|
اخواني واخواتي الكرام اشكر كل من :
السيف المهند اللي ماقصر في جوابه الشافي خاصه مع نصائحه الثمينه عشق عبادي زوجةاحمد طفل تحدر مدمعه 911بنان أميرات مهره الطبيب احاسيس المحبه اشكر كل من رد على مشكلتيواشارلي بخير وبصراحه ردودكم كانت شافيه والله ينيرني للصواب ويهدي قلب زوجي ويجي عشان نتفاهم بحوار هادى وبالنسبه للاخت اللي سالت عن فترة الملكه نحن من عاداتنا لا تكون هناك فترة ملكه او مكالمات بيننا قبل الزواج |
اشكرك يا
سامسنق soha44 عالية الإحساس narjis بالنسبة لي ان اعود له بدون ان ياتي ونتفاهم هذي اشوفها خطا بحقي وراح يستهين من بعدها واللي يرضى في الاول بيرضخ في الاخير خاصه انه عاقبني من دون سبب واضح وتجاهلني بعد الضرب كحيوانه ويريدني ان اعود بدون حقوق ولاحتى عمره سال عن حالي وحال ابنه اوارسل لي مصروف مابي اتكلم عن تفاصيل بخله وعناده لكن من حق الزوجه ان تكرم نفسها لو ان ياتي ويحاورني بكلمات بسيطه تنتهي المشكله ودائما قلب المراه طيب ويرضى وينسى بسرعه لكن وش اقول اذا فهمت اخته واخوانه ووالدته لكن مافيه فايده ؟ شلوون بيقدرني بعد مجى الطفل ؟ هو كل اللي يدور براسه ان هذا تاديب وكسر لراسي ولراس اهلي والله يهديه ويصلحه هذا جزاء المعروف .وابدا لم احاول ان افكر بنفسي في الموضوع بل اعطيته وفكرت بكل الحسنات ولم اجد لها طريق اذا كان ذنبي هو الوحام والتعب فاين الرحمه وليش التحاقد والعناد. وجزاك الله خير على النصيحه اختي وربي شاهد علي لو احس انه يفيد لكنت رجعت واعتذرت لاني اعتذرت ورجعني ابوي قبل هالمره وشفت جبروته زاد اكثر . بنت نجد العذية الفارسه جوري AIM samsamsoma اشكرك اختي لكن لافائده كما ذكرت مع اختي نرجس والى الان ارسل لهم بان ياتي للتصالح ولم ارى وجهه ويقول هي تجي مع اخوها بس عشان يذلني ويهيننني ولو اعلم انه يريد ان يحاورني بهدوء وراحة بال لذهبت له برجولي لكن للاسف. ميار الحلوة هـمــسـات شكرا للجميع على الردود ودعواتكم لي ولا ابرئ نفسي لكن الله يهديه ويصلحه ويجزى جميع من شاركني مشكلتي بجنات النعيم ويهدا بالهم ويرزقهم من حيث لايحتسبون.آميــــــــــــــــــــــــــــــن. اختكم المظلومه طفوله |
لاحول ولا قوة الا بالله........
حتى انا نفس حالتك يااختي بس اني صبرت....ارجعي له بشرط انكم تروحون لشيخ يقرا عليكم وبدون اي شروط ثانيه اللي زي زوجي وزوج ماينفع معهم اهل لأن كل مادخلت الاهل كل ماعاند اكثر وكل ماذلك اكثر لانه يفكر انك تبين تكسرين راسه وانك تبين تمشينه على كيفك...وانتي ماجاء على بالك شي من هذا....حاولي تتفاهمين معه وترى الاعراض اللي مع زوجك اعراض عين والله اعلم...مثل حالتي انا بروح لشيخ فانصحك بعد تروحين...واتفاهمي معه |
اللهم سخر ازواجنا لنا وسخرنا لهم واجمع بيننا على خير
انك على كل شيء قدير |
بصراحة حزنت لحالك كثير والله يفرج همك
اختي طفولة لي قريبة جدا مثل حالتك زوجها ولد عمها يضربها ويهينها كثير وتروح لاهلها ويرجعها بعذر ثم يعود لتصرفاته الاولى بعد ما راحت اهلها اشتكت لابوها كالعادة تدخل ابوها وقال له بحزم ما عندنا لك زوجة الا بشرط انك ماتهينها او تمد يدك عليها وكان هذا بداية السنين الاولى وابشرك انها الان عندها منه 10من الاولاد ويسافر بها ويشتريلها ومسكنها في بيت فخم وخادمة ما شاء الله وتغير كثييييييييييييييييييييييييييييييييييييييييييير وسبحان مغير الاحوال؟ لكن خليكم حازمين ووروه العين الحمراء . والله يسخر لك من هو اقوى منك . |
اقتباس:
|
اللهم سخر ازواجنا لنا وسخرنا لهم واجمع بيننا على خير
انك على كل شيء قدير soso noso ام ولدها 2 ام الاقمار أكره زوجتي شكرا لمشاركتكم موضوعي مالنا سوى الدعاء يارب. |
ليش الضعف هذا كله
ضرب اهانة تحقير بخل لوم .....الخ ان اعترض على كلام الكثير ممن ردوا بالصبر والتحمل لا ولا والف لا لا ترجعي الا بشروط كوني عزيزة ..فالرجل لا يحب المرأة الذليلة الخاضعة بل يكسر رأسها اجبريه على احترامك ودعيه هو الذي يبدأ بالصلح والا فبيت اهلك اعز لك |
اقتباس:
وبصراه خليه يحسب لي حساب خاصة بعد ماعرفت انه موراضي يجي ومصر على رايه الى الان.وادعي ربي بالقرج. |
اسال الله الكريم رب العرش العظيم ان يجعل لك من كل هم فرج ومن كل ضيق مخرج
|
| الساعة الآن 03:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©