|
قال ايش تصلي واطهر انسانة على الارض ، وانتي من شاب الى آخر .
ياعيني على الشرف والطهارة علاقات غرامية وتدعي الطهارة و الشرف . لمعلوميتك اي رجل يتزوج واحده ساقطة عبر التلفونات وعبر العلاقات الغير شرعية والتي لا يقرها لا عرف ولا شريعة هو انسان ديوث بمعنى الكلمة . من حقه يشك فيك مليون مرة ويكون مجنون لو تزوجك بصراحة . روحي توبي لربك وبطلي زوغان عين على الرجال ، فانتي امرأه رأس مالك كبريائك وعفتك . |
حاولت افهم موضوعك اختي كتبتي كتيرحولة مدحك للاول وتخطبتي اليه وبعديها ما صار نصيب وتركتوا بعض
وجاء تاني فيه عوب وكنت على علم بيها من قبل خطبتك ورضيتي بيه ويمكن شك فيك يمكن على علم بخطبتك من اول وحبك اليه لدا بيعاملك بقسوة ويوجه لك كلام صعب حاولي تحسسيه انه الوحيد بحياتك ودلك في تغير تصرفاتك تكون واضحة اليه واي حاجة فيها شك اليه ابعدي عنها استحملي لو انت بتحبيه لو لا ابعدي وفي شىء اخر دكرتي في موضوعك انك مهتمية كتير اكتر من اهل وحاجات كتير سويتيها ما كان يحلم بيها اختي اياك ان تتدكريه بما سويتيه من اجله او تخبري حد من معارفكما ونصيحة حاولي تبتعدي شوي وقليلي ن اهتمامك به لوكان مهتم بيك وما يستغنى عنك سيتصل ويعاتبك ساعتها حاول بلطف ان تنبهيه وان تشعريه بعدم ررضاك في تصرفه واطلبي منه بان يحاولان يغ من تصرفاته من اجلكما الله يسعدك |
اقتباس:
سيدي الفاضل أشكر مشاركتك ووقتك الثمين الذي ضيعته في كتابتك وفي ظلمي!! والله ياخي حز في نفسي كثيرا جدا جدا جدا الي قلت يكفي الي فيني .. لاتزيد الحمول تكفى.. اسمح لي برد عليك وادافع عن نفسي لكن ليكون بيننا عهد ياتعتذر لي اذا بان لك خطاك في حقي يااعتذر لك اذا كنت انا مخطئة بسم الله الرحمن الرحيم 1- انا قمة التواضع بشهادة الكل ياخوي ليه اكون مغرورة وانا من تراب ومردي لتراب!! انا واثقة من نفسي ولست مغرور لاني عارفة وش سويت لهذا الشخص وبشهادته هو نفسة فحرام عليك ياخوي ادعيت علي شيء ليس بي انا اتنازل للكل والي اقل مني ، لاني مابي الا دعوة صادقة بظهر الغيب تدري!! كثير ينقال لي بعد ماادخل مع الشخص .. تصدقين كنت احسبك مغرورة وشايفة نفسك بس لما اختلطت معك صرتي غير وطيبة كثير والحمد لله كثير ادخل مع الناس ويرتاحون لي والا لو كنت مغرورة ماكنت اجتماعية ومحبوبة من الكل فياريت اخوي تسحب كلمتك لانها غلط. 2-ياخي لاني مريضة ولاشيء الله يهديك بس انا ماني عايشة ببئة ارستقراطية ولاشيء لكن بالعربي انا حضرية وهو اصله بدوي!!! أوكي اتمنى انك فهمت!!!!! والبدو يختلفون عن الحضر نوعا ما في بعض التصرفات، فأنا التصرفات الي اشوفها طبيعية وعادية مع الكل يشوفها هو ماتنفع وغلط ، رغم ان هذي التصرفات هي نفسها الي اتصرفها مع اهلي وهو عارف طريقتي من البداية، وانا والله ماني متفتحة لهدرجة ابدا لكن هو يستغرب مني كل شيء بناء على بيئتة ومجتمعه ويقارني بطريقة اخواته بالعيش. الله يسامحك جرحتني وانا مااستاهل... 3-تركي للحبيب اسطوانه مشروخة!!! ياخوي حرام عليك انا تحديت العالم كله لعيونة تحديت امي وابوي عاديت الكل عشانه انطقيت!!! انحرمت من كل شيء حتى دراستي انحرمت منها وضاع من عمري سنتين كل هذا عشانه وكل هذا عشان حاجة وحدة بس يبونها كان الوالد يبي مني كلمة وحدة أقوله خلاص الموضوع انتهي، لكني كنت عند كلمتي ووعدي له وابوي يعرف ان علاقتي ماهي لعب وان المطلوب زواج على سنة الله ورسوله والا لو كذا قال مراهقة والا لعب وبتنسى انا صار لي شيء ماصار لاحد انا للاسف انسانة مريضة الان واعترف بهالشيء واتمنى من قلبي ارجع مثل اول من ضغط الى قلق واكتئاب حاد حتى العلاجات النفسية استخدمتها اضافة الى الضعف واختلال الوزن سقوط اكثر من نصف شعري اصبحت انطوائية لا اخرج بالشهر مرة او مرتين ومن يشوفين يقول مريضة والا يقول متغيرة تصدق كذا مرة ناس يشوفوني اول مرة يقولون انتي فيك حزن رغم اني كنت اتصنع البسمة ياخي كل هذا و تقول تخليت عنه!!!!!!!!!!! انا سويت شيء ابن ابوه مايسوية سويت شيء الرجال ماتسويه فيكفي الله يخليك لاتخليني اقول أكثر تدري!؟ اكتب الحين وانا لحالي والاهل مسافرين كل شيء بهالحياة فقدت طعمه لكن ما اقول الا مايوجس النار الي واطيها اما سالفة السحر يااخي اتقي الله عشان مايبلاك ان مو من هالبنات الي تصدق اي شيء والا من الحريم الموسوسات تبي الصراحة كان فيه سحر وكان عندي بغرفتي وانا لما رتبت غرفتي رميت وانحل باذن الله بس مافهمت مين حاطه لي هذه مو خربطة ياخوي هذا حقيقة والشيخ قاله!! والله العظيم أني ماكنت اقدر انام من دون ماسمع صوته ، ولمايسافرون مااسافر لاني عارفة ماراح اقدر اكلمة وبالتالي راح انحرم من النوم كنت انجن بهالانسان جنون تصدق كل مسج وصلني منه من 6 سنوات الى اخر يوم احتفظ فيه.. معقول فيه احد يسوي كذا!! انا لما يجيب لي شكولاته والا علبه بيبسي تدري وش اسوي فيها!؟ احفظها عندي ماارميها !! معقول فيه احد بهالجنون!! يحتفظ بزباله!! انا فلوسي كلها اصرفها عليه احرم نفسي عشان اشتري له والله العظيم يااخوي انا نمت وبعد ماصحيت فجأة امسح كل شيء بقلبي له ، ياخوي اذا انا مو مصدقة لحد الان الي صار تبي انت تصدق معذور ماالومك!!!! كل ماتذكرت سالفتي قلت سبحان الله ، كل ماقمت أو قعدت قلت سبحان الله تدري ابوي لو يشوفني بالفستان الابيض ومتزوجه الي يبه هو ماراح يصدق اني خليت هذاك لأن يعرف وش سويت عشانه ويعرف كثر ايش حاربت لاني احبه، قبل فترة قلت له تطمن خليته ، تدري وش قال !! قال كذابه والله محد يصدق انا مابي شيء بهالدنيا الا حاجة طبيعيه انا ابيها مو انغصب عليها والا انسحر فيها انتظر ردك سامحك الله وجزاك الله كل خير واتمنى ان الصورة وضحت لك |
السلام عليكم ورحمة الله وبركاته
شوفي اختي .. سمعي كلامي كلمتك الي قلتيها انا بطريق وانت بطريق.. احسن كلمة قلتيها ... شوفي .. هذا كان يبيك لمدة 7 سنوات .. ومتلهف لانك كنتي بعيدة ولا دارية عنه.. والحين لانك عنده رخصتي بنظره .. وصار مايخاف خصوصا انه علقك بحبه .. سمعيني يالغلا .. هذا يحب التملك وبس.. ماقصر معك في البداية صح .. عشان اتحبينه .. عشان اتقولين الكلام الي اتقولينه الحين "انا مانكر انه كان طيب مو مقصر معي" كان يبيك لانك ماتنطالين .. والحين انتي تحت ايده .. انتو مخطوبين .. مابينكم عقد ولا شي.. بسهولة تقدرين تتركينه .. طبعا الي اقصده .. يعني مايربطكم الزواج الي قبل ماتنفصلين لازم اتفكرين مليون مرة .. وادري انك اتحبينه وصعبه تتركينه لكن دوسي على قلبك .. حفظي ماء وجهك وكرامتك ولا تتنازلين .. هذا مو زوج بعده ماصار الانسان الي لازم اتضحين وتتنازلين عشانه .. الكلمة الي قلتيها" انت بطريق وانا بطريق" بتخليه يراجع حساباته ويعرف ويحط في باله ان انتي مثل ماحبيتيه بسرعة تقدرين تنسينه .. بيحط في باله ان هو مو شغلك الشاغل.. الي يبيعك برخيص بيعيه بتراب.. ولا تتنازلين وتتصلين ارجوك .. خليك على كلمتك انت بطريق وانا بطريق. وطمنينا |
اقتباس:
ياخوي عيب عليك واستح على نفسك وتذكر مايلفظ من قول لدية رقيب حسيب مااقول الا من قلبي ودعوة مظلوم بهذه الليلة المباركة ان يبلاك بمثل مابلاني حتى تحس صح ياخي الرسول عليه الصلاة والسلام يقول.. قل خير او لتصمت.. انا اطهر من الطهارة نفسها ولا راح ارد عليك بنفس الأسلوب التافه الي استعملته معي لاني ارقى من ذلك والله عيب انا مدري وش مفهومك عن الزواج والحب شكل ماعندك قلب اصلا وانا عمري ماكنت لعوب حتى امي وابوي واثقين فيني ويعرفون وش انا واني باذن الله مااغلط ياتقول خير والا مستغنية عن ردك تقول اتوب لربي صح!! يمكن انا عند ربي افضل منك مليون مرة وممكن العكس.. ماأقول الا حسبنا الله والنعم الوكيل فعلا قمة السقوط والدناءة اسأل الله العظيم رب العرض العظيم ان يعطيك على قدر نيتك والله لايحللك ولايبيحك فأنت انسان حاقد على جنس النساء |
ابي اعرف مين اللي سحرك ؟؟؟
هل هو الحبيب الاول ؟؟؟ ام ان هناك شخصا اخر عمل لك السحر عشان تكرهي حبيبك الاول ؟؟؟ طيب يمكن يكون الثاني هو اللي سحرك؟؟ |
نصيحتي لك ومن قلب مشفق
أنتي الآن تسيرين باتجاه خاطئ بصريح العبارة (أنتي تمشين في الحرام) اتركيهم عنك , واضبطي نفسك بالحياء والعفاف والحشمة وبيرزقك الله هذا اللي اقدر اقوله واعذريني على القسوة (لكن صدقيني لو انك اختي) لقسوت أكثر المراة جمالها حيائها عفافها يميزها ابتعادها عن الرجال الا زوجها اذا كتب الله لها النصيب وصدقيني ان اخشى عليك من (الا عيب الشباب ) ولو قرأتي رسالتي صوت الحقيقة , وجميع ما فيها من ردود (في منتدى المشكلات) ربما يتجلى لكي بعض الضباب (ثقي بأننا ندعوا لكي في ظهر الغيب)ونريد لكي الخير |
اقتباس:
هلا .. حبيت اوضح نقطة ان اصلا خطيبي الحالي يعرف الشخص الاول ويدري اني بعته عشان اشترية هو ،ومقدر هالشيء. والله بدون مدح لنفسي لكن هو اصلا قالها لي كذا مرة انه مستحيل يحصل وحدة مثلي بالعكس انا انسانة متفتحة فاهمة عاقلة لااسمعه الا الكلام الطيب اهتم له واساله عن مايشغلة احاول احسسه بحاجتي لي واني ماسوى شيء من دونه واني مااعرف اتصرف من غيره رغم ان هالشيء غير صحيح اقدر اتصرف بكل شيءمن دونه بحكم اني كنت انا الكبيرة من بين اخوتي وكل المسئولية مرمية على عاتقي. اما موضوع الشك انا عارفة انه يسفزني لانه واثق مني ويعرف وش حدودي بالضبط لكن الكلمة بحد ذاتها تجرح انا لا أذكرة بالاشياء التي اعملها له بالعكس انا انسانة كريمة ولله الحمد بشهادته هو شخصيا وعمري ماحسسته بالي اسويه له انا ذكية واعرف ان هذا الشيء ممكن يجرح الرجل لكن ذكرته في رسالتي حتى تتضح الصورة لكم انا مشكلتي اهتمامي الزايد له لدرجة هو يستغربها ، لانه من يوم ماطلع على الدنيا لم يجد الا الاستغلال ولم يهتم به احد ، وقد قلتها له عدة مرات ليه تستغرب اهتمامي لك!؟ هو ماحس بهالشيء من قبل فيعتقد بعض الاحيان ان وراي شيء او قصدي شيء.. كمثال مرة كان محتاج ورقة معينة وكانت ستغرق منه جهد ووقت ، هل تعلم ماذا فعلت جهزتها له واعطيتها ايه، زعل ومااخذها وقال انتي تقللي من قيمتي وتكسري كلامي!!! شفت كيف!! ولم ااقول له بس انا قصدي كذا يقول بس انا افهمها كذا!! معك حق انا مشكلتي اندفاعي له ادعي لي ان الله يثبتني وماتصل لحد ماتوضح الصورة تحياتي العطرة ودعواتي الصادقة لك |
اقتباس:
والله ياخوي ماادري مادري ماادري ونفسي الاقي جواب شافي اول الوالد والوالدة كانو يقول لي انت انسانة غير طبيعية انتي انسانة مسحورة !! كنت استغرب كلامهم واضحك واقول وش هالخرابيط انا نفسي ياخوي نفسي اعرف اكثر منك ، لانه والله تعبانة واحس اني مستغلة بس مااعرف من مين!! هل الحبيب الاول ام الخطيب الحالي اما شخص من الخارج الله اعلم وماراح ارتاح لحد مااعرف.. تراني والله بوضع مايعلم في الا رب العالمين خصوصا لماتتصرف تصرفات ماتدري هل هي طبيعية من وعيك او غير طبيعية بتأثير. شكرا اخوي على المتابعة |
اقتباس:
جزاك الله خير أخوي وهذا دليل على طيبتك وحبك للخير يكفي انك تدعي لي ، وكما قال رسول الله صلى الله علي وسلم: دعوة المسلم لاخيه المسلم في ظهر الغيب مستجابة ، بل ان هناك ملك موكل يقول ولك بالمثل. سيدي الفاضل اعتقد انك لم تفهم قصتي بالشكل الصحيح ياخي المفروض ملكتي الشهر الجاي وش فيك الله يهديك!؟ ليس هناك الاعيب ولاضحك ، واكررها ان مالعبت وانا صغيرة عشان العب وانا كبيرة. بالعكس والله اتنزة عن هالاشياء مشكور مرة ثانية |
| الساعة الآن 10:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©