أنا المفروض السؤال بالعكس لأن الأيام الي ينام فيها زوجي وياي تنعد على الأصابع مقارنه بالأيام الي مايكون فيها معاي!! بسبب شغله طبعاً:29:

انا الوضع عندي مختلف اول مره ذهب فيها زوجي بعيد ليلتها حسيت بوحشه بس بعدها تعودت على الوضع ولاني لو ما نمت راح اتعب كثير صرت اجيب ولدي ينام مكان ابوه :) وصار الوضع عادي مع التعود .. بحكم ان زوجي يعمل في الحقول

السلام عليكم ورحمة الله وبركاته ...

اخوي بو محمد قلبت علينا المواجع .. وذكرتني باول ماتزوجت ..

اللي صار انه زوجي راح يحضر زواج في منطقة غير المنطقة الي احنا عايشين فيها تبعد 6 ساعات بالسياره .. واحنا في غربه .. وانا ما اعرف احد ابدددددددددددددد .. ما اعرف ولا انسان ولاطير ..

اول ماسافر رحت السوق وقعدت اشتري سوالف وهدايا حق الترتيب .. ومن صار الليل شغلت الكمبيوتر وقعدت اكلم اختي ع الكمبيوتر وبالكاميرا من الخوف ..

الظريف في الموضوع انه وانا اشوف ايميلي وصلني ايميل عنوانه " بالانجيليزي طبعاً " انه كمبيوترك عند الباب "

وهالايميل دايما بوصلني ومافحته لانه فايروس .. بس يوم وصلني ف هالليله قمت اوسوس واقول من اللي يايب لي لاب توب اكيد حد مراقب من الصبح وعرف انه زوجي محد .. وتميت اوسوس على اختي .. واقول لها اذا انفجر المكان عقب اشوي افتحي هالايميل هم اللي طرشوا لي اللاب توب المفخخ <<< وايد متأثره بالاخبار ..

بس الحمدلله عدا اليوم على خير بدون انفجارات .. لكن كان مليئ بالصياح والشوق ..

^
^
^

كأني قلت قصة حياتي .. اسمح لي اخوي بو محمد .. وعذراً على الاطاله ... :) الله يسعدك على هالموضوع

مساء الخير أخوي العربي


ما اتخيل في يوم زوجي يتركني لوحدي وينام خارج المنزل

هناك اسباب يخليه يترك البيت وهي في حال السفر لعدة ايام لا انجاز عمل وغيره

وفيني مشكلها يعاني منها زوجي وهي يستحيل انام ليله الخميس او الجمعه اضل انتظر زوجي

للعودة والحين ما صار يتأخر والسبب انا

أختك أم شاهين