|
القانون اختي بالبحرين منصف بالنسبة للمراة وعندكم قانون الاحوال الشخصية خصوصا ان زوجك يضربك
يعني لو انت مصرة على الطلاق مابتتعطلين عساك اشتغلتي بياعة باي محل يااختي حددي اش تبين انت جالسة تتعذرين وعندك بنت واحدة وعايشة معه 7 سنين وكارهته لا انت راضية تتقبلينه وتتعايشين مع وضعك لانه افضل من وضعك كمطلقة واكيد لك حساباتك وكلامك مو من فراغ وبنفس الوقت رافضة تتعاملي معه باسلوب جديد لتنقذي حياتك ولتعيشي معه بانسانية اختي واضح زوجك لا يفهم ولا عمره بيفهم وعلى كلام مو فاهمك ولا بيفهمك وكيف تتوقعينه يفهمك وانت بينك وبينه حاجز هو به كل العبر حاصدقك لكن انت مو ملاك انت كارهته كارهته كارهته ولا حتى مستعدة تجاملي على الاقل تنازلي لانك محتاجة له خلي هالايام اللي عايشتها ببيته راحة لك لا تنسي انه فاتح لك بيت ضافك انت وبنته ويصرف عليكم وانت لا عندك وظيفة ولا متعلمة ولا عندك اهل تستندين عليهم والا لو انه هو من طلقك حتروحي وين انت مو حابة الطلاق والا ارجع اقولها لك الطلاق ممكن ومو صعب خصوصا ببلدكم وحتى لو انك ماعندك شهادة او ماعندك وظيفة عساك تعيشين على الخبز والماء بتعيشين وبنتك مابتتعطل لكن انت تبين كل شي خلاص هو قدرك ونصيبك وانت اما تسعي بجدية لتغيير وضعك بشكل ايجابي او اقبلي بالامر الواقع وحسني من وضعك افتحي قلبك لزوجك زوجك يحبك وباقي عليك والا لو واحد تتعامل معه امراة بهذا الشكل اش تتوقعي منه يعاملها وانسان جاهل ومتخلف وكلمة توديه وكلمة تجيبه جربتي تغيري من اسلوبك معه ومانفع جربتي تعطيه ريق حلو جربتي انك ماتتهجمي عليه وتتذكري له كل الماضي صحيح اللي صار لك بشع لكن هو بالنهاية كان زوجك وان كان اسلوبه همجي وغير مقبول ودام انك رضيتي تعيشي معه 7 سنين فاذا اللي فات مات لا تجين بعد 7 سنين وتحاسبينه على تصرفات قديمة تجاوزتيها وعشتي معه فيها قبضي على بيتك وين بتروحين قلتيها اهلك ماعندهم اخوانك كل لاهي بحياته شهادة ماعندك بخيل لكن بالنهاية يدفع ويصرف عليكم وجربي تغيري اسلوبك ويمكن يعطيك جربي لا تستفزيه وامتصي غضبه ومابيمد يده عليك ولو صارت حتى هدديه بالشرطة يااختي اصلحي حالك محد بينفعك حنا كلنا بعيدين عنك ومابنغير حياتك بتسكرين هالنت وبالنهاية مابتلقين غير زوجك وبنتك اصلحي بيتك وتوكلي على رب العالمين ومافيها شي تدوسي على قلبك ومشاعرك وتمثلين عليه على الاقل لتحظي بعيش كريم لانه هذا افضل الحلول لديك الله يسهل عليك ويهديك ياختي |
هلا اخوي ساحوري ..... اني اخوي مكمله درااستي الثانويه ...وبعد ماخلصت من درااستي اراد ان نتزوج ويوم رفضت الزوااج تهجم علي واغتصبني .....كنت شاطره في المدرسه بس بسبب الحيااة الي كنت اعيشها ونفسيتي التعباانه نزل مستواي الدرااسي بس مو واجد لان كنت احاول اني ما اخسر حيااتي الدرااسيه والحمد لله جبت مجموع زين ودخلت الجامعه من خلال مهري طبعا .........ثم رجعت اليه ويوم عرف ان الفلووس مهري قريب بتخلص وان بعدين هو الي بيدفع طلعني من الجامعه بالرغم من اصراري ..وكلمت اهلي بس محد سمعني للاسف .......وخسرت حيااتي الدراسيه في الجامعه ...لاكن ماتراجعت عن موقفي وقلت باقي مهري بدرس في معهد البحرين وهو ارخص من الجامعه .....والان ادرس في المعهد وان شاء الله اخر سنه الي والحمد لله مجموعي مرتفع بالرغم من الظرووف الي امر فيها .......... اني دائما اذكر الله والحمد لله وماانسيته في اي شده تصيدني ........... هلا اخوي ضاحي ......... اكيد اخوي اني لازم اشتغل واكون الى روحي مستقبل .......بس اخااف ما الاقي وظيفه وخصوصا في بلدنا البطااله وااجد ..........ياريت اطلق منه بس خاايفه اخطي هالخطووه .......... انت ماتعرف اهلي ........اهلي عندهم المطلقه نفس الزاانيه .... اني حبيت اشووف اني على صح وله غلط .... حبيت اشووف اني غلطاااااانه في قرارااتي الي احس اهلي مو متقبلين الوضع ان بنتهم تطلق ....... هلا خيوو 3thooooooob........ ياريت يفكر في بنتي ...... تدري كل مرة هواشي ويااه على بنتي اكثر شيء ... يضربها بالرغم ان هي ماسوت شيء ....دائما يعصب عليها .... مااحسه يحبها ......طبعا مافي ابو يمكن مايحب بنته بس هو مايعرف يتعاامل ..يتعامل وياها بخشوونه حتى بنتي تكرهه وماتحبه ..........حتى في ايام المنااسبات مايرضى يشتري الينا شيء ....... شنو اقول وله شنو اخلي .......... هلا خيوو عود ند....... ويكوون في عوون الجميع يارب........ هلا اخوي ازواج ولكن..... طبعا اني ادعي كل يوم والحمد لله مو مقصره في هذا الشيء....... الله كريم ........ هلا اخوي abo marym....... اني طبعا مالي اله الله ...... اخي الكريم اني الحمد لله لم انسى الله .....ودائما التجأ اليه ...... والحمد لله مداومه على الصلوات الخمس ........ طبعا اني التجأ الى الله .....بس مو حراام اني التجأ الى بشر بعد الله اني اتحاور وتنااقش ويااهم في مشكلتي وان يسااعدوني ....... ماتدري يمكن هالشخص من عند الله خلااه يقف بجاانبي ........ هلا خيوو شــ أنثى ــموخ........ ياما رحت الى اهلي بس وين اهلي ........ وفرج هم الجميع........ هلا خيوو خواطر امراة........ هذا كلام من قال ان الحكم في البحرين منصف بالنسبه الى المرأة يمكن الى السنه ..بس احنا الشيعه مافي عندنا هالكلام ........ مو على الشغله خيوو ....انتون ماتعرفون واقعنا احنا شلوون نعيش ....... اني مو اتعذر ....اني صج عندي بنت وحده وصبرت 7 سنواات بس تعبت كفاايه ..... مو حاابه اجيب بعد ثاني وثالث مع ابو مايستحق الابووه ....... من قال اني مااتعامل ويااه بأسلوب حلو ........ اني صج كارهته بس اني ضعيفه شخصيتي .....كل الي يبيه اوفره اليه بس اني وين احتياجااتي .... اني قلت من الاول لو كان اسلوبه ويااي عدل مااقول اني احبه بس بقدر شعورة ويااي وبقدر الي قااعد يسوويه علشااني .....بس من معاملته ويااي اني كرهته اكثر واكثر ....... اني عاملته احسن معامله بس هو الي مااستحق هاالمعامله الي تعاملته ويااه ...... تدرين شنو يقوول الي ...انا صج احبش بس احب الفلوس اكثر .. واذا تبين تطلقين بطفشش وبخليج انتين الي تطلبين الطلاق مو انا ....علشاان اخذ من عندج فلووس .....هذا كلام واحد رجاال ........ كل وحده تبي تحس ان عندها زوج .. ويكون رجاال يعتمد عليه وله هذا مو من حقي ......... خيوو اني مابنيت الحااجز ..قلت اليش بعد مارجعت اليه كنت انساانه ثانيه وحاابه اني اتعاايش ويااه بالرغم كرهي الي ...طبعا علشاان بنتي .....بس هو معاملته ويااي غيرتني .......... الكذااب الي بقوول اذا في شخص يعاملك زين انت بتعامله بخشوونه .... والي يعاملك بخشوونه بتعامله زين ........ وحتى لو صار هالشيء بس مع نااس تفهم الى الامر وتصير ويااك مثل ماانت ويااهم ... بس الي ماايفهم شنو نسوي اليه ........اموت علشاان اخليه يفهم يعني .......... خيوو اني الحمد لله متعلمه ومن المتفوقين كنت بالدرااسه ... هو الاهل ماعندي اني استند عليهم هذا صح بس شنو اسوي اذا ماعندي اهل ....... اهلي تعبووني والحين هذا زوجي متعبني اكثر واكثر........ ااااااااااخ كم مرة فتحت اليه قلبي وقلت اليه انت تدري كنت ماحبك بس الحين انت ابو بنتي ولازم اتفاهم ويااك ونحب بعض ونقول الى بعض كل شيء بصراحه ....... اني الحمد لله انساانه عاقله واعرف اوزن الاموور ...بس يمكن شخصيتي فيها ضعف شووي او خووف من الوااقع المر الي اعيشه .......... شلوون مااحااسبه وهو كل دقيقه وكل ثاانيه في هال7 سنوات دمرني ودمر حيااتي ......... لو ما اصراري اني اكلم درااستي انجان وين اني بكون الحين ........... وين يصرف علي وفاتح الي بيت ........ اني عايشه في بيت عمي وفي حجره ...... وناكل ويه بيت عمي ..يعني هو مايدفع شيء ....... حتى الى بيت ابووه مايعطيهم شيء وله يسااهم بأي شيء........ وهو معروف عند الكل ان بخيل ............... على مااعتقد البنت ماتقدر تعيش ويه واحد ظنون وله بخيل ......... بس اني صبرت وقلت يمكن يتغير ...بس اشووفه كل ماليه يدمر ... كل مايشووفني ساكته وماعندي اهل يوقفون ويااي هو زاد علي ....... اااااااااااخ الظااهر محد يحس فيني ....... على قولتهم الي ايده في المااي مو نفس الي ايده في الناار .......... المهم مشكورين كلكم على ردوكم ونصاائحكم ....... بس حبيت اطرح مشكلتي هني وافضفض شووي من الي داخلي تعبت واني اكتم في دااخلي من هم وعذااب ........... زوجة حزينة |
الله يعينك يااختي
وضعك صعب والله يفرج عليك وزين انك مصرة على الدراسة زوجك مامنه فايدة مااعتقد انه بيتحسن وضعه واضح انه بصوب وانت بصوب لكن اعتق بامكانك رفع دعوة عليه حتى بالمحكمة السنية انت اسئلي عن الموضوع اسئلي عن الطلاق وحقوق المطلقة لكن ليش الامر صعب بالنسبة للشيعة مافهمت انتوا ماعندكم خلع تقدري تسئلين حتى عن طريق النت حتى لو ماسعيتي رسميا للانفصال لكن تعرفين وين تحطين رجلك كلام زوجك مفروغ منه ارمي طوبته لكن حاولي على الاقل تهونين على نفسك كذا بتعيشين ماتفكرين الا بالنهاية وبتشوفين الطريق مسدود والطريق مو مسدود يااختي واحنا متوكلين على رب العالمين يمكن اوضاعكم المادية فقيرة لكن مع هذا تقدري تشتغلين حتى لو فيه بطالة لكن دام انك معه حاولي تكيفين اوضاعك انت محتاجة له رضينا ام ابينا سايريه هو متخلف وعقليته محدودة وماعنده اسلوب لا تجينه لا باسلوب عقلاني ولا اسلوب عاطفي مايبفهم هالشي هو عقليته وين والكلام اللي تبينه وين سايري امورك مشي حياتك بالسياسة وارخي للريح لا تدوسك عندك بنت وحطي امامك خطة وامشي عليها وخطتك للخلاص ماحتصير وانت ماعندك اي سلاح تتقوين فيه اما كذا تروحين مثل مارديتي اش استفدتي |
السلام عليكم ورحمة الله وبركاته
يالغالية قطعتي قلبي... اسمعيني يالغلا لا تشوفين لا صديقة ولا غيره .. لا تشوفين غيرك كيف اتعقدت امورهم .. يظل في تفاصيل خاصة انتي ماتدرين عنها ... يالغالية اول شي اتسوينه ... افتحي النت .. وابحثني وحاولي اتعرفين القانون كيف عندكم .. يعني بالمذهب الشيعي... لازم فيه منفذ.. احرصي تسالين .. كذا شخص لحد ماتلقين جواب... وبعدين اذا حسيتي ان فيه خلاص... اتحركي بسرعة ... واتخذي قرار قوي... ولا تفكرين بلا مجتمع وغيره .. مثل ماقلتي الي ايده بالماي مو مثل الي ايده بالنار.. كلامهم مايودي ولا يجيب.. كم بيدوم سنة ولا سنتين ؟؟ وبعدين ؟؟ بيلقون غيرك يتكلمون عنه ... هذي المساله لا تفكرين فيها ... وفي حال مالقيتي منفذ.. وحسيتي ان استمرارك بهالزواج بيكون افضل.. لك ولبنتك .. غيري نفسك اول... وبعدين غيري زوجك .. قوي شخصيتك .. لازم اتكون لك كلمة في زواجكم .. حنني قلبه على بنته .. خليه يحس في بنته .. اذا كان طالع اطلبي منه كم غرض.. اذا بنتك لا سمح الله مرضت ولا شي.. خليه يحرص يوديها للعيادة او شي.. خليه هو يتصرف بكل شي وانتي شيلي ايدك .. واصري بانكم تطلعون في بيت بروحكم .. ترا مافي اتعس من العيشة في بيت اهل زوجك .. لا وبغرفه بعد .. ذكرتيني في معاناتي اول..!!! لا تسكتيييييييييين ابدا ... لا تخلينه يعتمد على هله .. هذا اكبر غلط .. الرجل صار اتكالي.. في اساسيات لازم تتوفر لك .. مصروف كل شهر... لك ولبنتك ... سكن مستقل.. لازم تعيشين حياة مستقرة وهادية .. لا تسكتين على الضرب والاهانات .. ولا تحسسينه ابدا ان اهلك مو سند لك .. لانه بيزيد عليك وبيترهى .. وبتعانين معه كثييير... صبرتي عليه سبع سنوات وانتي ضعيفه .. كملي معاه وانتي قويه ... لكن لا تتخذين اي قرار سواء بالانفصال او الاستمرار الا وانتي مقتنعه .. لان قناعتك بقرارك بتخليك قويه .. وصدقيني كلامه انه بياخذ بنته تراه كلام فاضي.. لانه مو قد مسؤوليه انه يربي بنت .. ولا يتحمل مصاريفها .. بيلوي ايدك عشان ترجعين وانتي خاضعه مكسورة الخاطر بلا شروط ولا قيود ... بنتك لا تفكرين فيها ولا تشيلين همها .. الي خلقها مانساها وهو ارحم عليها ... وقبل ماتتخذين اي قرار صلي استخارة مرات ومرات ... يالغالية .. انا امر بظروف بعد ... ماقول نفسها لكن مشكلتي معقدة ... والحين انا في بيت اهلي .. رافضة ارجع له .. في بيت اهله .. لاني كنت عايشة في غرفه اصغر من غرفتي في بيت اهلي.. وعندي بنت عمرها الحين ست شهور... ماقدر اتخذ قرار .. لان في قراري ممكن احطم قلوب..او اسعد قلوب... وقراري بيكون مصيري.. لكني افكر مليون مرة .. واصلي كثير وبعد كل صلاة احس براحة .. واحس ان اموري بتنفرج قريب.. يا ارجع لزوجي بكرامتي في سكن مستقل.. ولا انفصل عنه ... ممكن يالغلا التفكير ياخذ وقت .. وهذا الي بيصير لكن بالاخير بترتاحين ان شاء الله ... اسمحيلي على الاطاله ... |
قرأت رسالتك على عجل أطيب خاطرك بأنك الزوجة المتفائلة أتصور أن صناعة الأحزان عملية يجيدها الجميع لكن استشعار عظيم نعم الله في السراء والضراء مضاد لدحر كيد الشيطان ..الأخت الفاضلة الأعور يسقط في الحفرة وهو يرى الطريق المعبد.أطبطب على أحزانك لتلوحي عالية في الأفق تعلوك ابتسامة خفيفة لاتنسي أنك الأم الفاضلة ..حاولي التقرب من الله ..خصصي منة وقتك لمناجاة ربك في السحر..إن صنفا من الرجال محاط بسياج من الكبر الاجتماعي حاولي أن تكسريه بلطف من الجيد أن تتمتعي بأنوثتك أمامه دون خدش لرجولته ..اختاري صديقة أمينة لتفضفضي عليها ليكون صدرك واسع مع ابنتك الجميلة لأن أخشى مع عدم الحل أن تصابي بردة فعل تجاه ابنتك..إن الجميع يشاركك الألم الكل مصاب والدنيا موطن الابتلاء احذري الطلاق ليس لضعف فيك وإنما لأجله هو لأنه ابن عمك الذي يحبك ويغليك جربي وأبشري.
|
هلا اختي الزوجة الحزينه
ان شاء الله في هذا الشهر تكون اخر احزانك اختي ... في ناس من معارفنا ...في البحرين ..ومن المذهب الشيعي .. وصار عندهم حالتة طلاق ..بسبب سوء معاملة الزوج للزوجة وبسبب عدم صرفة على الزوجة ... وكان في بينهم بنت ... اختي فعلا ..المحاكم ا لشيعية صعب الحصول فيه على طلاق لكن في المحاكم السنة ...قدرت البنت انها تحصل على الطلاق ..وحضانه البنت .. اختي لا تسكتين عن حقك ..بنتك سواء معك او مع ابوها ..لن تموت .. سوف تعيش احسن عيشة ومن قال لك ان رجل بهذه المواصفات سوف يتحمل مسؤلية بنت هو يقول لك ذاك ليخوفك اختك ..حذرية ان مد يده عليك سوف تشتكين عليه عند الشرطة واذا كرر الضرب مرة ثانية ...فعلا اذهبي فورا وحرري محضر بضربة لك .. وهناك ...قولي كل ما عندك من شكوى عليه .. اختي ..الرجل اذا راي الزوجة ضعيفه يظلمها اكثر .. لا تضعفي ..الحق معك .. يمكن ان تأخذي ابنتك معك عند الشرطة وتثبتي انه لا يصرف عليك بدليل سوء حالة بنتك الصحية ونقص التغذية اختي ... اهم شي مواصلة دراستك ...حتى تستطيعي ان تتخلصي منه وتستطيعين ان تستقلي بنفسك وربي معك |
هلا خيوو خواطر امراة.... ويعين الجميع يارب... أي مصره عليها ولن اتنازل عنها ...والله يوفقني ان شاء الله ..... ماعتقد اهلي بيرضوون اني اذهب الى محاكم سنيه ..... عندنا هالشيء ..بس بشروط اذا اني الي طالبه الخلع ادفع اليه أي مبلغ يريده بس اني من وين الي ... كما قلت اهلي مستحيل يدفعوون اليه ......... خيوو اني عندي امل برب العالمي لو ماهذا الامل انجان من زمان اني ميته ....... ان شاء الله احصل شغل واقدر اصرف على روحي وعلى بنتي واتمنى اني ماحمل منه مرة ثاانيه حتى لا تزيد علي اعبااء الحيااة ........ حاولت اني اخذ منه بس ابد مافي فايده ....الفلووس غسلت مخه ...... احنا اذا مابيصرف علينا عيل وين اروح .....يبااني اروح طريق الحراام علشاان اصرف على روحي .... لو ماني اهلي مربيني تربيه صح انجان من زمان ضعت في هالدنيا ........ ااااااااخ هذا مايفهم حتى الى السيااسه ..... هذا اني بعدي ماشتغلت وكل ماقول اليه ابغي شيء قال اذا اشتغلتين اخذي اليج ... ولا ويقهرني يقوول بعدين اذا اشتغلتين اشتري الي مو بس اليج.........واني اخذه على قد عقله اقول اليه ان شاء الله بشتري اليك كل شيء بس ان شاء الله اخلص واشتغل ...... هو الي خالنه موافق اني اشتغل كله الفلووس .......... بس بعدين اذا اشتغلت يمش فهمه اعطيه شيء... هلا خيوو أم وداد ......... وعليكم السلام : اني الحين بحاول اني اعرف كل شيء عن الطلاق والحكم الشرعي وبشووف الى وين اوصل ويااهم ...... صح كلامج خيوو ...بس مو اقصد النااس الي هم غريبين عني ...اني اقصد اهلي ....وين ابتعد عنهم ويسكتون عني ......... شنو اغير من نفسي اني اول مارجعت اليه غيرت من نفسي واجد ودست على قلبي ومشاعري ..بس للاسف حق انساان مايستاهل ......... اااااخ بنته .....بنته يااما اقول اليها روحي الى باابا وحبيه وقوليه اليه تبين حلاوة أي شيء المهم تتقرب منه .....بس من اتقول اليه تبي شيء قال اليها امج بتشتري اليج...... شاايفني في بنك واني ماادري .......... وين اطلب منه ..من اقول اليه نبي شيء يهرب .......علشان بس لا يجيب الينا ....... اذا اشترى الينا شيء تصير معجزه ......... واذا اسأله يقول امي قالت الي ..... يعني لو ما امه مااشترى الينا الاغرااض الضروريه .......... اني شفته يسمع كلامه امه .... واني الله يشهد علي احب امه وهي تحبني وتعاملني نفس بنتها ....يمكن ساعات تشوشه وتوقف في صفه لان ولدها ....بس احيانا توقف ويااي ........ بس في سالفه الفلووس مستحيل تفنعه امه ....... لو شنو يصير مايقتنع ....بالغصب تقدر ان تقنعه يشتري الينا الاغرااض الضروريه ....... حتى امه جاايب اليها الضغظ والسكري ... وكله تقول اليه مابموت اله منك ومن حجايجك علينا اني ومرتك بنمووت وانت الي بتعيش.......... وين اخلي مايصير اتكالي .......وهو مايعطيني فرصه علشان اقول اليه بلي نبيه ....... هذا لو نطلع بروحنا انجان نموت مو بعد سوء تغذيه ....احنا في بيت عمي وسوء تغذيه لو بروحنا شنو بصير............ اااااااااخ هذا كله احلم فيه ..بس وين مو لاقتنه ....... اني ماابين الي ان اهلي مو ويااي بس هو يشوف بعيونه اذا اروح اشتكي عندهم مايسوون الي شيء ويرجعوني اليه ......شنو تتوقعوون يعني اكيد بزيد علي ........ ادري الي خلقها مابينساها .......بس اعرف زوجي عنوود واذا تطلقت منه بحاول ان يحرمني من بنتي لان يعرف أي كثر احبها ........وبحاول ينرفزني ابها ......وطبعا بيزوج والي بياخذها اكيد مابتكون احسن منه وبتعذب بنتي لان في الاصل زوجي ماايحب احد علشان بيعتني فيها ........ اني استخرت كم مرة وسويت خيرة عندنا ... ويطلع الي زين وبتعيشين في السعاده اذا تطلقت بس خاايفه اخطي هالخطووه ........ الله يسهل عليج اختي .....ووفقج ....وخلي اليج بنتج وتتعدل اوضااعج ....... وصيرين احسن مني ......... هلا اخوي البعبع اللطيف ......... مشكور اخوي وماتقصر .......اني الحمد لله دائما اذكر ربي .... ااااخ لقد تعاملت معااه بكل الانووثه وبدوون مااحرج أي شيء في رجوولته ...بس صدقني حتى لو حرجته او طعنته في رجولته مابكون عنده أي اثر لان شخص عديم الاحسااس ............ لا احب ان اقول الى احد عن مايوجد بدااخلي .....بالرغم الي يشووفني مايقول اني مهمومه ودائما الضحه على مرااسم وجهي .....حتى صديقااتي يفكروني احب زوجي وعايشين قصه غراام ...لان عمري ماقلت اليهم عن زوجي أي شيء او عن علاقتي اني ويااه ... وكنت داائما امدح اليهم زوجي ......... ابنتي سااعات من القهر احط حرتي فيها بالرغم ان هي ماليها ذنب في الي صاار ...بس سااعات احس العذااب الي اني فيه هي السبب لو ماحملت منها انجان من زمان تطلقت وكانوا اهلي ويااي .......... اااااااااااخ وين يحبني كلمه حب لا تنوجد في قاموسه ياريت يحبني حتى لو يحبني ابغي احس بحساس الحب الي فاقدتنه .......... هلا اخوي Fafi ........... ان شاء الله ...الله يسمع منك........ ادري ان في المحاكم الشيعه صعب الطلاااق ....بس اهلي مستحيل يلجأون الى محاكم السنيه ....... ومابيرضوون بهذا الشيء........ اني اهدده اني اوديه الشرطه علشاان يقول الى الكل اني قلت اليه هالكلام واصير علج في حلووج الي يسوى والي مايسوى ......... زوجي فتاان الى درجه كبيرة ....كل شيء يصير بيني وبينه امه تعرفه كل شيء ........ ودخل امه في كل الامور ..على قولتهم طفل امه ......... احنا عندنا وحده من اهلنا زوجها مايجيب عيال ..يوم طلبت الطلاق وقالت تبي تطلق علشاان تبي عيال وتحس بالاموومه .... قامت القيامه عليها لان تبي تطلق ...لاكن لو رجال ماقالوا هذا الكلام وقفوا ويااه وقالوا من حقه يصير ابو ....... بس المرأة عندنا حقها ضاايع ........ لو اوديه الشرطه انجاان وله يفكني من السنتهم واولهم اهلي ................ قلت بقول الى الدكتورة ان زوجي مايصرف علينا وله شيء ..بس استحيت اقول اليها ........ قلت اليها اني مااشتهي اكل ... وبنتي بعد ......... أي اكيد بواصل درااستي ومستحيل اتخلى عن حلمي وطمووحي .... اني الي مصبرني عليه اني ابغي اكمل درااستي واشتغل واعتمد على نفسي ........ وافتك منه ............. مشكورين كلكم على ردودكم وتفااعلكم الجميل ويااي .... زوجه حزينة |
هلا اخوي Fafi ...........
ان شاء الله ...الله يسمع منك........ ادري ان في المحاكم الشيعه صعب الطلاااق ....بس اهلي مستحيل يلجأون الى محاكم السنيه ....... ومابيرضوون بهذا الشيء........ اني اهدده اني اوديه الشرطه علشاان يقول الى الكل اني قلت اليه هالكلام واصير علج في حلووج الي يسوى والي مايسوى ......... زوجي فتاان الى درجه كبيرة ....كل شيء يصير بيني وبينه امه تعرفه كل شيء ........ ودخل امه في كل الامور ..على قولتهم طفل امه ......... احنا عندنا وحده من اهلنا زوجها مايجيب عيال ..يوم طلبت الطلاق وقالت تبي تطلق علشاان تبي عيال وتحس بالاموومه .... قامت القيامه عليها لان تبي تطلق ...لاكن لو رجال ماقالوا هذا الكلام وقفوا ويااه وقالوا من حقه يصير ابو ....... بس المرأة عندنا حقها ضاايع ........ لو اوديه الشرطه انجاان وله يفكني من السنتهم واولهم اهلي ................ قلت بقول الى الدكتورة ان زوجي مايصرف علينا وله شيء ..بس استحيت اقول اليها ........ قلت اليها اني مااشتهي اكل ... وبنتي بعد ......... أي اكيد بواصل درااستي ومستحيل اتخلى عن حلمي وطمووحي .... اني الي مصبرني عليه اني ابغي اكمل درااستي واشتغل واعتمد على نفسي ........ وافتك منه ............. مشكورين كلكم على ردودكم وتفااعلكم الجميل ويااي .... زوجه حزينة[/COLOR][/CENTER][/QUOTE] هلا اختي الزوجة الحسينه اولا انا اختك وليس اخيك المهم اختي اللي يبغي التحرر من قيد ملزوم يتحمل ان في سبيل فك القيد ان تنجرح يده ..ويتحمل شوي الم ووجع انت يا اختي ما عندك استعداد انك تسمعين كلمة من اهلك انت يا اختي استحيتي انك تقولي للطبيبة ان زوجك ما يصرف عليك و مجوعك اختي هنا ما احد يقدر يساعدك غير نفسك اتمنى لك حياة سعيده تحياتي |
اقتباس:
|
عورني قلبي..
الله يعينج حبيبتي.. |
| الساعة الآن 11:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©