|
الطلاق احيانا رحمه .. نجاة .. نصر .. تفريج هم .. بداية حياة جديدة .. راحه .. اطمئنان .. الطلاق احيانا رحمه للمرأة <الزوجة لاتقولين اصبر عشان عيالي او ارجع له عشان عيالي !!!!!!!!! لا بأمكانك تعيشين مع عيالك ببيت مستقل عن والدهم او تأخذينهم معك واهلك يتفقون مع زوجك بارسال نفقه شهريه لهم الزواج موده ورحمه انت ما تزوجتِ عشان تنضربين او تهانين للأهانه وللذل !! إلى متى ! هل تريدين ان تصبحي مريضه نفسيا او تلحق بك عاهه جسدية او ماذا ! فرج الله همك الطلاق رحمه و لا خير في زوج يضرب زوجته وإلخ ! الله معك اختك |
هذا أقل من انه يكون رب أسرة
واللي مثله أقل من انه يعول اطفال صغار الله لا يوفقه لا بدنيا ولا بآخره والظلم ظلمات يوم القيامة اختي كلمي اخوانك وقولي لهم انه يضربك واذا احد منهم اخذك من البيت اطلبي الطلاق واضع ان مشكلة زوجك أكبر من انها تتصلح خليه تعلمه السنين اهم لا تقدمين على هالخطوة الا اذا كنتي ضامنه حياة كريمة عند اهلك (لبقية العمر احتياطا) عذرا لكن احيانا يضيق الاهل ببناتهم مع مرور السنين او مع غيرة زوجات الاخوان (لا حول ولا قوة الا بالله) |
اقتباس:
مين اللي واطي النار برجليه؟ انتي والا امك؟ والا احسن يسبب لك اعاقه يعني كلمي اخوانك يا الغلا وبسررررررررررررررررررررررررررررررررعه وخلي كلام امك على جنب هداها الله بس |
اختي اخبري اخوانك ووالدك بما يحدث ضروري لا تسكتين على مايحدث رجاء يا اختي والله معك
|
اختي الغاليه والله وانا اقرى كلامك اني اتذكرنفسي العام برمضان اقسم بالله ان كل كلامك مريت فيه
والله ان كانك تتكلمي عن حياتي وشوفيني هالحين ببيت اهلي لاكن انا ماسكت له من زمان دخلت اهلي وزعلت ورحت ورجعت وكل الناس عرفو بسالفتي ودخلت المستشفى المهم النهايه كانت طلاقي منه بالثلاث وكمان يتمنذل في الورقه لكن ان بنصحك بشي وعارفه انه صعب لاني حاولت اجربه بس ما استمريت تكوني قويه مره وتتركيك من انك تراضينه بمعنى اصح اسفلييييييييييييه بقوه لبي احتياجاته يعني واجباتك واتركيك من تدلعيه وطنشيه لاتتكلمي ولاتجادلي كل ماصرخ طنشي ولاتردي عليه بس حاضر طيب وحاولي تتجنبيه مره وربي ان هالنوعيه من الرجال مايبغالهم الا المراءه القويه وياحلينا احنا ضعاف مره طليقي سب مرت اخوه ومادري انها سمعت وبعدين قالتلي قوليله ينطم وسبته ووصلتها له وهي قويه وخلت زوجها يكلمه وطنشتها طبعا هو يكشف عليها تصوري يوم العيد جالس قدامنا كلنا وانا بجنبه ويكلمها ويعتذر ويباركلها بالعيد وربي ما التفتت فيه حتى ولو ادبتيه ببيتك انتي احسن واستخدمتى اسلوب القوه وشوفي لمى يزعلك لاتطلبي الطلاق ابدا قولي انك راح توصليها لاخوانك وهما بيتفاهمومعاك اوقولي لواحدمن اخوانك الكبار يجي ويشوف جسمك وجيبي ابوه يعني زي ماقال ربنا وابعث حكما من اهله وحكما من اهلها ان يريدا اصلاحايوفق الله بينها وعدي العيد على خير اهم شي لو اتخذتي القرار انك بتروحي عند اهلك وبتتركي اولادك انتبهي لايوديهم عند امه خليه هو الي ينحاس فيهم ولاتخليه يلق ابد ولاتتجاكري معاه اطبخيه على نار باااااااااارده وهدي دائما ولاعاد تقولي ان اولادك همانقطه ضعفك لان كل ام معروف قد ايش بتتحمل علشان عيالها بس لاتبين له ابد وش نقطه ضعفك كوني قويه في الحق واستغلي يومك بكثره الاستغفار والدعاء خليهم دايم على لسانك واذا تقدري كل يوم تختمي البقره قيام والله راح تشوفي السعاده باذن رب العباد اهم شي قرري في نفسك انك بتعيشي معاه علشان تعبدي ربي وتربي اولادك وهو اسحبي عليه وادعي له في كل صلاه واذا زعلك لاترضي بسهوله وحالولي تنشغلي بعيد عنه اجلسي بغرفه اولادك معاهم سولفي ولعبيهم وربنا معاك وبرائي تعرضي مشكلتك على قسم الاستشارات الخاصه كمان وتتواصلي معاهم دايم وتحكيهم بكل تفاصيل حياتك الله يسعدك ويوفقك وينور دنيتك ويحفظ لك عيالك ويهدي لك زوجك ويحنن قلبه عليك حنان الاب على ابنته |
الاخت الفاضلة أريد أن أعبر عن رأي في هذا الموضوع
خير الكلام ما قل ودل هذا النوع من الرجال أفضل شيئ أهجري قدر الامكان حاولي تخلي ينام بعيد عنك وأذا سار أي أشكال ما تناقشي حاربي بالصمت فيسكت لوحدة أهم شيئ لا تشعري بالضعف |
الله يكون بعونك
بس اللي لاحظته انك كثييييييييير كررتي أولادي أولادي أولادي وسؤالي واعذريني فيه أي نفسية سيحيى بها أولادك وهم يرون امهم والتي من المفروض ان تكون مصدر قوه لهم وثقة وهي بلا كرامة يرونها تضرب وتشتم وتطرد ثم زوجك هل سيتعامل مع اولادك بحب ووئام وهو يسيء لك لا اظن فأظنه سيتعامل معهم بجفاء وغلظة كما يعاملك تحتاجين وقفة ولم ينته الأمر عند امك اخبري اخوانك حتى لو كبر الموضوع خليه يكبر واصلاً هو كبير بروحه يا يتعدل ويصير رجال يا الله يريحك منه ورزقك على الله اخوك |
يا اختي لو كان شي غير الضرب كنت بقولج اصبري
لكن رجل يمد يده على حرمه هذا مو رجل روحي بيت اهلج وخليهم بالصوره بصراحه هذا ما يتعاشر !!!!!!!!!!!!!!!! |
جزاكم الله الجنه والعتق من النار بهذا الشهر الفضيل على هذي الردود
زوجي حجز لي اليوم وما رضي آخذ عيالي وامي الله يسامحها قالت لمرت اخوي تتصل علي وتقنعني اني ما اروح للعيد عندهم الا معي عيالي وامي تدري بوضعي الدمار بس راضيه بجلستي هنا اساسا انا مالي اي قيمه عندها كلمت زوجي وقلت لا تضربني ابد وقال انه ما راح يضربني <<< واذا عصب انقلب الكلام وقلت اهم شي الاحترام بيننا ادري اني جالسه ابيع كرامتي بهالحكي بس وش اسوي اخواني اخاف اقولهم ويكبرون المشكله وبالخير اروح اقعد عند امي اللي بتوريني الذل مشكلة امي عقليه قديمه حسبي الله ونعم الوكيل زوجي يقولي اذا رحتي بدون رجعه ولا حجز لي عوده يهدد وين اروح الله يجيب الموت والله انه ارحم من حالي لا تظنون اني ضعيفه لا لكن انا افكر بالعواقب اذا رحت عند اهلي امي والله ان توريني انواع المشاكل عشان تتطفشني سبق وسوتها قبل كم شهر كرهتني بعيشتي الى ما رجعت ولا يهمها وشلون وضعي اهم شي ما اطلق الله يسامحها والله اخاف اعقها واكرهها بسبب مواقفها معي انا الحين بين نارين وين اروح استغفر الله الله يرحمنا برحمته بس والله صرت زي المخدره وراسي راح ينفجر من التفكير يارب منك الفرج الله يعين ياااااااارب منك الفرج حسبي الله ونعم الوكيل |
اختي العزيزة
استخيري الله وأنا استخرت وتطلقت منه..بل خلعت لأانه لم يريد أن يطلقني لكي ابقى معلقة لكنني خلعت وأي نعم..الخطاب نادريين جدا بل معدومين..لكن لا يعني انني تندمت لا والله..لم اندم ابدا على قرار الطلاق ندمت على زواجي منه الذي طير مني العرسان ولكن اسأل الله ان يصلح حاله وأن يكون نعم الزوج ويتغير للأحسن لا تنسين تدعين الله كثيييرا وخاصة في هذه الأيام المباركة وفقكي الله |
| الساعة الآن 04:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©