اذا صليتي استخاره ومرتاحه خلاص كملي معه
وتصرفه عادي لان طبيعة الرجل ماهو مثل المراءه

ولاتكثري اتصالات لانها تملله منك

حاولي تتفاهمين معه وتكلمينه بهدوء

يمكن في تصرف منك ازعجه او ضايقه

واذا ما نفع قللي اتصالاتك له ولا تخلينها بشكل يومي

واذا ما نفع استخيري ربك وسوي اللي يريحك سواء تظلين معه او تنفصلين عنه بما انك بعدك في البداية معاه

تصرفه غريب عادة الخاطب يكون ملهوف على خطيبته

الله يكتب لك اللي فيه الخير ان شاء الله

اذا ما خاب ظني ريلج مزاااااااااااااااجي.. آآخ من المزاجيه عذاااااب..

مرات اتحصلينهم ولهانين وحالتهم حاله ومافي احسن عنهم ومرات ولا عالبال..

نصيحتي لج .. طنشييييه دام ان الريال مافيه عييب غير هذا ..

حاولي اطنشينه ادري صعبه خاصة اذا اتحبينه موووت مثل ما قلتي..


والله يكوون في عونج..

ليش تذلين نفسك وتتصلين ؟؟
ما تكلميه اضغطي على روحك اسبوع اسبوعين ما ترفعي السماعه ابداااااااااااااااااا
خلي ينحرق بالنار الي حرقك فيها
وبس يتكلم ما تبيني له انك مشتاقه او ماشابه ذلك لحد ما هو يحسسك بهذا الشي
وفقك الله لكل خير
في رعايه الله

أكثر من 3400 مشاركه وهذا هو ردك !!!!!!!!
ياخساره الوقت الى قضيتيه فى المنتدى

ياناس فى المواضيع الى زي كذا يانفيد صاحب الموضوع او نسكت مع احترامى لصاحبه الرد لاكن ردك سلبي ممكن يضر بالبنت اكثر من انه يفيدها
ممكن بردك هذا تكونى سبب بالتفريق بينهم

تبي تاخذى ذنبهم

قل خيرا او اصمت

تحياتى للجميع

مرحبا اختي
انا مريت بمثل وضعك تماما وعانيت كل اللي عانيتيه
ولا تصدقي احد يقوللك ان وضعك طبيعي ابدا
الوضع الطبيعي للمخطوبين هو قمة اللهفه والحرارة وقضاء اغلب الاوقات في هذه الفتره مع بعض
فكري جيدا
اذا كان هذا وضعكم في الخطوبه (الملكه) فتخيلي شلون راح يكون بعد الزواج
بعد الزواج سيكون وضعك اكثر من الان بكثييير

انا لا احاول ان اشوه لك صورة وضعك الان
ولكن ما احاول قوله انكما غير متفقان
وانتي تعانين بينما هو في حال اخر


ادعو لكي بالتوفيق
مع السلامه

عادي جدا لاتكبرى الموضوع يمكن ما يبغى يعطيك وجه عشان لاتاخذي عليه مره


اتفقوا انتى واياه على يوم محدد يتصل عليك فيه وبكذا ترتاحى