الأخ الكريم .. ءايد الأخت ام يزن فيما قالته ..

مقترحات أخرى :

** الظفر عمره ما يطلع من اللحم مثل ما يقول المثل .. و كل شخص لابد يحن لأهله ! يعني ما تقدر تخلي البنت بعيدة عن اهلها لفترة طويلة (معنى طويلة يعتمد على تفكير زوجتك) .. فتحس انها تبي اي فرصة حتى تروح بيت اهلها ! بس انت تفاهم معاها انك تروح وياها بيت اهلها مثلاً كل شهر 2-3 أيام ..


** بالمستقبل لما بتطلع زوجتك .. خل تترك الأولاد عندك حتى لو اطريت تاخذ اجازة من الدوام ! أو اتصل لأحد من اهلك يجي يقعد عندك ! أو خذهم لبيت اختك او أمك لما بتروح الدوام .. فتحسسها انك قدرت تعيش انت و الاولاد بدونها .. و انها ما عادت نقطة ضعفك .. و بهالطريقة بترجع بسرعه .. خصوصًا لما تحن لهم ..

** شغلة أخرى .. صارحها و خبرها بمشاعرك عن خروجها المتكرر (في وقت اللي تكونون رايقين مو وقت العصبية او وقت اللي تكون توها راجعه ) .. يعني وقت اللي تكونون رايقين و تضحكون قول لها شوفي اشحلاتنا نضحك و نسولف و نعيش أيامنا مستانسين ! مو افضل من كونا كل واحد بديرة .. و و إلـــــخ ؟!

** خبرها انك تحبها و انك ما تحب تتركها أو تعيش بعيد عنها .. لكن كل مرة تطلع تروح بيت ابوها و تطول عندهم يوسوس لك الشيطان .. و انت ما تبي تستسلم لشر الشيطان (وخل بقية الأمر مفتوح يعني تترك التصورات لها عن معنى الكلام!)


** لا اعلم اعمار اولادك .. لكن يمكن تضطر تقعد بالبيت لما يدخلون الاولاد المدرسة !


الله يهديها و يرزقك طولت البال و الراحة ان شاء الله

اتمنى ان اكون افدتك واعتذر عن الإطالة



أميرة الشروق

المشكه انا اللي اوصلها ,,

هددتها بالطلاق لمحت لها بالزواج ,,

حتى قلت لها كل مره تتركيني فيها خايف يوسوس الشيطان فيني وكل مره تقول انا واثقه فيك ,,

بس في الأخير زدت الجرعه شوي صارت تشك فيني ,,

في نقطه اذا اهلها بيسافرون باي طريقه تبي تسافر معاهم حتى لو قلت ها بسافر لحالي تقول عادي بس خلني اسافر معاهم ..

لا اخوي ما تتسرع الظاهر انو الحب بعدو موجود والظاهر انو البنت منيحة بالغم من انها غلطانة بس ما بنكر انو الي عم تتصرفو مجرد جهل منها لكن مو بالقصد اخوي لازم تحكي مع حدا من اهلها اول شي يخلي يوعيها ويفهمها وانت اجلس معها اطلع انت وهي طلعة لحالكم حاولتامن جو تقدرو تتحدثو فيه احكيلها تفكر بالسبع سنوات الي ما ارتحتو فيها احكيلها عن الاولاد ومستقبلهم حاول معها وضحلها انك بعدك بتحبها صدقني كل بنت مهما كانت الا انها بتلين بكلمة حب من زوجها ضلكم ووعوها وانت حاول معها ودايما بنلها حبك الها وحاول تبعد عن الخناق والجدال والتعصيب خليك اوعى منها عشان حياتكم وعشان الاولاد الا ان شاء الله ما يتصلح الوضع بنكم دام الحب موجود اكيد ان شاء الله بيتصلح الوضع عليك بالصبر واكثر من الاستغفار والدعاء الى الله والله يسرلكم اموركم


الاشراف /عفوا ان شاء الله تكتب على هذا النحو

صادق اخوي مشكلتي اختها تحبها بشكل ماودها تفارقها دقيقه وودها تقلدها في كل شي الحين خفت عن اول بعد ماتزوجت اختها بس مشكلتي انها اي مشكله تبي تسوي فيها وتجلس بيت اهلها ,,

مشكوره اختي شديتي انتباهي اني استخدم الاطفال اهي عارفه ان نقطة ضعفي الاطفال المشكله في مكاني مافي احد من العايله والاطفال يبونها مايستغنون عنها
حتى بنتي الكبيره صارت تخاف مني مادري زرعت فيها ان بيت اهلها هو المكان المناسب تقول بنتي بابا مابي اروح هناك وتصيح اذا بنروح

انا حصلت الحل الأهم اللي لقيته من خلال الاخوان اني اتركها في بيت اهلها حتى لو انا اللي وديتها,, لو كلمني ابوها او هي حاولت بقول لها البيت انتي تدلينه لو حبيتي ترجعي انا ماعندي استعداد اجي اخذك شوفي حد يجيبك وحتى المصروف بقطعه عن العيال عشان تعرف مكاني وهلها يزهقون منها ويبتدون يضغطون عليها

مشكوره فكرتك حلوه راح اجربها وبشوف وش ردها ؟؟

[QUOTE=المصرية;1672675]جدا سوري معلش اتلخمت على وشي العتب على النظر ,,,

كل حاجه جربتها تخيلي طول الفتره هاذي صدقيني ماتم اسلوب ماجربته خلاص تعبت
لدرجة اني اكون اشتغل احيانا 12 ساعه اجي البيت تعبان حدي ابي انام تزعل ماتبيني انام لما انام اكون اناني ومافكر الا في نفسي وانا وانا ؟؟ صدقيني ماكتبت هنا مشكلتي الا وصلت الى طريق مسدود

نقطتك الثانيه عجبتني جدا وراح اطبقها اما باقي اللي قلتيه صدقيني جربته ,,

انا اللي زعلني في الشغله اخر شي هي لما طاحت مريضه او لما تطيح ماتركها دقيقه مايتم مستشفى ماوديها وهي اخر مره ماهميتها في شي ,,

يعني اختي تقول لي انا لو معا زوجي متهاوشه وهو لو كان غلطان علي اول ماسمع ان فيه شي انسى كل شي واجي له واعتني فيه شمعنى هي ماسوت معاي كذا ؟؟

تدرين ليه ؟؟؟لأنها مش البنت اللي تحطها على الجرح يبرا امها وتربيتها لها ولأخوانها وخواتها هي سبب النتيجه هاذي وانا ادري اني طحت في البنت الخطأ اللي ماتستاهل الخير اللي هي فيه واللي الناس الثانيين حاسدينها عليه

أخ بس لما العيال ولا وربي عينها ماتشوف النور