المشكلة أن هذا تفكير الكثير من النساء تخاف ربي يفتح على زوجها ويتزوج!!!
صدقيني الرجال لو حط براسه الزواج بيتزوج سواء مقتدر أو فقير..حتى لو يتسلف!!
المفروض تشجعينه على مشاريعة مو تحطمينه.. بالعكس حتى انتي ادخلي معه واشغلي وقتك بشئ مفيد...

مع احترامي لك .. واضح ان معيار التقييم عندك هو مقدار ما يصرفه زوجك عليك ..

وليس هناك شي آخر والدليل على ذلك , انك لم تذكري شي من مميزاته وتذكرتي

عيب واحد في نظرك هو الإقتار عليك , وهذا لعمري لأنه لم تبذلي فيه شي من جهدك

لكن لن تعرفي قيمة زوجك الا اذا فقدتيه أو أتت من تعرف قيمته وتحفظ ماله وتقدر جهده

عندها سيظهرك مقدارك الحقيقي امامه جليا ..

اذا هالشي ماراح ياثر على استقارارنا وحياتنا وحبنا معليش اهلين وسهلين
بس اذا بيجي من وراه مشاكل بلاه
بعدين يااختي اسمه معاش يعني نعيش فيه اذا عنده زياده يستثمر محد قاله لا بس رزقي ورزق ولدي لايجيه ...اذا هالشي بيجي بدون تقصير شديد علينا ماعندي مانع

كل الغلا ..
والله انك صادقه يقولون يعجز عن المنظره ويقوى جهاز المرة

رادع رايك يهمني
لكن انت ماقريت موضوعي زين
ارجع اقراه وتعرف كلامي صح

طيب واخلاااااق وتعامل وذوق ومايدخن وملتزم اقدر اقول عنه ذيبان على قولتهم
بس مشكلته البخل عند المقدرة





وش تبيني امدح اكثر ؟؟

ذكرك لذلك من طرف اللسان , لم يظهر أثره فيك , والدليل أنك لم تتغاضي من اقتاره عليه

فلا فائدة من سرد المديح من والقلب لا يعترف , وصدقيني أنك لم تعرفي قيمة زوجك

فماذا ستفعلين اذا افتقر زوجك غدا ( لا قدر الله ) ماذا سيكون موقفك منه , ولعلمك قد يسأل

الزوج نفسه هذا السؤال كثيرا

ذكري لمواصفاته ليس من طرف اللسان
لكن الموضوع ليس لسرد مميزات زوجي ومقدار حبي له وحبه لي وليس هذا موضوع الحديث اساسا
القضيه اللي حبيت مناقشتها
اننا تعرضنا لازمه وتحملنا نتائج التجربه بصدررحب
ووقفت معه وقفه مستحيل ينساها وكنت سند وعون له في ازمته وجربني في الشده وكنت على قدر عالي من المسؤليه ولعلمك كنا في غربه وماعندنا اهل ولا صديق وتحملت الموقف لحالي وطلعته من ازمته بالكلام والمعامله وغيره مع اني صغيرة والمسئوليه اكبر مني بكثير وقتها ولو وحده غيري ماصبرت وكنت ادرس في ثالث ثانوي وتعرف التعب اللي المفروض اتعبه عشان المجموع المفروض اني مرتاحه في بيت اهلي مو متورطه في رجال الله المستعان مكتئب ومنعزل ومايكلم احد اداري نفسي والا اداريه والا اداري ولدي ,, الا استحق ان يرجع لي كما كان قبل الازمه لان المياه عادت لمجاريها والنفسيه مرتفعه وكل شي رجع لطبيعته من طلعات وسهرات واستراحات وروحات وسعه صدر والحمدلله
ليش بس انا اللي بقيت على نفس الوضع وماتعدل لي ؟؟
الله يسامحك خليتني اكشف اوراقي بدون داعي لان الموضوع واضح انه قناعات شخصيه ...
وانت اصلا من اسمك واضح انك تدخل وتكسر مجاديف هالحريم الضعيفات,,,,

ياااااااااااااااااااالبى قلبك ياواحه الاحزان
والله انك اثلجتي صدري ,,,
الله يبعد عنك الاحزان وتصيرين واحه غناااااء

بصراحه اختي لا تزعلين بس انتي فعلن مسرفه وش تبين اكثر من 1000 ريال شهري وفاتورة جوال مدفوعه واكل وشرب احمدي ربك غيرك مو لاقي ياكل ... انا مثلا زوجي راتبه فوق 25000 الف ريال غير البدلات والدورات .. وحدي الائتماني للجوال 300 ويقعد ممكن شهرين مقطوع وما يمشي لي راتب شهري ولا شي واغراض البيت ماتعدى 300 ريال شهري .. ولا ويقول عني مسرفه .. احمدي ربك .