منتدى عالم الأسرة والمجتمع - هل عندما تسأل المرأة زوجها هذا السؤال يضايقه؟

عروستنا الحبيبه حيوزه

شوفي ياقمري

راح اقولك سر

او اقولك سر لعبتي

انتم دحين مملكين يعني اغلب الحوارات عبر التلفون

تعودي معاه كل يوم انك انت تحكي له وين رايحه

يعني

لما تكلميه الظهر مثلا ووراك طلعه اليوم

قولي له
حبيبي ،، اليوم احنا بنطلع المكان الفلاني ووووووو انت ايش راح تسوي اليوم عندك مشاوير تقضيها؟؟:22:

راح يجاوبك يقول مثل لاوالله يمكن اقابل الشباب بالصاله الرياضيه او الاستراحه

او في واحد من زملاء العمل راح اقابله في المطعم

او باطلع مع الاهل

انت ايش تردين ياحلوه؟؟؟:22:

مررررره حلو حبيبي كويس انك بتطلع تغير جو اوقات الواحد يحتاج لتغير الجو وتجديد النشاط

واخر الليل يعني نقدر نقول اخر مكامله قبل النوم

اهلين حبيبي والله اليوم مره انبسطت في المكان الفلاني وووو

بس انتبهي من التفاصيل اللي مالها داعي وانت اكثر درايه ياعمري

وهو بالتالي راح يقولك ايش عمل خلال اليوم

ومره ياعمري اذا سألتيه

حبيبي ايش عندك مشواير انا راح اجلس في البيت اليوم عندي اشغال اخلصها

انت ايش عندك؟؟

راح تطلع حبيبي ولا كيف؟؟

اذا سألك ليه تسألي؟؟ قولي له

ابدا حبيبي ماني حابه تكون طفشان احب اشوفك مبسوط ومتهني

او قولي له سألتك عشان اشوفك اذا فاضي ايش رايك تجي لزيارتي او نطلع نغير جو

فإذا عنده مشوار راح يقولك

واذا ماقال

مثلا وقالك

انا كنت في مشوار

لاتسألي ايش هذا المشوار

لالالا قولي له

وان شاء الله هذا المشوار توفقت فيه؟؟ واصمتي

ممكن في هذي الحاله اما يقولك الحمدالله ويسكت

واما يفرط السبحه كلها:d

اذا قال الحمداالله وسكت

قولي انت كمان : الحمدالله اهم شي التوفيق وطنشي الموضوع وغيري السالفه

وصدقيني اذا ماقالك الموضوع بنفس اليوم او بيوم ثاني

اهم شي خليك سلسه

ومره اسألي ومره طنشي

والله يألف بين قلوبكم ولا يغير عليكم يارب

على فكره حبيبتي

في لحظات الصفاء اسألي وصارحيه بهذا السؤال

وهو بنفسه راح يجاوبك

هل يضايقه او لأ؟؟

ولماذا يضايقه؟؟

وانت توضحي له سبب سؤالك وهو حب الاطمأنان عليه وهكذا

وسامحيني ياعمري اذا حكيت عليك كثير

الله يسعدك ويقر عينك بالذريه الصالحه ويألف بين قلبك وقلب زوجك وييسر امركم يارب