منتدى عالم الأسرة والمجتمع - ابشركم خطبت و محتاج رئيكم بمسائلة تكاليف الزواج

هلا اخوي

اللاحظ انك مصر ان هديه الخطبه طقم ؟؟ بس من رايي انك ما تقدم طقم لانك بتقدم طقم بالملكه يعني الشبكه

وش رايك تختار ساعه الماس حلوه واسعارها معقوله محلات الحميضي بالرياض اسعارها جدا حلوه يعني لو تاخذ ساعه للعروس شي فخم و تاخذ لامها بعد ساعه والسبب ان الساعه تجي شي يواجه لو قارنتها بخاتم او اسوره

واذا عجبتك فكره الساعه انصحك تختار الماس تركيب المحل والسبب انه ما يفرق بالشكل عن الماس الوكاله والسعر يجي ارخص

يعني تعطي العروس الحلوه ساعه الماس تتباها فيها وتقول هذا من خطيبي + دبله ذهب علشان تخطبها رسمي:)
هذي صور بعض الخواتم طبعا انت تلاقي عند محلات الذهب العاديه نفس الشكل وارخص بكثير عند لازودي مثلا واذا الاهل يتعاملون مع محل معين يكون افضل لاني بصراحه ما اعرف محلات جده

http://international.tiffany.com/sha...L_MED_OVER.jpg

http://www.47collections.com/prodimages/bzero1_85-S.jpg

http://international.tiffany.com/sha...L_MED_OVER.jpg

هذي معها الماس خفيف تقدر تحط زيركون
http://www.47collections.com/prodimages/bzero1dcs-S.jpg

http://international.tiffany.com/sha...L_MED_OVER.jpg
الخواتم تلاقيها اصليه عند تيفاني مركز الخياط او مركز التحلية او عند بولغري بس ما ادري وينه بجده
تقدر تتفرج عليها يعدين تقارنها بمحل الذهب العادي من عند المحل توصل 3 او 4 الاف بدون الماس ومحل الذهب العادي يسوي زيها باقل من الف لانها بوزن الذهب وما يهمه الشكل

يعني وقت الخطبه تقدم للعروس الساعه والدبله مع ورد طبيعي وكل هذا بيكلفك تقريبا اربع الاف

وام العروس ساعتها تقريبا الف الى الف وخمس ميه وانا افضلها لان حجم الساعه وقت التقديم يجي اوجه

وشوف الحميضي وهم بيساعدونك بالاختيار

على فكرة ترى الساعه فكره زوجي يقول علشان اذا قدمت الطقم وقت الشبكه يكون له طله لانه اول طقم تقدمه وما تخرب على نفسك بطقم الخطبه وجه نظره اعجبتني ومن هنا كتبت الكلام الي فوق

تحياتي
زوجي وانا :)