حبيبتي أنا نفس حالتك بس الفرق إني تزوجته على حب فطري بس كنا طايرين ببعض بالبدايه وبعدها شفت منه النوم الثقيل والكلام السئ والحلو احيانا ولما يعصب يصارخ ويكسر مايحاسب واذا طلبت مشوار يأجل بزياده طبعا بتقولون غيري معاملتج وياه انا اعرف شلون اتعامل وياه ومتحملته وصابره واحاول اعيشه احسن جو واحلى حياه بس هو مايبي يبي ينام ويطلع وياكل وبس حتى سوالف مافيه. طبعا كنت اغار عليه حد الجنون لكن الحين تغير الوضع 180 درجه. واصبحت مااحس باي شوق وحب من ناحيته يعني تجمعنا الحياه والاطفال وبس ومن شان خاطر عيالي بصبر على وضعي الين الله يفرجها.

فيه حاجز بينكم كبير ولا اول مره اسمع إن زوجه ماتغار على زوجها إلا اذا كانت تكره كره العمى

كان الله في عونك ويجب ألا تقفي مكتوفة الأيدي وإذا كنت لا تذكرين له عبارات الحب إلا في السنة مرة فكيف تريدين أن يخرجك ويفسحك , أبدأي في التغيير في نفسك وسوف ترين التغيير في زوجك.

أحيانا الزوج هو اللي يجيبه على نفسه

تلاقي زوجته تحبه و تسأل عنه و تغار و تخاف عليه و ما تتحمل تجلس لحظة من غيره

لكن هو يزعل و يتضايق و يبغى يخرج و ينبسط و يتركها لوحدها في البيت

فتريح حالها و تبدأ ما تزعل إذا تأخر و لا تسأل عنه عشان ترتاح من المشاكل

و لحد ما تتعود هي على غيابه و يصير وجوده و غيابه واحد

و أنا ألحين بديت شوي شوي أتعود خلاص على غياب زوجي و ما صرت أسأله مثل قبل

و خاصة يوم تخاصمنا مرة لإنه يبغى يخرج و يسهر و أنا ما أقدر أنام من غيره

يعني الرجال أحيانا هم اللي يجيبوه على نفسهم

لا تلوموا المرأة دايم