|
ياربي والله كلماتي خانتني قدام قصتك المحزنه
مني عارفه ايش اقولك او ايش انصحك وربي عاجزه الله يفرج همك يارب قريب وانا والله ادعيلك من كل قلبي امانه تطمنيني عليك اول بأول لاني حسيت انك زي أختي وانت خليكي قويه ولاتنهاري علشان اولادك المساكين مالهم غيرك بعد الله والله حيضيعو مع هذا الاب حتى مع اهلك واهله اللي مو حاسين فيكي وكمان حاولي تشغلي نفسك باي شيء انتي تحبيه ابعد تفكيرك عن مشكلتك الله يصبرك ويسعدك ويفرج همك ويعوضك خير قريب يارب امين |
السلام عليكم ورحمه الله وبركاته
سبحان الله كتبتلك رد طويل عريض وانمسح:11: لكن مو مشكله راح احاول اختصر الى كنت كاتبته انا من الناس الى قريت كل مواضيعك وعرفت مشكلتك وتعايشت معاها لاحول والاقوة الا بالله الله يعينك ويصبرك لكن الحل عندي وهي مجربه من وحدة اعرفها مثل نفسي ولو ماان متاكدة ان زوجها بالسجن غير قلت انتي هي:d نفس زوجك لكن هي كانت اشجع منك ويوم صار بالليل اتصلت على الهيئه والشرطه يوم تجمع عندة شلته السكرانين واخذوهم والحين كلهم بالسجن على حسب كل واحد ومدته الى بس توقيف والى شهرين وزوجها لا كثير بس والله مادري بالضبط كم حكمه المهم لاتسكتين اتصلي اليوم بالليل يوم يجتمعون والله ثم والله ثم والله لو انا اعرفك او حولك متصلك غير انا وريحتك منه لكن مابيدي شي غير ادعيلك وانتظ ردك على انك ان شاء الله تعملينها اليوم وتتصلين وتعطينهم عنوان البيت ولاتقولين من انتي تكفين تكفين ياحبيبتي لو مو عشان نفسك عشان بناتك حرام تخلينهم عند مجرم مثله بيني وبينك انا خايفه على بناتك واحد من السكرانين يدخل عليهن ويسوي فيهن شي وهكالوقت ماينفع الندم والانتظار اليوم تكفين ياااختي ياحبيبتي اتصلي اعقليها وتوكلي على قوله رسولنا الحبيب انتظر رايك بالموضووووووووع فكري بكلامي زين والله الى قلتلك عنها انها بلغت على زوجها تقول ماصرت مرتاحه غير يوم دخل السجن صرت انام مرتاحه على بناتي |
الله يفرج همك وييسر لك الخير
|
انت بسلبيتك هذه ترتكبين جريمه في حقك وحق اولادك اتصلي بالهيئه او الشرطه حتى يقبضوا عليه في حالة تلبس ولاتتأخري لان سكوتك وانفاقك عليه يعينه على معصية الله وبذلك تشاركينه في الاثم تداركي نفسك والله يتولاكي برعايته.
|
عزيزتي منبع الاحزان ....كان الله في عونك ....وأجرك علي صبرك ...
عزيزتي أن الله أذا أحب عبد أبتلاه .....فأبشري بالجنة علي صبرك والحمد لله رب العالمين وهبك عيال هم قرة عين لك....وأنشاء الله سند أذا كبروا تقبلي تحياتي |
اخواتي مغرورة بأمي - غموض السنين - تعبت من البعد - هاشميه وافتخر - الهنوف
جزاكم الله الف خير والله ييسر لكم كل اموركم ان شاء الله وجعلني مااذوق حزنكم اتشرف باخوتك اختي مغروره بأمي والله يعلم اني اعتبركم اخواتي واخواني بالنسبه للتبليغ عنه اللي اسمه زوجي فانا مااقدر ابلغ عليه اسمحوا لي واكثر من سبب يمنعني واولها انه مهما كان اسمه ابو عيالي حتى لو انه مايسوي لي ولا لعياله اي شي بس بالاسم مااقدر ابلغ عليه لاني اذا سجنته اكثر حد بيتضرر من سجنه هو عيالي وش بيكون موقفهم قدام ربعهم في المدرسه او قدام عيال عمهم وخوالهم مابي اجرحهم اكثر من اللي فيهم مهما كان اسمه ابوهم اكيد ما بيرضون عليه مهما صار واخاف هالشي يأثر على دراستهموعلى مستقبلهم بعدين واخاف انهم يكرهوني لو عرفوا بعدين اني انا لي يد في سجن ابوهم اموت اهون علي ولااني اشوف بعيون عيالي لو نظرة عتب او لوم ادري فيكم بتقولون عجزنا معاك يا منبع وماالومكم بس انا مثل ماقلت لكم من قبل انا مااملك غير اني افضض لكم واطلع اللي في قلبي اما اني اتصرف لحالي مااقدر وحاولت كذا مره وما قدرت يمكن لاني ماتعلمت اخذ قراراتي بنفسي وخاصه اللي تتعلق بحياتي والا ماكانت هذي حالتي اسفه على الاطاله واسمحوا لي اذا خذلتكم |
اساءل الله العلي القدير ان يفرج همك و هم كل مسلم
اصبري يقولون ان قلب المراة بحر يتحمل كل شي الله يعينك |
جزاك الله الف خير اخوي غازي
ادري مالي غير الصبر ومالي غير رب العالمين هو حسبي وهو وكيلي |
أختي لا تعطيه و لاقرش من فلوسك
أو أخلعي نفسك هذا أفضل حل برأيي |
الله يعينك ويفرج همومك ويهديلك زوجك يارب جربي ناجي رب العالمين باسمه الودود امسكي المسباح وقولي(يا ودود)عشرة الاف مرة واذا تقدرين اكثر صدقيني يااختي مجربة من ناس اعرفهم حييل والله يعينج يارب
|
| الساعة الآن 04:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©