|
اشكر لكم مروركم العطر واعطائي من وقتكم والله كريم
|
ياقلبي انا الحين صار لي 8 شهور
وربج ماكتب للحين والحمدلله راضين بالقدر متى ماالله رزقنا وكل تاخيره فيها خيره لاتستعجلين وتفكرين ترى العيال مو كل شئ فالزواج الله يرزقج ويرزقني ويرزق كل امة محمد يااااااااااارب |
عندي الحل؟
شوفي عزيزتي الاتكال على الله بحد ذاته هو شي كبير ودائما قبل لا تنامين تفائلي خير وتاملي لغد افضل غمضي عينك وانتي ماتعرفين بكرى ايش راح يصير لانغمضين عيونك على دموع وهم وكابه ومتى احمل واخاف اطول واخاف اصير عقيم وو لا الامل كبير ولا حياه من غير امل والايمان بلله اكبر واكبر كان ماقدرنا نعيش ولا وصلتي للمرحله الي انتي فيها ثقي بلله ثقه كبيره واتاكدي ان دوام الحال من المحال وانها ماتضيق الا وتفرج وان مع العسر يسر اليوم حزن وبكرى فرح ان شالله تفائلي ربي هو الرزاق الوهاب.. اتكلي ولا تقلقي لا يقلق من كان له أب .. فكيف يقلق من كان له رب اذن ثقي واتكلي بلله الواحد القهار عزيزتي انا مثلك دموعي تحرق مخدتي كل يوم مابغى زوجي يحس فيني اني ابكي لكن انا متاكد وااثقه مدام انه مافيك عيب او خلل انه بيجي يوم بتحملين وحاولي اذا غلبتك الوسوسه تتوضين وتسجدين وتدعين ربك ودائما اقرئ سوؤى البقره واستغفري ربك كل الوقت واتكلي.. اتكلي .. اتكلي على الواحد الاحد الصمد الحي القيوم صدقيني انا كنت مثلك اعد الاشهر واذا جت الدوره انفجر من البكاء لكن الحمد لله على كل حال وكنت احسب للناس الي تزوجو بعدي وحملو وانا لا وهذي كلها من الشيطان ربي مقسم الارزاق وهو ادرى بلي فيه خير لك (وعسى ان تكرهو شي وهو خير لكم) تفائلي عزيتي ولا تقلقي.. وانا اقولك استمري بالشغل هو الشي الوحيد الي بيلهيك انا مثلك وعايشه لحالي بس بغيت انجن صار كل همي هذا الشي والدنيا ممر ليه اضيق صدري احمد الله الف مره لاني بخير وعافيه وصحه وان شاله ربي بيرزقني فكر بيومك وغدك ونحن لا نعلم ربما لا نعيش لغد واتاكدي ان بغمضه عين الفقير يكون غني... والحمد لله على كل حال اللهم ازقنا يارب العالمين الذريه الصالحه |
ونعم بالله ومالي الا الصبر ..والدعاء
|
احمدي ربك واشكريه يا اختي الفاضله
اجل وش يقولون الي لهم خمس وعشر سنين ما حصل معهم شي وانتي لك بس 6 اشهر ترى الامر طبيعي يعني الى سنتين طبيعي جدا بعده يمكن الواحد يبدا يفحص ويدور السبب وبعدين لا تسمعين لكلام الناس وسوالهم لك هذا امر فطري عند الكثير منهم يغثون الواحد بالاسئله ولكن انتي الي لابد تجاوبين عليهم بكل برود تو الناس انا حابه استانس لاحقين على الشقى والبزارين يعني انك انتي وزوجك الي مخططين على هذا الشي وشرط ما احد يسالك بعدها وعلى قولت القايل عيشي حياتك ولا تخلين الشيطان يخربها بالوساوس وادعي ربك وترى كل شي مقدر ومكتوب وما احد يدري وش الله سبحانه يختار له اختي واستعيني بالله ترى الناس لا يضرون ولا ينفعون وحياة سعيده باذن الله تعالى لنا ولكم |
أولا عليك بالإستغفار
يقول الله تعالى في سورة نوح (( فقلت [blink]استغفروا ربكم[/blink] إنه كان غفارا * يرسل السماء عليكم مدرارا * [blink]ويمددكم بأموال وبنين[/blink] ويجعل لكم جنات ويجهل لكم أنهارا )) سورة نوح وعليك بالمحافظة على الصلاة والصدق والإخلاص بالدعاء ثانيا أنا أعرف إنه في أسباب كثيرة لمنع الحمل مثل هرمون الحليب فلذلك وسعي صدرك وسعي صدرك وسعي صدرك وشوفي زوجك إذا كان يرغب بالإنجاب والا لا لأني سمعت إنه فيه إبرة ياخذها الرجال مدتها ستة أشهر وهي تمنع الحمل والسلام سبحان الله وبحمده سبحان الله العظيم أستغفر الله أستغفر الله أستغفر الله (( ولتكن خطاك في دروب الخير على رمل ندي ليس لها وقع ولكن آثارها بينة )) |
الله يرزقك الذرية الصالحة
عاجلاغير اجلا نفس معاناتي |
ماقصرتو وكلامكم صح ..انا العذر الوحيد اللي اقوله ..احنا مانبي عيال الحين ... تو الناس على الشقى ..لكن حزني وعيني فاضحتني .... الحمد لله على كل حال
|
| الساعة الآن 01:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©