|
الله يرزقج الزوج الصالح يارب
|
غموض السنين
والله لو علي وافقت على اول خاطب كفؤ بس اهلي الله المستعان يشترطون نسب معين المصيبه ان الناس يحطون اللوم علي مايدرون عن التعصب اللي عندنا ربي يرزقك انتي واخواتك بالازاوج الصالحين قرررريب وتبشرينا يارب ام يزيدوامل اللهم آآمين الله يجزاك الخير غـاليــة انا صراحه تفاجأت مرره بس صادقه افضل شئ التجاهل ليس ضعفا ولكنه ترفع اسأل الله ان يمن عليك بالزوج الصالج عاجلا غير اجل رادع ياليت ترجع لكلامي وتشوف اني ماقللت من قيمة السواق كشخص ابدا والفقر عمره ماكان عيب المسألة مسألة تكافؤ ليتني مثل ام المؤمنين خديجه رضي الله عنها واقدر اختار على كيفي ورود الغلا ماادري عنها كن مافي حولها الا انا وربي كرهتني في الدوام الله يجزاك خير ياقلبي على الدعوات ولك بمثلها ان شالله العام ياحبيبتي انتي ماتعاليت ولاشئ بس انا مو عايشه لحالي عشان اتزوج على كيفي الزواج عندنا فيه تعقيد كثيرر فلما يصير هالشئ وان شاءالله مايصير ابدا معناه ان اهلي وصلو لمرحلة يبون يتخلصون مني وبس او اني صرت في وضع صعب مرره لان مستحيييييييييييييييل في الظروف الطبيعيه يوافقون اتزوج كذا وعساني مااحدهم على هالموقف يااارب انا اقول الله لايقوله ماقلت اعوذ بالله مين انا عشان اتعوذ من واحد ملتزم مكافح ربي يرزقك ويرزقني وبنات المسلمين باللي يقنعون اهالينا ويفرحون قلوبنا ! عروب ! اللهم آآآآآآمين اختي انا ماتكبرت عليه عشان وظيفته لا والله ياليت تقرين ردي السابق وانتي تفهمين وش اقصد جنائنُ ورد .. تصدقين كنت بسألها شلون يعني اتزوجه اروح له واقول تعال تزوجني مثلا؟؟ الله يرزقك باللي يقر عيونك ويفرح قلبك عاجلا غير اجل قلب أنثى هو هذا اللي حاصل اني طنشتها ولاكني سمعت اصلا الله يهدي الجميع |
والله لو علي وافقت على اول خاطب كفؤ
اعتقد من حقك تكلمين ابوك يتنازل شوي وكثير اللي يبون زوجات صالحات |
اسئل الله ان يرزقك باللي يسعدك وتقر عينك به وترين اطفالك عاجلا ً غير آجل ــ
اخوك البدوي |
صراحة ماتستحي على وجهها
نصيحة ياريماني احقريها ولاعليك منها ولو كررتها سكتيها ولاتفكرين بكلامها قسما بالله قهرتني انا مررررررررره والله يرزقك عما قريب ان شاءالله |
السلام عليكم ورحمة الله وبركاته
غاليتي لا تبالي قابليها بالأحسن وبالصمت واحتسبي أجركِ وصبركِ على الله وكل ما فتحت لكِ الموضوع نادي بقلبك اللهم ارزقني من واسع فضلك لكن بالرد عليها قد تسيء العلاقة وتحقد عليكِ وتتكلم عنكِ أمام الناس ولن تستفيدي شيء ( ادفع بالتي هي احسنفإذا الذي بينك وبينه عداوة كأنه ولي حميم وما يلقاها إلا الذين صبروا وما يلقاها إلاذو حظ عظيم ) أكثري غاليتي من الإستغفااار والدعاااااء والصدقة وبخاصة بهذا الشهر الفضيل وبإذن المولى سيرزقكِربي الزوج الصالح |
haloume
بالضبط اقصد التكافؤ مو تكبر ولاشوفة نفس الله يجزاك الجنه تانيـــــــا ماشاء الله عليك تتملكين القدره على ايقافهن انا من هول المفاجأه التزم الصمت ولاغير الصمت ربي ينولك اللي ببالك عاجلا غير اجل محمد هيا جزاك الله خيرا صاحب الظل لطويل وعليكم السلام ورحمة الله وبركاته ورمضانك مبارك اخي الفاضل والله لااملك ذرة تعالي او كبر ولو كان الامر بيدي لتزوجت صاحب الدين والخلق منذ زمن لكن الموضوع ومافيه اني انتمي الى اشرف نسب على وجه الارض وعندنا في الزواج امرين لاثالث لهما الزواج بمن يكون من نفس نسبك او العنوسه والبقاء دون زواج يعني التنازل في هذه المسألة مستحيييييييييييييل بالنسبه لهم لان فيه مخالفة تقاليدهم والوقوف بوجه العائله بأكملها وممكن محاكم وشكاوي الا في حالة اني وصلت لمرحلة صعبه جدا جدا مرحلة ان اهلي يتضايقون مني وينتظرون الخلاص وان شاء الله مااوصل لها ابدا يارب وهذا اللي خوفني من سالفة السواق مو تكبر ولاتعالي لا والله لكنه الخوف من الوصول الى تلك المرحله كلامك على العين والراس لكن القرار مو على كيفي والله الذي لااله الا هو ان التشدد عندنا هو اللي يمنع زواجي في كثير من الاحيان تشدد ماانزل الله به من سلطان والله المستعان الله يفرجها قررريب ويرزقني بالصالح من عباده اشكرك مره اخرى وجزاك الله الف خير مـالك عالـمي الله يرزقك بالزوج الصالح عاجلا غير اجل امير الشوق808 تحليلك منطقي جدا بس والله مااتشرط ولاشئ مدري ليش الناس يلوموني وانا مالي دخل جزيت خيرا على المرور والتحليل ام السطوح صدقتي انسان مكافح وشريف ويدور لقمته بالحلال ماقلنا شئ بالعكس احسن من اللي يقعد لاشغل ولامشغله بس السالفه تكافؤ هي ذابحها ليش ماتتزوجين الا منكم اذا هذي عادات اهلي انا وش ذنبي؟؟ الله يرزقك من واسع فضله يااااااااااارب oOعبير الرياضOo اللهم آآآآآآآآآآآمين ومن قال يارب فاجأتني والله ماعرفت ارد عليها الله يرزقنا قررريب ونفتك من سخافة بعض الناس فرحة منتظرة والله ماادري عنها ولو اني مااتخيل انها سذاجه لهالدرجه هي مو اختي ولاتمون علي الله يهديها ويرزقني باللي يفكني من تعليقاتها تسلمين ياقمر وربي يقر عيونك بفرحتك قرررريب اعذروها اامين ويرزقك انتي وبنات المسلمين عاجلا غير اجل برنس السعوديه ليت الامر بالسهوله هذي اكلمه ويقتنع ويتنازل وحتى لو فرضنا انه تنازل باقي العائله ماراح يتنازلون الله يعجل بالفرج يااارب بدوي ولد بدوي اللهم آآمين ويجزاك خير على هالدعوات شوبارد حيا الله عروستنا سلامتك من القهر ياقلبي انا بعد كلامها غسلت يدي ان فيه ناس يستحون الله يسعدك يااارب ويقرب اليوم اللي ادخل ابشركم فيه العذبة انا قررت اطنشها واحتسب الاجر على الله دائما كلامك عذب ياعذبه اسأل الله في هذا الشهر الفضيل ان يمن عليك بالزوج الصالح عاجلا غير اجل |
شوفي ياقلبي هذه النوعية من الناس طنشيييييهااااااااا
انا طفشوني في الشغل كل مافتحوا سالفه قالواا ((( اصصصص في بنت )) :( يقصدوني طبعا معليك منها بس اهم شي خليك واثقه من نفسك وقولي انا ما ابغى اتزوج <<<<<<<<<<<< كثري منها هذه هههههههههه بس علشان تكونين ثقيلة الله يرزقني ويرزق كل بنات المنتدى الرجال الصالحين امييييييييييييييييييين |
اقتباس:
وهل تزوج افضل البشر امنا ماريا القبطية لانها من اشرف نسب على وجه الارض هو سيد الخلق اجمعين شرفه الله بنبوته وقد كان من قريش ولكنه تزوج امنا ماريا رضي الله عنها اختي الفاضلة ما نعيش به الان من حمأة التشدد والعصبية ما هو من تعاليم ديننا كلام الرسول صلى الله عليه وسلم واضح جلي للعيان " لافرق بين عربي ولا عجمي الا بالتقوى " " فاظفر بذات الدين تربت يداك" من جائكم من ترضون دينه ........." لماذا نصر على ان نعتبر للنسب اعتبار مغفلين امر الدين والمصيبة اننا ندعي اننا نرغب بصاحب الدين اختي الفاضلة واعذريني على كلماتي انت تقولين انه لا يوجد عندك ذرة تعالي وبنفس الاقتباس اعلاه تقولين انك من اشرف نسب على وجه الارض افهم من كلامك انك من نسب سيد الخلق اجمعين صلوات الله وسلامه عليه اختي الفاضلة المبدأ الذي علمنا عليه علم البشرية الخير ان الناس تتفاضل باعمالها وتقواها صهيب رومي وسلمان فارسي وبلال حبشي كلهم كانوا افضل من ابي جهل وابي لهب ابنسبهم ؟؟؟؟ ام بتقواهم اختي الفاضلة لا اقول هذا الكلام لاغير ما بقوم فلن يغير الله ما بقوم حتى يغيروا ما بانفسهم لا اقوله الا خوفا عليك من شبح العنوسة وانت اختا فاضلة وما المني قيقة انك تقولي تقدم لك الكثير من اصحاب الدين الملتزمين ولكنهم" اهلك" عابوا عليهم نسبهم وهذا ما لا يرضاه الله تعالى لامائه ودي احترامي واعتذر عن كل حرف قد رفع عندك مستوى العصبية فالله شاهد لم ارد الا الحق بكلام حق وذا رايت بكلامي ما هو خطا فارجو منك التصحيح تقبلي فائق احترامي |
أبغى اتزوج
اللهم آآمين الله يرزقك ويرزقني وبنات المسلمين ازواجا صالحين يقرون اعيننا قريبا يارب صاحب الظل لطويل كلامك صحيح وانا مقتنعه فيه تماما ويعلم الله كم اتشوق للزوج الصالح صاحب الدين والله الذي لااله الا هو لايهمني لاحسب ولانسب ولااشترطه اصلا وقد رددت ذلك على مسامع اهلي مئات المرات وبالادله والاحاديث ولكن لاحياة لمن تنادي قبل فتره جا خاطب وشهد الكل بكفاءته لكن لم يكن من نفس نسبي ووالله ان الدنيا قامت ولم تقعد ووصل الامر الى التهديد بالمقاطعه وربما المحاكم اخي الكريم لم اذكر ماذكرت الا لتعلم مدى التشدد عند عائلتي فلاتلقي اللوم علي ورسول الله اشرف الخلق صلوات الله وسلامه عليه برئ من كل هذا التعصب اما عن استشهادك بزواجه صلى الله عليه وسلم من امنا ماريه فقد استشهدت به وبامثله غيره ولكن جوابهم في كل مره ان الرجل له الحق في الزواج بمن يريد لكن الفتاة هي من يشدد عليها والله المستعان اخي الكريم اقدر حرصك وخوفك علي من العنوسه ولايخفى عليك معاناتي وخوفي من فوات الزاوج فالعمر يمضي والسنوات تمر ولكن مالبيد حيله انا اعتبره ابتلاء وعلي الصبر وانتظار الفرج جزاك الله خيرا واسألك الدعاء لي في ظهر الغيب |
| الساعة الآن 05:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©