|
اقتباس:
وأحب أقول لك رأي إذا تبي تحب زوجتك جيب ورقة وقلم وأكتب فيها مميزاتها وعيوبها .. وشوف كيف راح تحبها وتحس بقيمتها ثانيا ً بالنسبة لعيوبها يمكن تكون أنت السبب فيها البنات دايما يحبوا التشجيع ويمكن بعد البنت تكون عندها اشياء حلوة ماتقدر تطلعها لإن ماعندها ثقه في نفسها ، والثقة هذي تجي من تشجيعك لها .. يعني مثلا بسألك سؤال .. هل مرة قلت لزوجتك أنك ماتقدر تستغني عنها ، انك يوم تشوف وجهها الحلوة تروح عنك كل الهموم ، ان ابتسامتها تروح عنك كل الهموم ، ان احلى شي فيها كذا ، انك تحب تسمع سواليفها ، ان وان وان < عادي أكذب عليها وراح تشوف النتايج بعدين ومع الوقت راح تصير زوجتك زي ماتبي ويمكن أحسن وراح يصير عندها ثقة عمياء وفي موضوع حلو قريته أتمنى أنك تقراه وإذا قريته أتمنى أنك تقراه مره ثانية هذا رابط الموضوع http://www.66n.com/forums/showthread...97#post1529997 |
اذا كنت في نعمة فارعها فإن المعاصي تزيل النعم وداوم عليها بشكر الإله فإن الإله سريع النقم اخاف عليك لما تبدلها تبكي بدل الدموع دم احمد الله لان لو الله ما يريدك تتزوجها ما تزوجتها ثق بالله وسترتاح وتريح من حولك وسترى حياتك تتسع والرزق يزيد يا اخي لا تبدل نعمة الله كفرا |
اخوي اعتقد ان بك نوع من الانانيه
لاتحسب نفسك ملاكا وهي لاتستاهلك الجمال من الله والجمال ليس كل شي الجمال جمال الروح .... واذا كانت زوجتك منقصه باشياء انت المخطئ تعلم كيف انك ساكت ولاتنبهها او تنبهها بطريقه لاتشجعها على التغيير يااخي عاملها بالحسنى وارويها بحنانك وعلي من قدرها عندك وانظر لها وكانها اجمل نساء العالم اقتنع انت اولا بها واجعل تغييرها بالنسبة لك نوعا من التحدي يعني اجعلهااااا تموووت فيك وتحب ان تفعل اي شئ من اجلك وانصحهاااا قول لها حبيبتي انت لستي مقصره ولكن لو تغيرين طريقة لبسك لانها لاتناسب جسمك او غيري من قصة شعرك اريد ان ارى التغيير فيك اذهب للسوق وتسوق بكل ماتحبه واهيه لزوجتك وقل لها احب ان اراه عليك يااجمل زوجه بالدنيااا ازرع محبتها بقلبك وصدقني ستنسى كل هذا الكلام السئ الذي قلته ................... وموفق خصوصا انك لاتستطيع الاستغناء عنهاااا |
السلام عليكم ورجمة الله
أخي احمد المشكلة لا تتعدى من وجة نظري عن ثلاث خيارات تطلقها، وعلى قولتنا إلي ينزل من السما تتلقاه الأرض تتزوج عليها، ولا تتعذر بالأستطاعة ، يا أخي تزوج مزظفة، وألف وحده تتمنى،وياليت تكون مطلقة أو عانس لأنها يتكون أكثر تكيف مع الوضع وبتقدر وضعك الحل الأخير يا اخي طورها، بالتعليم، علمها على النت عليها تتنور يا ليييييييييييييييت تعتبرها صديقة، وتعطيها وجه، سولف معها ، يا أخي يمكن وضعها عند أهلها كل مقفل، والله لو تطورها وتنورها، وتحتسب هالشي عند الله ، بتؤجر عليه |
لا حول ولاقوة الا بالله
هذا ثالث موضوع اقراه من هالنوع ؟! اذا انتوا يا الرجال اهلكم جبروكم على الزواج عيل شو خليتوا لنا نحن الحريم؟! الغلطه غلطتك من البدايه اذا لهالدرجه مو طايق البنت خلها في حالها والله يرزقها الشخص اللي يعرف قدرها |
تكيف معها .. فقط لا غير
واحمد ربك .. غيرك ما يقدر يتزوج |
اخي المراة ليست فستان تلبسها متى شئت وتخلعها متى شئت هي انسان لها مشاعر مثلك
|
القناعة كنز لايفنى000000
|
اقتباس:
والله أمــرك غريـب !!!!! |
السلام عليكم ...
شو هالانانية الي فيك .. ؟؟!! انت الغلطان مو هي.. بغض النظر عن الي صار قبل الزواج وكلام من اهلك .. بالاخير القرار قرارك .. ومثل ماقلت تسرعت بالقرار .. فانت غلطان .. بتتحطم لو سمعت الكلام الي اتقوله عنها .. لا تحسب نفسك ملاك تبحث عن ملاك .. كلن فيه عيوب .. اتحملها وتتحملك .. ساندها وبتساندك هذي من مزايا الزواج .. الجمال مو كل شي.. محد كامل.. لو الكل هدفه الجمال ... كان نادر الي اتزوجو .. كبر عقلك .. واتذكر مزاياها .. وغير نفسك .. وغير نفسيتك .. وامسح انانيتك قبل ما تتخلص منها على قولتك .. تراها ادمية .. مو لعبه مليت منها اتغيرها... فتح عيونك .. وصحي ضميرك .. لانك اذا ظلمتها .. وقدر الله واتزوجت غيرها ..ماراح تهنى بحياتك .. قبل ماتسوي شي .. غير في نفسك .. وغير تفكيرك .. وقبل ماتسوي اي شي احرص على صلاة الاستخارة .. اسفة ان غلطت بشي.. بس اتنرزفت .. |
| الساعة الآن 01:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©