|
على حسب ما اذكر انتي اشتكيتي سابقا من قلة حوار زوجك معك او قلة كلامه معك
فهل كلماته القليلة تسبب لك كل هذا الضيق ؟! ماذا لو كان يتكلم كثيرا ويتذمر كثيرا ؟ |
اقتباس:
أنا بقولك أشياء ممكن تساعد: حاولي تعطيه هذا الشعور اللي يحبه بدون ماتنتظري ان يزعل..تقولي كيف؟ بقولك انا يعني دلعيه كثير مثلا أول ما يرجع من الدوام : كيفك حياتي؟ اشتقت لك .. تغديت؟ انا ميته من الجوع بس الغدا مايحلالي بدونك. لما يكون متضايق من شي في الدوام ولا من أهله حاولي تخففي عنه وقولي له ان لما انت اتكون زعلان أنا الدنيا عندي تكون مظلمه.... ولما يكون راضي قولي له ياحلاتك وانت فرحان ولا أموت فيك وانت فرحان (عشان يكثر من الفرح) ولما يزعل قولي له ياشينك وانت زعلان ولا قولي له أكره لما أشوفك زعلان. يعني خلاصه الكلام لا تخليه يزعل عشان يحصل الشعور اللي هو يحبه (باختصار لا تخليه يحتاج يزعل) خليه يحس بحبك واهتمامك طوووول الوقت . مثلا لما يشوف تلفزيون ولا مباراه وانت ماعاجبك اللي يشوفه استغلي الفرصه وسوي شي يساعد علاقتك معاه . مثلا ناظري فيه ولا تشوفي التلفزيون ولما يقول شو فيه قولي ماشي بس أشكر ربي على اني تزوجت انسان مثلك -وزيدي عليها- انت طول الوقت بشوش ماتزعل مني مع أني أسوي أشياء تزعل احيانا بدون قصد بس انت زوجي حبيبي فاهمني وماتزعل وعشان كذي مستحيل أحصل مثلك في الدنيا ... هذه بعض الأمثله اختي العزيزه ... وعسى أكون ما طولت ودعيلي الله يوفقني لأني ملكتي قريب |
يا قلبي يا أم ارخيم <<<<<<< على فكرة وش معنى أسمك ؟؟
عشان أطمن قلبك وتتأكدين إن أغلب الأزواج هكذا يتسببون ويدورون لهم مشاكل في بداية زواجهم .. أقول لك عن بعض المواقف اللي كان زوجي يعصب عليها وبعمل فيها مشكلة: كان زوجي طبيعة دوامه وساعات العمل عنده غير منتظمة .. يعني بأي وقت يخلص شغله ويطلع .. أحيانا الساعة 1 الظهر وأحيانا 8 الصبح .. فلما أكون جالسة لوحدي في الغرفة أحب أفتح الستارة عشان نور الشمس وأطفي المصابيح .. فجأة يدخل زوجي ويلاقي الغرفة ظلام ( في نظره لأنه راجع من الشمس ) .. على طووول يعصب ويجرحني بالكلام وإنتي معيشتنا في ظلام .. والكهربا ببلاش .. وخاطري يوم واحد أرجع ألاقي المصباح والع .. وإنتي وإنتي إنتي وإنتي .. أقول له حبيبي مو مشكلة ضغطة زر وينتهي الموضوع .. وأنا احب أجلس في الغرفة على ضوء الشمس اللي يدخل من النافذة وإذا إنت ترجع بفتح المصابيح .. ودايما أقول له لما تطلع من دوامك أتصل خبرني عشان أسوي اللي يعجبك ويريحك .. لكن تحسين إن السالفة عناد يبي يفاجئني بدخلته عشان يشوف أي شي يسوي منه مشكلة .. لدرجة إني مرة كنت افضفض لوحدة قريبة جدا لقلبي .. قلت لها احس مثل إن زوجي حاط على راسي كاس مملوء تماما بالماء ولازم أبقى طول الوقت منتبهة له وأقعد على أعصابي عشان ماينسكب .. كانت أعصابي مشدودة جدا جدا وطول وقتي أفكر هل شغلي كامل ومافيه شي ناقص عشان ما يتضايق ويعمل مشكلة .. وكنت أتلفت في الغرفة اشوف لو طالع هذه الزاوية إيش اللي ممكن يعلق عليه ..؟؟ حسيت إني صرت مريضة نفسيا وتفكيري غير متزن وماكنت أحس بطمأنينة وأمان حتى في عدم وجود زوجي .. هذي زاوية وحدة من الموضوع .. لكن اللي أحب أوصل له إن زوجي ولله الحمد تغير مع الوقت .. خلاص مل من افتعال المشاكل التافهة .. ما أنكر وجود مشاكل بين الحين والآخر .. لكن ليست في تفاهة المشاكل السابقة .. جيتي تفضفضيت .. فضفضنا معاك .. :) الله يهدي لك زوجك ويطول بالك عليه ويسعدكم يارب في الدنيا والآخرة .. |
ام رخيم
تعجبني طيبتك الله يهدي سرك وييسر امرك :) |
عادي يالغلا .. الرجال يدلعون اكثر من الحريم ... وياما وياما تأسفنا على اشياء ماتسوى ..
انا اذكر زوجي ... يقولي لا خلاص مو زعلان ورضيت ومن هالكلام .. عقبها بشوي يفتح الموضوع .. ويقول بس انا اتضايقت من هالنقطة ... ومرات اتكون تافهه .. بس لانه يبي دلع!! .. انا مانقهر.. احس دمهم خفيف .. هههه |
ان وداد حبيبتي انت مشكورة ع ردك اعرف ان كلنا نعاني من نفس المشكله مع ازواجنا والفضفضة جابت نتايج فعالة
اخي فهد هاشم اشكرك ع ردك الطيف (ما طلعت مثل غيرك) شكرا وانت اطيب الله يخليك لزوجتك اختي بحرينية ولكن ’ (ام ارخيم ) لقب اطلقة زوجي علي بس بيني وبينه وقليل جدا من يعرفه وهو في الحقيقة اسم طائر (قصة) قالوله قات انا عود صغير قام وجاب غصن كبير فاطلق عليه اللقب ووجه الشبه انه لما زوجي يطلب فاكهة اجيب له طبق من الفواكة مشكل واذا قال ابا رساله حلو اعطيه رسايل لين ما ينبط ولما يريد اعمله مساج بظهره ادلك له جسمة كامل (ما احب اقصر في شي ) على قولة القايل يزيد زلا ينقص يا عمري ادري انه كل الرجال هاللون (تحولت بحرينية ..والنعم والله) بس مثل ما قلت انا كنت محتاجة اشتكي ويواسوني الله يخليك لزوجك (ماي _ب _هبي) شكرا شكرا ع ردك الجميييييييييييييييييل والله استانست عليه مرات اشك في حب زوجي بي ردك ريحني وايد عمري ما قصرت بزوجي من كل النواحي بس مرات يضيقني كثر زعله فابرطم بس الله يعين لازم اتحمل حبيبي (يعني ما احبه بس لما يمون طيب ولما يعصب اقوم اكرهه لا حشى علي ) سيد الرجال انا اشتكي من زوجي لانه قليل الكلام بس ما ابي يوم يتكلم بس يزعل ويهوش اشكرك |
لكل من تجاوب معي وقت ظيقتي اشكرهم
لكل من قرا موضوعي ودعالي اشكرهم ابا اقول اني خليت زوجي وما كلمته بس كتبلي مسج ( صباح الخير ) هذا اونة يعتذر وطبعا قبلت الاعتذار بكل حب بس كلمته وقلت له انت يوم تكون مبتسم ما احد شراتك بس يوم تعصب تتحول شخص ثاني (ارجوك اذا تبى تتناقش انا مستعدة بس والله مب متحملة دووم الزعل) طبعا قالي انتي تعرفيني يوم ازعل بس احبك !!! يوم يقولها كانه سحرني (صح عقول صغيرة ينقص غلينا ) عموما انا وياه على احسن ما يكون الحين بس والله لغير اسلوبه وخليه يغير عالطبع ولا تنازل مشكووورين وتسلمووو وما قصرتو صج الصديق وقت الضيق |
السلام عليكم
ادلع يكايدهم الريال بيدلع لانو ام رخيم طيبه وحنونه وتموت فيه الله يسعدج فيه خيتي والريال بيموت فيج للنخاع تحياتي صقر المغرب |
والله انك فرحتني
لانه اشعر في لحظات بانه زوجي تزوجني ارضاءا لاهله وانه ما يحبني اشكرك من كل قلبي |
يا أختي من البديهي أن الرجل يتغير تعامله للأسوأ اذا لم يجد رجولته عند زوجته
واذا لم يجد المرأة التي تقدره كرجل وكزوج , ولا يوجد رجل عاقل تتغير مسئ معاملته وهو يجد الإحترام والتقدير من زوجته .... |
| الساعة الآن 02:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©