|
اقتباس:
روح للتجمعات هذي .. وخليك بطل .. اليوم بيضحكو عليك وبكره بيضحكو عليك وبعده بس بعدين خلاص حبه حبه تشوف نفسك تقدر تتكلم بأكبر مكاان ... وماعندك اي مشكلة .. انا لو اقوولك من المواقف اللي صارت لي بالتجمعات كم من احرجات وتريقه من الشباب بس حبه حبه تشووف الناس تحبك وتتمنى تقرب منك اما كيف تدبر طلعه وتنظم وقتك ..., فهذي ما فيه اسهل منها اكيد عندك عيال عمك او عيال خالك ... او احد اقاربك اللي بسنك ويمكن اكبر منك بسنه او سنتين ... زورهم في البيت .. واعتبر قرايبك هم زي الفصل الدراسي اللي تتعلم فيه ... خذ معك واحد من عيال خالك وروح لولد عم او ولد خالك وزور بعض في البيت زورهم وخليهم يقولوا طفشان .. او يجي ويسكت .. خليهم يقولوا اللي يقولوا حاول تاخذ وتعطي معهم وتسوولف معهم ... حبه حبه قولهم خلونا نكشت برا ... او سوي القهوى وقولهم بنطلع في المكان الفلاني .. واطلع كرر هذي الطلعه ولو مرتين في الشهر .. ولا تقطع الزيارات خصوصاً من اقاربك او اصحابك بس مو تخليها يومياً .. خلي اللي تزوره اليوم لا تزوره الا بعد اسبوعين او ثلاثه .. يعنى لو تدخل مع 6 اشخاص تلاقي نفسك خميس وجمعة مو فاضي مع الوقت تلاقي نفسك انت ابو الشباب ... وانت اللي تكشت وتتكلم وتسووولف وتاخذ وتعطي .. حتى وربي تلاقي نفس خفيف دم حيل .... وتلاقي النااس تاخذ عليك اما كيف تنظم وقتك فهذي كماان سهله تذكر انك انت مو ملزوم بالكشتات .. واي احد يدق عليك من عيال عمك او خالك ... قوله عندي اختبار مستحيل يصر عليك ويقول لك الا تطلع ... ولو اصر فهو انسان مع احترامي لا يفهم .. واخصرك منه وقوله في وجهه يا اخي ما ابي اطلع .... اخيراً شي مهم لا يروح عن بااااالك نهائياً ... وهذا الشي هو اللي دمر الناس في وقتنا الحاضر وهو لا تكوووون حساس نهائياً .. نهائياً .. نهائياً بعض الاحيان تدق على ولد خااالك وتقوله تعال تقهوى عندي ... او انا بجي اتقهوى عندك .. ويعتذر منك مثلاً يقول لك والله مشغول او عندي شغله ... لا تفسرها في نفسك على كيفك يعنى لا تقول هو ما يبي يستقبلني لانه ما يبغاني او تقول .. هو ما يبي يجي عندي لانه يكرهني .. او تقول انا احس من زماان انه يكرهني ولو شفت سيارته عند بيتهم وماخرج لا تقول هو يصرفني ....ترى تجي على الانسان بعض الاحيان اوقات ما يبي يستقبل فيها احد ولا يبي يكلم احد .. وانت ما تدري ايش اللي شاغله .. واي شي يحصل لك يجرحك قيسه بمقياس العقل مثلاً .. طلبت من انسان شي وما اعطاك هو .... لا يفسرها عقلك انه نذل او انه يكرهك او او لكن قول في نفسك هذا الشي من حقه والشي هذا راجع له سألت واحد وطنشك لا تقول يسوي ما يسمع ...... لكن ارجع وعيد السؤال ... وعلى هذي الحال مسألة الحساسيه كنت زمااان اعاني منها .. ولو على غمزه او لزمه ... لكن الان وبعد قناعتي الخااصه اصبح كل الناااس يقولوا الاخ جميل هذا على نياته ... واي سؤال انا جاااهز |
اقتباس:
بارك الله فيك على ردك اخي.... صحيح الرجل يحتاج إلى علاقات خارجيه وكيانه الخاص والحمدلله انا بار بوالدي ووالدتي الله يحفظهم. بالنسبه لي لا ادري إذا كنت افقد بعض المهارات ممكن لاني فعلا قليل الخروج من البيت ولكني استطيع التكلم والحديث والحمدلله كل زملاء صفي يحبون التحدث معي ويسألون عن راي دائما لان والحمدلله لان راي جميل وحكيم وكله من خبره في بعض المجالات ومظهري الخارجي يساعد جدا :d اما عن التعب فهذه حقيقه انا اتعب جدا وإذا زادت الطلعه عن الساعتيين ظهري واسفل القدم يبدأن بالالم لاني طويل بعض الشي وبعض الاحيان اذطر إلى الذهاب للعياده وعملت فحص العمود الفقري لان الالم بعض الاحيان يستمر بالايام بس قالوا ما في شي هذي بس العضلات المحيطه بالعمود الفقري!!! وانا لست مشترك بنشاط رياضي ولا اجتماعي ولكن إن شاء الله سأبداء البحث :17: شكرا جزيلا لك اخوي على النصائح والله يوفقك إن شاء الله ^_^ |
اقتباس:
كلامك رهيب اخوي استفدت منه كثير :17: الله يخليك ويحفظك يا رب.. كل الي قلته راح انفذه ببداء مع اولاد عمي مع ان للاسف ما في ابدا في كل العائله اشخاص باعمارنا إما كلهم اكبر مننا بسنوات او أصغر مننا بسنوات :( بحاول ادبر طلعات مع الاصحاب إن شاء الله مسكين صديقي هو دائما يتصل بي بس كل مره اعتذر :( المره الجايه بطلع إن شاء الله.... وأخوي شو عن الوالد انت ما صادفتك مشكله مع ابوك بسبب الطلعات!! على فكره ابوي مبسوط اني ما اطلع من البيت هو مرتاح :( والله صديقي قالي ان يوم يروح البلد ولو جلسوا بالبيت والدهم يصرخ عليهم يقولهم تو انتوا حريم تجلسوا بالبيت يالله اطلع!!!! يعني كيف اقنع الوالد ان هالطلعات مفيده وفيها مصلحتي كيف اشيل فكرة اني يمكن اكسب اشياء سياه منها هو يخاف علينا من هالطلعات مع اني كبير ومظهري نفس الشي ما يدل على اني صغير..؟؟ وابوي زمان منح اخوي الكبير حريه في الطلعات بس للاسف ما كسب منها غير الشين والحين ابوي ما يبينا نطلع بسبب اخوي الكبير واصحابه يخاف الي يحصل له يحصل لنا الله يهديهم اصحابه خربوه :( أسف اخوي والله تعبتك معي من كثر الاسئله :15: |
انت لا تخلي الموضوع صيااااااعه ....
يعنى بصراحه انا اشووف ان تصرف ابو صاااحبك اللي يقول لهم اطلعوا ... هذا خطاء في خطاء .... يعنى مو اطلعوا انك تنسى حياتك الخاصه والانترنت والتلفاز وتصبح اجتمااعي بحت لكن زياره او زياتين بالأسبوع حلوووووه كثيررررر وكشته او كشتين بالشهر .. شي رائع لكن انك ما تجلس في البيت ولا احد يشووووفك ... صراحه مو حلوووه وعلى فكره بالنسبه لوالدك معه حق انه يخااف عليك لان شباب اليومين ذولا ينخاااف منهم .. وخصوصاً اللي ما يجلسون في بيووتهم انت شاايف الوضع شلون صااير ومالزم اشرح اخيراً بالعكس ياغاااالي لا تعب ولا شي ... وانا تحت امرك واي سؤال انا حاضر ولك احتراامي |
اقتباس:
شكرا اخوي على ردك السريع. كفيت ووفيت والله واجد استفدت منك ومن بقية الاعضاء ما قصورا الله يرزقكم الجنه إن شاء الله ...^_^ راح انفذ الي قلته اخوي وشكر خاص لك لانك متابع موضوعي :) والله ولي التوفيق.. اللهم إني اسألك الستر فوق الارض وتحت الارض ويوم العرض.. " اللهم ارزقنا الجنة يا رب" اخوكم عشقي للجنة ^_^ |
الله يسعدك ياغاالي ووييسر لك امرك |
والله انا لما قرأت فى الاول افكرتك بنت وخايفة من الفتنه
بعدين قرأت التوقيع وردود الاخوه طلعت راجل!!!!!!! خايف تصاحب رجال ليه حيضحكو عليك علشان ايه ولا ازاى حيفسدوك (ولا خايف من الفتنه) يا عم صاحب واخرج الى الدنيا وتعرف على الناس علشان يكون عندك معارف عند الشده ويكون عندك خلفيات بانواع الناس ومعادنهم لكن الجلوس فى لا يفيد يا عم الراجل الراجل قوى |
اخ عشقي للجنة
مافي احلى من الوسطية في كل شيء يعني الحياة الاجتماعية والاختلاط بالآخرين مهم جدا ومانفدر نربط نفسنا بالبيت حتى نتجنب كل ماهو سيء بالعكس اطلع وعيش حياتك واكتسب خبرات وتجارب تستفيد منها وتفيد ابنائك في المستقبل .كل انسان محتاج اصدقاء حواليه . بالنسبة للشخص اللي طلب رقمك مافي اي مشكلة مع الايام رح تكتشف اذا كان رجل صالح او لا ! ممكن يطلع انسان رائع وياثر في حياتك بشل ايجابي ! :22: الله يوفقك |
ماشاء الله عليك احسك وناسة بقوة ههههه
طيب شرايك تعطيني رقمك واقابلك ؟ <<< يبيك تنحاش منه هههههههههه بالعكس اخوي لازم تحتك بالناس وتجرب المشاكل وتتعود على حلها . بكره يجيك عيال وتتزوج وتوقف مسيرة حياتك على أدنى مشكلة .. روح اي مكان وحافظ على نفسك ولا تخلي احد يقص عليك ويجبرك تتصرف تصرف غلط . وبس والباقي عيش حياتك طول بعـرض اتمنى لك التوفيق |
اقتباس:
ترى قلت ولكن.. |
| الساعة الآن 04:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©