|
انا شااااااااااااااااااااااااااااااااااااااااااااااكر لكل من رد عن موووضوعي او اتفاااعل معاه ....
وللمعلوميه والله ماوجدت بهذا المنتدي الا الصدر الرحب والوجيه الطيب شروووواكم اخووواني انا عاقد على البنت واكيد ماراح اسوي الشي هاذا الا وانا عاقد عليها طبعا بعدين بالنسبة لا اخواتها انشا الله كلها شهر ونص ويكوووونو في البت عند اختهم ........ بس انا ارجو منكم ان تنصحوووني ماذا افعل مع ابوووها بعد الزووواج هل اقاطعه نهائياااا اوووو انصحه او ادله على الصوواب والله ماني عارف بلظبط لاكن ارجو منكم النصح لي .... واشكركم مره اخرى لتفاعلكم معي ...... واعتبروني اخ صغير لكم وشاكر لكم اخووواني مع العلم خطيبتي في احسن اوظاعها بعد ماتركت ابوهااا ومايحزنها الا اخوانها الصغار ......... انتظر ردوووودكم |
طيب اخواتها من يقوم بأمورهم ويحرص عليهم في غفلة الاب؟؟؟
الله المستعان والاخت الكبيره فينها من هذا كله ,, ليه ماتاخذ هي الصغار عندها وتتولى رعايتهم؟؟؟ الله يستر علينا ويرحمنا برحمته |
اخي على امل اللقاء
الي يده بالماء غير الي يده بالنار صح ولا لااااااااا قوليلي با الله عليك كيف بتجيب اخوتها هل الاب بيعترف بغلطته علمني اقوووولك خليها على الله والله اني حاس انو المشكله ماراح تخلص بس ربنا فوووق كل شي وشاكر لك |
أخوي صقر الجو
الله يعينك على ما انت فيه ، وأسأل الله ألا يحرمك الاجر أخوي كمّل خطتك اللي انت رسمتها وجب البنات لبيتك ، ومع كذا حاول تتقرب من الأب أكثر وأكثر وزي منت عارف إن اللين والتفاهم يجيب نتيجة اكثر من العنف والشدة ، خاصة إن أبوها أكير منك بواجد فصعب إنه يتقبل منك بالشدة يعني حاول تكون لأبوها كالطبيب للمريض ، ولا تكون كالشرطي للحرامي (وأنت عارف الفرق بينهم) وخذ الأمور بسياسة وسلاسة وحكمة ، ولا تستعجل النتائج واستشر من حولك من الناس ، واستخر الله في كل خطوة تقدم عليها وفقك الله لك خير وقبل ما انسى (( اللهم بارك لهما وبارك عليهما واجمع بينهما على خير )) |
مع اني مافهمت الموضوع 100 %
بس انا اقول تصرفك ما كان مره صح يعني كان ممكن تتصرف بطريقه افضل الابو غلطان صح بس مااظن انك تخاف على بناته اكثر منه وبعدين هم عاشو كل هالسنين وقدروا يكيفوا وضعهم ايش اللي تغير الان؟ انا اقول تنصحهم يقفلوا ابواب غرفهم ويدعو ربهم يهدي والدهم لكن الهروب من البيت والعصيان ابدا مو حل بالنسبه لخطيبتك الافضل تعجل الزواج باسرع ما يمكن وباقي البنات الله يكون بعونهم .. بس اذا عندهم جده او خال يعني محرم يعيشوا معاه افضل من سكنهم مع زوج اختهم اللي مو محرم واذا مافيه خلاص يصبروا على وضعهم الله قادر يحفظهم وضع الابو انا ماابرر له .. بس فيه كثير رجال متزوجين يشوفوا افلام اباحيه .. فكيف هو اللي فاقد زوجته اكيد غلط وحرام .. بس ان شاالله فتره وتعدي وربي يهديه يمكن يتزوج وينصلح حاله الله اعلم الله يستر عالبنات |
اخي زوج المستقبل انا عاجز جدا عن شكرك والله يقدرني واجازيك
والله يوفقك ببنت الحلال الي ترضيك وتسعدك ولاتوقع الوقعه الا انا فيهاااا ((((( قول امين ))))) وياليت ماتحررررررررررمني من نصايحك الجميله مثلك وياليت تكون لي بدل الصديق اخ الي ما اشوفه ..........:o اما بالنسبه لاختي موحتاره انا افهمك الموضوع هذا اب صعب الوثووووووق فيه ومو مبرره انو زوجته متوفيه انو يشوووف افلام اباحيه صح بعدين البنت عند اخووووووووووووووووووووووويه الي متزوج اختهااا مو شرط يكون لها محرم بس اكون انا مرتاااااح لاكن اختي هذا امر ربنا وهذا الي ارادو ربنا لي وانا طبعا راضي وفرحان بحكم ربنا لأن المؤمن دائما مبتلااااا صح ولا لاااااااا اشكركم لردودكم الجميله :16: |
المشكله حلت ولله الحمد .........................
وشاكر لكل الاخوان والاخوات الي تفاعلو معي ... وسوف اكتب التفاصيل في وقت لاحق إن شاء الله |
مشكلة خطيبتي واهلهااا ((أريد رأيكم)) المشكله حُلت ولله الحمد
السلام عليكم ورحمة الله وبركاته
الكل يعرف مشكلة خطيبتي واهلهااا والمحاولات الي عملتها مع ابوها والمشكله تحت بسم الله الرحمن الرحيم اولا انا اول مره اكتب موووضوع في هذا المنتدى القدير ....... ما احب الاطاله لكن بدخل بالموضووووع وانا ماكتبت الموضوع الي اريد رايييكم انا خاطب ليه سنتيين ونويت الزواج في هاذي الفترة يعني شهرين او 3 اشهر المهم خطيبتي الي هي مررتي اشتكتلي من حالها في ها الفترة الاخيرة بأنوووو ابوه بيحضر رجال عنده في البيت تقريباا 6 او 7 رجال وينامون عنده في البيت تقريبا لمدة اسبوووع كامل واتضحلي بان الاب بيشغل افلام خليعه مع اصحابه في نفس الغرفة الي فيها الرجال والمصيبه الكبره انو له 3 بنات عنده في البيت في سن المراهقه ومن ظمنهم خطيبتي (بالعربي ماعنده غيره) قلت خليني اتدخل فكلمت الحرمه وقلتلها قوولي لابوكي اذا جابهم مره تانيه راح اخلي عاليها واطيهاا واتصلت تاني يوووم وسألتها ايش سار قلت ماجابهم مع العلم البنت في بلده وانا في بلده (في السعوديه طبعا) نزلو زيارة عندنا وقابلتها وكلمتها وقالتلي ترا جابهم بس خفت اعلمك وخفت اعلق مابين ابويه وبينك وانا ماراح يسترني غيرك مع العلم خطيبتي ( صاحبت دين تعرف ربها تمام ) مالكم باطوالها قابلت ابوها وقلتلو دام هاذي افعالك والله خطيبنتي ماراح تطلع معاك يا واطي لكن بتجلس عند اختها هنا وان شاء الله من بيت اختها الي بيتها طبعا بعد ما اتفقت مع خطيبتي والمصيبه انا زعل واتنكد وقام يضرب البنت كلو لجل انها قالت الحقيقه وحبت تستر نفسها واتخذت القرار بانها ماتروح مع ابوها لو سار الي سار تظل عند اختها الين يسير الزواج وتم الموضوع وراح اهلها بعد ماقامت المشكله وانتهت وسارو يدعو على البنت الله ليوفقك من ها الادعيه الي تعرفونها يعني سارو يدعو عليها ليش عشان حبت تستر علي نفسها وماتخرب بيتها الحمدلله في هاذي الفتره ارتحت عشان انها عند اختها (( لانو اختها متزوجها اخوووي الكبير )) وما اتضحلنا وضع ابوها الي بها الفتره الاخيره حاب اعرف رايكم بالي سار وهل راي صحيح ولا لااااااا ورايكم بالبنت الي حبت تستر علي نفسهااا المهم كانت عندي محاضره بالكلية عند شيخ من الشيوخ تقريبا من كبار الشيوووخ وفكرت قلت ليش ما اكلم الشيخ بموضوووعي فانتهت المحاضره وكلمت الشيخ وقلتله اريدك بموضوعي ضروري يخصني والشيخ متخصص في (( اصلاح ذات البين )) ورحنا المكتب عنده وقلتله علي الموضوع من طقطق الى سلام عليكم في الاخير قال لحول ولاقوة الله بالله المهم قالي اعطيني رقم الاب اعطيته الرقم وقالي يومين واعطيك الرد ايش يسير معااايه قلتله على شرط لازم تجمعني معاه قال على خير اعتقد كلم شيوخ يعرفهم في نفس المدينة الي فيها الاب تصورو في يومين الاب تغير 380 درجة المهم نزل المدينة الي انا فيها وقابله الشخ ودق عليه المهم تفاهم معاه والله اعطاه كلام لو انا مكان الاب لارحت وقتلت نفسي الله يجزيه خير هذا الشيخ من افضل واحسن الشيوخ الي عرفتهم في حيااااتي المهم مالكم باطوالها عزمت الاب عندنا بالبيت وجبت بنته وخليت بنته تسلم عليه وتتأسف منه وتقوله كلام ماعمره سمعه من بنته (( كلام حلو يعني )) اكيد بتسألوني ليش تتأسف منه مهما كان هذا ابوها وانا اخذت نصائح اخواااني الي بالمنتدى وعملته بيها بالذا تا اشكر اخوووي زوووج المستقبل لانو نصائح فادتني كثير فارجو من الادارة ان تشكره شكر خاص بالنيابة عني ....... ياربي لك الحمد انتهت المشكله ورجعت المياه لمجاريها على فكره البنت لس عندي ماراحت عند ابوها واخواتها جلسو عندها كمان تخيلو الاب طلب من بناته يدور له على عرووووس المهم شكلى وجعت راسكم بكثر الكلام لاكن كانت هاذي مشكلتي وانحلت انا شاكر هذا المنتدى القدير والاعضاء الموجودين فيه ولوا الله ثم انتم ماكانت انحلت المشكله لانو والله الشر كان في عيوووني وشاكر لكم انا متأكد الادارة راح تعدل بموضوعي واتمنى من الاداره نقل موضوع للمشاكل المحلوله .......... اخوكم ((( ابو ملاك ))) طبعا ما انسي ابوووووووويه الي وقف معايه وبنصائح لي الله يرزقه الجنان اميـــــــــــــــــــــــــــــــــــــــــن وحنا وياكم قول امين |
اللهم لك الحمد
الله يبارك لك احسنت التصرف بأدخال من لديه الخبره بهذا الموضوع وجزى الله خيرا هذا الشيخ الفاضل كنت دوما اعود للموضوع لاطمئن وارى ما حدث مع وزوجك واخواتها الصغار الف مبروك عوده المياه لمجاريها |
الحمد لله الله يهنيك بزواجك
|
| الساعة الآن 05:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©