|
ادمعت عيني لما قريت ردودكم كلكم بلا استثناء...
وريحتني الي قالتلي ان بنتي ممكن اتروح عند امي.. لان امي مثل ماربتني بتربي بنتي مو عيزانه عنها .. والله والله والله اني مابي الطلاق ولا فكرت فيه لو لمرة وحدة ... قريت رد من وحدة قالت لو امك الي جذي بتوقفينها عند حدها ... والله اوقفها .. صدقوني ان مرت علي مواقف .. خلال الزواج .. وصل لي زوجي ان امي قالت كذا وكذا وكذا.. وطبعا كلام مو زين .. واتصلت في امي وانا شايله فخاطري وكنت معزمة اقول لامي: انتي امي وعلى عيني وراسي.. لكن هذي حياتي وانا مسؤوله عنها .. وخلاص انا تزوجت واموري بيدي.. لكني اكتشفت ان امي بريئة من هالكلام .. وكذا مرة اتصير مواقف قدامي من امي .. اتخليني اقول لها انا بتصرف بدون تدخل احد.. والي صار ياخواني.. اني ابعدت كل اهلي عن مشاكلي.. وزوجي المصون دخل كل اهله في مشاكلنا وهو عطاني ظهره .. لحد مابقيت انا وحيدة في كل المشاكل ومحد معي .. وظليت صابرة وقلت لامي ولا لابوي ولاحد .. لحد ماشافوني اهلي ماقص عليكم اموت شوي شوي.. صحتي راحت ... وصابني فقر دم .. وانا حامل.. لدرجة ان مرة ... طافت علي 24 ساعه بدون اكل.. لا زوجي سال ولا اهله .. هني عرفت ان مالي عزوه وحياتي معاه مافيها امان .. وان كل ماتصير مشكله بيوقف ضدي .. مرة من المرات .. اتصلت فيه وانا في الاربعين .. وقلتله شو تنصحني اطلب.. من المطعم يعني اكل يوصلونه للبيت .. اقترح علي كذا مكان .. وهو يدري اني في البيت .. لانه اساسا توه طالع من عندي... وامي واختي طالعين رايحين السوق يشترون اغراض.. واختي شكلها من بعيد نفس شكلي.. تخيلو كانت ام زوجي بالصدفه هناك .. شافت امي واختي وهي تدري ان هذي اختي.. واني في البيت .. اتصلت في زوجي وقالتله .. ترا زوجتك هني وامها .. وتاركها بنتها الي توها ماكملت الاربعين يوم في البيت .. اتصلت فيني امي خلال هذيك الفترة قالتلي ان شفنا ام زوجك هني واكيد بتسوي مصيبه .. اتصل فيني زوجي بينفجر معصب.. قالي انتي وين .. قلتله انا في البيت .. وبعدين سالني والصغيرونه وين .. قلتله بعد في البيت ..ليش شصاير ؟؟!! قالي لا بس ولا شي.. عرفت في نفسي ان امه قالتله .. قلتله انت تدري اني في البيت ..وانا ادري ان امك شافت امي واختي هناك.. وقام يطلع اعذار حق امه .. وقال امي ماتقصد اتسوي مشاكل.. ومن هالكلام .. امه فظيعه وراعية مشاكل.. لكن ماتهجمت عليها مع انها قلبت زوجي علي.. والحين زوجي معصب .. وقال للكل انه مايبيني.. وابوه قال للكل ان ولده مايبيني.. فشلني قدام الناس.. صدقوني فراق هالعايله عيد .. لكن بعد رد اختي سكاي لايت خفت .. مابي بنتي اتروح عني لابوها ولامه .. بس ابيكم اتعرفون .. اني صبرت على ام زوجي وايد .. وفوق ماتتصورون .. يمكن بعدين بحزن على حالي عمري 21 سنه ومطلقه وعندي بنت .. لازم اربي نفسي واربيها معاي.. لكن والله خلال سنه وحدة بس.. فقدت قلبي وعقلي وشبابي.. والله في شيب براسي.. حبيت زوجي صح.. لكن ليتني ماعرفته ولا حبيته .. لانه مايستحق حبي.. ولاتقديري له .. |
اختى فى الله قبل كل شئ احب اهنيكى بسلامه ابنتك و الله طمئنتى قلبى عليها و فرحت انك عملتى
التحليل الله يحفظها لك و يبارك لكى فيها ثانيا اهنيكى باسمك الجديد هو احلى كثير من مرتنى الدنيا ثالثا ما قصدت ابدا أختى تخويفك او اثقال عليك ولكنى اخاف من التسرع فقط حبيت افرملك شويه عن فكره الطلاق لأنى لا أعتقد انك هتأمنى شر أم زوجك بمجرد الطلاق لا الوضع ممكن يزداد سوء مع شخصيه تحب المشاكل و تكره الخير للناس و ممكن تئذيكى فى اقرب الناس طبعا بنتك أما زوجك فعيبه الوحيد انه ابنها و مسلمها اذنه فلو عرفتى تكسبيه هتامنى شرها حتى يقدى الله امرا كان مفعولا حبيبتى ليه لم اسمع عن والدك فى كل كلامك اين هو و هل لكى اخوات رجال كبار أكبر من زوجك على الاقل ياريت تجوبينى و الله اعلم جايز نعرف نغلب أذيه ام زوجك على فكره اختى زوجك بينفذ كلامها دون تفكير منطقى يعنى معقول تتركى طفله مولوده فى البيت وحيده ده دليل انه مصدق كل حاجه تقولها عليكى لأنها أكيد عرفت تمسك موقف عليكى حتى لو كدب او تزيف لحقيقه ياريت تردى على عايزه اعرف علاقتك بيه و صلت لأه فى لسه كلام و لا قطيعه أسال الله ان يهدى لكى الحال و يبعد عنك انت وبنتك كل شر |
السلام عليكم ورحمة الله وبركاته ...
مشكورة .. ايه والله ارتاح بالي ... بنتي مافيها الا كل خير... غيرت اسمي من مرتني الدنيا الى أم وداد .... لان ام وداد احلى بوايد .. ومرتني الدنيا .. يعني اني ضقت المر في هالدنيا .. لكن لا .. كل الي صار لي تكفير ذنوب .. ونفسيتي مرتاحة الحين كثير.. "مرتني الدنيا" اسم ماله داعي يطلق علي خصوصا ان عندي بنت مثل القمر .. وعندي اخوان وخوات مثلكم واقفين معاي ومهتمين لمشكلتي.. يعطيج العافيه على اهتمامج .. ابوي ياختي.. بسبب ام زوجي .. طلق امي .. يعني امي وابوي تطلقوا.. واساسا ابوي.. ماشاء الله تبارك الله .. من مليونيريه البلد ..لكن للاسف.. الفلوس كانت سبب في تدخل كل حاقد وحسود في حياتنا.. فزادت المشاكل.. من يوم كنت صغيرة ماتذكر وجود ابوي في حياتي كثير.. مو لانه مو زين لا والله بس لان بحكم شغله .. كان كله برا البلد .. يعني مو عايش معنا .. وفي السنه يجي يزورنا كل اجازة .. انا انخطبت وتزوجت من صوب.. وام زوجي اشتغل شرها في صوب.. فاختربت العلاقه بين امي وابوي.. والحين مايكلمني ولا يكلم خواتي الا بطلعة الروح (بالتلفون) .. وطبعا انا ماشفته من يوم ملكتي.. حتى يوم عرسي.. حضر عرس الرجال.. بس!! وكل ماتصل فيه اشتكي له من زوجي واهله .. يقول لي رجعي لبيت اهله وانا باخذ حقك منهم .. وانا اصدق .. وارجع .. وبالاخير لا يسال ولا ياخذ حقي نفس مايقول.. كل الي يصير ان امي زوجي يكون في بالها اني رديت ذليلة مكسورة .. رديت لها ولاهاناتها ... فقررت .. اني بس اعطي ابوي خبر بالمشاكل الي اتصير عشان يكون على بينة .. واذا قالي رجعي .. اقوله بصلي استخارة .. وان شاء الله خير.. عندي اخ اكبر مني.. بثلاث سنين .. زوجي مايسوله اعتبار.. وزوجي اصلا ماسوى اعتبار حق عمامه .. ف ماعتقد ان بيي يوم يحترم فيه اخوي ... اما زوجي.. حبيته كثير.. والصراحة مادري عن مشاعري الحين تجاهه .. بس الاكيد اني احن له .. لما اتذكر شهر العسل وبعض المواقف واللحظات الي كانت بيننا.. وبعدين اذكر نفسي بالاشياء الي مو زينه .. عشان ما ألين وارتخي.. والله اني دايما افكر في بنتي.. واقول ان شاء الله ماتنحرم من الحنان .. وان شاء الله بخليها اتعيش طفولة ورديه .. مو يمكن اتعيش مع امها واتشوف ابوها من بعيد .. ارحم من انها اتعيش مع امها وابوها .. في بيت مشحون كله مشاكل .. ؟؟؟ ربي ارحم على بنته مني انا... تفكيري يدور حول بنتي بس!!! والله.. واخر الاخبار.. زوجة عم زوجي كلمت ماما اليوم .. وقالت لها اصبرو شوي لا تلجأون للمحاكم .. فقررت اني اصبر وماتحرك الحين عشان ماندم .. وعشان ماخسر اهل زوجي الي واقفين معي .. (عمامه وحريمهم وجده الله يخليهم) وسفر هالصيف ماراح اسافر ولا اقدر اسافر لان بنتي ماعندها جواز ولا مضافه للجنسيه.. وانا ماقدر اضيفها ولا اطلع لها جواز سفر كل هالامور تتطلب وجود الاب.. وابوها معند مايبي يطلع شي عشان يقهرني... |
مشكورة اختي سكاي لايت على اهتمامك ..
اشكرك من كل قلبي على وجودك معاي في هالمشكلة .. |
حمد لله اختى ان فى عيله زوجك ناس تخاف الله و تحب تدخل فى الخير مش زى ام زوجك الله يهديها
بارك الله لكى فى عقلك اختى أصبرى و احتسبى و ان شاء الله نصيبك يكون كل خير أما بالنسبه لوالدك ماشاء الله بارك الله له فى صحته وماله و لكن لازم تتكلمى معه بلهجه اقوى شويه بمعنى انك تعرفيه ان ام زوجك مستقويه عليكم لانها لا تجد لها رادع و انه مسؤل امام الله فيما يحدث وانه وعدك كتير وما نفذ و حاليا فى طفله صغيره ليس لها ذنب سوى ان لها ام زوج جباره و جد لا يقف بجانب بنته عند الحاجه اختى لا تياسى وكل شويه عاودى الاتصال بيه حتى يلبى فى النهايه ان شاء الله و يكون له دور فعال و اعتقد ان زوجك سيحترم ابوكى مهما كان علاقته بيكى حبيبتى الضناه غالى و انت قولتى ان زوجك بيحب بنته جدا فما يحدث الان وسوسه شيطان وفى النهايه لن يستطيع الابتعاد عنها مهما أظهر من عدم أهتمام فطله واحده فى وجهها الله يحفظها قلبه اللى مثل الحجر هيلين حتى و ان لم يظهر ذالك و مهما كانت أفعاله معك أختى فهو حتى الأن زوجك انا لا اقولك صالحيه او تنازلى بس حاولى تفتحى معه طريق للحوار دون ان تهينى من نفسك او تشعريه باى ذل او انكسار و بكل هدوء و عقلانيه اتناقشوا فى مشاكلكم كانكم اتنين صحاب او انكم بتكلموا عن مشكله اتنين تانين لو ينفع احد من اهله يرتب لكم لقاء كأنه صدفه او ان الطرف الثالث بيحاول مع الجانبين لاقنعهم بمقابله حتى يحدث حوار دون تنازل من جانبك< لو عن طريق التليفون مثلا ممكن يفتكر انك سلمتى > الله يهديه لكى و يبعد عنك كل شر |
مشكورة يالغلا سكاي لايت ...
هذا الي بيصير بيتدبر لقاء باذن الله .. بيني وبين زوجي بحضور اهله ... عمامه .. لكن مو الحين .. يمكن بعد ما الكل يردون من السفر... وان شاء الله الي فيه خير لي ولبنتي يصير... |
الاخت ام وداد
انصحك بالتريث بموضوع الطلاق وطريق المحاكم طريق طويل ومزعج للمرأه قبل الرجل بخصووص ابنتك حفظها الله حسب القانون بدوله الكويت اعذرينى لا اعلم باى دوله انتى لا يستطيع اخذها منك بقوه القانون الا فى حالتين الاولى اذا تزوجتى الثانيه اذا اثبت انكى لا تستطيعين حضانه ابنته له بكل اسبوع او عشره ايام ان يأخذ ابنته لمده ساعتين او اربع فقط هذا بحكم القانون غير ذلك لا يستطيع اخذها منك ارجو انى افدتج بالموضوع اود ان تعيدى النظر بموضوع الطلاق ليس بالامر السهل على المرأه ان تربى بنت لوحدها وطريق المحاكم متعب جدا لا اود لكل اخت ان تقرب له الله يصلح الامور ان شاء الله اخوكى لورانس |
الله يوفقك ويسعدك ويخلي لك بنتك ويهنيكم يارب دوم
|
مشكور اخوي b7aaar
ايه قراري الاخير اني اصبر... عشان ماخسر اهل زوجي... والله يعين .. انا مو من الكويت .. قانوننا في الامارات يختلف.. قبل كان القانون اذا تزوجت الحرمة من رجل اخر.. الاطفال تنتقل تربيتهم لجدتهم .. ام الزوجة .. بس الحين اذا تزوجت المراة تنتقل الحضانة للاب.. للاسف .. ان شاء الله يردون نفس اول xx_naf_xx مشكورة يالغلا .. وان شاء الله تتربى احسن تربيه وتطلع بنت صالحة |
| الساعة الآن 03:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©