المشاركة الأصلية كتبت بواسطة abu_faisal1

السلام عليكم
ااخواني واخواتي عندي مشكلة ذابحتني الا وهي امي
انا كنت قبل سنتين ملتزم وكنت اصلي واعتكف
ومن سنتين تغيرت وانقلبت 180 درجة وصرت ما اصلي الا نادرا وكثرت معاصيي وبقيت على هذا الحال سنتين ثم الان وقبل 4 اشهر ولله الحمد استقمت على الصلاة لكن حلقت دقني ومن يوم حلقت دقني كاني كفرت
صارت امي على الطالعة والنازلة تنصحني لكن ليته نصح بطريقة حلوه او لحالي
لكنها ما تنصحني الا قدام اخواني وتنصحني بطريقة هي اشبه بالسخرية (دائما تقول ليتني ما عطيتك فلوس لكذا وكذا لانك ما تستاهل) وكل كلامها عن النار والقبر والعذاب وكل هذا عشان التراويح والتهجد ما اصليها والصلوات المفروضه انام عنها ما تقول شئ
وخواتي واخواني ما يصلون التراويح والتهجد ما تقولهم شئ يعني ما تشوف الا انا
يعني انا قبل يوم كنت ما اصلي (ودائما على جنابة مع اني مو متزوج) لكن كان عندي دقن كان الوضع طبيعي
والان يوم صرت اصلي لكن حلقت الدقن صرت كافر !!
والله اني اتمنى اني اسافر اي مكان عشان ابعد عنها
يعني اول كنت اروح اجلس معها واسولف اما الحين حتى وانا طالع لغرفتي ترمي علي كم كلمة زي (روح انت ووجهك اللي صاير زي وجه الحريم لا دقن ولا شئ )

انا احترت معها والله وابيكم تساعدوني

المشاركة الأصلية كتبت بواسطة abu_faisal1

والله اني اتمنى اني اسافر اي مكان عشان ابعد عنها
يعني اول كنت اروح اجلس معها واسولف اما الحين حتى وانا طالع لغرفتي ترمي علي كم كلمة زي (روح انت ووجهك اللي صاير زي وجه الحريم لا دقن ولا شئ )

انا احترت معها والله وابيكم تساعدوني