|
مشكورين على ردودكم
كلامكم على عيني و راسي ، بس احس اني كنت الضحية و الحين انا مشتركة فالجريمة احس بعض الكلام كان هجومي و بعض اللي انكتب حطمنيييييييييييي ما كنت اخيل بعد اللي كتبته لكم بكل صدق و امانه انك اتشوفوني انا الغلطانه بعد كل اللي سواه فيني ااااااااااااااه الله يسامحكم و الله دمووعي ما وقفت من قريت هالكلام يلست افكر و افكر و افكر شو اللي خلاكم تحكمون علي اني دلوعه و ينقصني ثقافة جنسية انا دايما ادش منتديات عن الثقافة الجنسية و كم من مره قلت لزوجي و الله قريت في منتدى حركات رومانسية وايد بعطيك الموقع و دشه بس هو ياخذ الموضوع بسخرية و عنده مب محتاي اتثقف جنسيا اخوي طفل تحدر مدمعه انا ما اتصور اني زوجي يحب الجنس و دليل برودته و انه مرات يصدني من اييه او انتم فترة اسبوعين و احيان اتوصل 3 . صحيح انا كنت احبه بس هو قتل فيني هالمشاعر و انقلبت لمشاعر كره يمكن انتوا بالنسبة لكم مشكلتي بسيطه و تافهه و اني انا مستهتره بس حالتي النفسية صعبه سرت لدكتور نفساني و شخصني على اني عندي حالة اكتئاب الموضوع جدي و مؤثر على جوانب كثيره من حياتي |
اختي حنا في هذا المنتدى ما نجامل احد ..
انت كتبتي مشكلتك و طلبتي النصيحه وحنا نصحناك .. ولك مطلق الحريه في تطبيق النصيحه و الاخذ بها او تركها .. كنتي متوقعه ان نرمي اللوم كله على زوجك ونطلعه هو الغلطان وانك انت المظلومه ؟؟ لا اختي انت شريكه مع زوجك في هذه الحياه .. واللوم يقع عليكم انتو الاثنين .. تقبلي النقد اختي بصدر رحب لانه يصب اولا واخيرا في مصلحتك .. وانت براحتك .. |
كلامج صحيح اختي المفروض اني اكون متوقعه لاي رد دام اني وافقت اطرح مشكلتي في المنتدى
لا اتلومني يا اختي ميرات لاني امر بحالة صعبه و انا كله اكتم بصدري ( الشكوى لغير الله مذله) فيمكن انا كانت توقعاتي اني بلاقي حد يواسيني و يخفف عني بس الواقع غير تصفعك بالحقيقة عشان نستخدم عقولنا و بعدين قلوبنا في طرح الامور و الله انا اقدر و اشكر كل من عطاني من وقته و خبرته في تقديم نصيحه لي او حتى دعاء الله يجعله في ميزان حسناتكم ياااااااااااا رب |
اقتباس:
لو كانت مشكلتك تافهة لما رد عليك أحد ولكن لإحساس الإخوة والأخوات لمشكلتك وتعاطغهم معك ردوا عليك بما يرون فيه مصلحة لك وتمنوا جميعا لك الخلاص من هذه المشكلة الجميع ليس بينه وبينك أي موقف كل يكتب ما يراه صالحا لك أعانك الله وأصلح أمرك ملاحظة الكثير منا أحيانا يصاب بإحباط وبعض الكئابة إلجئي إلى الله سيدنا ونمينا محمد صلى الله عليه وسلم مر بمواقف مع زوجاته الكل يواجه بعض المنغصات أتمنا لك التوفيق |
يارب يصخر لك زوجك ويسعدك ان شاء الله
|
اعيد واكرر
كون انك تعيشين مع شخص ما ترتاحين له ويزعجك ويأذيك الطلاق منه افضل ... هذه حياة وعمر .. مو تقضية وقتـ !! كون ان الوضع وصل إلى مرحلة الاكتئاب ... انا اشوف الطلاق افضل لكـ وسبحان الله ... الله ما شرع شي إلا فيه خير |
الله يصلح حالج ويهدي زوجج ويريح بالج اللهم امين
داومي عالاستغفار ترى والله بتنحل مشكلتج والله يسعدج |
اخوي خيركم لاهله مشكور على ردك
و انا دوم اقول حق اهلي الزم علي صحتي جانكم تبون بنتكم تتعقد خلوني اتم وياه الحين انا في بيت هلي و احاول اني اقعد بروحي و افكر بالطلاق في اللي ممكن يصير و شو بيكون تاثيره على ولدي مشكوورة الغالية |
أختي مشكلتك تذكرني بمشكلتي مع اختلاف بسيط..
أنا رأيي تتطلقي منه .. إذا ماعندك أطفال .. تحياتي |
اختي الكريمة
انا والله ما كتبت ردي ورايي الا بعد التفكير .... لان يهمني والله مصلحتك والي فيه الخير لك ... وادري اني مسؤول عن ردي اختي بالنسبة للولد ما اتوقع في مشكلة كبيرة .... غالبا يتربى معك .. وابوه يمره يشوفه الولد اتوقع بيعيش طبيعي ولا اتوقع بيكثر عليه الموضوع كثير ... بالعكس ... ان ييكونون ابوه مطلقين .. احسن من يكونون بمشاكل طول العمر بس الاهم .. هو وضعك انتي ... هل تتوقعين انك اذا طلقتي ممكن تتزوجين مرة ثانية ... لان بصراحة - واكمل رايي تبرئة للذمة - ان افضل للبنت تكون متزوجة .. والزمن ما يرحم .. فافضل للبنت كثير ان تكون متزوجة .. فانتي ادرى بواقعك ... اذا تتوقعين انك اذا تطلقتي منه انك بتتزوجين .... فانصحك بطلب الطلاق وانا اتوقع ان مثلك اذا تطلقتي راح يجونك الخطاب ووو .. كون انك تزوجتي في سن مبكر وووو ياما ناس ضحوا واستممروا في حياتهم الزوجية ... وكانوا خايفين من الطلاق !! بس هل كان قرارهم صحيح !!! كون ان انك تعيشين عمر مع شخص ما تحبيه ولا ترتاحين له ... وتعملين اشياء كثيييرة عشان تعدلين الوضع !!! ليش .. وش الي حادك ... الطلاق موجود وما شرع عبث اختي الله يوفقك للخير .. وعليك بالدعاء .. واستعيني براي واستشارة واعانة احد اقرباءك الثقاة |
| الساعة الآن 01:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©