|
انتي من البدايه وافقتي عليه وكنت عارفه بظروفه
لازم تتقبلين .. وتساعدينه مو تحطين ديون عليه .. بعدين اذا انتي من البدايه ماقدرتي تتنازلين .. في امور في حياتك يمكن انتي تعودتي عليها في بيت اهلك وهو ماراح يقدر يعطيك اياه .. او تعيشي بنفس المستوى المادي .. لابد للمرأه بأن تتنازل .. وفي النهايه هذا اختيارك .. اذا تحبينه راح توافقي على اللي يريحه .. وبالتوفيق ان شاء الله |
كل ما كان الزواج بسيط كان احلى وتاكدي رضا الناس غاية لا تدرك ايش ما سويتي وحاولتي يكون الزواج فخم ومتكامل الناس ما راح يعجبها العجب ومصاريف وراح ينهلك زوجك بالمصاريف على كم ساعه وينتهي الزواج اذا زوجك اخلاقه تمام معك لا تخسرينه عشان مصاريف مالها داعي الله يوقفكم ويسعدكم..... |
أضم رأيي لآراء كل من شاركوا وقالوا ان العرس كل ما كان بسيط كل ما كان أرقى، وان الناس ما يعجبها العجب.. لا بد يطلعون عيب حتى لو كلفتي على نفسك وسويتي عرس مميز ما صار ولا استوى!
صدقيني، أنا بنت خالتي سوت حفل زفاف فخم كلش ومتعوب عليه بس في النهاية كسبت بدال الإعجاب القيل والقال والحقد والعداوات... تعرفين انتي غيرة الحريم شتسوي!! انتبهي على نفسك من العين الحاسدة. بهالزمن كثرت الإصابات بالعين والحسد، فالأفضل انك تحمين نفسك من شر الحسد مو تجذبين العيون عليك. يا كثر الحريم اللي عانوا بعد زواجهم بسبب العين.... والله العظيم واحدة أعرفها من شدة جمالها وفخامة عرسها صادها سرطان وتوفت!!! فأنتبهي على نفسك وتزوجي عشان الحب وإنجاب الأطفال والاستقرار مو عشان تتباهين بلحظات يمكن تجر وراها مشاكل انتي في غنى عنها. بعدين انتي قبلتي بزوجك وهو رجل بسيط وعلى قد حاله فلازم تقدرين ظروفه وما تثقلين عليه، وراح تكبرين فيه عينه لو قلتي له ابي عرس عائلي في بيتنا أو في قاعة صغيرة، غير كذا بتوفرين فلوس أكثر لشهر العسل وهناك بتستانسين وبتعيشين حياة جديدة.. شنهو أحلى؟ تسافرين مع زوجك كم يوم تنبسطون فيها في جزيرة خلابة أو بلدة أجوائها رومانسية، أو تسوين عرس وما تحضرينه!؟ لأنك بتكونين طول الليلة مع الكوافيرة اللي بتسوي تسريحتك ومكياجك وماراح يشوفونك إلا نص ساعة وبعدها تطير المصاريف اللي تعبتوا عليها في غمضة عين! إذا تبين الله يبارك لك في حياتك مع زوجك ويسعدكم خليك قنوعة.. قال صلى الله عليه وسلم: "أقلكن مهراً أكثركن بركة".. والمهر يشمل أيضاً تكاليف العرس وغيره. أنا لو تزوجت بإذن الله ماراح أسوي حفل زفاف.. وصدقيني كل البنات الراقيات يسوون كذا الحين. البنات الهاي كلاس أكثرهم يسافرون بدون حفل زفاف وبعضهم يسوون عرس بس بسيط وعائلي لأنهم شايفين خير. أما البنات اللي مش شايفين خير فيكون تفكيرهم سطحي وغالباً ما يحاولون يعوضون النقص اللي فيهم في الفشخره ليلة عرسهم. .. انتي طبعاً شايفة خير لأنك من أسرة مقتدرة فخلي الشغلات هذي للبنات اللي فيهم نقص! ومبروك مقدماً...... وعقبالي انا بعد :-) |
اقتباس:
يا الله !!! كلّ اللي تزوجوا .. نسيوا يوم الفرح .. ولو حصل وافتكروا يفتكروا المواقف المضحكة .. الكلمات الحلوة شكل العروس وضحكتها .. فرحة العريس فيها .. بس يفتكروا القاعة ، والكوشا ، والبوفيه !؟؟ ما أعتقد .. أنا شخصياً نسيت فرح أخواني إيش اللي حصل فيه !! وجّهي تفكيرك للأشياء الأهم .. والله الدنيا فاااانية .. !!! أما الناس ... فمشكلتنا نفكر ما عندهم شغلة غيرنا .. للناس حياتهم ، وانشغالاتهم راح يتكلموا شويتين وينسوا !! بارك الله لكما ، وبارك عليكما ،، |
انا من رأيي انك تتساهلين مع خطيبك
لأنك بتطلعي من بيت اهلك خلاااااص بتعيشي معاه على الحلوة والمرة فأحسن شي لك الاقتصاااااااااد والتساااهل واحنا بطبعنا الحريم نريد كل شي بس في النهاااية نستغني عن كل شي حتى ابسط حقوقنا ومبرووووووووك لك اختي |
أختي الكريمة ركزي في هالسيناريو
الزوج راح يلبي كل طلباتك وراح يسعدك ومستحيل يردها في خاطرك وراح يضغط على نفسه ويمكن يتسلف ولا يستخدم بطاقات فيزا ولا قرض من البنك .... إلخ وطبعا ما راح يقولك انه تسلف ( هو شيء طبيعي ان الواحد يتسلف عشان الزواج ) لكن بعض الناس تبالغ في الدين وبعد الزواج يا اختي انت مضطرة تدارين نفسيته التعبانه 24 ساعة وكل شوي منكد عليك بسالفة الأقساط وانه ودة يفتك منها وانه مو ملحق الأجار واقساط السيارة وانه يبي يروح لأخوياة عشان ينسى وانه كلما شافك يا اختي راح يتذكر الدين. :) النصيحة المجربة : خلي زوجك يتخذذ قراراته بحيث تتناسب مع وضعه المادي ولا تصري او تتدلعي عليه وتطلبين اشياء فوق طاقته تمنياتي للجميع بالتوفيق |
اقتباس:
شكرا |
لا لا لا بالعكس من تواضع لله رفعه
وراعي ظروف زوجك عشان ربي يسعدك إنتي وياه وماعليك في الناس |
انتو من حقكم تفرحوا دام ربي منعم عليكم بدون اسراف ولاتبذير
ربي يحب يشوف اثر نعمته على عبده وهذي ليله وحده بالعمر ماراح تتكرر نصيحتي لك تخليها وسط .. لان الوسط خير الامور اختاري قاعة مرتبة وراقيه بس سعرها مو مررره غالي وخلي ديكورات القاعه بسيييطه .. بس اهم شي الذوق والترتيب وممكن تحذفي الاشياء اللي مالها داعي وبكذا تكوني ارضيتي نفسك وربك وماضيقتي على خطيبك |
اختي العبرة ليست بالفخامة فلا تكوني سطحية
راعي خطيبك واحسني النية والله راح يعوضكو انا ضحيت وعملت حفلة عرس من غير عريسي لانو ماقدر يجي من برة بسبب المعابر والقرف تبعها فلم اعاند متل كتير من صحباتي وعملت حفلة معقولة وسافرت له والان اعيش معه بحياة لاابدلها بكل كنوز الارض ما شاء الله لاقوة إلا بالله واول مخطبنا كانت ظروفو المادية صعبة فلم يهمني واحببته جدااااااااااا وعشنا احلى ايام ولم احسسه انه مقصر وسافر للعمل بالخارج ولحسن نيتي انا واياه انقلب الحال والله رزقنا برزق طيب حلال ووضعنا صار تمام ولم يقصر معي وقتها وعوضني عن كل شي وكان يكرمني ولحتى الان لانه لما تصبر المراة مع زوجها او خطيبها على ظروفه وتحبه وتعشقه بغض النظر عن الاموال فتكتبر بعينو وبموت عليها وبكرمها لماتتحسن الظروف وبحس انها زوجة اصيلة وفاهمة وبتحببو لذاتو وليست سطحية او مخها صغير تقبلي كلامي واعملي فيه صدقيني ما شاء الله لا قوة إلا بالله تبارك الله |
| الساعة الآن 07:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©