|
الله يشفيها ويقومها بالسلامه
طمنينا عليها بعد العمليه بالأنتظار |
بسم الله الرحمن الرحيم
السلام عليكم ورحمة الله اسعد الله جميع اوقاتكم واتم عليكم نعمته ولا حرمكم اجر ماخطت ايدكم من دعاء لأبنتي الحمدلله تمت عملية بنتي على خير وعانت وضع جدا صعب بعد العمليه وكانت عمليتها في مدينه غير مدينتنا ورجعنا يوم الجمعه بالليل والبنت تعبانه مره وماني عارفه كيف كتب لها الطبيب خروج ويقول وضعها تمام , وزادت حالتها من ارتفاع في درجة الحراره وترجيع واسهال والين نصف الليل البنت بدت تفقد الوعي واخذناها لاقرب مستشفى خاص وتنويم الين الفجر وخرجنا على اساس نكمل علاجها في البيت ورجعنا ويوم السبت المساء اطالع البنت وحسيتها مو طبيعيه وكانت مثل المخدره وذبول على وجهها ومو عادتها لانها كانت على طول بكى بعد العمليه هالمره ماني عارفه ايش فيها ونصف الليل زادت حالتها واخذناها للمستشفى وتنويم ومحاليل واشعه وتحاليل وفي الصباح اجتمعوو عليها الاطباء ووبعد الكشف اتبين لهم انها اختلاطات مابعد العمليه ونسبة الدم 7/6 وينقلو لها دم على طول ويعطونها مضادات وبعد يومين من الملاحظه والعلاج بدت تستقر حالتها وبدت تلعب وتضحك لي وخف بكاها والله يسامح طبيبها اللي عملها العمليه كان اكثر اللوم عليه خرجها قبل وقت خروجها الشئ الثاني انه ماكتب لها مضاد حيوي الا يوم واحد لما كانت بالمستشفى واللي لازم تاخذه لمدة خمس ايام على اقل شئ . جلسنا في المستشفى ثلاث ايام وامس الاربعاء الصباح خرجنا بعد ما استقر حالها والحمدلله رب العالمين ونورت البيت ويومها نمت وانا وقتها لا نوم ولا اكل ومالي نفس في اي شئ . انا بطبعي قويه واتحمل واصبر صبر ماله حدود بس وضع بنتي احسه كسر لي ضهري وعلى كثر ماشفت في هالدنيا الم وتعب بس مثل هالالم والتعب النفسي ماشفت والحمدلله رب العالمين . والحين هي مثبته رجولها في الجبس وبعد شهر ونصف راح يغيره ويخليه شهر كامل ويارب تتم لها الشفاء واشوفها تمشي وتملى البيت حركه ولعب والحين باخذ فترة راحه نفسيه قبل تكون جسديه وجيت اليوم اطمنكم واريح نفسي بكتاباتكم شاكره لكم اهتمامكم وتواصلكم ولي رجعه ان شاءالله لأرد عليكم جميعا تحياتي لكم |
الله يشفيها ويتمم لها بالسلامه ويقر بها عيني والديها
|
الحمد لله انه كل شي مر على خير ولحقتي البنت
والحمد لله على سلامتها وان شاء الله شفاء لا يغادره سقما والله عانك وان شاء الله ترجع كل امورها تمام وتنامي وترتاحي جسديا ونفسيا وفقك الله حبيبتي في رعايه الله |
بسم الله الرحمن الرحيم
اشكر كل من مر على موضوعي وسجل حضوره واسئل الله لكم جميعا دوام الصحه والعافيه واخص بالشكر كلا من saapna81 , الحائره , smsh , Reemona , ام هنوي , وشيخة الزين , سماسم , والقلب الحبوب , وشمس الحيارى , وفوفو سائله الله عز وجل ان يجزاكم خير الجزاء ولا يحرمكم نعيم الدنيا والاخره تحياتي لكم جميعا اختكم على امل اللقاء |
اسال الله العظيم رب العرش العظيم ان يشفيها ويهون ويسهل عمليتها وان يردها لكي ردا جميلا اللهم امين
ربنا يشفيها ويعافيها يارب ويقيمها بالسلامة |
| الساعة الآن 08:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©