كانه ((((((((((((( منبه)))))))))))) موقت لا حول ولا قوة الا بالله
الله يعين بس ايش يقول الواحد ........... ابلع لسانك ونام وانس الموضوع لمن يكبر البيبي ...... تحياتي للجميع

الشكر كل الشكر لكل من ابدى براية وادلى بدلوه في هذا الموضوع
حتى نعرف من خلال التجارب الشخصية حل لمثل هذه المشكلة التي قد تحصل لاي احد منا
نعم في هذا المنتدى الجميل يجب ان تتعدد الثقافات وتختلف الامزجة وتتنوع الحضارات ونحن بدورنا نساهم في العملية الثقافية من خلال الطرح المفيد والنقد البناء تحية حب وتقدير لكل من شارك ورد على هذا الموضوع
حقيقة موقف حصل امامي اذكره لكم وهو يتعلق بهذا الموضوع وهو ان دخلت الصيدلية عندنا في الرياض واذا باحد الشباب يقول للصيدلي ارجوك عطنى شراب للكحة لابني البالغ ثلاثة سنوات فقال لة الصيدلي لماذ هل هو يعاني من كحة فقال لا يادكتور انا ابغاه عشان ينوم ولدي لانه يزعحني في اوقات الليل وواقات الرومانسية فمن هذا الموقف كتبت الموضوع حتى نستفيد من البعض
ودمتم بود

البكاء للولد يسبب فتق فخطر الولد بالذات يترك هكذا

يااااااااااكثر مايحصل معي هالموقف خصوصا ان زوجي يجي مسير كل اسبوعين مره نظرا لظروف عمله وطبعا اكيد انه مشتاق
وطبعا بنتي الله يحفظها ماتقصر

لكن احاول الاعبها لوقت ماتقرب مسافة وصول زوجي وبعدها انومها

ولمن يصادف انها تبكي مباشرة اتوجه لها لان ماراح تجي لي نفس لا انا ولا ابوها

واحاول تنويمها او عادي الدنيا موطايره ملحقين اهم شي اسكت هاطفله المسكينه .

الحياه هي كذا (يوم لك ويوم عليك )

بصراحه انا اقعد اتراسل مع زوجي مثل الحراميه بالجوالات هو بره واقف عند الباب وانا داخل البيت حتى يسود الهدوء واتأكد انه الولد نام اقوله يدخل البيت طبعا كله بالرسايل
امير الرومانسيه
صحيح الصيدليه مشكله بس فوق كدا والله ماينومه دوا الكحه ونحن ننام قبله
الله يحميه

اي والله
هالموقف ورطة
إحنا مانخطط إلا إذا كان نايم وحسيناها نومة طويلة
بس لو جلس من النوم واحنا لسه بنقوم له أصلا
والمفروض الطفل مايشوف هاذي الاشياء
ولا حتى يسمع النفس
لأن مخ الطفل عبارة عن كمبيوتر
ماراح ينسى

لازم الزوجين يوقفا العملية لحين ينام الطفل و الا تاجيلها لوقت اخر